楓林小館

营业中

休息中

周末陪父母飲茶，就揀了環境舒適安靜的楓林小館。周末茶芥每位$12；而二至四人就可以半價點選一籠指定點心，我們就點了一籠三件的蝦仁燒賣皇。大大隻蝦仁鋪在頂層，爽口彈牙。豬肉扎實新鮮，亦夾著兩只蝦仁在其中，果然不負燒賣皇之名。香辣臊子稻庭烏冬是新菜式，特價$68。配料豐富，肉燥入味，湯底酸辣可口，稻庭烏冬煙韌有咬口，個人是偏愛這類酸辣口味的菜餚。紅燒乳鴿是楓林招牌菜，當然也是必點之物。鴿皮燒得香脆而不油膩，肉質則滑溜多汁，完全無乾柴。伴碟的蝦片也脆身，不是現成買回來的貨色。餐廳送上乳鴿時，一併提供膠手套和濕紙巾，安排細心。黃金四季豆鹹香十足，四季豆也青嫩。椰香元肉燉桃膠好足料，每一口也有椰香，但又不會有膩感。結帳時。店員更送上免費的養顏雪耳椰子羮，清甜可口。

好耐冇食乳鴿啦~比起龍華，我更鐘意楓林小館~乳鴿 $78/隻乳鴿雖然唔係好大隻，但皮脆肉嫩又夠味，對得住個價錢~脆香牛油白飯魚 $78白飯魚超大條，夠晒酥脆香口，送啤酒一流~不過我哋去嘅時候未有酒牌，可以去7-11入貨~羅定豆豉雞 $168鐵板上，夠晒熱辣辣~不過好鬼咸... 欖角冰梅骨 $148甜甜哋，排骨又香又惹味，推介~酥炸桶蠔 $238一碟五隻大大隻！隻蠔炸到僅僅熟，夠晒嫩滑，食一隻都好飽肚，正呀~黃金蝦炒飯 $128雖然用咗咸蛋去炒，但都有啲淡，又唔夠茶記炒得咁夠鑊氣，不值。海鮮蝦湯泡脆米（走青）$168溝埋脆米幾有咬口，幾得意~不過蝦湯又係好淡... 懷舊菲林 $unknownLong time no see！所以冇睇價錢就叫咗~即叫即蒸~好有童年回憶！紅豆沙 & 芋頭西米露 $0免費送嘅糖水都夠甜夠杰身，個人推介芋頭西米露~

7.1大遊行， 銅鑼灣實在太多人， 想静静地找一個地方避暑及飲茶地方。坐位舒適， 燒賣很大粒， 上面有一隻爽蝦。 雞絲脆脆春卷即炸很好味， 新鮮又有口感。值 得一到。鬧市中的恬静飲茶地點。

黎過2次，都覺得食物水準不俗，夠大份，吃得飽飽。環境亦舒適，不過服務有待改善。成日想叫野，都搵唔到人，問員工優惠詳情，又唔清晰答唔到。他們做緊優惠，12點20分前離座8折，但店舖話11點半開，唔會準時開舖，上到去員工仲食緊飯。點完野食物還要等半個鐘先到，要享用優惠就要食得急過食快餐，所以優惠如同虛设。

晏晝無野做就同屋企人周圍搵茶飲，本來諗住都係富X或者美X之類嘅酒樓就算，又咁啱誤打誤撞搵呢間，就膽粗粗試下啦入去係中式風格既裝修，相當骨致，而且好鐘意佢既卡座位係有塊小屏風，可以用黎隔音~話說飲茶有道考牌點心係必嗌，燒賣腸粉蘿蔔糕。點解係呢3樣？因為呢3樣都係可以拎貨返嚟返蒸但又可以廚房人手製作相對簡單既點心~呢度既燒賣好大粒而且好實，面頭大大隻蝦就已經知係自家製作啦~蘿蔔糕夾得大力就會散，而且入口係feel到一條條蘿蔔絲，又係真材實料既自家製點心~可惜呢度無腸粉，如果唔係一定叫埋！

由大圍搬到CWB, 裝修優雅舒服,每張桌之間有適當距離,不會有壓迫感,而且職員主動服務,又有禮貌。中午12:20前離座有8折。一個茶位12元,叫左個黃金蝦炒飯,118元。折後117元~很岩靜靜地食個LUNCH的朋友。

楓林小館鬧市中一處寧靜嘅茗茶館本身以為佢係做小菜，上到去先知有點心食，仲係超晒班嘅質素!蝦餃$49飲茶例叫，絕對係酒樓考牌之選，而楓林小館應該係學霸，長期拎100分！佢嘅蝦餃用咗3隻蝦，而且肉質好實淨爽口，絕對唔係拎貨返嚟蒸嗰啲隔夜貨！水晶肉$68食過幾次水晶肉，唔係一夾就散 就係 肉嘅部分太多，搞到好似食緊豬手肉件。但呢間嘅水晶肉幾特別，本身已經係肉嘅部分較少，但咬去落又無果種好肥膩嘅感覺，加上本身係凍食，夏天當開胃菜真係幾正~椒鹽豆腐粒$49呢道菜真係大排檔必點，但喺酒樓嗌都係第一次XD楓林嘅整法有小小特別，個外皮唔係一般上好厚嘅麵粉炸完就算，而家有啲心機去整到個外皮好薄好脆，入口嘅時候脆皮入面包住軟嫩嘅豆腐，係邪惡到停唔到口~其他點心都好高質，但價錢其實唔貴，CWB黎講真係可以再ENCALL~7/10

這篇食評是針對《楓林小館》的招牌菜「紅燒乳鴿」而寫的。以前這裡的乳鴿是我常常會掛念的，大大隻、肉汁豐富、肉質彈牙、熱辣辣，原隻上枱用手撕來吃，超好味！自從它賣舖之後我已找不到這麼美味的乳鴿，所以一知道它在銅鑼灣重開，我非常興奮，滿心期待。這天來到楓林小館為朋友慶祝生日，今天在坐的各位都很愛吃乳鴿，可惜，吃完無不失望而回。原來，經典菜式，失去了就不可復還。首先，現在的乳鴿細細隻（$78），尺寸比以前頂鴿細了四分之一；細隻了，但肉質沒有特別軟滑，失望。今次我們是一隻切開四件的（錯的決定），結果因欠缺肉汁，不好吃。相隔 3年，最失望連醃料味道都不同了，《招牌紅燒鴿》的味道都保不住，變成一般酒樓的水準。不好吃，相信是因為現在的乳鴿貨源變了，以前的鴿子肉味濃濃、肥瘦適中，是真正的「頂鴿」。老闆，能找回以前的貨源嗎？另外，男士投訴男廁非常惡臭，女廁衛生還可。

由大圍轉戰銅鑼灣的楓林小館，是我一直留意的，今晚終於有機會可以來到吃晚飯。全層的楓林小館，裝修雅緻，有大堂雅座、卡位和貴賓房。芝麻鹽焗雞半隻$298，這個鹽焗雞原本要預訂才有的，不過有個熟客訂了半隻，所以有半隻未有人要，我便第一時間要了，當我第一啖雞肉，就知道選擇正確。因為採用了新鮮雞，雞皮爽口又帶著芝麻的香味，雞肉鮮甜嫩滑又有雞味，未吃之前覺得$298半隻有點貴，吃完就知道物有所值。我絕對推薦👍🐥⭐️⭐️⭐️⭐️⭐️花膠瑤柱炆伊麵$148，這個伊麵份量足夠三人吃飽，而花膠和瑤柱已經切碎，所以味道已經浸入伊麵，味道更鮮甜。👍🐥⭐️⭐️⭐️⭐️⭐️如果配合自家製XO醬，就更加好味。👍🐥⭐️⭐️⭐️⭐️豐料老火湯每位$49，今晚是雞骨草煲豬骨，雞骨草有清熱疏肝作用，湯的味道濃郁而鮮甜，怪不得是經理重點推介。👍🐥⭐️⭐️⭐️⭐️⭐️甜品：腐竹白果雪耳和綠豆沙。雖然是送的味道比起甜品專門店毫不遜色。👍🐥⭐️⭐️⭐️⭐️⭐️腐竹白果雪耳，腐竹味道濃郁，配上白果和雪耳，感覺清潤。👍🐥⭐️⭐️⭐️⭐️⭐️綠豆沙內的綠豆已經煲溶了，甜度適中。👍🐥⭐️⭐️⭐️⭐️⭐️

1. 燉湯 一定不是燉湯 只可叫做例湯 而且加左 ‘師傅’不好喝,喝完還口幹2·.蝦餃 和粉粿 餡料OK，問題都出在皮上，一夾就破，軟林林，明顯皮不好或蒸過頭3. 芥末秋茄 不錯 爽嫩4. 黑豚肉 就是咕嚕肉 沒吃出黑豚肉香 而且炸得不夠 也是林的 調味還會5. 蝦子柚皮 非常失望 扣柚皮的汁得個鹹，完全無層次，柚皮肯定只是很簡單處理 沒有獨有的香澀，而且燜得太爛 完全沒有口感6. 乳鴿 肉鞋 皮不脆 不Juicy，味道可以7. 荷塘炒班球 好像是這個名 這個最好吃， 味道清新 班球爽滑8. 黃金蝦炒飯 飯炒得幹身， 但蝦仁沒有味道 鹹蛋黃的咸香也不太突出9. 綠豆沙 不過不失 沒有陳皮香午餐一千 四個人吃 就那樣吧 沒有驚喜 也沒有很伏

食慣左各國美食，都係覺得中菜最多姿多彩。所以間唔中都要食番啲中菜，養下個胃。 一入門就係一個好大嘅魚缸。就咁睇都知呢度有海鮮食。坐低咗之後就上咗個麻辣花生。第一次食呢個花生，麻味做得幾好，辣味唔算好重。作為餐前小食幾開胃。傳統中菜廳啲碗碗碟碟真係特別靚。見到個碟上面有隻雀，有啲花，心情都好開朗。一嚟就叫咗個馳名燒乳鴿。七十幾蚊一隻一啲都唔貴。而且佢燒得好有水準。外脆內軟，油脂平均。除左淮鹽仲有喼汁，無諗過同乳鴿都幾夾。叫左個好考功夫既蝦籽柚皮。 鮑汁嘅香，柚皮嘅林，配合蝦子嘅爽口感呢個係店主推介嘅黃金蝦炒飯！真係好有黃金蝦嘅感覺。蛋黃夠碎，落得夠多。最正嘅就係啲蝦唔使自己搣殼，啱曬我呢啲咁懶既人。雖然好好食，不過成兜咁大份都真係有啲漏。為咗我嗰個好鍾意食牛仔骨嘅老公，叫咗呢一碟牛仔骨炒金菇。牛仔骨好香口嫩滑，炒埋啲金菇同埋少少三色椒都幾match，係鹹咗少少啫。食完仲有糖水送。番薯糖水同埋紅豆沙兩樣都非常足料！啲番薯好好味，軟硬度適中。紅豆沙好多豆，不過老公就覺得佢有啲太多豆。 呢的個人口味嘅嘢，大家自己品嚐。

楓林小館係鵝頸橋附近，見到有二人餐優惠就唔洗唸入左去啦。入到去我地叫左個二人餐，再加幾款點心。首先黎左個燉湯，真係好充料好鮮甜。之後食個招牌燒鵝，真係好有舊香港味道。點心亦都非常好食，又充料。

大圍以前有間好出名嘅中菜館,但轉左手之後變左做個Food Court,原本以為係大圍食到GE舊日美味已經一去不復返,估唔到有朋友話我知楓林小館家下轉戰銅鑼灣,點都一定要去再撐下場! 呢度嘅環境比起大圍寬敞好多, 裝潢採納唔少中國風元素, 有唔少嘅中國圖騰裝潢, 帶有中國風嘅木框做界隔, 掛住唔少大紅燈籠, 中國百定姓推砌出嘅牆身,整體予人感覺格調高尚典確。淮記螺頭燉雞($88)男朋友好鐘意飲湯, 湯水一定唔少得,連帶我呢個好少飲湯嘅人都飲埋一份, 呢個湯都幾充料. 個湯頭都幾甜,食材嘅味道出哂黎,唔知係咪因為有淮山飲落去有陣滑滑地同暖暖地嘅感覺, Feel到夠哂好養身,夠哂補, 我呢個唔鐘意像多嘅人都難得話好飲. 招牌紅燒乳鴿($78)乳鴿外皮香脆, 鴿肉就非常嫩滑多汁, 點少少醬汁同淮鹽就更加添風味. 蝦片新鮮炸起,入口脆卜卜,同埋都幾香蝦味, 俾多多我地都食得哂XD!黃金四季豆($59)本身以為呢度菜會係四季豆上面有咸蛋黃醬.估唔到佢係四季豆先煮熟再塗上一浸咸蛋黃液後, 再裹上炸粉落鑊快炸. 呢道菜有驚喜! 外皮香脆, 但入面四季豆軟綿綿同香香帶咸蛋味, 咸蛋味唔會過重而覺得膩,

昔日大圍的經典中菜館「楓林小館」如今轉戰銅鑼灣，雖然舊日未曾嚐過，但難得看見其重業的消息，也不妨找個時間和家人到此聚餐。這裡還有三數房間供客人包廂，私隱度十足。招牌紅燒乳鴿 ($78/隻): 既說是招牌菜，那當然要一試，乳鴿燒得香脆，皮香而帶豐富肉汁，值得一嚐。招牌荷香蓮藕餅 ($148/8件): 藕餅外脆內軟，蠻Juicy，肉餅中加了蓮藕碎，脆、軟、爽集一身，調味亦適中。順德煎雞煲 ($168): 乾煎雞煲使雞肉帶少許焦香，肉亦夠嫩滑，簡簡單單已能勾出鮮味。黃金蝦炒飯 ($128): 黃金也者即咸蛋黃，在炒飯加入咸蛋黃使整碟炒飯更為鮮香，非常邪惡，炒飯夠乾爽，粒粒分明。奉送是日甜品 — 喳咋一碗，混入多款豆類包括紅豆、綠豆及眉豆等等，口感味道豐富，但不會過甜。

聽講楓林小館系大圍好多年，直至早年有報紙連日報導其結業及搬遷消息我先得悉呢間餐廳，新店甘岩系我公司附近，位於銅鑼灣謝斐道，今晚約左幾位同事試下。價錢都系正常range，呢區食中菜都系甘上下價錢，但茶位$15@及小食$10@就算系相對客氣，小食$30我都遇過...紅燒乳鴿 (78@) 系招牌菜式，睇黎都系不能不食，皮脆肉嫩又多肉汁，肉味都幾香，屬中上質素。香煎荷香蓮藕餅 (148) 一客有八塊，肉餅香口滑身之餘，內裡有唔少蓮藕粒，幾有咬口，肉餅味道偏重，配白飯吃一流。金菇沙嗲牛仔骨 (158) 比起一般中式沙嗲肥牛煲，無論系感覺定系味道都Elegant好多，醬汁調味適中，唔系果種死咸既沙嗲醬，牛仔骨亦夠軟腍好食，如果多兩舊就好了... 欖菜肉鬆四季豆 (108)，時蔬中我最鍾意呢款，因為四季豆又要炸又要炒，系屋企煮比較麻煩。四季豆夠乾身，亦夠爽口，加埋啲肉碎同欖菜炒好惹味。