480
76
10
港铁荃湾站 A1 出口, 步行约7分钟 继续阅读
所有分店 (3)
电话号码
35654599
开饭介绍
怀旧港式冰室,番茄浓汤通粉配牛乳炒蛋同瑞士鸡髀是不少食客的必点之选。玻璃冰、红豆冰和绿椰冰等特饮亦有水准。 继续阅读
营业时间
今日营业
11:00 - 00:00
星期一至日
11:00 - 00:00
其他资料
Wi-Fi
食记 (616)
等级4 2021-03-21
377 浏览
平时经过荃湾路德围都见到楼下冰室经常大排长龙,今日因为OT 8点才到餐厅发现不用排队马上入座。餐厅怀旧装修,港式茶餐厅食物,价钱亲民,而且选择甚多。招牌特色蕃茄浓汤意粉配牛乳炒蛋蕃茄汤超浓郁,汤底偏向稠身,蕃茄味道甜酸适中,而且有不少蕃茄蓉,加上嫩滑的牛乳炒蛋,绝配。这个餐可以选其中一款小食,当然选招牌瑞士鸡髀。大大只鸡髀嫰滑入味,加上甜甜的瑞士汁渗透在鸡髀内,只是$50好抵食。鲜茄焗猪扒饭份量十足的焗猪扒饭,使用新鲜蕃茄,酱汁酸酸甜甜的和芝士融化在一起,铺在猪扒上,猪扒厚身肉质嫩腍,而且细心地为客人切好,最惊喜是炒饭底炒得乾身,粒粒分明,充满蛋香,比好多餐厅都做得好,超级推介。华田脆脆 可以半价点饮品,点了浓郁的华田脆脆,脆脆的非常有口感。话梅柑桔蜜话梅和柑桔蜜,味道很浓郁,而且好润喉。整体食物质数非常满意,性价比超高,这个价钱真的超值,而且服务态度非常好,难怪经常大排长龙,以後一定会常来。 继续阅读
(以上食记乃用户个人意见 , 并不代表OpenRice之观点。)
香港人最锺意食冰室,食物选择唔算多但胜在够专门,这家 楼下冰室 就主打自家熬煮无味精番茄浓汤。素食选择虽然唔多,蛋奶素都有款超厚滑蛋三文治,仲有个红豆奶茶都几有惊喜!楼下冰室在荃湾有两间分店,一间在路德围,近荃湾站A出口,另一间在荃荟商场近大窝口站。路德围这间开早上11点,原来是没有早餐吃的冰室。店内全部是卡位座位,红色背靠又几抢眼,墙上有怀旧挂牌,装修都有少少心思。这天一早来到,我拍完照不久就开始陆续有街坊来吃早餐或早午餐。午餐有番茄汤粉、饭和意粉等各种选择,全部都有配饮品,价钱算实惠。散叫选择也有多款,必点的当然是招牌番茄浓汤通粉,另外也有菠萝包、西多士、瑞士汁鸡脾和奶油猪等等,下午茶也有套餐。餐具拉开桌子底部的抽屉就找到。红豆奶茶 HK$26这边有多款好有吸引力的特色饮品,包括冰室必备的红豆冰和菠萝冰等,仲有个华田脆脆我都觉得几吸引,应该系美禄恐龙的朋友。我因为想饮奶茶又想食红豆就拣左红豆奶茶,个奶茶好够香浓非常惊喜,红豆唔算太甜但煮到软烂几好食,整体来说很有诚意的特饮!这个只有冻饮,唔想饮太冻可以少冰。厚切牛乳炒蛋治 HK$22唔好以为去日本先有好靓的厚蛋治食,在香港的冰室也找到,这个厚度实在令人见到都开心!炒蛋除了厚也够香够滑,喜欢吃厚蛋治的绝对不能错过。番茄浓汤通粉配牛乳炒蛋 (+芝士片 +素食) HK$50这里必须提醒大家,大部分在香港冰室吃到的番茄浓汤都并非素食,尤其系自家熬制无加味精那些,因为都会加猪骨和鸡骨等熬煮,素食者要留意了!不过如果你只系想吃多点蔬菜和吸引点茄红素,当然无妨。这碗选了素食就有腐皮、粟米粒、杏鲍菇和萝卜,再加上汤底的番茄和洋葱,我望到都觉得好吸引,个汤真系好浓厚香气十足。入面有腐皮真系超疗癒!好大片好足料架。然後我发现调味架上的胡椒和盐樽好可爱,所以特别帮它们拍照留念。番茄浓汤通粉和蛋治都系香港必吃名物,但不是每一间冰室都做得有水准,楼下冰室就两样都好靠得住,经过记得进去试试看。 继续阅读
(以上食记乃用户个人意见 , 并不代表OpenRice之观点。)
等级4 2020-12-28
1421 浏览
今日同朋友去完行街,之後想搵间餐厅坐低食返个下午茶。行过见到呢间茶餐厅客人又唔少,而且价钱又几吸引。所以就同朋友坐低食返个下午茶。好幸运有张卡座坐,有自己既私人空间。座位与座位间有隔板,而且唔会太迫。睇完餐牌,好多野都好吸引,蕃茄通、瑞士鸡脾、瑞士鸡翼,好多唔同款式,十分滋味。我同朋友一人点了一份下午茶,仲加左$10配埋特饮,开心下。我点了一杯华田脆脆,系一杯冻华田再加好多华田脆脆粒系面,冻冰冰既华田好滋味,透心凉,上面的华田脆脆好好咬,脆卜卜,好正,口感跟味道都好好。另一杯是茶记经典既红豆冰,香滑多豆,yummy yummy.我们仲叫多个小食。正呢个小食系麻辣脆鸡粒,带少少辣,但唔会超辣。外皮又脆卜卜,入面鸡粒juicy,啖啖肉,一啖一粒超香口,超惹味。一份下午茶是吉列猪扒配薯角。呢度既下午茶份量都超大份。大大块既吉列猪扒,块猪扒仲大过只手掌,炸到外皮金黄,但中间仍保持juicy,而且猪扒好腍身,好好味,啖啖肉。岩晒食肉兽。薯肉份量都唔少,热辣辣。超丰盛。另一个下午茶点了瑞士鸡脾配薯角。鸡脾啖啖肉,而且超入味,超香浓滋味既瑞士汁,令每一啖鸡脾都渗透左瑞士汁,又juicy又好味。呢度既瑞士鸡脾真系无得弹,又唔会好重味精,味道岩岩好,正。呢个茶餐好丰富又好味。平平地质素又唔错。 继续阅读
(以上食记乃用户个人意见 , 并不代表OpenRice之观点。)
等级4 2020-11-13
1384 浏览
今日去开荃湾买野,突然兴起想食瑞士鸡翼。上openrice见到呢间楼下冰室,好似好正咁,就一於去试下啦。去到见到都好爆场,经理都叫我哋要等一等,不过好快就入到去啦。量好体温之後,就安排我哋坐左系个卡位度,附近都有板格一格开。餐牌啲选择都好多,我哋睇左一轮就叫左几样野。饮品就上枱先,有菠萝冰同绿椰冰。菠萝冰有好多菠萝,仲系新鲜架,唔系开罐头果啲,我食极都食唔晒。而个绿椰冰就系椰汁冰同绿豆蓉,啲蓉都好多下,同埋椰汁饮真系一绝!小食我哋叫左3只瑞士鸡翼同芝士蒜蓉多士,个鸡翼系全翼嚟,亦都好大只下,食落啲肉好滑,啲汁都好入味,正。而个多士就大大块热辣辣上枱,烤得啱啱好,仲好脆。而啲芝士同蒜蓉都俾啲热力溶左,好香好好食。而主食我哋叫左招牌胡椒猪肚滑鸡米线同自家制葱花叉烧滑蛋饭。个米线系惊为天人地大碗,以为两个人食咁。入面啲配料多到食唔晒,而且好重胡椒味,冬天食好正。米线亦都好爽,饮埋啖汤就一绝。而个叉烧蛋饭亦都大大碗,啲蛋同叉烧多到睇唔到啲饭,叉烧入味又软熟,蛋亦都好厚身,饭底仲有豉油,捞埋食好正。最後想一提啲侍应好有礼貌,仲会介绍啲野食,做到无停手都保持到礼貌,咁样埋单都唔驶200蚊,好推荐大家去试下! 继续阅读
(以上食记乃用户个人意见 , 并不代表OpenRice之观点。)
等级1 2021-04-11
0 浏览
次次都会食佢地嘅午餐,系好味。服务都算ok,多人的时候,要等一等,都系值得一试。其他食物暂时未试,但见人地食,都系好似好好味,下次食其他的食物,希望都系一样咁好。 继续阅读
(以上食记乃用户个人意见 , 并不代表OpenRice之观点。)