遙

昨晚同朋友去咗间日式料理店，点咗几款嘢试下。首先系**牛肉寿喜烧窝**，汤底甜甜地，加埋香浓嘅寿喜烧酱味，好开胃。牛肉切得薄，涮几秒就熟，肉质软腍，吸晒甜香汤汁，好正。菜同豆腐吸满汤味，食落暖笠笠。 之后系**油甘鱼寿司**同**三文鱼寿司**。油甘鱼肉质滑溜，有自然嘅油香，入口即溶；三文鱼鲜味十足，脂香唔腻，寿司饭醋味适中，唔会抢走鱼嘅味道。师傅捏得唔错，一口一件好满足。 最后上**鳗鱼炒饭**，鳗鱼烧到外层微焦，甜中带香，切粒同炒饭一齐炒，饭粒分明，带少少锅气。甜酱渗入饭度，每口都食到鳗鱼香。 整体嚟讲，呢餐算系水准以上，寿喜烧暖心，寿司新鲜，炒饭好香，份量啱啱好，价钱合理，下次仲会想再去！ …查看更多

今晚6点几，路过呢间日本野见有位，野食又啱食就入咗去食。埋单时候俾咗张1000元，冇发觉跌咗另外一张1000元，找完钱就已经走咗。行紧去搭车个店员竟然追出嚟同我地讲跌咗张1000元俾返我地。坦白讲，如果佢唔追出嚟，我真系唔会知。好人好事呢啲野估唔到喺香港仲有😭讲返啲野食先，啲野食例如炒饭，比目鱼西京烧，烧三文鱼头，炒饭都唔错，啲野食都几热，味道ok大家经过可以帮衬下，好人好事好野食就share 下…查看更多

简简单单食个lunch。餐厅位置非常方便，土瓜湾B出口一出就到。餐厅冷气够凉。午餐选择够多👍👍可以去多几次。面壁思过位，坐落都阔落。无想像中咁衰。我叫左杂锦鱼生饭，加可乐，有沙律，面豉汤及雪米糍（$91 ，午餐不用加一）。仲有热茶供应。…查看更多

遥食评应承咗师姐请食饭，拣咗良辰吉日找数，朋友介绍咗一间土瓜湾开业咗13年，性价比高嘅居酒屋，我同师姐都系喜欢日本饮食嘅朋友，所以趁做嘢食好嘢。 第一次帮衬嘅客人都会好奇一件事，「点解老板系韩国人，唔开韩国餐厅，会开日本居酒屋？」 原来爱屋及乌嘅老板喺香港住咗将近20年，了解香港人喜欢日本菜，所以投其所好。佢喺韩国老家修读酒店管理，之后喺酒店嘅日本餐厅工作，所以老板系日本菜同埋日本清酒嘅专家，因此我哋呢一餐就交畀老细发办。 同师姐倾咗冇几多句，就上咗牛油果大虾沙律，呢道沙律卖相看似普通，其实一入口就会见真章。首先感受到沙律菜嘅新鲜爽脆，车厘茄粒粒饱满，大虾口感实净，牛油果嘅软硬质感啱啱好，唔会过熟或者过生，系多咗少少沙律醋，整体感觉吸收紧源源不绝嘅大自然嘅能量。 跟住上嘅就系居酒屋必备嘅串烧，老板帮我哋拣咗白鳝、鸡肾、牛舌、同埋黑豚芦笋卷。食材新鲜，上菜嘅食物几乎都系原汁原味，只系牛舌配芥末籽酱。白鳝爽脆，鸡肾爽口。坊间嘅串烧牛舌，喺一款容易烧到輆口嘅一道菜，师傅突出牛舌嘅味道，加埋芥末籽酱，系平常日本菜以外嘅食法。黑豚芦笋卷，黑豚烧肉片不油不腻，包住幼嫩嘅芦笋，系一个味道同卖相都精致嘅组合。 食完串烧，当然要体验遥嘅招牌刺身，因为系公事会面，所以刺身组合比较简单，包括三文鱼、油甘鱼、带子、生蚝、同埋大虾。日本直送嘅新鲜刺身，果然名不虚传，三文鱼同油甘鱼都系提供优质部位，感受到满满深海好Omega-3 滋养。新鲜带子、生蚝同大虾，带子清新，质感柔软。大虾肉质弹牙，分开虾头同虾头嘅时候食嘅时候，虾膏仲爆晒出嚟。最有感受就系只生蚝，感受到大自然嘅海洋营养，口感creamy，加埋秘制酱汁，喺呢餐饭嘅一个高潮位。 老板预计我同师姐未够饱，所以推介咗招牌菜牛舌芯丼，呢个牛舌芯丼认真不得了，牛舌系一款好讲究功夫嘅食材，师傅首先挑选牛舌芯嘅部份，跟住薄切牛舌，厚度就好似牛肉丼嘅牛肉片差唔多，之后加汁烧。第一口牛舌片，口感细滑，完全唔觉得系食紧牛舌，好似食紧上乘嘅牛肉片咁样，丼上面嘅新鲜鸡蛋黄、秘制酱汁、椒丝同葱花，呢个丼饭确实系招牌担当，系另外一个高潮位。 最后俾我呢位为食朋友揾到红豆冰卷呢度甜品，而家天时热热地，嚟一度冰凉嘅甜品实在系赏心乐事。呢个红豆冰卷特别嘅地方，就系冰卷嘅馅系红豆蓉再加绿豆蓉嘅组合，我请教老板点解系红豆加绿豆嘅组合，老板话绿豆嘅口感会比较清爽，打破咗日本红豆配绿茶嘅固有印象，皆因高人气，餐厅开幕到而家红豆冰卷就已经长卖长有。本来我师姐已经食饱，都忍唔住试呢个冰卷，仲要外卖四件返屋企开心share！ 原来遥系土瓜湾嘅地区招牌，交通便利，土瓜湾港铁站B出口一到地面就见，目标系提供性价比高嘅日本菜，13年来韩国人老板已经同当区居民建立咗非一般嘅感情，一早超越老板同食客之间嘅关系，相信同韩国人老板能够讲流利广东话，喜欢同客人小酌一杯不无关系，喜欢居酒屋饮食嘅朋友一定要拜访！ 我同师姐深深感受老板嘅对客人嘅温柔细心，同老板倾偈简直如沐春风，之所以遥嘅饮食咁得客人欢心，皆因老板用心经营，会不停Review 遥嘅菜单，务求客人能够享受饮食嘅快乐。今次实在感谢朋友嘅推介，令我同师姐无论身体同心灵都得到满满嘅滋养。#遥 #土瓜湾 #居酒屋 #日本菜 #日本居酒屋 #刺身 #串烧 #牛脷 #空运到港 #日本直送…查看更多

早两日在土瓜湾的遥寿司吃了一顿午餐，点了8件锦寿司配热乌冬，还有烧三文鱼鮨。整体来说，这次的用餐体验算是中规中矩。寿司的味道还过得去，材料也算新鲜，但总觉得少了点惊喜。配搭的乌冬汤底有点偏咸，虽然面条口感不错，但汤的咸味稍微盖过了其他风味，有点破坏了整体的感觉。至于烧三文鱼鮨，鱼肉虽然新鲜，但烧得不够香，没什么特别突出的味道，整体来说感觉很平淡 😐。服务方面还算可以，服务员态度友好，但上菜速度有点慢，可能因为当时人比较多，等菜的时间有点长，这让用餐的体验稍微打了点折扣 🕒。这顿饭总共花了HK$365，以香港的物价来说，性价比还算不错 💰。不过，如果你是想找特别美味的寿司，这里可能不会让你特别惊喜。总的来说，遥寿司的寿司和乌冬都还算中规中矩，没有什么特别出色的地方，但也不至于让人失望。乌冬汤底有点咸，可能不太适合喜欢清淡口味的朋友。如果你在土瓜湾附近，只是想随便吃点寿司填饱肚子，这里还是可以考虑的，只是不要抱太高期待就好 😊。…查看更多