榴槤樂園 (建業街) (已結業)

今日經過「榴槤樂園」，去睇吓有乜甜品岩食，見到好多白雪雪的「白雪榴槤」及白雪雪的「麻麻榴槤」，詢問職員有什麼分別因為外表都係一模一樣白雪榴槤一層薄薄的糯米糍皮，包裹著忌廉及榴槤肉。麻麻榴槤一層薄薄的糯米糍皮，包裹著芝麻忌廉及榴槤肉。今次就試下「麻麻榴槤」啦原價$35 今日特價$30職員用小紙袋裝好「麻麻榴槤」及「膠手套」，原來此甜品要用手食既用紙袋裝，唔好東歪西倒，返到屋企仲係非常完整職員冇講大話，塊皮真係好薄好薄，將「麻麻榴槤」捧上手，真係要好溫柔，大力少少都會摧毁咗佢成個「麻麻榴槤」由內到外都好滑，有芝麻香，有榴槤甜，底部有少片蛋糕做底，來鞏固着上邊嘅內涵，如果冇咗個底部就唔會咁圓潤

每次去泰國旅行都會飲榴槤沙冰，宜家因為疫情一路困住喺香港，於是唯有喺香港發掘一下有冇好味嘅榴槤沙冰。原來喺香港要飲榴槤沙冰都唔係咁容易，因為好多飲品店都冇榴槤呢一個口味揀😅直到我發現呢間榴槤樂園，佢個榴槤雪泡好香濃，簡直拍得住泰國level添呀！但我會走咗入面啲珍珠，因為我覺得啲珍珠同個沙冰無論口感定味道都唔係好夾🙈原來尖沙咀都有分店，出開去特登行去想嘆番杯榴槤雪泡嘅時候，我先發覺佢哋個Menu係唔一樣㗎。

米芝蓮都推介的榴槤樂園，在元朗有分店，今日經過就去試了！✨😋.Drink menu入面基本上絕大部份都係榴槤飲品，重點推介榴槤芝芝厚奶❣️，一飲落去啖啖榴槤肉咁濟，味道香濃，十分足料。啜一啖榴槤芝士奶蓋，再飲一啖榴槤鮮奶，真係無得頂呀！除左飲品之外佢仲有好多榴槤甜品選擇，鍾意食榴槤的朋友一定不能錯過❣️.而且鋪面好黃，有許願板，良心飲品店認証🎗💛小店還有很多榴槤甜品，希望下次有機會再試其他！😋

絕對係一個榴槤控所以呢到感覺真係我既樂園！今次試左雪糕同野飲雪糕超濃榴槤味反而杯野飲比我想像中淡少少可能因為我食左雪糕先🤣不過兩樣我都覺得值得推介下次想試晒menu其他既所有野

〖 元朗篇 -- 榴槤樂園 --〗⁣⁣⁣⁣⁣💛 少有嘅榴槤飲品店 💛⁣⁣⁣⁣🥤 頂級貓山王奶茶 -- $31 (原價: $39)⁣⁣⁣⁣榴槤樂園嘅尖沙咀店一向係好出名嘅主題式大型榴槤專門店，可以話係榴槤愛好者嘅天堂，位於元朗呢間分店亦有多款榴槤飲品和甜品選擇，亦有貓山王榴槤肉🤤⁣⁣今次尼試呢個榴槤珍奶，飲之前聽個名真係覺得好怪，但係一飲你就會發覺榴槤同奶茶係可以好夾🤤🤤仲有少少榴槤肉喺入面，真係超幸福🥰 但係有一大敗筆就係佢嘅珍珠，佢啲珍珠真係好硬，唔係硬到咬唔開嘅，但係就係一粒粒又硬又無味嘅嘢喺度阻住你飲奶茶嘅感覺，真係大扣分！⁣⁣下次試下啲無珍珠嘅飲品，應該會唔錯！⁣⁣💰 人均消費: $20-$50⁣⁣🈹 9月做緊8折‼️‼️⁣ ⁣~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ • ~ •⁣⁣⁣⁣⁣⁣⁣⁣📈 評分⁣⁣⁣⁣⁣⁣💗 幸福感: 6/10⁣⁣🤑 抵食程度: 7/10⁣⁣⁣👩🏻‍💼 員工服務: 8/10⁣⁣⁣🪑 餐廳環境: 8/10⁣⁣⁣⏳ 等候時間: 唔使排隊，幾分鐘就整好⁣⁣✏️ 整體評分: 7/10⁣⁣⁣⁣⁣~ • ~ •

1️⃣ 頂級貓山王奶茶 $39 (7/10)啱啱聽到哩個組合有啲嚇親，點知又幾好飲🤤第一啖飲落無乜榴槤味，但越飲越香🥰珍珠煮得啱啱好，好煙韌👍🏻可惜無乜茶味，似榴槤奶多啲🥺同埋expect榴槤味會再濃啲🤔凍飲都幾消暑，雖然未必會特登再去，但經過都會想買返杯嚟飲🥳📌飲品記住買完即飲，夏天太熱擺到暖左無咁好飲😋

猫山王奶蓋不過不失最近做優惠，有8折，31蚊飲到榴槤特飲都算係咁，其實嚴格講係奶蓋混合左榴槤，而茶底冇榴槤係度，味道都有好濃的榴槤味，係幾好飲，如果有榴槤蓉係入面就更好。

飄來榴槤之香~~ 榴槤呢隻味道，真係有人喜歡有人嘔吐，我家2隻貓貓一樣，一隻貓會吃，一隻貓聞到都彈開。榴槤的滋味，真係愈食愈上癮，有人話最正係最基本咁食，不過作為吃貨，生果咁食又開心，做成其他飲品甜品又開心😁今次飲左個榴槤抹茶微甜，打好左個滑滑的抹茶底，上面再倒入榴槤奶泡，飲落去抹茶嘅味道同榴槤十分融合，而另一個飲法，直接飲，咁首先飲到的係榴槤泡的味道，更加濃郁。飲完唔夠喉又食多個雪糕先，雖然雪糕好細杯，但雪糕筒內都是滿滿的雪糕，可以吃到底都是雪糕，而且雪糕的榴槤味很清甜自然，不是香味的味道，欣賞欣賞😊榴槤雪糕($15)榴槤抹茶($28)

有無榴槤fans？哈哈，我朋友中就唔多啦，所以好多時都係自己一個人去買黎食，是日去左榴槤樂園買野飲，佢都係元朗開業好一陣了，感覺無乜人留意？次次行過都無人，希望佢生意涯到落去啦。店內有榴槤肉賣，榴槤甜品，飲品同小食之類。個個月都有唔同野特價，五月有呢幾款推介。先試下呢杯啖啖貓山王奶蓋，28蚊就有榴槤製品其實幾平，茶底幾清香，上層嘅榴槤奶蓋好有榴槤味之餘仲幾甜，個人覺得杯茶可以走甜，只靠榴槤的甜度就夠了。隔左一陣個奶蓋就開始沉，同茶拌混飲又係另一種味，茶味淡左多左榴槤味，又香又滑，分開飲同撈混飲一樣好飲！

經過呢間舖頭幾次，都想入去試吓佢哋嘅榴槤特飲(>^ω^<)今日趁天氣熱，又唔係好飽嘅時候，專登走去買咗杯嘢飲٩(˃̶͈̀௰˂̶͈́)و眼見佢哋個連儂牆，都應該有好多支持者( ´▽` )ﾉ佢哋個Menu都有好多種選擇，好彩佢哋個店員，都好有耐性咁慢慢解釋比我聽。不過當我聽到有啲係咖啡加榴連，即刻冇心機試。結果我揀咗榴連雪泡，感覺好似正正常常係榴槤沙冰加牛奶！跟住個店員同我講，話而家可以加$15，換一個榴槤撻，有凍有熱。結果我揀咗熱嘅！老實講，或者可能係因為我食咗個榴槤撻先，所以覺得個榴連雪泡好淡，冇咩味。下次可以再試吓個榴槤撻！

榮獲米芝蓮推薦嘅榴槤樂園，喺元朗開分店啦！   榴槤真係好正😍以前常飛馬拉，經常可以喺街邊食榴槤放題，真係滿滿的幸福❤️​ 其中，我最愛就係貓山王同紅蝦，前者微帶酒味，濃郁芬芳，後者偏甜，肉質較爽口。​ ​ 不過家陣有排都無得飛，只好乖乖留喺香港，睇下有無地方買到馬拉榴槤。​ 前陣子，原來連鎖店榴槤樂園喺元朗開分店！呢間店喺2019年開，即獲得米芝蓮2019街頭小食​，超勁！作為榴槤控表示好興奮！ 😍​ 由馬來西亞直送嘅Ａ級貓山王榴槤！除咗可以喺度買到馬拉直送嘅三種榴槤，如D24、XO同貓山王，仲可以食到一系列由貓山王製成嘅特飲及小食！真係太正啦！​ 香港好少飲到榴槤奶蓋～正！  今次我就買咗榴槤芝芝抹茶及榴槤芝心撻，一飲落口，抹茶清香同榴槤嘅濃郁香氣就直逼鼻蕾，忍唔住「唔」咗聲，對於愛吃榴槤嘅人嚟講，簡單就有種上天堂嘅感覺（非誇張）！特別係個榴槤奶蓋，入口香滑，中間又有少少貓山王果肉，嗰種質感簡直perfact！​ 味道唔錯，但凍食食唔到流心，有點可惜。   至於榴槤芝心撻，可以揀凍食或常溫，我揀咗凍食，有啲啲後悔，因為凍食無流心效果😓凍食食上口比較似榴槤芝士蛋糕嘅感覺，味道都幾濃

自問係一個榴槤怪經過仲要係黃店點可以唔試呢？佢有好多榴槤嘅台式飲品真係唔知試邊個好咁就試下貓山王先啦！佢有貓山王珍珠奶茶同埋貓山王奶蓋 店員話奶茶會濃味啲咁就試下啦 一飲落去係有陣榴槤味嘅但就唔算好濃一路飲會飲到啲珍珠同埋榴槤果肉飲完之後個口會有陣淡淡嘅榴槤味其實應該試奶蓋因為奶茶沖淡咗陣榴槤味而且佢個奶蓋做緊特價佢又冇提下我🙄另外加$15（原價$25）買左個榴槤芝士撻可以凍食可以熱食雪左嘅效果就似食緊芝士蛋糕熱食嘅效果呢就似啖啖榴槤榕更加濃味！咁睇下你鍾意食邊一個感覺啦但呢個真係好食🤤🤤** 佢個許願板就係連儂牆，亦貼有文宣同埋夠薑嘅卡免費攞

想吃榴槤， 記起元朗有榴槤樂園未試過， 一開始是想用app 買券買榴槤飲品， 最後決定直接去到鋪頭揀。位置在轉角位有時行過附近都醒唔起。其實正價價錢如果對比其他飲品店有點偏貴。 但是是榴槤丫。 元朗不多好吃的榴連甜品（x 記現在的榴連班戟已沒有以前那麼好吃）最後哎左今個月特價的貓山王榴槤奶蓋茶，$28另加$15 再有榴槤芝心撻。 很喜歡喝奶蓋的質感和味道， 哎茶底冇咁漏。 冇拎到飲筒直接飲。不過可能一路行一路飲很快就同個茶撈雲左。個榴槤芝心撻番到家放番入雪櫃雪凍番再食的。 好中意， 味好濃， 個撻底都仲好好味既曲奇底。 會再去食！ 下次會再試試其他。 同埋會拎飲筒唔會很快撈雲個奶蓋。

榴連，有人好愛佢，亦有人好憎佢，我係前者呢間榴連樂園，我知道係因為睇左篇娛樂新聞，話係邊個女藝人開的，有間店在元朗，等見近近地，又咁啱在附近食完晏，咪去試下佢啲榴連飲品我叫左杯榴連奶蓋，原價就$39，但店員話係咩今個月推介，所以賣$28店員話杯蓋上面有個窿，就咁飲，唔需要飲管飲第一啖已經嚐到濃濃榴連香，估唔到榴連同茶係夾的愈飲愈正，成個口腔都散佈住榴連嘅香味，儘管有啲人覺得係臭味佢仲有其他唔同款嘅飲品同食品，但我淨係試左一樣，有機會下次再試

依間店次次經過我都要快步走，因為陣味都幾勁下但係老公鐘意食榴槤，都頂硬上入去買大部分都係榴槤飲品多，反而榴槤甜品好少見到依個方便拎番屋企食既雪米糍～就係佢啦個外表好吸引，白雪雪又夠圓但要$35~其實都算貴，好彩size 都ok我係唔食既～所以交比老公點評皮好薄，但cream 亦都好多，中間榴槤肉d 味已經滲左落cream 度所以連cream 都好似有榴槤味甘榴槤味好香又夠滑，而且再食入d, 個底會有海綿蛋糕整體層次豐富，老公話$35 佢會再encore