樂園牛什

营业中

休息中

呢間麵店位於街市中， 通常買完餸就嚟食碗麵， 好少食牛雜河粉，今次響度試下。Order同上枱快， 麵嘅份量正常， 牛雜方面有牛肺、腸同牛肚， 每樣都好入味， 河粉有驚喜，係幼身河粉唔會碎濕濕， 相當爽口， 仲要下午茶免費送杯熱飲， 埋單36蚊，美味又抵食， 經過可以試吓，推薦。

今日放假好想食牛腩但又唔想去得遠醒起廣源街市有一間係食牛腩麵嘅就諗住去試下下午茶時段$34單餸粉麵包熱飲同馬鞍山街市嗰間差唔好價錢但味道就差天共地我叫咗牛腩河配熱奶茶多奶牛腩嘅質地就唔錯嘅 瘦肉同脂肪平均分布唔會話太瘦可惜可能因為係下午茶數量上少得可憐唔足以送粉麵 湯底方面淡而無味 辣椒油味道正常本身都預咗呢啲餐廳嘅奶茶未必好飲所以諗住叫茶走點知佢冇茶走提供我唯有叫多奶點知其實冇多奶🥲變咗杯奶茶係極度難飲仲要份量得8成⋯不過唔緊要啦反正咁難飲我都冇飲晒😂最後臨食完嘅時候有位阿叔叫咗外賣企咗喺收銀隔離嘅地方其實當時餐廳並唔多人但阿叔就被喝：等外賣企出面啦阿叔就不滿話返佢：就算係都可以態度好啲呀我十分同意呀叔嘅講法 今時今日咁嘅態度真係唔OK結論就係呢度啲嘢難食態度又差價錢唔係特別平地方又唔係好坐所有缺點集於一身永遠唔會再嚟

價錢合理，但牛腩一點味道比之前淡左小小，主要收錢阿姐姐態度差到不得了，打工打到咁不如唔好做啦，話之理係partime定長工，唔會再有下次，多謝唔該基本禮貌都唔想講，只係識得做有用？客人回不回頭取決多項因素，個人覺得態度非常重要！比上年或以前真心差左好多，之前我都會叫朋友一齊食樂園，現在真係.........老闆唔係度好似唔休做咁，態度真係會影響到人心情會不會再回頭再食，差到咁我真係寧願街市搵第二間餐廳食好過。

以前老細唔喺度嘅時候，牛腩分量都算正常，經常幫襯，自從老細回歸企煮麵位，牛腩份量變得好小，唔抵食，店員態度又差，我寧願係出面食完先返屋企，都唔會幫襯佢。希望附近會開多間麵檔，多一個選擇。

同樣是因為疫情的關係，環保團體的回收鋁罐及膠樽活動不能經常舉辦，居所附近的環保活動更加久久沒有開動，於是要迢迢千里，乘搭小巴來到這個廣林苑找找這個環保團體的活動。由於本人早到，於是就看看附近的廣源商場有什麼好吃，街市的有些都是領展旗下那些連鎖店舖，又或是沒有堂食的舖頭。隨隨便便坐低叫了一個牛腩米線，米線的份量也不太少，亦都不算煮得非常之軟林。無論份量其實以這個價錢來說份量亦都非常多，有9件甚至12件，但牛腩就是比較碎，但亦都不會太過軟林，肥瘦均勻的質地。

每次經過街市都有一陣好香嘅牛什粉麵味！今晚買完生果，又唔想煮晚飯，放是係度開餐😆😆我地叫一個叫左碗魚蛋河，一個叫左碗牛腩麵等左無耐就有得食，食物都上得幾快魚蛋河湯底清清地，簡簡單單嘅味道配上爽口彈牙嘅魚蛋同魚片真係好夾👍🏻魚蛋個味清啲，但魚肉味重啲；魚片就香口啲，可能因為炸過嘅關係，口味較魚蛋重。河粉火候剛好，夾起時唔會爛晒，有口感牛腩麵嘅牛腩都好香、好𣺉，牛腩汁嘅香料味唔會太過火，比例剛剛好，牛腩有肉味又有腩汁味。麵彈牙、有𡁻頭

食過呢間牛腩麵，真係非同凡響，原來好店很多有待發掘。食呢D平民野，我對裝修無咩要求，求奇坐得舒適就算，反正食完都快走人。牛腩炆得夠腍，無渣之中，牛肉味好濃，夾雜著五香粉和柱侯醬的味道，入晒了牛腩內，腩帶少膏，有油香，吃時豐膄，有肉汁，肉味又濃，不用點甚麼浙醋，單吃就食到好吃牛腩的天然味道。配上彈牙爽口的鹼水麵，柔韌好吃，有鴨蛋香，煮麵的時間沒過火，令麵爽口又彈牙，湯底清甜之中食到豬骨鮮味，又滲出牛腩汁的餘韻，麵條又掛湯，加上蔥香，這碗牛腩麵實在好香，短短二十分鐘的享受，超讚。其實錦上添花來杯凍檸茶，一頓下午餐，又令人如此享受，牛腩麵萬歲!

今日去到廣源商場找午餐，看到有間沙田樂園魚蛋大王，裝潢都幾乾淨就入去吃午餐，見到這裡魚蛋好似唔錯就叫了一碗再加一個小食。好快食物就來到，魚蛋雲吞麵，麵質口感不錯，我喜歡不太淋身，而又沒有股梘水味，麵的份量仲要不少，湯底都幾清甜不錯，配上辣椒油仲好食，魚蛋口感好彈牙，又夠大粒，魚味都夠好味喎，而另一款雲吞都好大隻足料，吾好入面好多肥膏，味都濃和皮又薄身。匙上面仲有蔥令到湯更香口，之後來的酥炸魚皮，份量好多，而且炸得不錯，又脆口唔油身，魚味十足好惹味，點湯一流。這裡仲有其他不同的麵食，可以下次經過再來試其他先。

沙田都有不少好餐廳，而其中一間是樂園，乾淨之餘又好味，今日朋友在附近就介紹他過去試一試，朋友來到話已經嗅到好香牛什香，佢最後就叫了一碗牛什河，而我不太餓就要了油菜，再加飲品。好快待應食物就來到，牛什河上面多蔥岩晒佢，這個湯夠濃吾咸，牛什夠入味，又軟熟，每款牛什都有又不少，牛腩十分出色，味道好濃郁，真的好味喎，配上辣椒油味道更惹味特出，而下面的河粉夠滑有米香，而且十分大碗好足料，朋友都讚好。白灼菜夠新鮮幾鮮甜，都不錯。飲品方面我地要了凍奶茶和凍檸檬茶，茶味都夠，茶底不錯，檸檬又夠酸。