榮興粥麵家

呢間車仔麵都算係大件抵食，底下的油麵份量非常之多，一個普通三餸車仔麵，油麵份量多到兩個人食都得，除此之外，它的配料可以揀牛肺，雖然沒有牛雜，但可以揀牛肺就相當難得，夠爽，大件，惹味！不過醬汁，好似沒有辣汁㨂，因為它的辣汁是咖喱汁，不過也盡管一試，的確咖喱味道比較濃，不是一般麵店的沙嗲汁🤭試試辣椒油，味道比較好，不算太過死辣，好像比起本身的咖喱汁更加好吃。豬大腸份量都多，不過沒有特別，確實是牛肺比較出色，不是周圍見得到。…查看更多

晨早出元朗做體檢，早左出來搵早餐食，走進內街看見兩間感覺都好懷舊既粥店，左唸右唸，究竟食邊間好呢？最後簡左榮興粥麵家，點了碗艇仔粥20元加一條牛脷酥10元，乜原來艇仔粥裡面無碎牛架咩🤔，好耐無食過，完全記錯左，好灰🙈。雖然粥底不是太綿滑，但有魷魚係裡面，都很鮮甜，定價20元不貴，但份量黎講就真係好細碗了，食埋牛脷酥都未夠飽😑…查看更多

睇食評個個都話好食,咁就去試下啦,魚片粥無魚片無魚味,粥仲要係稀到水咁,食完仲要勁口乾,未試過食一間粥鋪咁難食,服務態度高高地既男人態度又差,真係真係真唔會再有下次！…查看更多

又到中午放飯時間，天寒地凍想食下粥，搵下資料見到呢間榮興粥麵店，價錢方面算係幾親民，就一於黎試下啦。小店鋪面不大，數埋無十張枱，環境都比較老舊，老店無翻身過都正常，餐牌貼晒係牆上，除左有粥之外仲有好多款懷舊小食，如炸油池，粉仔同碗仔翅等等，車仔麵都有，總有一款岩你食。豬紅碎牛粥粥底方面做得都唔錯算幾綿滑，碎牛已經混埋落d粥度有分於某d粥店擺係底自己撈，豬紅都無怪咪腥味，27蚊雙拼粥算係幾抵食。炸兩炸兩就14蚊，份量就少d，同好多粥店一樣都係預先整定，所以會凍d，正常野，腸粉皮就包得比較鬆散，食落就還可以啦，另外調味料方面無麻醬同芝麻，只有甜醬辣醬，有點失色。蝦米腸食完碗粥同炸兩感覺仲爭d，見格黎格碟蝦米腸好似幾靚就叫碟黎食，賣相是不錯，蝦米同蔥花都幾足，不過腸粉質地唔夠爽滑，比較軟糯d，再加上醬料無麻醬同芝麻助攻，都係感覺爭少少，但14蚊黎講算ok既。整體而言，街坊老店價錢不貴，食物款式種類選擇多，食物質素尚算可以，口痕想坐底食下小食都係個幾好既選擇。…查看更多

因為無乜胃口，於是食粥。粥既選擇都幾多，而且仲有腸粉、炒粉麵、小食、糕點類。三個人，各自一碗粥$23/$26，再叫左碟大炒麵$13，一碟炸兩$13。共$98。內在既環境係街坊小店，:)格局幾簡單。分別點左魚片粥、豬潤粥、柴魚花生排骨粥，味道都唔錯，粥軟綿清清地。個炸兩同炒麵就一般般，因為食食下，:(都發現有條頭髮夾雜其中......不過已經就黎食完，所以就算了。而且個枱面，同醬料樽身，摸完都有些黏黏既油積感。心入邊覺得衛生麻麻。但小店，唔要求得咁多，始終係做街坊生意。整體，價錢便宜，選擇多樣，味道唔錯，係衛生一般。…查看更多

今日要去元朗新田購物城處理事宜，但竟然在小巴附近竟然看見有炸油池😱原來是一間粥麵店，也有很多炸物....不過由於時間關係，只叫咗炸油池，炸両，咸肉粽，一支豆漿等..炸油池，食落不會太油膩，外皮很香脆，多餡料👍🏻炸両就比軟較淋，而咸肉粽大隻和餡料適中！豆漿比較稀🙈感覺只有小食炸物是ok ..…查看更多

間鋪頭門面相對殘舊，未食過嘅朋友仔一定俾佢嚇親😂地方唔大，環境一般般不過嘢食就非常之好味！😋今次就叫咗個辣魚肉粉仔同埋淨餸。佢個辣魚肉粉仔夠味夠辣辣椒🌶️而且落咗蝦米唔單止聞落去好香食落去好好味😋，元朗要食粉仔相信除咗錦田粉仔同榮興之外就無喇，可謂碩果僅存嘅懷舊小食！而佢個淨餸d咖喱汁真係不得不提！佢個咖喱汁一d都唔稀仲好濃味，咖喱汁加埋魷魚、豬腸等等ge餸都變得特別惹味！如果入嚟元朗ge朋友仔又想試懷舊小食，呢一間絕對唔可以放過！…查看更多

平時一去完郵局寄野/拎野之後口痕就會去呢間食野，今次除左叫碗仔翅之外仲叫左咖喱魷魚，我自己本身就好鐘意食魷魚，但d咖喱汁對我黎太普通了，只係覺得有啲咸同辣，不過$7就有咁多，真係好抵！之後就叫左碗仔翅，真係值得推介呀！雖然相比起其他店冇冬菇，但係有最basic既肉，蛋花，粉絲，味道岩岩好，唔咸唔淡，正！…查看更多

星期六，難得朝早出元朗，就再去以前一食開嘅榮興粥店懷舊一下。舖面睇落好似好唔乾淨，但係開左咁多年我覺得都唔太污糟。我叫左個豬紅粥加油炸鬼，呢個招牌早餐配搭。啲粥煮得好綿好滑，濃濃嘅米香味，真係令我一啖一啖好快咁食。連啲豬紅都好入味，鹹鹹地，唔係係街市買個啲咩味都冇，送粥一流。然後，中式早餐食粥當然要配油炸鬼，榮興啲油炸鬼冇太過油膩的口感，乾爽鬆脆，就咁食又得，浸落啲粥到食又有第二種享受 咁多年都可以維持呢個質素真係唔容易，一讚…查看更多

又要減肥啦，食咩好呢？今日經過炮仗坊，見粥店有賣魚肉湯，啱晒我呢個減肥人士，魚肉湯低脂低卡又好味！老店裝修古舊，坐得唔太舒服，所以買個外賣返去慢慢食。店員姨姨態度友善，光速就整好魚肉湯比我，外賣加1蚊，盛惠18元！價錢中等啦返去一打開睇睇見到好多魚肉喎，一條條白雪雪，仲有少量生菜。魚肉口感軟淋，如果硬返少少就更好，湯底清清地而且少油，冇落胡椒粉，調味偏咸，驚水腫就冇飲晒。粥店仲有好多好嘢食，等減完肥要嚟食蛋黃咸肉粽…查看更多

我鐘意食魚肉湯係因為可以啖啖都食到魚肉，仲要吾洗吐骨。雖然佢係一樣好簡單嘅野食，材料簡單，整法都好簡單，但係要整得好食就一d都吾簡單。所以就算周圍都有得買，都真係好難比我搵到間整魚肉湯整得好食嘅鋪頭。尼到嘅魚肉湯吾單止大碗，而且好足料，真係成碗都係魚肉。魚肉顏色偏白，魚味重，吾係我地普通街市買果d鯪魚絞肉。最緊要係佢嘅湯底好清，吾會十分油膩，飲落吾會有負擔感。整碗魚肉湯都係魚嘅鮮甜味，吾似其他地方只有胡椒味。期待下次黎試埋魚肉翅。…查看更多

男朋友間中會落元朗食野，佢帶我黎呢間食狗仔粉（粉仔）既小店，話好好食。本身都鐘意食狗仔粉，藍妹姑且信下佢啦。☺️—果到地方比較殘舊，不過藍妹覺得通常呢啲鋪頭既野食都唔會差。—男朋友話狗仔粉好食，一定要試下啦。😆細細碗，份量唔算多。我地叫完冇耐，果日已經賣哂，於是我地懷疑我地2碗係最尾既貨仔，所以啲粉都比較短同碎🤔 湯水好傑身，藍妹覺得偏咸。裡面有啲蝦米仔，好香。如果唔食菜甫既，記住叫佢走菜甫喔。🤗—腐乳通菜都算靚既，起碼好鮮既青色，食得好開心。☺️—求其叫左啲大腸，蘿蔔同牛柏葉。我地叫左唔要咖哩汁，要腩汁，但最後都係照上左咖哩汁😨咖哩汁都幾辣下，但好惹味。大腸正，唔會好多肥膏。…查看更多

工作中最開心試餐廳，呢期在元朗工作，早餐唔想再食港式，同事同我介紹呢間食粢飯，去到門口幾雜亂，有賣外賣嘅台同廚房，摺埋嘅大圓枱，入內好平實簡陋，牆上貼滿瑩光紙餐牌，無套餐各自叫自己想食嘅食物！好快就到！粢飯（$12）比較細件，透明膠上枱賣相比較濕，打開之後粢飯係乾身嘅（即係只有透明膠外濕）糯米煙韌，油炸鬼淋身，肉鬆鹹香，榨菜鹹香爽口！好味蘿蔔榚（$12）可以揀煎同蒸，我揀咗煎，外脆內軟糯，雖然唔多臘味粒，都有蘿蔔味，唔係粉榚！好味！蝦米腸（$13）好多蔥粒同蝦米，腸粉滑，索晒甜豉油（甜豉油比多，唔會索乾晒）加啲辣椒醬提味仲正！同事食：腸粉餐（$20）炒米粉：炸両（$13）皮蛋瘦肉粥（$24）艇仔粥（$24）牛什河（$26）食物幾好，店員姨姨勤快，我問分開比得唔得，佢笑笑口話無問題！唔想食港式早餐以外嘅選擇…查看更多

波士今日要懷舊，尋找兒時回憶！碩果僅存嘅粉仔，係有趣嘅！食物不是最頂級，但人情味濃厚，加分加分😎😎😎炒麵好味道😍😍😍每樣野都平平😌😌😌叫到一枱野都只係$83！抵！！！…查看更多

晩上肚餓, 行徑炮仗坊, 見到呢間榮興粥麵家未收鋪.原來打對面同樣有一間, 呢間買是地道粥麵小吃. 打對面同樣叫榮興不過係買車仔面. 見到有碗仔翅,腸粉,炸雞髀,香腸, 燒賣,魚蛋,粉果 ,羅白糕.咁岩未食飯,叫左炸雞髀,粉果試吓.炸雞髀好大隻,味道香口.暫時食住先粉果好食,皮薄.…查看更多