榮式燒雞扒 (吳松街) (已結業)

朋友知道我喜歡食雞扒，便介紹我來這間位於佐敦的榮式燒雞扒試一試😋來到榮式雞扒真係唔係講笑全場爆滿，好彩不用等太耐就有位！我叫了鹽酥雞扒飯配熱檸蜜，朋友叫了鴛鴦雞扒飯加熱檸蜜鹽酥雞扒 - 雞扒炸得絕十分酥脆而且味道剛好小小咸咬落雞汁在口中爆發小心燙到😅原味雞扒 - 雞扒腍滑加蔥油炸菜也不錯👏🏻值得一試👍🏻

好食唔一定要貴既！好似係佐敦呢間榮式雞扒逢平日lunchtime都要等下位，放工時間去食就冇咁多人喇，即刻有位。而員工服務態度友善殷切，店內裝修算時尚，比多數茶餐廳乾淨！雞扒親子飯 $44 叫飯加野飲，飲品半價雞扒一如既往是店內主打，肉質嫰滑，咬落去仲有啲雞汁唧出黎，一啲都唔dry! 味道方面似簡單豉油糖粉+黑椒的調味，有住家飯feel。炒蛋還好，算滑同juicy，但配落主打雞扒隔離明顯遜色。鹽酥雞撈丁加芝士汁 $46想食香口野可叫鹽酥雞，鹽酥雞扒係炸到脆一脆但仲有汁封係裏面，冇多餘既味精粉，絕對有驚喜。但留意返佢既芝士汁撈丁係花生味仲重過芝士味既 ？__ ? 芝士汁偏少。小食：麻辣手絲雞，失望。唔夠辣得黎又唔夠麻，肉質太「鞋」，食落似雪藏雞，可以唔駛試。

雞肉對我來說固然是最愛心頭好，口感亦比牛肉豬肉甚至魚肉更爽口彈牙，無骨啖啖肉，其他肉類難以取代。縱觀各款雞肉料理美食，炸雞排雖然多肉，但始終有骨頭，這種阻礙成了美中不足之處；香香雞無疑少了骨頭，但小食始終是小食，過口癮還可以，決難成為大器；親子丼也是欠缺啖啖肉的快感，一般雞扒飯來來去去都只是換醬汁的把戲。雞腿捲、雞翅包飯和韓國炸雞比較有新意，奈何深水埗路途遙遠，很難經常幫襯，皇X雞更要晨早流流長途跋涉趕到，遲一點點都幾乎冇份，成為缺點瑕疵，所以像K_C的套餐反而最抵食。但我欣賞還是燒或煎雞扒方式多於以油炸雞扒，雞肉會嫩口一點，所以特別喜歡佐敦的榮式燒雞扒，主力賣燒雞扒的餐廳。八點九點多到榮式燒雞扒，客人仍然很多（當然未至於要排隊輪籌等號碼般誇張）。坐下不久侍應立即已遞上餐牌，很有禮貌問你想吃甚麼，點菜後跟他們仍可以有傾有講，沒有太大隔膜。甚至點了撈檬後，跟檬粉上檯的撈檬汁，他們也很有耐性教你怎樣淋上檬汁和如何把它撈勻。看見餐牌上面食物的圖片，看似很美觀的樣子，不曉得食品出來的效果又如何？撈檬我還是第一次食，以前泰式雞絲撈檬粉我見得多，榮式燒雞扒撈檬好不好食還要拭目以待。把檬粉撈勻前，先

今日跟同事去佐敦食lunch, 佢地話有間食雞扒好正，於是去試試，12點去到已經有位，叫左個招牌榮式雞扒飯，約要10分鐘，雞扒份量算多，熱辣辣的，味道很好，很入味， 個賣相也不錯。 朋友叫左個蓮藕餅，我試左少少也不錯。 呢間野D雞扒好特別，整體也很好，值得再試試其他

成日聽人食榮式雞扒，上次黎仲裝修緊，今日再黎，終於有得試平日12點幾已經坐滿人，大部分客都叫佢個招牌雞扒飯。好，我都試下先。雞扒大大塊，上面淋上日式照燒汁，再加d薑蔥、豉油，好快食完成碟，大滿足。

咁啱見到有关食評，发現多了很多分店，多年冇去，去开佐敦，便前往一試，对上次印像最深的，是好咸或太入味，今日試了2样，鷄扒皮香脆，確实赢了茶記，但跟撈檬，配菜跟醬汁完全不及越南餐厅，只能説copy失敗，另一飯歺跟鰻魚，飯比茶記少，鰻魚也不大，味道像七仔即食货，價錢也不便宜

今天下午放假，突然間好想吃雞排，發覺原來佐敦都有間榮式，二話不說走去吃，去到是中午時間，勁多人，因為一個人，所以等左五分鐘就有位，呢度裝修有點舊，燈光好暗，坐位頗窄，不過冇所謂吧，志在食好野。叫左個蓮耦餅拼雞扒加凍檸茶，等左一陣就上菜，份量算多，耦餅過得去，不過雞排就做得很出色，皮脆肉入味，一個字'正' ，食左三分二已覺得很飽。睇黎下次叫小飯先得。 埋單盛惠$48大元，感覺很滿足

早前跟同事外岀食飯去了食榮式，其實也不是第一次食，不太感興趣，事隔多時，不知味道有無變呢？這裡主要是食招牌雞扒的，價錢好像比之前加價了吧？！榮式燒雞扒湯檬 （HK$42)因為是湯麵，所以雞扒是另上的，份量大小適中，上面有著一些醬汁，一點點的過黑椒！雞扒肉質嫩，易咬開，雞扒本身應該已花了一段時間醃，所以是較入味的，不過個人覺得味道較濃及咸！檬粉份量明顯比飯少，只佔碗一半，女士食就夠，男士食未必夠飽，湯底咸度適中，檬粉軟硬度尚可！叫一碟飯/粉都附送餐飯一杯！整體只熟普通，沒驚喜，是平價醫肚之選。

時不時就會到佐敦工作每次都會為左lunch究竟食乜好而苦惱一餐🤔🤔🤔有日發現原來有間榮式燒雞扒係到😯呢到lunch hour都會比較full house好多在附近返工都會黎lunch我和友人12點左右黎到都尚有位置🍽但差不多1點的時候就已經爆晒場👨‍👩‍👧‍👦👩‍👩‍👧‍👦👨‍👨‍👧‍👦所以12點黎會比較好😏1點通常就要等位啦🙈🙈🙈呢到全日都有套餐叫一個飯或麵就會包一杯凍熱飲品💁🏾汽水或其他特飲就要加錢💵黎到榮式燒雞扒梗係要食榮式燒雞扒飯啦😂😂😂一碗飯🍚被✌🏻兩塊手掌咁大🖐🏻🖐🏻的雞扒掩蓋左😳旁邊有薑蔥和自家菜圃配以調味看似普通的碟頭飯🙈但重點榮式燒雞扒真的烹調得很出色👍🏻👍🏻👍🏻個人很喜歡食雞肉🐔 自問對雞肉🐔的要求都頗高榮式燒雞扒燒得外皮脆脆的 有少量的黑椒粒本來不喜歡食雞皮的我食左少少試下👻 入口完全不覺得肥膩 仲覺得煎得很香口😋雞扒的肉質鮮嫩彈牙多汁👍🏻👍🏻👍🏻唔洗用刀都可以輕易切開😁總括而言以這個價錢做到這麼好的水準🤔的確物有所值😏

根據本人非正式統計，榮式雞扒最多人食嘅係雞扒蓮藕餅飯。雞扒燒得剛剛好，脂肪全燒溶，雞皮唔算燶，用刀切時，仍聽到烤過後的雞皮的淸脆聲。雞扒應加了很多香料、黑椒胡椒等調味，很惹味，伴有䓤油,菜莆，加上飯是好味的，但相信吃完一餐後，會用盡一日鈉的吸取上限。蓮藕餠內蓮藕用料足，可清楚見到一粒粒蓮藕，亦煎得很香囗。Order了凍檸茶少甜，上枱時侍應都重覆是少甜，但仍然好甜，可能水吧習慣了加糖分量，令食客飲後可中和了雞扒咸度。

下午茶時段過黎食，無咩人，唔駛等位叫左個雞扒烏冬，雞扒同烏冬係分開上既唔會浸到個雞扒淡晒雞扒燒得好靚，金黃色，食落肉質好嫰，味道甜甜地，咸咸地，唔會過咸烏冬係讚岐烏冬，食落煙煙韌韌好Q彈呀！跟餐加$6可以轉飲龍眼冰杯底仲有粒粒龍眼同埋杞子，有得飲又有得食！飲落甜甜地，好清甜

榮式燒雞扒，行過，聽過，見過好多次，從來未有緣份一試。從來餐廳夠膽獨沽一味，打正旗號賣燒雞扒，今日就要嚟試吓。 餐廳燈光柔和，似西餐廳多過茶餐廳，坐位闊落舒適。牆上一幅馬賽克砌嘅雞，藝術得嚟又切合餐廳主題。 餐牌好似好多選擇，其實主要分幾大類，放湯嘅麵、烏冬、檬粉，同撈麵、烏冬，飯有咖喱同葱油豉油汁，再配各式肉類。 榮式雞豬扒飯$51雞扒賣相比較乾爽乾淨，最怕一啲餐廳淋啲黑椒汁燒汁，又肥膩又唔健康。雞扒皮緊緻，唔會油淋淋，雞肉沾滿黑椒粒，而且本身醃得夠味，無添加梳打粉等化學品，食落有咬口，肉質JUICY,配上黑椒嘅微辣口感，愈食愈想食。豬扒用香茅薑葱腌過，煎得乾身，無多餘油份，，肉汁鎖住喺入面，一入口香茅味濃郁，配埋碟邊嘅炸菜同葱油再撈飯食，揉合中式燒味同西式扒餐嘅滋味，比豆腐火腩飯更有佬味，唯一可惜係飯量略少，有啲意猶未盡。 榮式雞扒撈丁配道地極品烏龍茶$48雞扒撈丁嘅雞扒，一樣嘅做法，雞扒處理得乾爽唔油膩，鹹香嘅雞扒配撈滿麻油葱油炸菜嘅一丁麵，又係令人胃口大開，飽足感比食飯有過之而無不及。 喜歡日本菜，因為每

放咗工去佐敦接埋朋友一齊去食飯，見朋友個頭有間榮式燒雞扒就決定去食啦~之前係北角個間食過一次之後好耐都無食過啦~記憶中佢既雞扒肉質好嫩滑，又好味道 今次係佐敦黎一間食，佢既燒雞扒都一樣有鮮味既肉汁，外皮脆和肉質好嫩滑，雞扒上面有黑椒食落口有黑椒既味道，但又唔辣。而燒豬扒就醃得好入味，豬扒的厚度適中。

自從搬了office後, 好耐無幫襯了, 今天重回故地, 來一客下午茶. 原來下午茶已經取消了, 現在是午餐直落至晚飯時段前, 包飲品一杯, 凍咖啡, 少甜, 算有誠意, 少甜之餘, 沒有少了咖啡味, 咖啡味道和奶味仍然平均, 好滿意.雞扒蓮藕餅飯, 材料足, 大大件雞扒, 兩件蓮藕餅, 配菜是椰菜和些少碎冬菜. 蓮藕餅是剛炸起, 超熱, 辣咀, 內有蓮藕碎粒, 爽口又彈牙, 不太鹹, 我給九十分. 但那件主打雞扒, 就真係無眼睇了, 皮未煎得夠時間, 肥又軟, 雞肉硬實, 入口微暖, 明顯煎好後, 放太耐之故.椰菜和冬菜是凍的, 實屬正常, 但白飯也不夠熱, 飯身煮得太淋, 未致於爛飯, 但口感不佳. 比多次機會, 下星期再來一次, 如果情況一樣, 切定負評.

今晚想來要QUICK DINNER,食個扒飯應該係最簡單又快之選.1. 榮式燒雞扒意粉$47,會有2塊雞扒,包你食雞扒食到滿足榮式雞扒簡簡單單感覺像黑椒蜜糖,其實已經好好味,不過依間我成日有點怨言係點解都係煎,但個皮唔太脆呢?!　感覺佢本來係脆，因而條邊有時仲有少少，既然食得雞扒,順面脆唔好浪費我既QUOTA 啦.佢仲會2塊疊塊一齊,仲淋啦....因為唔太食得白飯,問左有冇意粉,其實MENU 無寫的,好在有,同白飯同價.豉油底.2)榮式雞扒併蓮藕餅飯$44蓮藕餅都整得幾好食架.入面個料混合比例唔錯,又香口不過個白飯雖然有少少葱油,但唔係太濃味,如果有點像平時白切雞隻薑葱油可能好味點飯既份量唔算太夠這裡座位有少許迫,燈光較昏暗,所以我都挑較光的位置坐，可以望清少少食物感覺依到D 職員氣勢十足,間店唔係話好大,仲鐘意係廚房門口大大聲講野,或者大聲叫碟野唔岩.