影片
边个话热辣辣唔可以打边炉嫁~~~系朋友度知道荃湾有间唔错的酒家有任食火锅,适逢今日系夏至, 放工后一于去试新嘢.星期四晚上将近七点去到门口, 就算系酒家门口都唔见有火锅嘅招纸, 莫非夏天真系无边炉打?入咗大门要上一层, 系楼梯位终于见到有关火锅嘅海报, 星期一至四 $108 (加一), 星期五, 六, 日及假期, 另加 $5.上到一楼, 只见两枱人客 (小菜及火锅各一枱), 被安排坐去后少少的火锅区.看看点𩠌纸, 要了胡椒猪肚汤底, 再先来一瓶竹蔗水, 说时迟那时快, 𩠌都未点完已经上好汤底及竹蔗水, 好快手㖞.朋友介绍要试濑尿虾, 话好新鲜, 另外叫咗都唔少嘢, 当然有打边炉唔可以少嘅肥牛同丸啦, 有自制四宝丸, 潮式鱼蛋, 鱼滑, 仲有蚝, 虾, 脆肉鲩骨腩, 黑豚肉, 炸鱼皮, 菜, 粟米, 虽然已经叫咗椒猪肚汤, 但再追加猪肚同粉肠, 另外仲有其他地方比较少有嘅生肠同鱼卜普通嘢唔多讲, 讲吓啲比较少有同特别嘅濑尿虾, 好介绍, 真系新鲜都爆, 上枱仲识郁, 起势爬呀, 弹呀, 倒佢哋落个锅到都要两三秒先识死, 而且肉质爽口, 有鲜甜嘅味道, 唯一可惜系比较细只 (食懵你呀! 百零蚊位你想点呀! 比啲七吋长嘅你好唔好?)另外, 虾都好新鲜, 唔错 (但都有两三只比较 '梅' 啲)脆肉鲩骨腩, 真系脆肉鲩嚟, 爽脆的, 唔似好多会比番啲普通鲩鱼扮脆肉鲩而且仲搭多几旧班嘅头同咀位, 肉与好滑, 意外惊喜生肠, 唔系红卜卜而系白雪雪的, 十分爽口弹牙, Good鱼卜, 大大个, 唔 '古寒', 而且爽口度十足 (无牙真系唔好食), 推介.成餐最差嘅系黑豚肉, 都唔知系咩猪肉嚟, 咬落去都唔知系乜, 结果成碟再无食过.埋单两位连加一 $237.6, 每人都唔使 $120, 抵食.总括嚟讲, 无论食物款式, 食物质素, 价钱收费, 服务 (啲人做嘢好快手, 啲食物上得又快), 位置 (近我屋企) 都十分好.呢间酒家我一定再帮衬.
继续阅读
又是随意觅食的一晚, 晚饭时间询问问即时有位便二话不说进场!! 很随便便从几个餐牌中点了几道家常便菜!不期望之下上来第一道菜, 放入口的第一感觉非常惊喜, 皆因非常热, 脆, 薄炸粉, 美味肉质!! 绝对不错的水准!份量十足, 菜不会过腍感太硬, 没有菜会出现的腥味, 皮蛋及咸蛋都很多, 赞!超级脆皮, 件件有肉, 师傅切的很好, 没有马虎, 每件肉多于骨, 我们很满意!!! 味道好, 全数入了味, 不错!芝士汁很浓, 但不算香, 天使面在底部份量刚好, 最出色的是虾, 每一只虾都是胀卜卜的, 啖啖肉, 每一只都很有鲜味, 肉质绝不霉烂, 另一个赞!职员有礼有反应, 下次可要一试火锅呢...!
继续阅读
今晚同百厌仔去完珀丽湾玩, 喺荃湾落船,返正好耐无去榕榕打边炉喇, 咁就专登行去帮衬. 一行三大一B, 去到20:45, 一楼无位, 侍应问上二楼好唔好, OK啦, 心谂返正次次都坐一楼, 厕所仲喺二楼添, 去厕所就唔使行上行落啦.任饮 (竹蔗水/五花茶) 任食 ( 不限时间) $98.00包汤底, 茶芥, 另收加一服务费叫咗竹蔗茅根汤底, 清清地, 唔错!肥牛--OK㖞, 竟然唔靭鸡肉片--OK手打墨鱼丸 / 手打猪肉丸,牛丸--够鲜味, 正!手打虾滑 (呢个之前食无架)--好味!生鱼片/脆鲩片--几新鲜生虾--上枱仲识郁, 好鲜味濑尿虾仔--非常新鲜, 仲会逃走, (无影相添)金钱牛展--OK大鱼卜--几新鲜生蚝--新鲜唔错炸支竹--吸收咗啲海鲜汤, 好味!因为渌完濑尿虾仔, 生虾, 生蚝等海鲜嘅汤真系好鲜味, 临尾虽然几饱, 都忍唔住食咗啲海鲜汤鸟冬面, 超正!但今次坐二楼啲服务真系差咗好多, 啲虾壳载满成只碟都无人换, 呢个都算. 无论叫阿姐比返个煲盖我哋又好, 攞点食物纸又好, 都只系应"得得得", 得完就无咗回事, 要叫几次先攞到. 大家以为啲阿姐忙于招呼其他客, 错! 其实我哋叫佢攞嘢时都成22:00, 二楼系唔会再有新客上嚟, 佢哋系忙于收拾已结帐客人嘅碗碟. 阿姐呀, 啲碗碟一阵先执唔会有脚走架, 好心攞嘢比我哋先啦. 最过份系叫阿姐埋单, 佢一句声都唔出就"摄"咗张单喺你隔离, 跟住又走咗去, 咁即系想点呀? 我次次坐一楼都未试过遇到咁嘅情况. 咩理由同一酒楼, 楼上同楼下啲服务会争咁远, 理应作出改善!
继续阅读
呢日同屋企人&女朋友(6大1细)一齐去咗榕榕食饭,因为上咗大陆做咗四个月野,所以呢晚系同老豆补祝生日,我地叫咗糯米蟹,烧鹅半只,沙锅云吞鸡,鱼汤海味什菜煲,姜葱桶蚝,班腩两食(蒜茸蒸&西芹炒),仲有乳猪拼海蜇...糯米蟹同之前食过一样,劲多蟹膏,糯米饭吸收咗蟹嘅鲜味同蒜茸嘅香味好好食,不过今次嘅糯米饭就腍咗少少...烧鹅皮脆肉香,又唔会太肥,正...沙锅云吞鸡,呢个做特价$28,不过不失...鱼汤海味什菜煲系我每次都会叫嘅,因为好够味,呢次亦可以保持水准...姜葱桶蚝呢个系一个惊喜,d蚝劲大只,又新鲜,好食...班腩两食(蒜茸蒸),其实几好食,不过如果食埋d蒜茸粉丝就有少少咸...班腩两食(西芹炒),呢碟就无咩特别...乳猪拼海蜇,乳猪皮好脆,食落口香得来又唔会成口油...基本上成晚嘅食物都好ok,埋单$995亦唔系贵!!
继续阅读
星期五晚到这里打边炉，由于不熟悉这区，兜了好几个圈才找到了海坝街，到达的时候已经快八时了。幸而人潮仍未到，二人枱还有好几个选择。这里跟一般火锅放题不同，这里没有自助饮料和酱油。饮料要托侍应拿，可乐、竹蔗茅根和夏枯草不另收费。豉油早已预备好放在枱面，如要蒜茸等配料好像要加钱的。基本收费为$98加一。食物，长话短说就好了。这里的配料大部分都是高质素的，极力推介他们的手打系列（虾滑、墨鱼丸），肉质结实而弹牙，虾滑更是尤其新鲜，味道犹如鲜虾饺。自家制菜肉饺是本店的诚意之作，饱满的饺子里是鲜猪肉，肉比菜多，口感挺丰富。而蟹籽丸出乎意料之外的好吃！蟹籽十分鲜甜，丸的外身则颇弹牙。另外，竹签虾是游水虾，上桌时仍是活生生的，十分鲜味。火锅的热门菜式肥牛则稍逊；肥牛有点过份地肥美，每片肥牛约有７成是脂肪。如对肥牛有要求，可加钱转美国肥牛，不过我们没这样做，所以不知美国肥牛的质素怎样。另外，某些丸类也是一般般，如芝士丸的芝士味道有点奇怪，而八爪鱼丸更是很＂粉＂且不新鲜。这店最值得一赞的是员工的服务态度。上菜效率很高，也完全没有漏单情况。员工做到一脚踢，还是会把笑容挂在脸上。他们还会主动清理枱面的吉碟和吉汽水罐，又会主动给客人加水和更换碟子。总之，他们的服务客人的动力就是很高。火锅店来说，这里算是很高水准了；员工的服务态度更是值得嘉许。值得再来！
继续阅读