影片
附加资料
Glory bakery纯手工创意曲奇,100%香港制造,选用澳洲牛油,每天新鲜焗制。此外，曲奇不含任何泡打粉及梳打粉。
营业时间
今日营业
11:00 - 19:30
星期一至日
11:00 - 19:30
以上资料只供参考，请与餐厅确认详情
食家推介
放假喺花园街一带乱行，行行下见到有间好似几骨子嘅铺头，本人就中咗入去睇。唔知系咪有旅游书介绍过，客人好似都系黎自日韩同大陆，好似好受欢迎咁，我就试下啦。我就对包装冇兴趣，唔会买有盒有罐装果啲，见到有袋装，$58两包，就打算买两包试下。一包都有十定十二块，本人唔好意思逐包睇下系咩味，就叫店员介绍。佢本身推介阿华田杏仁粒，我觉得有点猎奇，最后买了伯爵茶同埋朱古力杏仁片。伯爵茶：茶味好浓，适合钟意茶味的朋友！朱古力杏仁：本人喜欢这个多一点，因为中间有啲野可以咬下！两包都算有惊喜，本人分了一半给老友记，佢都话正，所以下次行开花园街会再试其他味。好似听到店员话，要过100蚊先可以比信用卡。
继续阅读
30-11-2023 (Thur)晚，同老公老公同事们喺鸿星食晚饭(食评系2023年12月3日刊登嘅呢篇:https://www.openrice.com/zh/hongkong/review/4-1%E5%A5%97%E9%A4%90-e5159693)，而荣光就正正喺下面，于是又嚟买曲奇饼食。我去到睇有咩味，最重要想揾燕麦提子曲奇，但冇，而佢哋卖$30.00一包，$58.00两包。咁我买咗咸蛋黄芝士芝士，柠檬茶，蔓越莓各两包同一包咖啡朱古力，共七包，$203.00。我多口问老板，袋庄嘅冇燕麦提子干，佢答因为客人拎起又摆低，令曲奇散晒，提子干甩出嚟，所以只入罐装。噢！其中一包柠檬茶我当晚食完饭，即刻俾我老公同事。讲返味道，我拎啲返公司请同事食，同事打开柠檬茶味，我即刻嗅到佢嘅香味，食落，正正系唔太甜嘅柠檬茶味，个个都赞。5分咸蛋黄芝士芝士味重，要细味至食到咸蛋黄味，呢个都ok嘅。4.5分蔓越莓味同咖啡朱古力呢，都属于正常。4分上次食评系2023年9月15日刊登嘅呢篇:https://www.openrice.com/zh/hongkong/review/encore-e5008306
继续阅读
几年前同事送咗呢间嘅柠檬茶味粒粒俾我但𠮶阵仲未咁为食所以冇记低咩名/特登揾返直至旧年朋友话有好味曲奇饼介绍带咗我去旺角分店买至今已经第五次自己贡过去帮衬次次都系买最多味𠮶盒一开就旋风式食哂 饱到滞但又好香好好味停唔到😝唔太甜好松化又好香牛油味只只味都好钟意不过最钟意应该都系柠茶味系其他大牌子唔会有嘅口味好多贵过佢哋嘅曲奇一系太甜一系冇层次 得砂糖嘅甜个盒都好靓 不过好难开😂😂😂剪咗指甲会开到手指好痛入面个胶袋未开封都有啲难撬出嚟可能因为个size预得太啱啱好可唔可以改良吓？（附上已经完食俾我用嚟摆其他嘢嘅盒）
继续阅读
行过见佢MADE IN HONG KONG.就想支持一下!旺角店唔算好多人~~好快就可以买到!!佢有好多SET.我呢盒系港式茶餐厅.有4只味!!几有香港特色!💛💥柠檬茶💥好立克夏威夷果仁💥阿华田杏仁💥咖啡朱古力个人最中意柠檬茶味👍🏻第一次食果阵好随心.之后发现有D味好浓食完之后会食唔出另一只既味都要留意一下先后次序🤪🤪不过口感好松脆.而且佢标榜冇加添加剂好似会健康D🤣但就放唔到好耐 要好快食哂佢🙈
继续阅读
好耐冇写食评了，最近试左呢个曲奇店，觉得好啱口味，所以想为佢写番下。什么好立克，阿华田，柠檬茶，芝士咸蛋，朱古力粒，朱古力杏仁……未能尽录。比起其他曲奇店，佢哋价钱尚算合理。$27一包，$52两包，每包大约12块。最后我拣左一咸一甜，芝士咸蛋曲奇&朱古力杏仁曲奇。一返到屋企就剪开曲奇，闻到一阵咸香芝士味，好吸引。放入口，好松脆，唔会死实，芝士同咸蛋味道好夹，味道好平衡。得！再试埋朱古力杏仁曲奇，外貌平平无奇，估唔到甜度啱啱好，又食到杏仁香，好味！心里面已经决定要去试哂佢其他味道😆佢有正常size曲奇，又有玻璃樽细细粒曲奇，仲有礼盒装曲奇，任君选择，真系颇多选择。
继续阅读
您可能会有兴趣的...