榮康小食

营业中

休息中

喺屋邨街市，梗有一兩間小食舖喺長康邨二期呢間就夠晒多野揀要炒粉麵有 粥、車仔麵都有糖水豆腐花亦有而且質素都唔差平時朝早實有好多人排晒一行等買早餐就係知佢夠快而且啲三文治同奶茶都即沖好食又平今日下晝過嚟食車仔麵$26 三餸好抵食叫咗豬頸肉、蘿蔔、牛筋米線豬頸肉大塊得嚟唔會乾 肉感十足蘿蔔入味就唔在講牛筋都好腍天氣涼涼地食個車仔麵真係好夾堂食嚟嫁！有一張枱仔可以比三個人堂食喺街市入面食特別覺得有風味果然係街坊之選

係青衣住咗咁耐，呢間小食店一直屹立不倒，開放式嘅檔口，想食乜嘢一眼睇到。除咗一般特色小吃，例如煎釀三寶、豆腐花、蒸饅頭、炸雞髀、腸粉、魚肉翅、盅頭飯、仲有即叫即滾的水餃添。當然唔少得車仔麵。糖水方面有綠豆沙、紅豆沙、同埋豆腐花。檔口的姐姐都係好殷勤服務，呢度買嘅小食，味道唔算得好突出，但係性價比高。今日叫咗一碗豆腐花， $8 一大碗，豆腐花嘅味道有啲淡，豆味唔算濃郁，幸好都幾滑溜。黃糖水一啲都唔甜，非常之淡。