影片
食家推介
招牌菜
年初二到附近一尝期待已久的车仔面，见老字号椰汁大王有开档当然要帮衬下⋯听闻深水埗店系最好饮⋯难得到来当然饮返杯，因为附近食肆大多都无开⋯食完车仔面就来买杯解辣解渴⋯真材实料，新鲜椰汁味惜略甜⋯碎冰粒极其解渴⋯正好帮手解辣⋯⋯果然比旺角店鲜甜好饮，新年暂未加价⋯还是新春前已加价？没有深究⋯细杯$22，大杯$25，樽装$30⋯货真价实，总比饮汽水珍珠奶茶来得健康，临走都买多一支樽装返屋企俾屋企人饮👍🏻👍🏻
继续阅读
间中都会光顾椰汁，一如既往咁好饮，但今次实在太失望，只系问一句:「椰汁可以走冰/少冰吗？」结果遭年轻男店员回应:「走冰？你估呢到街市咩！」收到呢个回应，实在感到无奈兼愤怒，其实得定唔得礼貌讲声咪得，点解要用咁恶劣既态度回应？经过今次咁既服务态度后，我日后未必再帮衬了!
继续阅读
今次嚟到呢间饮品店，一入口就被吸引住喇！店内气氛轻松，饮品摆得又靓又吸引，眼前既椰汁吸晴啲，仲可以选择加啲咩料，心谂：试吓呢个名为「椰汁大王」嘅店招牌椰汁啦！选咗杯经典纯椰汁，无加料，保持原汁原味。喝落去既感觉真系正到爆炸🎆！椰香四溢，幼滑得嚟唔会过于甜腻，清新得黎又够贴地。夏日炎炎，咁样一杯凉快椰汁，真系解渴又开心😄！而且份量足，一大杯饮晒个人都觉得舒服满足。试完呢次，我会再返黎嘅！如果你都系附近，记得要黎一试「椰汁大王」，保证俾你饮得开心，饮得健康，啱晒夏日解渴！🥥🌴
继续阅读
对上一次饮应该系2019年因为越饮越贵，所以好耐都冇帮衬今日路经深水埗睇吓又贵咗几多又真系贵咗好多㖞🤷🏻♀️而家系$30一支佢而家贵嘅程度系同𠮶啲乜乜茶物物茶差唔多咁应该饮埋呢次唔会再饮喇挂以前都仲有好多人排队而家小猫三四只🤷🏻♀️系咪应该薄利多销好啲啊😂虽然佢嘅味道不变但系加价嘅百分比真系好高🫣或者过几年再饮😂到时唔知会唔会$40好啦，我都好中肯嘅佢系贵，但系都系好饮🤭我仍然都系会比好评不过性价比低啰因为我饮过好平嘅时候🫣人工真系追唔上通胀🫣
继续阅读
33度的天气，行出街真系好攞命，一出深水埗地铁站，就见到这一间椰汁大王，好多人排队。多人排队，应该都唔差啦，即刻去买支试吓先。而且价钱唔算好贵， $30一大支。真系见到新鲜椰肉，加水加冰放落去搅拌机，现场即制。入口充满新鲜的椰汁味道，在大热天时，的而且确非常解渴，而且感觉比较有益，下次经过会再买。
继续阅读
您可能会有兴趣的...