影片
营业时间
今日营业
07:00 - 01:00
星期一至日
07:00 - 01:00
以上资料只供参考，请与餐厅确认详情
街坊店午饭时间好好生意坐满晒～枱櫈都好多油～个碗边都好油～可能系牛肉汤D油～间舖都比较污糟～坐得比较迫～但系食物味道OK嘅～粉面档都系一落单快上快食～赶时间首选秘制牛腩米线～个碗睇落好大其实系多汤～米线份量都唔算多～大食可能要加𩠌加粉先饱～汤底有好重嘅肉味～要咗多葱～唔记得叫多腩汁～有芫荽粒、葱花粒、蒜蓉粒～秘制牛腩好淋好入味～感觉唔系好多味精～食完唔会口渴～牛腩有肥有瘦～有6嚿左右～唔会话好干好难咬
继续阅读
系附近做完正经事，未食晚饭，但已经成九点，唔想食太饱所以食碗面分别叫咗牛杂面，牛肚牛肠米，京都炸酱捞面，基本上样样都好味牛杂够能够入味，牛肠啲肥膏好甘香，个汤液都够浓味，价钱合理简单嘅晚餐或者宵夜都可以推介
继续阅读
大大碗，墨鱼丸弹牙，大推牛坑腩！员工有礼！ 份量好足， 而且价钱比出面粉面平！ 刚新装修无耐， 环境卫生不错！✔️鱼蛋牛肚紫菜河 （紫菜爽口， 牛肚入味）✔️牛杂米 （够晒味道，有心制作）✔️牛筋墨鱼丸米 （牛筋唔会好硬）辣椒油系灵魂～😋～ 食得辣嘅人会觉够辣～如果唔食得辣加少少已好足够！问过员工，辣椒油系自家制嘅！地方方面，去完行阵黄埔，经「大船」aeon 行去都好方便！ 一定会再去食，有时会念念不忘，心思思想再食！
继续阅读
夜麻麻喺红磡做完嘢，大部份餐厅都闩咗门，见到仲有间粉面档未闩门，入去试一试，环境几干净，夜晚10:30pm去，客人唔系好多，坐得几松动。四个人叫咗唔同嘢食：1. 牛三宝面牛筋牛腩都好好味，啲面都好爽口，系个汤底稍为咸咗啲，食完有啲确喉。2. 鱼蛋鱼片河鱼蛋同鱼片嘅份量都好多，食落好爽口，值得推荐。3. 牛杂饭食饭有紫菜汤送，牛杂味道都好好，份量都唔错。4. 秘制牛腩饭同牛杂饭一样有汤送，牛腩煮得好腍好入味，非常好食。
继续阅读
平时经过呢区又谂唔到食乜就会帮趁佢，因为平、快、正！平时都系买外卖返屋企食，今日见路过而且得20分钟食lunch，一于试下堂食。由于时间唔多，所以净系叫左个牛腩河（$35）。餐厅干净企理、环境不过不失👍食物卖相正常，汤底加左好多腩汁，令味道更丰富，虽然食完都系会口干，但呢个价钱有咁既质素已经合格。牛腩炆既时间岩岩好，完全唔韧，而且又吸汤。河粉唔会煮到烂，合格👍总结黎讲呢间铺头既牛腩河性价比几高，下次会想试埋云吞面👍
继续阅读