影片
港铁观塘站 A2 出口, 步行约3分钟
继续阅读
开饭介绍
位于观塘的泰式串烧店，设有室外茶座，提供多达22款肉类和10款海鲜串烧，并有其他泰式主菜，例如泰式香辣杂菇炒蚬，十分惹味。
继续阅读
营业时间
星期一至六
12:00 - 15:00
18:00 - 00:00
星期日
18:00 - 00:00
公众假期
12:00 - 15:00
18:00 - 00:00
公众假期前夕
12:00 - 15:00
18:00 - 00:00
以上资料只供参考，请与餐厅确认详情
食家推介
串烧ok，但唔算惊为天人其他泰菜真心麻麻地环境绝对唔系睇相咁chill！！！室内基本上系冇位户外位又唔分吸烟同非吸烟区同埋⋯老板最好注意下防疫限制啦尤其系露天𠮶个位，俾人影到相就gg了
继续阅读
望穿秋水，终于等到晚市重光😂，值得纪念嘅第一餐，梗系要食最钟意嘅嘢，我就拣咗食串烧。呢间店全部都系露天座位，感觉好 chill，有啲似去咗 BBQ 场烧嘢食。众多烧烤食物当中，我最钟意烧原条蒜蓉茄子，茄子算肥美，调味都几重手，蒜蓉味劲浓，好好食😍，不过食完个口好臭，戴返口罩时就自己受哂🤣。另外烧豆卜都好正，又香又脆；日式一口牛都唔错，肉质有肥有瘦有咬口，亦有牛味；其余蜜糖鸡中翼，鸡皮串，两款台湾肠等等就正常水准，至于烧羊架唔系我食，无可奉告😁。最弱系烧粟米，唔单止唔甜，仲好硬，唔好食😖。由于系泰式串烧，店员会奉上点猪颈肉嘅酱汁，酸酸辣辣，好惹味😋。除咗烧烤食物，呢度仲有好多泰式食品提供，我哋叫咗椒盐鱿鱼须同泰式炒椰菜苗，鱿鱼须外层香脆惹味，入面肉质软腍，有鱿鱼鲜味，𩠌酒一流（事实上，成个场大部份食客都系啤酒接啤酒咁队，得我哋咁正气饮乌龙茶桔仔冰😆），椰菜苗比较少机会食，一个个圆碌碌好得意，炒得亦好香，不过质感偏硬，唔系我钟意嘅口味。本来仲叫咗蚝饼，不过漏咗单，唔紧要，因为食到呢度都已经饱哂，埋单时，发现原来唔使加一，所以算几抵食，会再嚟帮衬。
继续阅读
同老公行完街，喺观塘附近揾到一间 食串烧泰国嘢，反正咁耐冇食烧烤， 一于就试呢间 一上到去门口虽然简陋，但系内里别有洞天😍 入到铺头里面行出 露天地方直情系一个后花园 仲要有个摇摇椅相当吸引 打卡 一定唔少得 坐低冇耐店员就嚟招呼 我哋拣咗 鸡肾，牛脷，鸡软骨， 司华力肠， 鸡皮， 都算系唔错唔会烧得太干 另外仲叫咗烧蛏子， 埋到黎真系有惊喜好大只呀😍😍， 仲有淡淡嘅海洋味道 我哋仲叫咗两杯手工麦啤， 买一送一 有几抵饮㖞， 泡唔算太多但系饮落好滑
继续阅读
过埋听晚之后夜晚又冇得出街食😤谂起都有啲嬲想食港式串烧好耐，好多串烧嘅地方都系好迫夹呢间就啱晒有户外啲枱分得几开够晒阔落，应该安全！除咗串烧仲有泰式嘢食不过朕就无叫。烧青口好抵食$38有六只，只只都咁大只好好食，大嚿有肉多汁冇晒沙。OMG 日式烧豆卜系食过最好食嘅烧豆卜，好香脆甜甜地唔会过咗火，个感觉似炸但系一定唔系！烧完条蒜蓉茄子真系原条上#唔好谂错唔系一大碌 切好咗好鬼入味加埋啲蒜蓉，口感软绵绵。烧安格斯牛仔骨系好好食有4大块同埋烧得熟咬得开，极级惹味 。#太耐冇人食过肠仔 一食台湾黑椒香肠返唔到转头，虽然好似芝士肠咁细条但系太思乡觉得好好食。黑椒味劲浓，忍唔住嗱嗱声食晒啦两条再叫！唯一一样觉得唔抵食嘅就系烧黑毛猪辣条 $48以为有好多点知得一细串。啲菜上得好快，坐户外啲嘢食都冻得好快所以记住趁热食。静静鸡话你地知，啤酒买一送一冇写系餐牌度要问先知同埋每日啲啤酒系唔同。#黄丝餐厅 #黄色经济圈 #支持小店
继续阅读
出观塘买完嘢，㩒吓开饭揾嘢食，见到呢间榕易烧，地点实在方便，由apm行落巧明街必经嘅呢座港贸中心，又见好耐冇BBQ，一于去试吓!原来系2楼平台外面全户外自成一角，空气流通，加埋秋凉天气，正呀!坐落都几热闹，好多人知窿路，哈哈!坐低先叫咗杯“金麦啤”，因为见到买一送一，啱哂我地两个人；“蒜蓉粉丝烧苏格兰蛏子”份量十足，烧得刚刚好唔会韧，一啖食落去蒜味加上蛏子鲜味一齐，正!“芝士蘑菇酿鸡翼”内里好有层次，配合得好好，一碟两只唔使争；“鸡皮”“鸡软骨”简直系我嘅至爱，要嚟送啤酒简直系一流，“牛舌”整得够入味、够腍；“泰式炒椰菜苗”食咁多肉要食吓蔬菜先得，好爽口又唔太辣!希望疫情快D过，可以约埋一大班朋友再嚟食!
继续阅读