榮興小廚 (已搬遷) 新店位置

榮興之前都去過幾次,都係同屋企人食。晚飯小菜ok,選擇唔算多but 幾好食,佢個招牌雞都好正,值得一試,冇加一, 幾抵食

今天和同事來吃午餐，叫了六個點心一個湯米，都甘精彩~~~@煎腸粉有大大碟有成三層~@燒賣用料足~絕無欺場~@牛肉三大粒~@芋角手工精緻,口感頗佳~@春卷ok~@棉花chicken我太飽吃不下了,但賣相也不錯~正~惟環境太熱鬧...現場可能有成150分貝甘嘈...

今日12點左右同男友系度食lunch,假期人自然少,大約有3-4枱客.假期全日點心8折,我地叫左煎腸粉,旦黃蓮蓉包,鮮蝦莧菜餃,粟米斑塊飯$36煎腸粉---份量大得驚人!系一般酒樓2-3倍!腸粉算做得夠薄,但煎得吾夠乾身脆身.旦黃蓮蓉包---一籠3個,包身軟熟,蓮蓉份量相當多,亦相當滑!旦黃則一般!吾夠溜油.鮮蝦莧菜餃---3 大隻,餃皮夠薄!size亦吾野少!莧菜餃頗新鮮,但蝦粒就少左d.粟米斑塊飯---味道亦吾差!粟米汁及斑塊份量十分多,$36實在抵食得無話可說!服務亦頗周到,感覺幾warm!埋單$69,吾洗加一,下次夜晚一定黎試埋小菜.

今日同同事差不多2點行過黎食lunch,眼見仍差不多坐落客.我地2個女仔叫左蘿蔔糕$14(中),叉燒包$12(小),滑旦蝦仁飯$30.蘿蔔糕---3大件,明顯系炸過再煎,咁整既蘿蔔糕都系第一次食,又幾好味喎!一d都吾油膩,仲幾脆口!內裏蝦米大大大粒,有蘿蔔香,正!叉燒包---1籠3小個,包身相當軟熟,叉燒餡肥瘦適中,讚!滑旦蝦仁飯---超水準之作!5-6隻爽口而大隻既蝦,滑旦炒至半生熟半透明,相當滑溜!d飯粒粒分明,十分有口感!無茶芥加一,埋單$56,食到咁既水準,抵到爛!服務方面侍應亦招呼周到.(星期一-五12:45前埋單及六,日全日點心8折)

一行四人到這新舖開餐，四個大男人點了點心（叉燒包、糯米卷、芋角、蝦餃、鳳爪）。還有招牌貨「滑蛋蝦仁飯」（$30）和「干燒伊麵」（$32）。點心好行貨。滑蛋蝦仁飯還是那麼好食。干燒伊麵味道一般，不算油膩。

昨午lunch, d同事話平又去過, 今次無叫小菜, 叫了點心,星洲炒米&泰色炒飯點心沒有驚喜, 和上次差不多但d炒米,炒飯就好正, 香辣又不油, 咖哩的味道很好, 米粉很爽, 炒飯都好乾身, 料很多, 有菠蘿和金提子乾炒, 辣中帶生果的甜味, 正.但都係熟客多, 生客的服務較差, 要明白生客都會變成熟客, 請不要大細超.

今日同事出了一個難題, 8個人去食lunch, 最好中環or灣仔頭, 每人50蚊左右. 想左好耐, 打算去康威會, 但又有d厭.於是在openrice找到這間.168四人套餐, 一湯3餸4碗飯.於是叫了套餐:1. 節瓜章魚豬骨湯--ok, 幾好味.2. 咕嚕肉--好酸又瘦又鞋3. 帶子蝦菜圃煎蛋--ok, 唔錯4. 肉鬆瑤柱蒸蛋--夠滑但無味, 無咸味亦無鮮味5. 蔥油雞半隻-- 又是滑而無味又唔香, 失望6. 腐乳通菜--最好味, 好有鑊氣,排檔feel7. 點心--牛肉,排骨,叉燒包,燒賣, 蓮蓉飽, 炸雲吞, 芋角, 咸水角, 椰汁榚. 得蓮蓉飽最好味, 同事話其他同d小菜一樣無味道, 唔知係唔係d鹽好貴呢.最後是有個黑蚊蚊既阿叔好冇禮貌, 我地加左d點心都沒到, 就以為我地食完, 叫d熟客等我地張枱. 但d點心好遲先來, 以為我地霸著張枱唔走, 出聲問食完未, 要唔要埋單, 我地話仲有野未到就嘴妙妙.喂!大佬,我地唔係熟客唔使趕呀.

聽聞業主大幅加租老細話即管試下發大o黎搞.....5月3日搬左去灣仔船街以前"潮家好菜"個舖位...依然有實惠套餐...但質素就有輕微下降, 廚房可能未習慣新環境, 而樓面亦唔夠人...四人午餐$198, 包例湯, 三款點心, 兩款小菜, 一款麵/飯..~ 青紅蘿蔔豬骨湯<--冇味精, 幾清甜~ 蒜蓉鮮魷<-- ok啦~ 雞扎<--ok啦~ 牛柏葉<-- ok啦~ 菜甫帶子蛋餅<--蛋漿落多左粉~ xo醬炒雞絲花枝<--重味多油~ 海鮮燜伊麵<--唔夠乾身~ 楊枝金露<--幾好, 芒果碌柚甜

上星期五我地4個人去呢度食lunch，平時我地一定會先book 位，因為午市係非常爆，不過今日我地玩即興，即管去搏一舖，結果等左幾個字終於有位坐，仲係卡位tim。咕嚕肉：勁失水準，d肉瘦奀奀，冇咬口，非常失望，以前係啖啖肉超好味，我次次來都必食架！椒鹽炸魷魚鬚：非常正，瞬間殲滅；蔥油雞：保持水準；草菇炒菜：好味，略嫌多油都會繼續幫趁。

上次同舊同學食過後同屋企人提過呢間小炒好掂, 家姐聽到佢地有煎墨魚餅, 一直都話要試, 今日就趁臨離開灣仔前黎買外賣為晚飯加餸!墨魚餅幾厚身, 好彈牙, 仲食到粒粒爽口o既墨魚粒, 又唔油膩! 正!

今晚幾個老朋友聚會, 選擇左黎榮興小廚食小菜. 一早訂左8點檯, 準時黎到但係老闆以為我地訂8點半, 全場剩返一張四人檯, 唯有坐住細檯等人埋單.坐低就即刻叫野食, 叫左:1)滑蛋蝦仁-- 係我睇完openrice後指定叫o既. 滑蛋果然好滑, 又唔油, 而且好好味, 蝦仁用上中蝦, 好爽口好彈牙, 亦都有鮮味, 正! 係我全晚最鍾意o既一道!2)招牌蔥油雞(半隻) -- 雞肉滑, 個汁又好味, 係同桌其餘四人一致o既至愛!3)豉椒炒蟶子-- 本來想叫蜆, 但係無. 蟶子唔夠肥, 不過個汁幾冶味!4)白灼肥牛(豆苗底) -- 友人堅持要叫o既一道. 本人唔好肥牛, 只係食左d豆苗. 豆苗幾嫩, 而且由於有d豉油汁, 所以好夠味. 見在座男士未停過咁夾d肥牛, 不消5分鐘就清碟, 應該係唔錯o既!5)瑤柱鮮菇扒豆苗-- 芡汁味道好濃, 豆苗都幾嫰, 唔錯!6)咸魚雞粒炒飯-- 無叫白飯, 叫左碟炒飯. 飯炒得乾身, 唔油, 有水準!可能生意好, 而小店爐頭唔多, 所以叫左野食後等左半個鐘先有得食! 不過好野又唔怕等o既! 而且老闆好風趣, 態度好好!連埋汽水五個人先至食左$350, 好抵

情人節晚上不經意的來一個友情人即興聚會, 想不到來了近十位好友一同慶祝情人節, 亦順道來一個新年團拜.先來了脆皮蔥油燒雞一隻, 蔥油味道依然香口, 雞肉香滑但外皮只是微脆; 滑蛋蝦仁, 蛋汁味香口, 蝦仁新鮮爽口; 再來了聚會例牌小菜雙份咕嚕肉, 咕嚕肉外表脆身肉質軟滑, 略嚴味道偏酸; 黃金蝦加大: 鹹蛋黃十分香口, 但中蝦肉質一般; 蝦干海哲炒九菜, 蝦干比一般的大, 而且有口感; 炸墨魚餅, 脆皮但肉質一般: 椒鹽鮮魷配鯪魚球, 兩者十分香口, 跟鯪魚球上來的蜆芥醬汁味道偏咸; 蝦干臘味煲仔飯, 六人份量但已足夠十人食用, 蝦干臘味香味十足, 而煲仔飯亦討好, 飯焦部份亦控制得剛剛好, 跟上來的豉油濃烈厚身; 鎮江骨, 肥肉比例不錯, 肉質和味道適中; 最後來的甜品是綠豆沙或椰汁西米露, 起初對甜品沒有半點寄望, 一嚐之下綠豆沙煲得比想像中香濃, 只是略甜了一點, 而椰汁西米露, 椰汁味香濃而且口感香滑. 整體的味道偏各濃烈, 而環境有街坊小廚色彩. 參考資料:脆皮蔥油燒雞(一隻)黃金蝦(加大)滑蛋蝦仁炸墨魚餅蝦干海哲炒九菜椒鹽鮮魷配鯪魚球咕嚕肉(雙份)鎮江骨蝦干臘味煲仔飯(六人

前言：天寒地凍的中午，想食中式飯，遂跟兩位女同事勇闖此街坊式飯店。食物和評語：點了一客例湯、一份蒸餸客飯、一份碟頭飯。共$61，相當抵食! 1. 例湯（$6）：份量算多夠三個人分，每人近一飯碗。少味精，可一試。 2. 蒸餸客飯：有多款選擇，如：蒸魷魚肉餅、蒸水蛋、蒸梅菜扣肉…。白飯任食。選了「豉椒排骨拼臘腸」。排骨多肉少肥兼大件，味足香甜兼滑溜；臘腸少肥而甘香，連怕肥的女同事都每人吃了三件。可謂料多味足，抵食之作！ 3. 滑蛋蝦仁飯：份量頗多的碟頭飯，可分到四個標準飯碗。八隻新鮮爽滑的中蝦、披上頗生的蛋汁，口感超滑溜，蛋味十足，令人回味再三。由選料、拂蛋汁、到快炒，師傅手勢相當好，控制火喉相當到家，抵讚！註： a. 風味小店，裝修舊式粗糙簡陋，地面的紙皮石濕滑兼有相當污跡和垃圾，好比回到八十年代的深水埗街坊酒家一樣。 b. 滑蛋炒得香滑味濃，較一般店舖的生，腸胃不好的人想清楚才好點。 c. 價廉物美！

六個朋友突發性咁約去食一餐, 當然係又飲又食, 人微醉之下六個人竟然食了十個菜, 雖則大家無叫白飯, 但d碟頭都唔細, 其中最有印象的係脆皮蔥油燒雞($150一隻見圖): 蔥油味十分香口, 不過似乎唔夠脆皮, 雞肉味道唔錯, 而且幾鬆軟.黃金蝦: 十分野味, 而且蝦膏十分多, 而且香濃.炸蝦餅: 香口, 唔錯多油.蝦干海哲炒九菜: 蝦干幾有口感多寶魚: 肉質幾幼細~椒鹽鮮魷配鯪魚球: 炸得幾香口, 不過似乎鮮魷味唔夠。一般小炒都唔錯, 十個菜有多埋單約$900, 經濟抵食, 另外見佢地有部份套餐都係$148 夠4個人用. 服務方面都唔錯, 幾街坊老友記咁~