462
73
10
港铁荃湾站 A1 出口, 步行约7分钟 继续阅读
所有分店 (3)
电话号码
35654599
开饭介绍
怀旧港式冰室,番茄浓汤通粉配牛乳炒蛋同瑞士鸡髀是不少食客的必点之选。玻璃冰、红豆冰和绿椰冰等特饮亦有水准。 继续阅读
营业时间
今日营业
11:00 - 00:00
星期一至日
11:00 - 00:00
其他资料
Wi-Fi
食记 (592)
等级4 2020-11-13
258 浏览
今日去开荃湾买野,突然兴起想食瑞士鸡翼。上openrice见到呢间楼下冰室,好似好正咁,就一於去试下啦。去到见到都好爆场,经理都叫我哋要等一等,不过好快就入到去啦。量好体温之後,就安排我哋坐左系个卡位度,附近都有板格一格开。餐牌啲选择都好多,我哋睇左一轮就叫左几样野。饮品就上枱先,有菠萝冰同绿椰冰。菠萝冰有好多菠萝,仲系新鲜架,唔系开罐头果啲,我食极都食唔晒。而个绿椰冰就系椰汁冰同绿豆蓉,啲蓉都好多下,同埋椰汁饮真系一绝!小食我哋叫左3只瑞士鸡翼同芝士蒜蓉多士,个鸡翼系全翼嚟,亦都好大只下,食落啲肉好滑,啲汁都好入味,正。而个多士就大大块热辣辣上枱,烤得啱啱好,仲好脆。而啲芝士同蒜蓉都俾啲热力溶左,好香好好食。而主食我哋叫左招牌胡椒猪肚滑鸡米线同自家制葱花叉烧滑蛋饭。个米线系惊为天人地大碗,以为两个人食咁。入面啲配料多到食唔晒,而且好重胡椒味,冬天食好正。米线亦都好爽,饮埋啖汤就一绝。而个叉烧蛋饭亦都大大碗,啲蛋同叉烧多到睇唔到啲饭,叉烧入味又软熟,蛋亦都好厚身,饭底仲有豉油,捞埋食好正。最後想一提啲侍应好有礼貌,仲会介绍啲野食,做到无停手都保持到礼貌,咁样埋单都唔驶200蚊,好推荐大家去试下! 继续阅读
(以上食记乃用户个人意见 , 并不代表OpenRice之观点。)
等级4 2020-09-11
1133 浏览
嘻。食咗好耐外卖,今晚决定出去食个晚餐。路德围一向好多嘢食,间间都要排队。今次拣左冰室,呢间瑞士鸡翼好似好吸引,就试下啦。大概等左5分钟左右就有位啦,餐厅全部位都隔左白色板,私隐度好高😂落单要举高只手!!餐牌都有好多不同款,睇落蕃茄汤米线都吸引😬所以点左呢啲👇🏻瑞士鸡全翼:通常都系见鸡中翼多,全翼小见啲。好多只,上色均匀!食入口有小小酒香味,之後就甜甜地。全翼都腌得好入味,鸡肉好滑有肉汁😬炸薯角:即点即炸热辣辣,我好中意食薯角,就咁沾茄汁已经好好味啦牛乳炒蛋蕃茄米线值得一赞!个牛乳炒蛋真系好好食!好香蛋味又滑,唔会煮到又燶又老!蕃茄浓汤有茄肉,米线q弹唔会一patpat,赞👍🏻吉列猪扒:炸到好脆口,但唔会吉口,不过略嫌猪扒有点痴牙,唔够淋身。胡椒猪肚鸡米线:好大碗!个汤就咁饮会偏咸,不过配米线就岩岩好!鸡肉猪肚都有好多件。鸡肉好入味又够滑。红豆咖啡:红豆够淋身,咖啡又香,又几好饮啵脆脆华田:阿华田加上脆脆米,一啲都唔甜,味道岩岩好🥰🥰呢度好多卡位,装修又有怀旧feel,员工都好友善又有礼貌,赞👍🏻价钱唔算好贵,但食左好多野😋 继续阅读
(以上食记乃用户个人意见 , 并不代表OpenRice之观点。)
等级4 2020-08-17
1132 浏览
📍 楼下冰室一直都对蕃茄情有独锺,今次突登去左荃湾试下呢间主打蕃茄汤底既冰室。-- 餐牌食物选择非常多,除左主食之外,亦有好多款小食任君选择。饮品方面,除左一般大路既奶茶柠水,仲有好几款特饮有得拣。--- 特色蕃茄浓汤通粉配牛乳炒蛋,牛油厚多士 $46蕃茄汤入面浸左好多新鲜蕃茄蓉,好浓郁。另外,牛乳炒蛋作为配角都同样出色,炒蛋炒得相对乾身既同时亦保留到滑溜口感。牛油厚多士松脆可口,味道刚好。-- 招牌瑞士鸡脾 $28鸡脾颜色好深,应该卤左好耐时间。食落口同想像既一样,鸡脾好入味,唔似出面有D餐厅咁只系得块皮系有味。而且鸡肉保持到嫩滑,非常有惊喜。--芝士焗西兰花 $38西兰花食落冇草青味,而且焗得岩岩好,唔会太硬又或者太淋。芝士汁很浓郁,健康得黎又好食。--华田脆脆 红豆冰 单点各$22红豆煮得好够淋,甜度适中。另外华田脆脆味道浓郁,脆脆都落得好足料。---地址: 荃湾路德围14-18号B舖 继续阅读
(以上食记乃用户个人意见 , 并不代表OpenRice之观点。)
等级4 2020-08-16
710 浏览
最近经常在家工作,但不代表比在办公室上班空闲,我和同事们依然非常忙碌,有无数的工作要处理。不过在家工作,则可以在家附近吃想吃的东西做午餐,不用带饭或在公司附近还贵价便堂,也不错啦。虽然说可以选自己想吃的东西,但食饭时间只有一小时,所以只能选择港人最爱的茶餐厅,快速、便利的港人快餐,然後又回家中开会啦。特色蕃茄浓汤配牛乳炒蛋 $50汤通粉可以转做螺丝粉、意粉、米线、公仔面或汤饭,选择甚多,今次选择较少食的螺丝粉。蕃茄汤色好深,望落去好浓郁,入口有超浓蕃茄味,加上炒蛋,几高质呀。而且可以配一款配菜,我当然食招牌的瑞士鸡髀啦。大大只鸡髀,上晒瑞士汁色,好吸引。鸡皮好Q弹,入晒味,果然是招牌呀。焗芝士西兰花 $38想食点蔬菜,所以要份焗芝士西兰花。西兰花焗至好腍,放满芝士酱,好食呀。去茶餐厅食饭,一定要喝杯奶茶和红豆冰,奶够香,茶够滑,红豆够腍,甜度啱啱好。 继续阅读
(以上食记乃用户个人意见 , 并不代表OpenRice之观点。)
等级4 2020-08-07
643 浏览
餐厅简洁、明亮, 布置大玩 怀旧风味, 放满怀旧玩具、 posters 及物件, 充满心思 ,环境舒适, 进入餐厅前先量度体温及提供搓手液, 十分贴心。潮州蚝仔肉碎泡饭$50炎炎夏日, 吃蚝仔肉碎泡饭 最适合, 蚝仔饱满而鲜味, 配上大量肉碎、鲜菇片及香茜等配料, 卖相已经吸引,每口泡饭充满蚝仔的鲜味、惹味的香茜, 十分享受 。特色蕃茄浓汤通粉配牛乳炒蛋配招牌瑞士鸡髀$50牛乳炒蛋嫩滑, 蛋香诱人 , 滑蛋和通粉完全浸泡在蕃茄浓汤里, 酸酸甜甜, 令人胃口大开。招牌瑞士鸡髀, 必食之选, 瑞士 汁蜜甜惹味, 鸡髀卤得十分入味, 入口嫩滑, 特别是滋味的甜甜鸡皮,最後连鸡皮都通通吃光了, 认真大满足。炸韭菜饺子八只$35韮菜饺炸到金黄色香脆, 胀卜卜, 十分饱满, 饺子新鲜炸起,热呼呼,香喷喷, 轻轻咬下,肉汁四溢, 口腔内散发阵阵韭菜香气, 令人一吃再吃, 停不了口。芝士煎蛋猪扒包$35汉堡包包皮焗至脆身,夹着煎香猪扒、 半溶芝士、煎蛋及爽甜生菜, 馅料十分丰富, 大口咬下去, 发现猪扒好软稔, 充满肉汁, 口感多层次 ,愈吃愈滋味。西多士$25西多士大件厚身, 把大片牛油放在炸到金黄色、 热烫烫西多士上面,牛油慢慢溶化, 再倾下糖浆 , 卖相令人垂涎,西多士内里夹满花生酱, 口感幼滑 , 不错的黄金组合。新鲜菠萝冰$22 菠萝冰入口酸酸甜甜, 清新冰爽,仲有大量新鲜菠萝果肉, 诚意十足, 消暑解腻。绿椰冰$22黄色的绿豆蓉,口感绵密,配上香甜椰汁, 椰香诱人,炎炎夏天, 冰爽解渴。 继续阅读
(以上食记乃用户个人意见 , 并不代表OpenRice之观点。)