榕記火焰雞煲

营业中

休息中

位於元朗的榕記火焰雞煲，是近期品嚐過最具驚喜的火鍋店之一。主打的客家式火焰雞煲味道濃郁香辣，雞肉嫩滑入味，煲起時火焰升騰，不但視覺震撼，更為整體風味增添一份獨特的香氣。湯底滲透了香料與雞油的精華，令人食指大動。除咗雞煲，店內提供的火鍋配料亦同樣出色，不論是手切肥牛、鮮蝦、墨魚滑，還是蔬菜拼盤，全都新鮮十足，品質有保證。服務態度親切，環境乾淨舒適，非常適合三五知己聚餐。整體而言，榕記火焰雞煲不論味道、食材還是氣氛，都令人滿意，是元朗區不可錯過的火鍋好去處，值得一試！

由南邊圍舊舖，食到去屏山舖，而家入埋巿區都仲依然咁值得去捧場嘅榕記火焰雞煲，唔係無道理。喺第二度係搵唔到哩隻味道，絕對稱得上係獨一無二而又超有特色嘅一個雞煲。老闆每日都會去街市買最新鮮嘅海鮮同配料，淨係哩點已經夠晒有heart個煲點火嘅時候夠晒打卡重點係個味道真係正，海鮮嘅鮮味加上酒香同甘蔗嘅甜味，咁複雜嘅味加埋一齊配落隻雞度，而又keep到雞肉嘅嫩滑食到最後仲可以叫多個飯炒埋啲雞煲精華又係完美嘅一餐！老細同啲員工都勁friendly，希望哩啲咁有人情味嘅舖頭可以繼續加油

由南邊圍搬到去大陂頭徑嘅元朗火焰雞煲，身邊已經好多朋友由舊鋪開始已話佢好食，再講到原來張家朗都是常客、食佢嘅signature 火焰雞。呢個火焰雞係加米酒入雞煲令成個雞煲升起火焰，所以每件雞都有香香的酒味，而食材非常新鮮，雞肉嫩口，配上秘醬油，食唔停口。其實去之前我哋已點選食材，所以一定食到你想食嘅海鮮，今日叫左聖子同花甲。當然仲有不可缺少嘅牛肉啦！而最意想不到是佢嘅油炸鬼，將佢放入雞煲煮嚟食，吸到雞煲湯味，食唔停口。食到最後，務必一定要叫一碗飯食（無論你幾飽都好），個飯由佢地專人幫你即場炒起，飯粒吸哂你食過既雞、海鮮、牛肉湯汁精華，簡直又邪惡又好食😋