樂園魚旦專家 (安定邨定祥樓)

最近最常倾嘅话题，就系打风餐喺边度食好？揾吓相簿，发现原来又真系好好多打风餐食法，一于公诸同好。打风天，各大小静英英商场都行烂咁济，一个人仲可以去边？仲要揾吓有乜餐厅有开… 如果乜都冇，又要挨麦记.竟然鱼蛋粉会有开门… 多年家庭式鱼蛋粉，转换成集团式鱼蛋粉，各有风味，座位紧凑咗，款式丰富咗… 除咗一般既有嘅鱼蛋、牛杂… 仲有少有嘅鱼皮饺…牛筋味浓够腍… 鱼皮饺馅料丰富，咸香平衡… 挂住鱼皮饺嘅朋友，可以一试.潮式辣椒油冇得输.同场花边，仲有阿Ben同行，可遇不可求.$60蚊有找，又一餐，香港简单生存之道.…查看更多

「乐园鱼蛋专家」位于屯门安定商场地舖，同朋友见呢间餐厅开咗无耐，一于入去食个午餐，真系一个食粉面同牛腩嘅好地方！🍜🍜 今次我哋叫咗佢哋嘅牛三宝米粉，入面有牛腩、牛筋同牛肚，真系好满足、𩠌菜大件、份量又够！牛腩煮得软嫩、好易咬，肉味浓郁！牛筋唔硬咬落去有弹性又入味！牛肚口感滑溜，搭配米粉一齐食正呀！汤底清清哋、唔会太油腻🥩🥩🍜🍜饮品方面，我哋拣咗冻柠蜜，咁热嘅天气饮落清新又解渴，柠檬嘅酸味同蜜糖嘅甜味完美配搭，食完粉之后饮一杯，真系好舒服！🍋🍋🥤🥤环境方面，餐厅干净整洁，冷气又够，夏天嚟食粉面都唔会怕热！😌😌 店员态度又友善呀！👍🏻👍🏻…查看更多

上两个礼拜第一次去食落咗单15分钟 净系嚟咗一杯嘢饮 追下姐姐点解咁耐先至知原来系漏咗单话因为换左printer纸冇左张单🤣但系点解杯嘢饮会嚟咗？🤔今日比多次机会佢 叫咗牛腩牛筋面冻奶茶 杯奶茶完全冇茶味 饮冰奶一样 同姐姐讲换左另一杯结果都一样 试左一啖就放弃了🥴最搞笑系攞左碗牛杂米过黎😔仲问我唔系叫左牛杂咩🤬隔离枱客落单时叫左奶油多飞边 结果黎到冇飞边客弹钟 阿姐姐竟然话搽左酱飞唔到边㖞🤣 客人即西面话我落单已经讲左😆其实大家真系可唔可以擘大只眼做嘢🤣…查看更多