影片
食家推介
🍢🥢 嚟到呢间店，真系一个字「正」！肚饿时过黎试吓，决定咗落单啦！凤爪食落啱哂嘴，皮爽弹牙，佐料都够晒林，食落微微辣辣非常开胃。再讲下佢隔离嘅排骨，真系无得输，肉嘅质感好嫩滑，啖啖肉嚟架！跟住大包先，系我心水拣既，个包蒸得软绵绵，咬落去肉汁四溢，爽！🍚 叉烧包就另有一番风味，个皮软绵包裹住咁浓嘅叉烧汁同肉，系咁一口接一口。叉烧够味，好正！鸡扎都系必试系列，鸡肉嫩得滑，搭住火腿，足料足哂味！干炒牛河就真系绝，河粉够晒滑，牛肉嘅鲜香混埋镬气嘅酱香，真系滋味无穷！食完咁多，肚仔都圆满咗。嚟呢度，不得唔提𠮶份家常感，每样点心都细心做好，每一啖都系满足！总括嚟讲，呢度嘅点心食落有种诚实嘅美味，值得嚟试下！下次仲要再嚟，试埋其他款！👍
继续阅读
今日一个人出嚟尖沙咀做facial，做完之后一个人食lunch，一个人最好就系去食food court我自己最钟意食啲有菜嘅套餐，所以行咗一个圈就决定食呢间，腊味蒸鸡、椰菜一碟、冬瓜汤蜡味蒸鸡胆固醇好高所以少食多滋味，通常我只会系冬天先食一两餐，蒸鸡份量好多，鸡肉几滑，饭嘅份量如果可以再多啲就好啦，冬瓜汤冇加味精，饮落好清甜椰菜大大碟，其实我觉得香港好多餐厅嘅午餐都净系有肉同饭冇咩菜，呢个配搭唔系好健康，之前喺日本旅行大部份餐厅佢哋嘅套餐都一定会配一个沙律或者菜，咁样先至健康，饮食均衡香港人,生活节奏急促，样嘢都好急，我最钟意系食饭嘅时候放慢脚步慢慢叹，所以一个人嘅时候最怕去餐厅，大部份人见到你一个人都希望你快啲走，每次我一个人嘅时候通常都会去快餐店或者food court,今次呢间真系健康又抵食
继续阅读
曾几何时有来过这快餐点心专门店帮衬, 印象是不错的, 以尖咀区来说,在四月中的一个晚上, 再同太座到此吃少少, 只系叫咗四様点心如下:蜜汁义烧饱(两件) $17 两个饱之中一个爆晒馅, 饱皮明显稍干咗dd,但尚可接受,义烧馅不多不过献汁有点过杰,鱼肚滑鸡扎 $22滑鸡扎是够滑了, 但条蟹柳个色好鲜红太人工, 味道就靠粗碌火腿,高汤鲜竹卷 $20 鲜竹卷只系鲜竹厚卷啰, 一大叠鲜竹一起咬下去的口感鹌鹑蛋烧卖 $22 鹌鹑蛋蛋白超硬因为受蒸太耐, 差一点变了铁蛋, 烧卖则只是肉丸一粒!上一次来也是差不多是九点多钟, 但点心质素并没有这般差,下次同样时间不考虑这点心专门店了
继续阅读
黎过几次新港大代都无缘试试，今晚路过找紧机会。咁多间，就由乐也楼开始啦！远望都大慨知道卖啲咩既，点心、蒸饭。行埋黎睇真啲，仲有炒粉面饭、蒸𩠌饭餐添。夏天都未到已经出定冬瓜粒汤饭喇？果然要快人一步，早著先机！$38 蚊好经济噃。用木牌展示点心名都几古式古乡几吸引，比用胶牌更好，但系深啡色底配黑字睇得好辛苦。估唔到依间舖都几大几深㖞，除左眼见楼面宽倘，另外右手边入去仲有厨房添。调查完一大轮，到最阶段要决定食咩喇。一向去酒楼饮茶都无留意点心卖几钱，因为只系 mark 大中小点、超点特点，好少专登拣 menu 对价钱。不过依明码实价、一目了然，原来一笼点心系咁贵架！惊讶！炒粉面饭、点心蒸饭定价都好合理，都未算贵得离谱，只系蒸饭 $33，咩质数开依个价呢？由细到大都非常迷恋大埔 No.1 排骨饭，都唔洗廿蚊，睇黎可以验一验咩料先！是日独独晚餐一盅两件送例汤多谢 $79 蚊，系咪正常尖沙咀价呢？无纸巾、无水、无茶、无辣椒油、自助餐具、自助调味料，自己招呼自己。个拓盘干唔干净架？我唔敢放筷子匙羹落盘度啰，都系自己揸住算喇。但最终匙羹放落汤度，但太顺手将筷子掉反系盘，无奈啰。观察一下，硬胶外卖碗蒸饭？胶碗仔例汤？胶硬鸡扎？胶感烧卖三粒？好惊，怪怪的。例汤免费粉葛花生汤，单点要 $18 蚊架，应该唔会系白胶细碗挂。味道又几好㖞又够热，粉葛同花生味都好出，但点解咁甜既？蜜枣？猪肉烧卖，明明 menu 上面有冬菇烧卖、鲜虾烧卖，但咁啱无晒。我当然系成粒烧卖啪入口啦！温度都够热，肉味香浓而且咬落结实微弹，一笼有三大粒，满意㖞。试埋跟辣椒酱食先，个酱好咸！都系食原味啦。鱼肚滑鸡扎，系咪坚滑先？鸡扎蒸到干争争，腐皮硬晒、鸡柳硬晒、火腿硬晒！鱼肚属爽口型，唔系棉滑型，质地免强合格。最讨厌大陆假蟹柳，硬实又甜笠笠，颜色核突，胶感十足。整体味道唔难食，入得口既。凤爪排骨饭，无净排骨饭，无所谓。哗！好硬胶㖞！胶碗蒸饭？大开眼界啦，由幼稚园已经开始食排骨饭既的我，胶碗都系第一次，您系劲既！大代硬胶外卖碗排骨饭感觉劲 cheap，仲要 $33 蚊添！饭粒劲湿劲腍又烂，浆住个咀，但我真系肚饿格硬食左四五啖，最后都要放弃唔食。排骨偏肥，味道满意既。凤爪超咸，shit！唔想浪费唯有硬食。甜豉油其实调得唔错架，清香不太甜，不呛不浊。点心全部食晒，例汤偏甜饮剩半碗，凤爪超咸、排骨偏肥都食晒，饭又湿又烂顶唔顺留低大半碗，最后居然系食唔饱啰！算、返大埔饮酒。
继续阅读
星期日准备去high-tea前由于时间尚早又有点饿，就到附近揾点吃的打打底～喺尖沙咀要揾少少野食，又有得坐嘅的确不易，突然记起新港中心下的food court~正好适合～入到去见到食物种类繁多，但最为特别的买是见到一笼笼点心放于舖前供食客选取的「乐也楼」～食物款式比想像的多，除了有一般的点心、炸物外，还有一些中式粉面饭类。但当我们想要点炸奶黄包及鱼肚滑鸡扎，当天也没有提供呢. . .鹌鹑蛋烧卖 （$20） ［评分：7/10]一客3粒，卖相不错～猪肉馅上放了一粒鹌鹑蛋，再以烧卖皮包好，大大粒的，十分可爱～薄薄的一层烧卖皮，吹弹即破似的，入口滑腻，而底下的猪肉馅入口嫩滑并带点肉香，配上鹌鹑蛋的蛋黄香，感觉不错糯米饭 ［评分：6/10］虽然不是生炒的，但一向爱吃糯米食，既喜欢腊肠腊肉又喜欢糯米饭的烟韧口感～小小的一碗糯米饭，上面放有花生粒、蛋丝及莞茜，份量颇多。可惜糯米饭的口感没有想像中的烟韧，可能是因为放在蒸笼保温的关系吧，而腊肠粒比想像的多，但缺少了油香，不过好处就是糯米饭不算太油腻吧～乐也楼 (尖沙咀)尖沙咀广东道30号新港中心地库～～～～～～～～～～～～～～～～味道：6.5/10环境：5.5/10服务：5/10卫生 : 5/10抵食 : 6/10
继续阅读