榮峰餐廳 (已結業)

星期六约咗朋友去打波，打完波就食餐晏仔，医下肚。今次去咗龙门居呢间荣丰茶餐厅。大家体力透支，梗系要食返啲硬嘢补充一下。我叫咗个咖喱牛腩饭，加个热可力。朋友就叫咗个海南鸡饭套餐，油饭转白饭。咖喱牛腩D汁好正，唔太辣又唔太甜，啱啱好。牛腩虽然唔多，但有一两件牛筋，唔算多但啱啱好。唯一系略嫌薯仔少啲。朋友个海南鸡饭都算多，鸡大大件，有脾位。肉又够滑，好味。例汤系莲藕红萝卜煲鸡，料都算多，够火喉。另外加个即磨热咖啡，比一般茶记好饮。简简单单一餐性价比唔算太高，但食物质素算系中上。…查看更多

今日叫咗个佢出名嘅菠萝咕噜斑腩饭$56，叫少饭，点知盒饭超细，得5粒好细嘅斑腩，好揾笨，转左罗宋汤，点知冇比匙羹，完全唔化算，最唔抵食！作为一个女生，我都觉得唔够饱，更何况系男人，不会再帮衬！味道只系正常，并唔系招牌菜，份量过少！得一粒菠萝、两粒红椒、6片洋葱，仲要极少汁！我唔明个厨房做咩啰，唔通堂食份粮会多啲？如果我喺街市买另一间3送饭，呢个价钱可以变三𩠌饭+冇味精汤，味道仲好食过佢！我只可讲个罗宋汤都够味、都多料！…查看更多

呢间野完全无服务可言, 楼面呀姐自己落错单, 好声好气同佢讲,仲好似我错咁, 黑口黑面, 态度真系极品 有d楼面送餐直接放系你台边边位, 食物质素就一时时, 有时系好d, 有时好难食…查看更多

咖哩鱼柳饭（$62）咖哩唔会辣，配有少少三色椒。白饭少少硬，不过配埋咖哩其实岩岩好。本身谂住快手买个外卖返去食，不过似乎太多外卖单，所以都等左有啲耐，最少十五分钟。…查看更多

蒜茸汁牛仔柳意粉太霖,且冇味(虽然有疑似茄汁红色),牛柳入口还算嫩口,但蒜蓉汁只有其色…葱花咸鱼鸡粒炒饭是OK的,葱花但多一些相信会更好,因葱油味还未被足够释放出来,但仍算可口的! 下午茶餐,夫复何求……查看更多