樂園魚旦專家 (淘大商場1期)

营业中

休息中

香港人梗係支持香港製造既野食喇🥳今日放工後同屋企人係九龍灣行街 順便去呢間 樂園魚蛋專家食個快晚餐☺️☺️我叫左四寶丸河 🤗四丸包左 魚蛋 魚片頭 魚皮餃 墨魚丸 各有2大舊 魚蛋的確係幾彈牙爽口！ ☺️河粉中規中矩 不過河粉份量幾多下😬屋企人則點了 牛腩粗麵 🤭啲牛腩好腍 且夾雜左啲肥肉油 好邪惡😈但好易入口 岩哂我口味！湯低好濃郁 係潮洲粉麵既風味😁😁野飲就叫左 熱檸蜜🍯🐝 加 凍檸賓 🍋🍸食完正餐正好飲番啲野解下渴因為我好口痕想食啲熱氣野 所以揀小食方面 我地叫左 酥炸雲吞 共有2舊 炸得幾酥脆既 ！另外 我地叫左炸蝦餅 都係2舊 同屋企人一人一舊岩岩好☺️ 個蝦餅都算彈牙 加埋泰式甜酸醬 好開胃可口🤗間鋪頭好方便就腳 且落完單好快就有得食！ 岩哂工作繁忙既人呀😁😁

九龍東區又開多咗一間魚蛋河店☺️ 舖頭光猛又衛生，座位唔算迫👍🏻 叫完餐5分鐘唔使啲嘢食就到，啱晒生活忙碌又想食好嘢嘅香港人🫶🏻崩沙腩配幼麵🍜🍜牛腩易咬，好香夠味，湯底好飲😽😽份量亦都唔少雙拼河粉：魚蛋&韭菜餃 🥟🥟🥟魚蛋夠曬彈牙、韭菜餃大隻。湯底係清湯，可以加少少辣油黎加重味道👅炸魚皮 🐟🐟🐟加$18就有一包炸魚皮，獨立包裝夠衛生，而且魚皮都夠脆👍🏻生菜🥬🥗🥗$10既蠔油生菜，抵食

淘大新開咗「樂園魚旦專家」，又有開飯好地方了👍🏻 店鋪有牛類、魚旦、丸類等，配各式粉麵或飯類，總有一款啱你，而且價錢大眾化，絕對係開飯好選擇😋崩沙牛腩拼魚片頭河每日限量推出，崩沙牛腩好厚身，好大件，份量夠多😍 肥瘦適中，夠淋身，充滿牛味，正👍🏻 魚片頭有兩件，好厚😍 好味👍🏻 河粉夠滑，如果湯可以分開就更好👍🏻金牌牛三寶拼京都炸醬粗麵牛三寶有牛肚、牛腩、牛筋，三款都好入味，夠淋，夠滑，好味👍🏻🤤 而且份量足料😍 炸醬好好味呀😍🤤 可以用嚟撈麵😋 正👍🏻 湯係分開上，讚👍🏻一定會再去😋

呢間鋪新開，諗住過嚟試吓，買個外賣返公司食，入去冇乜人排隊，只有一位女士購買中，諗住好快到，一個輪到我，竟然有幾個人打先，由於人哋堂食，人哋先，咩道理，咁嘅服務態度當然唔幫襯啦！

最近係淘大新開，見到門口有唔少人幫襯，就諗住試下。趕時間同想慳錢好適合去，絕對係平靚正，上菜好快，叫完無耐就有，價錢普偏 $35-45左右，款式都算多。崩沙牛腩 $58限量發售，好彩仲有。牛腩湯底。崩沙牛腩好好食，脂肪入口有融化感覺，肉軟腍，食落唔會好肥膩，揀左幼麵，口感彈牙。樂園四寶丸 $48心大心細唔知食咩好，就叫個咩都有d嘅。四寶包括魚皮餃、墨丸、魚蛋同肉丸。清湯底，味道好清淡，感覺好健康。魚蛋墨丸都好彈牙，墨丸真係食到墨魚粒，配粗麵，同樣都係好彈牙。

見樓下開左間新既港式粉麵店 日日都有人排隊當然要試下啦 佢唔單止有傳統港式粉麵 仲有唔同既打邊爐配料散賣 例如有魚蛋餃子牛丸等等$36起食物質素亦唔錯 就算外賣都好食 牛筋河 👍🏻👍🏻👍🏻👍🏻超多牛筋！剩係牛筋既量已經多到嚇死人，食落彈牙而且腩汁味好香！啲河亦好散 唔會痴埋一舊😆準備功夫做得好足。四寶幼麵👍🏻👍🏻👍🏻👍🏻👍🏻話說四寶 但我每樣野都有一粒 仲好！試完好食 下次可以剩買料打邊爐🤣 魚蛋好彈牙又大粒 啲幼麵雖然外賣 但都唔會因爲浸湯太耐而死鹹好開心屋企附近有間好食既粉麵店！要成為常客了😆

淘大新開這間樂園，日日經過都超多人排隊，今晚約咗老公嚟食碗港式麵😚睇吓係咪真係咁好食😋崩沙牛腩拼黃金片頭河老公選了雙拼河，吃起來更滿足！牛腩超軟稔，牛味又重又香，只有少量肥膏，更健康！黃金片頭即日炸起，夠彈牙😌河粉夠滑身，配上店家特製的辣椒醬，一流。京都炸醬麵京都炸醬的醬汁酸酸甜甜，肉碎份量多，面是蛋黃面，沒有鹼水味，將炸醬和面撈起來吃，很開胃🤗鮮炸蝦餅叫碗麵加$12就有鮮炸蝦餅，果然新鮮炸起！外皮脆卜卜，蝦🦐餅夠彈牙，最正當然係甜酸醬，和蝦餅簡直係絕配。菜心加$10就有一碟菜心，價錢適中👍🏼見到有外賣生魚皮餃、生餃子、酥脆門鱔皮，打邊爐一流！下次打邊爐都會來這裏加送，相信這些小店的食材更新鮮

樂園魚蛋終於開到黎淘大啦☺️ 店舖光猛！ 仲好多人黎排隊🤣🤣先叫一碗招牌粉面：樂園四寶丸河 🎣🍜🍜有魚蛋、魚餃、魚片頭、肉丸！首先個湯夠清，可以專注咁試到啲四寶丸！都好彈牙好好食！😋 高質素 🤤🤤🤤🤤崩沙牛腩面 🐄🐄牛腩既份量都幾多，而且好易入口（平時唔鐘意食牛腩既我都忍唔住試左啲😆😆）🌱🌱加$10有碟菜：腐乳醬通菜👍🏻👍🏻 依家啲菜咁貴，真係堂食仲抵過出去買餸🤣🤣🤣🤣

九龍灣淘大呢邊不嬲都好少魚蛋粉店舖，呢間魚蛋粉店終於進駐淘大！夜晚7:30嚟到都差唔多座無虛席！✨墨魚、金牌牛三寶（幼麵）加紫菜墨魚丸好大，好彈牙而且唔多粉漿！入邊仲食到墨魚粒！金牌牛三寶包括有牛筋牛腩同埋牛肚，一次過滿足我貪心嘅願望！牛肚都幾容易咬開唔會好似橡筋咁！！✨牛腩、牛雜（粗麵）加紫菜本來想食崩沙牛腩點知賣晒，所以就點咗普通牛腩，不過牛腩嘅肉質都出乎意料地軟林林！牛雜份量超級多，感覺食極都仲有！最鍾意就係牛腸俾咗四大舊！牛腸處理得好好，一啲異味都冇而且唔肥！粗麵一啲鹼水味都冇，好正😄加紫菜當係菜食感覺更加健康！粗麵都幾索腩汁，值得一讚就係湯底唔鹹，就算返到屋企都冇口渴✨豆漿豆漿一啲都唔甜，感覺非常健康！✨凍檸茶茶餐廳水準而且大大杯啲職員都幾好服務，臨走嘅時候仲提啲客人記住拎遮走🙈🙈

買個外賣麵加個菜，手腳好慢之餘仲要聽唔到我加個菜。加完之後數錢確認返條數，個員工睇都唔睇就搶住講已經找左。最後麵同菜分開左兩個袋，想佢地放返同一個就黑晒面話我頭先沒講。以後都唔會再幫襯👎🏼