影片
喺香港唔少得食中菜，想拣间好食又大碟既我就好推介呢一间啦，佢哋嘅食物水准非常之高，味道拿捏得好好唔会太咸，我哋叫咗个蒸笋壳，真系好新鲜，肉又滑，仲有佢哋嘅扇贝大大只，钟意食粉丝嘅朋友，仲可以叫佢加多啲添👍🏼再叫咗个蒜蓉炒豆苗好嫩好新鲜，仲有好多招牌菜都10分好味😋
继续阅读
简直不知所谓…落单等左一个钟…系一间垃圾！好食都冇用！厨房管理简直一堆垃圾…做唔到未收小啲客啰！外卖多未停左佢喇！大佬！点样做生意架！食唔落…你硬吞！啃死你呀！
继续阅读
一家三口嘅星期日晚饭我哋食左😋麻油鱼皮劲抵食，超大碟，麻油好香，加上鱼皮爽脆，连埋葱丝姜丝胡椒粉加埋一齐食，一啖接一啖，停唔到口。😋香酥脆皮猪手酥脆香口，大大件，肉嘅部位稍为有小小干，但都好好味。😋蜜薯安格斯牛粒最钟意食嘅一道菜，牛柳粒好多，仲有好多蜜糖，至爱，送饭一流。😋香脆乳鸽又香又脆，唔会炸得过老，肉嫩皮脆。😋蚝仔粥超多蚝仔，大粒又饱满，食左3大碗。整体好满意，样样都好味，下次再试埋其他。
继续阅读
2023年03月15日(三)传闻荣来楼镬气小炒顶瓜瓜俩姊妹来撑枱脚带子镬气小炒皇蜜薯安格斯牛粒潮爆蚝仔饼家姐话味道、镬气同以前完全唔同，差咗好多。味浓、味精重，食几口后，就开始口渴，不断饮水。带子镬气小炒皇，带子不见踪影，但有菜脯、薯仔粒、豆腐干。蜜薯安格斯牛粒，味道OK，家姐话以前好好味，必食。潮爆蚝仔饼，有少量蚝仔、洋葱丝、菜脯混合，味道一般，材料少，炸浆非常之多。今次之后，失望而回，冇下次。
继续阅读
今日去左荣来楼食饭，屋企人介绍话好食，即管一试，但去到全部野食都加左$20一样，劲贵！但都算啦，一场黎到就试下。点左几款小菜，普遍都要一百几蚊一碟！先上椒盐九肚鱼，劲油腻，鱼肉好腍好湿，感觉好油唔干爽，食一旧就唔想食了。素炒伊面 无食过 唔知味道然后黎左一只咸鸡，$188/只预算佢会好大只，佢仲要好醒咁将一只开两碟好似好多份量咁，但侧边摆满炸到㶶哂嘅油炸鬼，揾鬼食咩？咁黑！而且成碟野其实唔系好多鸡，好多都系油炸鬼。咸鸡就仲衰！第一眼见到，哗，咁干咁瘦嘅？？？皮又干，骨又黑，肉又梅，咩事？$188你比只咁嘅鸡我？？？食落仲惊，点解个口感、味道、色泽、大细，同我系街市买大陆预先包装煮熟左嘅「客家咸鸡」一模一样嘅？又咸又干又柴！我比$188黎食你呢只街市买$100/3包嘅原只咸鸡？？？其他荣来楼食评果只鸡，完全唔系咁嘅样！就算咸鸡，都唔会变左咁瘦咁干咁黑架！成盘野都系垃圾！最后全台人都唔食只鸡，每人一件就无再食过！豉椒鹅肠，还可以，正常，但你话味道同价钱都系唔成正比。呢个鱼泡煲要$148！真系贵到痴线！好好食又唔系，又系普通姜葱爆，但鱼泡尚算大旧弹牙。 糖醋咕噜肉，完全薄如纸，食炸粉定系食肉？d猪肉又薄又幼，炸粉劲厚，唉，无眼睇。整体都系好坏参半，如果佢系平嘅话我都算，但佢唔平呀嘛！劲贵架！差差差。
继续阅读