極尚大瀛喜日本料理

营业中

休息中

呢日揀咗特價時段17:30-19:30黎食放題雖然冇book位但等咗15分鐘就入得 唔算等得耐食放題當然要食刺身可惜叫咗幾次珍寶赤蝦 都冇上到 有啲嘢食黎得特別慢到最後飽曬 先黎返一早叫過嘅嘢食但已經飽到食唔落 要推薦緊係芒果龍蝦沙律塔真係幾好味亦都試咗酸菜魚 細細兜 過下口癮食物整體質素都唔錯不過選擇唔算太多壽司同刺身都唔算好多整體不過不失 但價錢合理 可以一試

🚩 極尚大瀛喜日本料理 呢間嘢真係由中學食到而家，以前食覺得已經係皇帝級嘅享受，但而家睇返個價錢其實都幾親民～元朗分店人流好多，想食嘅可能要提早book位啦〰️〰️〰️〰️〰️〰️〰️〰️〰️〰️〰️〰️〰️〰️〰️🌈晚市放題 $248我就習慣咗早食晚餐，今次食嘅係5:30嘅時段～先講飲品區，除咗一般嘅罐裝同紙包飲品，仲有冷泡茶，椰青水，清酒/梅酒任飲‼️媽咪飲咗幾杯梅酒都覺得真係唔錯～食物方面，刺身都係好厚切，好肥美🤤不過壽司就較為遜色咗少少，鰻魚好厚肉，而且冇乜細刺，我自己都食左十件左右😆天婦羅即叫即炸，不過款式就唔多～串燒牛舌都幾jeng，羊架亦都唔會好多肥膏🍧甜品方面，款式都幾多，除左一般嘅雪糕甜筒之外，仲有雪糕機俾你大展身手😆作為m記前資深員工嘅我，緊係唧返杯比媽咪食😌仲有好多款嘅自家製甜品，味道都不過不失！

元朗區性價比高日式放題住附近想食放題這一間是不錯的選擇刺身熟食味道水準保持到，我個人較欣賞燒物熟食，永遠都是熱辣辣炸物亦夠脆而且上菜亦好快不需等很耐$2xx per one 食物選擇多價錢優惠

朋友見到人地食放題又想食，於是就推介佢黎元朗極尚大瀛喜☺️平日book咗位過黎，食八點半果場唔洗排隊☺️出面嘅熟食櫃同埋飲品櫃都有好多選擇，我都係出面畢咗碗仔翅同埋雞湯😉雞湯比我想像中好飲☺️刺身一定要叫呢個蝦☺️其他刺身質料都好好😉放題必要嘅海膽手卷☺️今日仲叫咗個羊架☺️覺得好抵食☺️花膠好大塊😛我幾鍾意呢個菜苗魚片，食咗兩碗，一啲都唔膩☺️個雞粥底都幾好食☺️其實我哋仲食咗好多小食，例如醉鮑魚、蒜蓉蒸帶子、燒牛舌、天婦羅、花螺等等多不勝數🥰真係食到捧住個肚仔走☺️而且佢埋單亦都唔貴，特別喺我哋食咗咁多嘢嗰個性價比非常之高

鍾意食放題嘅原因就係一個價錢可以食到好多唔同嘅嘢，款式多又鮮，真係諗唔到食咩嘅最佳好選擇放題必食刺身，自從放題之後我發現自己好鍾意食比目魚，因為出面多數平均好貴，但放題可以任食而且比目魚個味道又幾好龍蝦沙律餅好好食，下面係蒜蓉包餅乾底，我encore咗好多次👍🏻另外出面夾嘅葡撻都好建議食，熱辣辣好好食😋仲有牛舌都好值得encore，薄切但口感好好🥰無論係小食前菜熟食炸物甜品雪糕飲品種類都係多籮籮，總有一款啱你口味，正所謂唔使擔心有嘢唔食

喺大西北約朋友食放題，諗嚟諗去都係會去返元朗Yoho Mall嘅呢一間極尚大瀛喜日本料理，價錢經濟、選擇又多，食咗好多次，絕對係質素保證✌️食放題慣咗第一round叫一大盤刺身，三文魚、吞拿魚、八爪魚、油甘魚、甜蝦、填蝦、北寄貝、帶子、榮螺，刺身類好新鮮🥳師傅刀功幾好，擺盤亦精巧細緻🤩近幾個月都冇乜食放題，今次可以一次過滿足晒我食刺身嘅意慾😈串燒/一品料理環節，最鍾意食佢哋出品嘅燒牛舌🥩燒得好香口，同時保留到好多肉汁！芝士焗大蝦🍤上次嚟食好似唔覺有呢個有得點，今次試咗覺得幾唔錯！炸物類，芝麻雞翼、吉列炸蝦、鮮奶卷、紫薯波波，全部都好邪惡但一定要食😍每次都必食嘅牛油炒粟米😆飲品有自家製冷泡菜、Somersby蘋果醋，好過飲汽水🤣呢度前菜、小食係放喺自助區範圍，可以出去自取，想食乜就拎乜～炸得好香脆嘅薯角🍟隔離仲有細細件嘅葡撻，細細件設計真係幾好，可以過足口癮之餘，同時又唔會太佔食量～巨型飲品櫃，好多選擇😀食飽之後仲有自助雪糕機！甜品區，今次食到太飽冇試到，下次有機會再試！

日本放題當然不少得刺身，三文魚、帶子、大蝦、拖羅、赤貝都非常新鮮。食物以QR code落單，以件數叫，因為我們只是兩位女生不想浪費，所以每款先叫一點。另外熱食推薦有：🔥羊架超香而不騷，羊肉新鮮，熱辣辣焦脆外皮與軟嫩肉質非常好吃。🔥蒜燒帶子蒜香牛油與帶子超級夾。🔥一口牛日式醬汁燒一口牛超級惹味，牛味濃郁。🔥和牛壽喜燒超下飯壽喜燒，配合金針菇，all time favourite!另外自助區有多款日式冷盤，包括:螺肉、白灼蝦、海蜇、沙律；熱食有：黃金翅花膠螺頭煲雞湯、四季豆等。不少得自助飲品櫃，還有自助咖啡機。

終於同朋友來一次（久違）的聚會。朋友仔特意選了放題，有3個鐘可以任坐任食。朋友仔落單，刺身每次數量都係人頭一件，寧願再落唔好晒。刺身：三文魚（新鮮）。帶子切得細細粒（官塘果間較大粒）。大蝦同甘蝦。北寄赤貝（ok），貝一口海胆手卷（ok）熟食：醉鮑魚（唔韌有酒味）。羊架（喜歡酥就喜歡）。吉列蝦（漿唔厚，最好的是配甜芥辣）。炸鷄翼（有肉汁）。葡撻（不太喜歡）。炒豆（ok)。螺仔（ok)。飲品：自家白桃茶（ok)。甜品：無食結帳時朋友仔話 openrice 有優惠9折。

【Background】日前同同事討論邊間放題抵食，10人有9人都推薦「極尚大瀛喜日本料理」😂 見元朗原來都有分店，帶埋老婆一齊去探下究竟先🤣.雖然以前都有去過大瀛喜，但元朗分店感覺上空間感大好多，座位寬敞，完全冇擠迫嘅感覺😆值得一提嘅係，上菜速度快，收碟迅速，食物上枱時新鮮度同熱辣辣度都好有水準👍────────────────────【價位】8點入場，任食2小時，每人都只係$278(未加一）就有交易。晚市黃金時段黎講，價錢都好親民下🥳 .落單方式有兩種，掃QR code同自助區自取。QR code主打刺身，壽司，手卷，料理，串燒，燒物，炸物，煮物，天婦羅。而自助區有沙律，冷盤，飲料，湯，甜品，熟食，雪糕及少量小食。.【自助區】等緊QR code order嘅食物時，要抓緊時間，去自助區搵野食😂 推薦：1. 迷你葡撻：一口既迷你Size，入口好鬆化，蛋香同牛油香都好充足😍2. 麻辣青瓜/欖菜四季豆：炒得好入味，香辣惹味，好岩愛食辣嘅人3. 黃金翅：足料碗仔翅，相當好受歡迎呢！啖啖都食到木耳絲，粉絲，荀絲等，加少少紅醋，超正😎4. 飲品：有汽水，啤酒，自家製花茶，清酒，椰子水，熱飲，咖

想食刺身可以揀放題咁就唔洗食壽司走飯🤭極尚大瀛喜日本料理放題款式好多一家大細都啱食😆小芙唔食生嘢，但有佢至愛嘅羊架、扇貝、鮑魚🤤我就梗係食刺身、壽司啦🤩自助區仲有沙律、生果、凍蝦、蛋撻、雪糕、甜品等，勁多嘢食✨✨小芙連食兩塊羊架，佢話好嫩好好味新鮮扇貝有勁多蒜蓉，好香赤貝、帶子刺身好鮮甜，迷你海膽手卷又cute又滑烏冬控小芙食到飽都要食碗稻庭烏冬🤣🤣兩百幾蚊一位真心抵，食物質素性價比高難怪排晒長龍等位🫶🏼🫶🏼

啊妹鍾意食刺身，同佢去元朗食放題就岩晒，每人二百蚊多少少都可以食到滿足。刺身壽司燒物炸物乜都有，兩小時放題食到飽！☺️😆🤩刺身基本選擇eg挪威三文魚、希靈魚、北寄貝、帶子、虎蝦、甜蝦等等都有齊。每件魚刺身都切得厚身，虎蝦更是超大件厚肉鮮甜，喜愛刺身可以食滿足而回。壽司每件手握壽司比正常偏細粒少少，但正因為放題要食得多款，細細舊每款都食到幾好啊！炸物要了幾款如芝麻雞翼、黃金蝦、炸鮮奶、吉列炸蝦等，每樣都是即叫即上，新鮮炸起送上枱，保證脆口！燒物呢度串燒幾有風味，特別喜歡燒蝦串，蝦殼燒得脆口，肉質夠彈，微微椒鹽好香口！另外仲有幾款甜品和好多款飲品雪糕任食！仲有特別之選醉鮑魚😆

極尚大瀛喜日本料理📍元朗朗日路9號形點1期2樓2001A舖=====================元朗大瀛喜開左好耐，身邊朋友食過都讚好👍🏻今次同朋友試下😆有自助拎餐區，有雪糕機、糖果區、飲品櫃、甜品區、沙律及小食區，好多選擇🤩其他食物就有QR code落單，分別有刺身、壽司、創作料理、手卷、串燒、燒物、炸物、天婦羅、一品料理、同埋其他主食好鍾意手卷，份量唔大，一啖食晒，不是平常見到的手卷份量，是迷你版迷你海膽手卷好鮮甜，推介必試每次食生冷野前，會食D熱野先，好中意花膠螺頭煲雞湯😋有花膠😍勁驚喜燒物推介：燒菠蘿🍍好甜勁多汁，忍吾住encore食多幾次人均消費$200左右，值得一試

家姐生日問佢想食咩答案竟然係想食大量刺身因為姐夫唔食生所以好少機會食既然想食大量刺身我就同佢去食放題啦我今日就揀咗去元朗食啦喺度梗係第一時間點大量刺身啦雖然我哋得兩個人仔但係點刺身嘅慾望實在太激動第一盤主打蝦同埋三文魚三文魚係口齒而且肥美蝦爽口彈牙我地一隻接一隻食第二盤就係主打海蜇同埋魚片淨係睇相都要應該會感覺到嗰個新鮮度魚片有自身光澤之後梗係唔少得一件件嘅壽司啦佢嘅帶子壽司同埋左口魚壽司真係完全同出面壽司店無分別食放題除咗食刺身之外仲有樣嘢，就係食佢嘅多元化燒羊架牛柳粒同埋燒菠蘿都係我放題好鍾意食嘅因為惹味放題要定好多唔同嘢食不過我最驚嘆嘅係佢哋竟然有酸菜魚佢哋嘅酸菜魚魚片大大塊仲要無骨搞到我哋要encore女人甜品有第二個胃所以最尾梗係去返隻個自助雪糕同埋食埋甜品慶祝生日食放題一定唔會失手

今日嚟到元朗YOHO Town 1期嘅大瀛喜，聽朋友話呢間好爆，通常都排長龍，來到一睇果然係，一共有兩條隊，一條就有訂檯，另一條就係walk in嘅，至於我排嘅邊條龍，聰明嘅妳應該就都知㗎喇。夜晚時段係兩個鐘，咁一入去就首先點咗放題必食嘅刺身，有三文魚，油甘魚，吞拿魚，希靈魚，甜蝦，虎蝦，珍寶赤海蝦，有北海道帶子，北寄貝，赤貝......有四樣嘢encore咗幾次，佢哋就係珍寶赤海蝦，酒煮榮螺片刺身，赤貝刺身，冰鎮花海蜇刺身，好新鮮甜美。其中冰鎮海蜇刺身就真係好少見，喺放題嘅時候。生果方面，除咗一定叫嘅燒菠蘿，今次仲發現咗自取嘅蜜瓜好甜，超好味，唔輸蝕過我鍾意嘅菠蘿。另外放題可以食到酸菜魚都係一大創舉，質素都唔差嘅。仲有榴蓮雪條亦值得推介。

相信住元朗嘅朋友都唔會陌生，今日中午我去咗位於YOHO既日式放題，極尚大瀛喜。自助區擺放左甜品同冷熱飲品，仲有日式前菜、凍海鮮選擇。食日式放題梗係要食刺身啦，好多放題店既問題係上菜太慢同唔跟order既數量上菜，今次我哋完全冇呢個問題，用QR code點單方便又唔會漏單😍再講講刺身嘅質素，三文魚、甘魚夠肥美、新鮮，而我最鍾意係虎蝦刺身，大大隻😝壽司款式唔算花巧，但值得一讚係每舊飯量都唔算多，始終米飯容易有飽腹感，每款試少少都唔會太飽，其中幾特別既有鮑魚仔手卷同黑松露赤蝦壽司🥰至於熱食款式太多不能盡錄，特別一提嘅有榴槤炸彈，榴槤波波炸到外皮好香脆，入邊就有榴槤嘅餡料，真係做到外脆內軟。另外我最愛食金湯酸菜魚🥰，估唔到又整得幾好食喎，同平時既酸菜魚專門店有得揮，幾舊魚片唔算好多、唔怕食唔曬，仲有吸曬酸辣精華既薯粉喺底，食完成個口都麻左😆餐廳嘅飲品款式都好多，冷泡茶、梅酒都有得飲，食得太多生冷野有熱飲☕️提供，真係平平哋就去咗個日本美食trip咁。☺️