椰小盅燉湯專門店 (太古城中心)

营业中

休息中

色香味俱全，用料足！上枱至完成餐時湯仍然一直保持滾熱。清淡而濃郁的厚重感，香氣撲鼻，椰青的味道盤旋在口腔中蕩漾！實在難以忘懷！紅米+紫米飯，仲有小許紫芋頭、葵瓜子和芝麻on top相伴，口感層次強！份量恰到好處，不會喧賓奪主！配以味美、醃味足夠的雞翼，一入口就把骨肉分離，易入口！還有醃製的幾片前菜，甜甜、咸咸、少少酸的，且不膩口，爽脆可口！一種幸福而滿足的感覺！一試難忘，值得推介！環境不錯，地方雖小，但可以自成一角！最適合自己或情侶來，獨個兒在誠品買本書，坐下來品嘗+看看書，好好與自己相處，享受一個人的浪漫！坐一個下午也不會有人打擾，真是賞心樂事！可以這樣過一個下午，感覺人生更圓滿！

今次又專登去飲花膠土雞椰小盅，總覺得一盅唔夠喉。因為實在好好飲如果份量大點更好，今次怕唔飽加多份椰小翅（雞翼）配埋個飯好正店舖好細心，怕食完野要換口罩😷仲會送一個口罩😷

疫情稍為緩和，在周末長假出外走走，怕郊區人多過旺角，還是文青一點，行下書店。之前在太子店試過椰小盅的燉湯，已經覺得好正。今日在太古誠品書店行街，無諗過會再遇椰小盅，於是打消原來去咖啡店的念頭，改為帶老公試下燉湯。人蔘燉烏雞，湯清甜，材料又足，成個椰王上，真材實料，仲真係有成條蔘，正！另外試左百合雪燕燉桃膠，不太甜，料又多，感覺好潤，都ok 喎！疫情之下，用燉湯做下午茶，健康又保身，是不錯的另類之選。

以椰子燉湯打入米芝連, 再得到誠品加持而進駐其太古城的分店, 我就來試試椰小盅有什麼吸引的地方. 點了蟲草花鮑魚土雞燉湯, 說實在椰子味真的夠香, 用上椰子水去燉結果湯頭夠椰香之餘更夠甜, 看得出其足料之處, 但椰香我覺得有點搶走了其他的味素. 用山雞去燉, 提味之餘也少出雞油, 令其更健康, 外表也更清澈, 當然如果要以湯料送飯, 山雞的肉質就算了吧. 飽魚真的有一整隻, 以八十元來說我覺得還好, 當然好事最好還是成雙的. 另外點的煎餃子就是普普通通, 純粹我不大喜歡吃飯, 若大家是慕名而來去吃的話, 還是點其椰小飯就好!

今日黎咗米芝蓮推介嘅椰小盅燉湯專門店一入太古誠品生活嘅左手邊就會見到佢嘅地方比較細 約莫10張枱左右自己搵到位之後就可以去cashier拎menu睇Menu好簡單 主食係7款椰小盅另外有啲小食、飲品同甜品可以加今次我地就叫左2款黎試織金竹笙烏雞飯餐 $72長白山鮮人參燉烏雞飯餐 $782款我地都加左$9轉餐（椰小飯+雞翼+菜脯）唔靚嘅椰子飲落會有陣酸酸地嘅味但椰小盅嘅湯唔會 飲落去好清甜但人參個款人參味好淡 甜味亦唔及竹笙個款所以我個人比較欣賞竹笙嘅湯而椰小飯係由唔同嘅穀物同紫薯加上椰青水煮成雖然我食落去無明顯椰青味但佢嘅飯唔會乾 亦唔會太濕 岩岩好跟餐嘅雞翼就好一般 肉太淋織金竹笙烏雞好味指數😋😋😋😋椰盅比起平時飲嘅椰皇size大入面有一條大一條小嘅竹笙有大約6-7件烏雞 小小椰子肉絲長白山鮮人參燉烏雞好味指數😋😋😋用料同竹笙個款大同小異主要係無竹笙 變左條好幼嘅鮮人參同埋有啲淮山 杞子總括黎講 椰小盅嘅湯的確係足料好飲鐘意飲湯嘅人會好鐘意我比較推介竹笙個款 CP值高一點

認識這店子，是看到他們的創業報導。非常欣賞三個年青人為理想而創業，見到現在有米芝連推介，還有分店，真的很厲害！今次帶老公去了太古分店試，我們叫了花生大棗鮮蹄和花膠土雞。每一個湯也可加$9轉餐，包一碗五穀飯、前菜、雞翼和湯。🐽花生大棗鮮蹄$65-每一個湯內也有湯渣，這個內有豬蹄和花生，湯料充足，味道也不錯，帶有陣陣椰子香之餘，也有豬蹄的味道。🐠花膠土雞$85- 我喜歡這湯，花膠是女士至愛，花膠應該用的是鱈雪膠，雞與椰子是一個好配搭，湯帶清甜。兩個人埋單是$168 ，性價比也ok 😊

同朋友特登黎試試呢間米芝蓮推介嘅燉湯店相信好多人都喜歡椰子椰青類嘅食物我都唔例外，再加上我又鐘意飲中湯加埋一齊實在無法抗拒😍😍當晚去到得返幾款燉湯選擇不過都揀到啱心水嘅靚湯另加9蚊，可加椰子飯同椰小翅個名可愛到暈，我地當然唔會錯過！我同朋友分別要唔同嘅湯我要織金竹笙子排朋友就要蟲草花干貝土雞燉鮮鮑我個湯第一啖真係好鮮甜好有椰青嘅清香🤤🤤好正！燉湯感覺好足料肉排真係睇得出一層肥一層瘦，唔係淨瘦肉忍唔住又試下朋友果個佢果個仲正！好鮮味！鮑貝更足料，更美味！湯好味之餘個椰小飯都好吸引顏色好鮮豔，雖然實際味道無特別但用上紫米蕃薯粒，感覺好健康！如果覺得椰小飯略清淡可以食埋椰子翅醃得好入味，超正，好驚喜！仲有菜莆味道都唔錯，送飯都唔會太鹹！成個套餐，感覺都好好價錢唔算貴，份量都好足夠不過我地仲揀埋月牙餃子餃子皮超薄！不錯！再加核桃包做甜品，剛好！

野食方面，D燉椰子湯，太甜，得d椰子味，可能太多人，d湯燉得吾夠時間。服務都ok，姐姐好有禮貌。小食方面，全部都係普通野。雞翼咪就係普通嘅豉油雞翼，餃子咪又就係普通嘅煎餃子。

看了網上米之連推介慕名而來，點知大失所望「招牌椰子燉烏雞湯」，湯內最少有5隻雞翼尖，同老闆在飲食男女訪問中所說一隻雞切左三份一棄用，因為知道食客唔想咁多骨。其實椰子好細小所以用來燉湯再加埋烏雞雞骨，湯的份量只有10啖， 真係好少好少，用原來的椰子水清燉，所以較甜，試過便算了，有D中伏感覺。

晚上經開誠品見到有燉湯店，因不太肚餓想食少D，所以就試吓。點了蟲草花土雞干貝湯，加九蚊就有碗飯及雞翼。湯是原個椰子上，好香椰子味，非常清甜，湯料可送飯。雞翼就一般。會再來試其他湯。

今日lunch 唔太趕，所以行遠小小試呢間朋友介紹既原個椰子燉湯我揀左呢個竹笙烏雞椰子燉湯！個湯原隻椰子上，好清好香椰子味個餐$63但加多$9會有個紅米飯同一隻雞翼同菜甫紅米飯我自己本身就一般鍾意食！而個菜甫就好夠味，我食埋我同事果入，個雞翼中規中矩啦！而且再午多$14會有杯新鮮椰青水今日可能係星期五，我地黎到時12:20已full house, 職員帶左我地行遠小小，有張好舒服既sofa 餐檯坐仲要唔迫

近來愛上喝湯， 走入誠品的時候，發現這間椰小盅。先在收銀處買餐，之後等感應器響起時，就到取餐處取餐。織金竹笙烏雞飲第一啖已覺湯好甜，而那種甜是由椰子味， 另外每一啖都有淡淡的中藥味道，好適合秋天飲用，夠滋潤。烏雞的肉很滑，因為有椰子，在燉的過程，椰子水已經混入肉裏面，所以啖啖肉都非常甜。 還有加$9就可以有餐，套餐包了雞翼及飯。鹵水雞翼非常入味，而且嫩滑可口，最重要就是個飯。飯是五穀米，裏面有一粒粒紫薯，感覺非常健康。

今日lunch經過誠品見到呢一間餐廳，二話不說即刻排隊，好彩今日早到，否則門口好多人排隊。呢一間餐廳主力燉湯，佢有幾款唔同嘅燉湯，我呢種冇湯水嘅人啱晒👍🏼只要你order 每一款燉湯都可以加$9有一碗細紅米飯同一隻雞中翼。當然你可以加其他嘢食啦，我哋今日加咗餃子同一條臘腸蟲草花干貝土雞燉鮮鮑套餐+餃子六隻湯好清甜非常好飲纖金竹絲烏雞湯套餐+一條臘腸，條臘腸都好好食冇平時嗰啲好硬嘅感覺呢個更加清甜我非常推介呢一間餐廳，就算隻鹵水雞翼都好好食好入味，紅米飯就偏硬，只要加湯一齊食都可以

開左一陣子都未有機會試食，今日咁岩要買外賣就決定試下。佢既午餐係可以叫一個湯，之後配個飯同雞翼。午市時間未去到要排隊，不過都剛好滿座。湯有八款，足以令人心大心細！注意外賣要加包裝錢。哇，估唔到外賣既湯都連椰盅，好有誠意，不過好唔環保。湯算幾足料，不過唔好expect會好多肉。應該有落椰子水，所以椰香味幾重。飯樣好靚，不過其實無乜特別味。雞翼正常。整體上係好清淡既午餐，感覺幾健康。不過男仔可能要注意，佢既分量都幾細，應該好快會餓。

太古誠品的新餐廳，舊鋪本為麵包鋪，華麗變身，變成滋潤補生的燉湯鋪。有六款湯水任選，有清潤、補身、去濕的，價錢約$65-$85一個，只要另加$9便有紅飯、雞翼、菜鋪，價錢十分公道。是次選了花膠土雞湯，揭開椰子蓋，香氣四溢，飲落仲有陣陣藥材的味道跟椰子味，有豬骨做餸，不過，花膠就要飲哂啲湯先搵到。紅飯較濕身，個人喜歡食硬飯；雞翼跟菜鋪則很入味，送飯一流。食畢整頓飯的感覺很健康，行氣活血。打工仔食多幾餐，應該會仲健康，一定要再encore。