極尚叉燒

营业中

休息中

【沙田區】【極尚叉燒】始終我係住喺沙田第一城，第一城開新餐廳，我點都要講吓。開咗 1am第一城 呢個系列都好似冇郁過咁，我自己都會慚愧㗎嘛。我食咗呢間嘢兩次，兩次都係下午茶時段去，所以兩次都係食佢哋嘅「港式下午茶」。平得嚟又食多啲嘢，可以寫到畀大家睇。第一次去叫咗 $39 嘅「巨人西多士」，其實我都幾期待，個名吹到咁大。點知一上菜，巨？邊度巨？冇人識佢喎。不過花生醬都夾得幾足，食落其實唔差嘅。加 $22 要多三隻「牛油蒜蓉雞翼」，好細隻，冇乜感覺。不過要 QR Code 落單，先會見到啲小食。嘢飲我就加 $3 熱「招牌香滑奶茶」加大，加錢係因為佢真係好大杯，慢慢飲幾好嘅。埋單 $64，稍貴。第二次就叫咗 $45 嘅「叉燒皇湯瀨粉」，啲叉燒日日做 gym 咁，勁瘦，不過嘢飲有得配熱「玄米茶」又幾好。今次埋單 $45，都冇咩好挑剔，未必再食。。。（地址：沙田銀城街1-2號置富第一城地下G74-75號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #foodi

已經差唔多8pm 對上嗰餐係早餐 忙碌咗成日 去所處附近嘅第一城搵食 行過呢一間燒臘舖已經畀櫥窗嘅燒臘吸引 好似幾好味喎 燒臘加例湯先至54蚊 真係非常抵 加三蚊仲有嘢飲 於是我就叫咗個叉燒飯 叉燒飯啲叉燒非常幼嫩肉汁充滿 例湯係西洋菜紅蘿蔔湯好好味 港式奶茶好正宗 食到底仲見到呢一句 五個字就形容曬我心情

每次早餐首選都係佢，主要都係服務態度及食物質素唔錯、價格經濟，今次點了吉列魚柳配薯餅、茄汁豆、炒蛋、奶油豬，魚柳好大塊又夠熱夠脆，薯餅都唔差，跟魚柳一樣夠熱夠脆，炒蛋有點乾唔夠滑，味道都差點點，如果加返啲鹽就好，搞到味道都差點點，炒奶油豬又牛油又煉奶(多醬)，變相外脆內juicy，加$8要埋個火腿通粉及即磨咖啡好飽。另一個係雜菌煎蛋麵，麵硬度合乎「爽」，煎蛋係太陽蛋，味道&口感唔錯，熱飲係熱檸水。

今次小熊貓就嚟沙田，忽然間想食燒味飯，然後就搵到呢間餐廳啦叫咗個雙拼下午茶，燒鵝拼貴妃雞配湯米🤗燒鵝比較肥膩，但香料入晒味，所以幾好食～ 貴妃雞都係做到皮脆肉嫩～ 燒味嘅份量都夠，湯米正常發揮～ 下午茶嚟講係一個不錯嘅選擇

由試業開始幫襯水準都能保持，早、午、晚3個時段都已經食過，個人喜歡早及午餐，因為脆口的燒味到夜晚就keep唔到啦，同埋會凍冰冰。今次係食午餐，燒肉拼油雞配米粉及燒肉拼貴妃雞配河粉套餐+老火湯+雜菌時蔬+餐飲，燒肉皮相當脆口，油雞肉質滑嫩味道足，米粉模樣&口感與其他餐廳唔同，感覺上比較好食，雜菌時蔬要另加$22，菜的款式&量度都合乎價格，老火湯不過不失，所有食物都係熱，燒味保持有輕熱度。唯一需要改進係個別員工服務態度，有位員工執枱時不慎倒瀉湯汁到另一客人身上，可以一句唔好意思/對唔住都冇講，係一粒聲都冇行左去拎紙餐巾抹完就走，一句野都冇同客人講，真係唔得!!

之前食過，今日再去試下叉燒真係唔錯，外層烤到焦香脆口，入面啲肉又嫩又多汁，甜鹹味啱啱好，食落好滿足。佢哋嘅蜜汁仲幾加分，令成個叉燒嘅味道更加出色。不過，有啲部位油脂偏多，鍾意瘦肉嘅人可能會覺得有啲膩。除咗叉燒，白切雞同燒鴨都算中規中矩，肉質鮮嫩，但味道上就冇乜驚喜。餐廳環境幾靚，地方夠寬敞，服務員態度又好，效率亦都幾高。不過，Lunch人多時出餐會慢左D，整體都尚算滿意。係第一城嚟講，呢間餐廳適合追求高質燒味嘅人，特別係對環境同服務有要求嘅客人。呢個價錢，絕對值得一試。

今日同埋朋友去試下，D燒味係好正既，燒鵝同叉燒都好夠味，呢個質素價錢算抵食。唔知係咪太多人入座，都要等左一陣先上食物，第一城黎講算係高性價比。值得一試～見隔離枱叫左燒肉賣相都好吸引，留返下次再來先試。

估唔到我係第一個寫食評ge 客人。講真句，呢間嘢嘅燒味真係幾好食，叉燒好Juicy，油雞又夠滑，最重要係，呢間嘢係第一城嚟講，價錢算係合理，所以成日諗住食完一次，都會再幫襯。但係好可惜好食都冇用，因為啲員工超級唔掂。因為知道自己太夜幫襯，9pm入去嘅時候，問佢哋閂幾點，佢哋話閂10pm，不過9:30pm last order 我先至入去幫襯。一坐低咋咋臨叫嘢食，我哋食得好快，費事阻住人哋收工。到9:12pm，收銀位女士叫我哋埋單先，我哋差兩啖就食完啲飯，都諗住食完碟飯先至去買埋單。1分鐘後，即係9:13pm，收銀位女士又叫我哋埋單，但係我都講咗，其實我仲爭一啖飯就食完，佢都要催我買單先，因為佢話佢要埋數，埋完數就要去銀行入錢😑原來呢啲都係顧客嘅問題😐我明白阻人收工等於殺人父母，但你9:30之前都會有客人入嚟啦，咁如果等陣有客人入嚟，你係唔係又即刻叫佢埋單？同埋你可唔可以睇吓人哋碟飯仲有幾多食完，你先再催人埋單呢？又不如你講明一入到嚟食飯就要埋單啦。結果我哋都照佢意思9:13照埋咗單俾佢先，谷住道氣食埋飯飲埋嘢坐一陣，剛好9:28pm 有客人入嚟話食嘢，然後佢同人哋講截咗單了🙄香港飲食業