樂園魚旦專家 (好運中心)

营业中

休息中

外賣執單可唔可以小心啲，已經唔係第一次比錯單，上嗰次要專登行返去換返啱，今次又錯，同外賣平台客服投訴，樂園就話換一份，但係我叫佢哋送上嚟，外賣平台 又話唔得，明明係商家做錯，但係就要懲罰我專登行多次去拎，然後又話商家同意部份退款，我唔同意，溝通咗勁耐又話自取訂單要商家同意先可以全數退，我唔明點解係退部份？咁係咪話如果你比錯咗一粒牛丸你淨係退返嗰粒牛丸錢？跟住我好嬲話我成份冇郁過，你叫佢上嚟搵人收返，最後我唔知係外賣平台補貼定樂園同意退全數。

放工快靚正之選，買外賣都好食先得架。唔係求求其其事旦買啲野食就算，點都要搵啲好食價錢又大眾化嘅。樂園魚太雲吞唔洗講都知好多人都鍾意食，今次想試下個牛腩飯，原來套餐仲包埋個紫菜湯，而個紫菜湯都唔會求求其其，飲落係真材實料嘅味道，好有紫菜香味嘅湯，熱辣辣好好飲，講返個主角牛腩飯，打開聞到好香牛腩味，排到正正齊齊睇得出係用心做，牛腩唔會好瘦，咬落好香濃牛腩味又淋又好味，今次外賣一啲都唔會差過堂食，仲好夠熱，而飯上面仲淋左牛腩汁，成件事係好好味，而且個飯仲要唔小，牛腩都係好多舊，有幾條菜配搭起黎，食完成個飯好飽好滿足。套餐好抵食仲配埋飲品，我地叫左可樂，可樂配牛腩飯係非常好嘅配搭，大家都唔會搶左大家應有嘅味道。

今日去沙田嘅樂園魚蛋粉買外賣，因為聽聞佢哋的魚蛋粉非常出名，口感彈牙，湯底鮮美。餐廳環境舒適，服務態度親切，選擇多樣，除了魚蛋粉，仲有多款小吃可選！牛筋雲吞粗麵份量都幾多，牛筋經過長時間的燉煮，變得軟嫩入味，富有彈性。雲吞包裹著鮮美的肉餡，湯底則香濃可口。粗麵的韌性與湯汁的融合鳳城水餃粗麵鳳城水餃鮮美，與粗麵的口感完美結合。水餃的餡料通常鮮嫩多汁，搭配香葱或醬油，風味更佳。粗麵的口感滑順，能夠很好地吸收湯汁，讓每一口都充滿了滿足感。

牛根牛肚幼麵牛根和牛肚兩種牛肉製品的搭配，提供了豐富的肉類口感。牛根有著濃郁的牛肉風味，而牛肚富嚼勁。幼麵為這道菜品增添了主食的飽足感，與牛肉製品形成了不錯的搭配。麵條口感柔軟，能很好地吸收湯汁的鮮美滋味。水餃魚蛋粗麵水餃皮薄餡多，魚蛋彈牙。粗麵的加入則為整道菜品提供了飽滿的飽足感，與水餃和魚蛋很好地融合在一起。芥蘭芥蘭清脆的口感和微苦的風味，能夠調和其他菜品的濃郁口味，起到很好的搭配作用。熱杏霜及熱檸蜜熱杏霜和熱檸蜜的溫熱香甜，能夠作為餐後的清新解膩。

平時經過呢間餐廳都有一半人左右係堂食始終以粉麵檔嚟講，價錢都親民嘅大概$40左右一碗粉麵加底就另計啦外賣都好快有得拎嘅今次叫咗碗魚蛋麵有四粒大嘅蛋蛋魚蛋同三片魚片睇份量都正常，唔會好少首先梗係食咗粒魚蛋先啦魚蛋唔係圓形，而係不規則而且做好大粒咬落去都彈嘅唔係浸水發到脹晒爽口又未至於 但係就偏彈佢嘅魚片亦都唔會好薄片，厚度適中麵的份量都唔係少㗎正常所以喺正常唔太肚餓的情況下，食碗麵都可以啱啱好夠飽依粒係魚皮餃 屋企人俾我食嘅皮有少少硬 但味道都幾好食

這店位於好運中心顯眼位置, 價格親民。1) 招牌魚蛋河粉 $372) 鮮炸蝦餅 (兩件) $15招牌魚蛋河粉份量不少, 有魚片和魚蛋各3大件, 兩者均爽口彈牙, 而魚蛋的外表更有滑的口感。河粉雖滑但碎, 用匙吃反而更方便。整碗粉視覺上是偏白的, 有點單調有點悶, 雖然附上蔥和冬菜, 但份量不多, 拌一拌已不見了, 如可給予滿滿一匙, 可添色彩。吃著吃著, 河粉索了不少湯, 飽滯感滿滿, 下次還是選其他粉麵, 感覺或更清爽。鮮炸蝦餅小小兩件, 沾上甜酸醬是滋味的。蝦餅蝦味濃, 唯外層炸得較實, 與內層彈牙的質感形成對比。

星期六下午經過好運中心，還在糾結選擇邊間食個下午茶餐，見這𥚃沒有人排隊，所以入去食下午茶。以前無時無刻都有人在排隊，現在週六下午竟然只有幾台客人😱 進店後姐姐安排一個卡位俾我，還面帶笑容問食咩！服務姐姐態度真好，在香港實屬難得😅叫了一碗魚蛋河及一杯凍檸茶，一如既往的魚蛋Q彈可口，配上這店的辣油，更加美味😋 份量足，性價比超高，只係$41，超值👍👍舖頭乾淨衛生，服務態度又好，以後一定會多啲再來。

8月31號夜晚11點我嗌魚蛋米加底結果佢比雲吞麵我47蚊結果嗌咗完全唔係自己想食嘅嘢懷疑打包嗰個冇check清楚放錯野已經唔係第一次發生呢件事經理幫我落嘅單但係又最後又錯單咁冇理由要過客每次都打開個包裝睇吓入面啲嘢啱唔啱掛你綁個結綁到咁實

唔搵都唔知，原來沙田車站附近係好小牛腩粉面食，呢個位置好方便。就係沙田港鐵站出2-3分鐘就可以到，就算落雨都唔怕會淋濕。樂園好似唔係開左好耐，我未食過打算今日就order外賣試下。我諗食呢類店鋪應該一定要試下佢嘅牛腩，我見佢選擇都幾多，咁就試下牛腩米粉，牛腩係好味嘅，個湯濃而不咸，同埋牛嘅部位幾好，唔會好乾好鞋個啲部位，同埋個牛腩食落好濃味，比我感覺幾好，會想再食，米粉本應無乜特別，但我會怕返黎湯涼左，粉又驚佢太淋，好彩又唔會，分左湯返黎個湯仲好夠熱，米粉都唔會原先煮得太耐而攪到淋晒，淋左個湯落去之後剛剛好，而雲吞麵雲吞唔錯幾鮮味，雲吞又唔會煮到淋晒，個餡料都幾豐富，成個粉都好食，總括黎講係好味嘅。

今日去左沙田行下街，其實沙田真係幾好行，買野食飯都好多選擇，今晚經過好運中心，就嗌左兩碗粉外賣回家慢慢食。呢間叫樂園魚旦尊家，叫左碗牛三寶河粉，同牛雜河粉，吾洗等一陣就拎得了，太好，回到家，一開，料勁正，全部真材實料。牛三寶有牛根牛腩牛肚，好正啊，牛根又淋又滑，牛肚又爽口入味，牛腩半肥瘦，一層層的，又淋，好好食啊。牛雜都多料，有牛肺，牛腸，牛肚，牛腸好食，大大舊，又乾淨冇異味，牛肺朋友最愛，入味又爽口好食，份量都多，價錢合理，幾正，配埋可樂，真係好爽啊，好食。

今日在男友家附近食飯，覺得沙田廣場一帶好多嘢食，好有氣氛，因為想食清淡啲，所以入左呢間魚皮餃河粉 $39碗粉份量好多，好飽肚。河粉軟綿綿，魚皮餃都好爽滑彈牙！鮮蝦韮菜餃粗麵 $37餃子好新鮮，韮菜味濃，鮮蝦爽彈，而餃子都好薄身，不錯！凍檸樂 跟餐加$11呢杯凍檸樂係畀罐裝，可以自己倒，覺得咁樣好過預先斟埋入去凍檸賓 跟餐加$11見好耐冇飲，所以嗌左呢杯，出面熱辣辣，應該要飲返杯冰爽酸甜嘅嘢飲！呢餐都幾抵，沙田友日常可以食下！

近期不停喺沙田好運中心附近覓食，發覺呢頭真係好多正嘢食。天氣太熱，想食碗粉麵，就去左呢一間老字號。✨金牌牛三寶✨ $62一向鍾意食牛，近日奧運氣氛熱烈，就試吓金牌牛三寶😍。一上枱，十分大碗及足料。金牌牛三寶包括了牛肚、牛筋同牛腩。牛肚非常入味，色澤亮麗。牛筋大舊有咬口，QQ彈彈，煙煙韌韌。牛腩厚切，炆得軟腍，非常出色。最重要是湯底，湯頭呈深啡色，非常濃郁。搭配粗麵，非常港式，超正。✨凍檸蜜✨$11想飲杯嘢滋潤吓，凍檸蜜貨真價實，用厚切檸檬三大片，檸味十足，今時今日實屬難得，必須一讚👍🏻想睇更多介紹，馬上Follow我啦😁。#big_big_foodie #big_big_foodie食勻沙田 #big_big_foodie食勻香港

剛好係沙田新城市做完野，行過來好運中心搵食，天氣熱吾想食飯，見到樂園，由於係下午茶時間吾算多人，一入就有位座，下午茶跟餐優惠加$5有野飲，叫左杯凍檸樂，之前食過雲吞同牛腩質素吾錯，今次就叫左水餃拼魚片頭河粉，雙拼加$8 ，來到有3粒水餃同3粒片頭， 水餃皮薄餡多，入面多木耳口感吾錯好食，魚片頭正常發揮都幾大粒，河粉係幼身河粉，食落口感幼滑，質素吾錯，而且份量好多，加埋佢哋的辣油，簡簡單單又好味的下午茶。

很久沒有吃港式粉麵了，今次放工經過見到這一間樂園魚蛋粉麵店，此店有很多分店，質素應該不錯，便進去試了，果然出色。食物選擇有很多不同的牛類作選擇。其中一份點了五香牛腩加墨丸河粉雙拼，一上菜一個滿滿又賣相佳的牛腩整齊排列，牛腩口感非常軟熟，不會太韌，牛肉味道更非常突出及濃郁。牛腩汁融入湯底內，令整個麵都充滿牛腩香氣。另外一份點了雙併水餃（韮菜餃和鳳城水餃）撈粗麵。整個水餃很飽滿非常大份，水餃皮很薄透且嫩滑，內裡的餡料很足料且口感軟熟。韮菜餃的味道豐富，更有香口的蝦肉。撈粗麵配有蠔油作醬料，粗麵的鹼水味道很突出，粗麵的軟硬度亦很適中。一碟油菜只需要$13價錢亦很抵食，菜心份量足夠亦不會煮得過韌。很少餐廳有提供凍檸賓，難得這裏有凍檸賓點，便點了一杯，非常滿足。

沙田呢間樂園魚蛋粉相信好多街坊都識，經過唔知食乜就揀佢。首先,我試咗佢哋嘅「四寶丸」,配埋幼滑嘅河粉,真係有夠順口!白魚蛋爽滑Q彈,加埋豬肉丸彈牙，魚片頭爽口，魚皮餃。特製嘅辣椒醬,咸香味足,又唔會太鹹太辣,配上柔綿嘅河粉幾好食。河粉份量超大。之後,我又試咗佢哋嘅「牛三寶」,淋上佢哋秘制嘅腩汁,配埋Q彈嘅幼麵。牛筋、牛腩同牛肚煮到爛熟,入口易咬,啱啱好。幼麵嘅口感夠彈,但就份量細d. 至於飲料方面,我就飲咗佢哋嘅「豆漿」,味道香濃,支裝正常發揮，另外,我飲咗佢哋嘅「凍檸茶」,可以走甜，值得一讚。總括嚟講,呢間魚蛋粉無論係食物定飲品,質素都係幾好!價錢平民，難怪咁多街坊支持。