森記餐廳菜館 (已結業)

老公超鍾意食海鮮, 由其是呢間森記, 呢度咩都有得食, 海鮮係每日街市有咩靚野就有咩食, 可以一隻隻叫 , o岩哂我地兩個人食。佢仲有小菜, 牛扒都有, d扒我個人認為仲好食過隔離間排長龍的x la 餐廳。雖然佢最近間舖細左, 我地仲以為佢執左, ~!!其實佢左邊轉角仲有個舖位, 而出面仍可以做排檔的, 怕係街食o既, 可以入舖, 都幾衛生~!!今日食左燒鮑魚($33隻, 大過隻雞蛋, 用刀叉食勁正), 燒蠔($30隻), 蒜蓉蒸開邊花竹蝦($74半斤有4隻), 干炒牛河佢地食物一直都係一流, 附近就係停車場, 雖然車流量極高, 但都好過去又新o個邊, 要急著食驚抄牌而佢地服務態度都係好好, 又好細心, 揀海鮮時會慢慢同你介紹, 你唔食又唔會俾面色講說話你聽。每食一種野佢會有食具去配合, 又會換碟俾你, 間野雖然無裝修, 但d食具、環境都係好乾淨；而且就係無靚的地方, 反而價錢係非常實惠, 仲抵過自己煮啦~!!

呢間店的地點是我回家必經之路.我估計我經過三千次以上.但這麼近,那麼遠的食店.我反而一次都末試過.原因可能環境問題.只是坐樹底下,停車場旁邊,真是吸引不到我.但上個月我終於一試.呢間店除了環境差.服務,同食物亦沒有批評的地方.服務更令人意外.比起一些有豪華裝修的貴價食店好.全部店員友善,效率也高25元一隻燒蠔:價錢不貴,也不能要求蠔充滿海水味,事實上蠔味淡薄.只是靠熱辣辣的大量蒜蓉令味道變得惹味,香口.拌飯一流.想起也口水直流.也想起只是25元.可以有這種味道實在驚喜.燒烏頭63元:價錢亦合理.魚加入不少香茅,亦加了不少鹽去燒.味道全無泥味.肉質帶點鹹鮮味.及充滿香芧香料的味道.可能因為燒魚關係,我覺得魚肉太乾身.xo醬豬頸肉炒豆:忘記了價錢,雖則說此菜是有辣度,但種辣普通人也可接受,而且相當香口,更十分惹味.豬頸肉亦新鮮,質感爽口,味道重肉的鮮甜.沒有化學過,品質相當真材實料.始終都是吃海鮮,加了一枝啤酒,埋單只是215元.價錢令人驚喜.服務同樣驚喜,除了環境外.呢間店都是食物,服務好.價錢得宜的好食店,值得推介.

一直都有幫襯森記 已經有好幾年 現在先寫一個食評 希望更多人可以去幫襯下!上星期五去食左晚飯 七點半已經差不多全場坐滿 幸好還好一張細枱今次叫左4樣野 炭燒生蠔 食落口好肥美 上面蒜蓉和炸蒜，香口得很 而且size都唔細, $25 好抵食!!! 墨魚餅熱辣辣好好食 仲好彈牙 不過好似細份左如果厚返小小就完美 係每枱必點!! 西冷牛扒叫左五成熟 咬落去唔會咬唔開 幾亦軟熟 但價錢唔貴 整體來說都滿意!! 花枝片泊青瓜呢個無影到相 但係好多花枝片 無偷雞 如果再辣D就好!!已經有KEEP住幫襯, 希望有多D新小菜推出 , 呢到價錢唔算太貴 但食物好新鮮大家不防試下其他海 都好好食 森記是一個不錯既選擇!

近來見到有食評推介這間森記大排檔, 自己在元朗區都算活躍, 但一直發現不到這間大排檔, 可能是在橫街安娜再要入. 所以不易看到. 但昨晚大約六時四十五分去到原來都不難找只是自己沒擦覺到. 已見室外樹下有幾枱客人. 因我們不吸煙所以選擇坐室內會比較舒服一些吧. 室內只有一枱客人, 環境算可以, 還有電視看. 一流~份量很大啊~~炸蒜頭好香, 豬潤比較大塊厚身有點不太熟啊~杞子很多很多, 最驚喜是竟然有圓肉, 雖然不是太多圓肉但很甜很好味啊~~~浸唐蒿都是第一次, 帶來新鮮感之餘還覺得很好味呀~, 份量多得差點吃不完.真是真材實料, 非常彈牙熱辣辣, 咬中墨魚的位置我差點咬不開, 但覺得比較薄身如何厚一點就完美了~~~~~~~~~~~~~這味墨魚餅差不多每一枱客人是必食的. 紅色的大花甲........真是花甲, 因好多舖頭經常以蜆來代替花甲的. 花甲大大聲很爽口又鮮甜, 最重要是沒有沙, 真係很好味呀~~~~~~~~ 浸著一些粉絲, 好味得把所有東西都清了, 除了薑~相公說本地豪不乾淨所以沒有食, 而待應亦沒有推介本地蠔給我們, 他推介我們是$25一隻的美國蠔, 每人一隻十分美味, 但蒜

小弟又大一歲了，平日無假放，生日當然食家收工帶隊入元朗開餐﹗元朗森記燒蠔，之前聽說有朋友吃過味道不錯，一於試試佢﹗大家都知我最愛就是大排檔，最希望可以在香港唔同角落發掘不同的露天風味小店﹗今次殺入元朗，地點在元朗仁樂坊，安娜餐廳隔離。佔地不少，枱凳擺滿成條街，我地兩個咁岩得咁橋八點來到有個二人樹下雅座，遲多少少可能已經無位了﹗待應相當殷勤，一坐低已落力推介食物﹗佢話最值得一食係呢度出品既燒西冷牛扒，見佢$68又唔係貴，就整塊來試試﹗配上芥末，牛扒約七成熟，當然是雪藏的西冷扒，不過牛味都幾濃質地亦軟熟，係灑上的海鹽略多食落鹹o左o的﹗整體來說也算滿意，因份量也不少呢﹗生日點可以無酒呢﹗點都整番幾杯啦﹗青島$20，合理價錢，可能飲多幾支﹗再來是蘇格蘭蟶子，$25一隻﹗$25一隻來說都幾大隻，肉夠厚，吃落有爽勁亦清甜，上面鋪上大量蒜泥，當然惹味了吧﹗錫紙包大花甲，$88一份﹗花甲真係大隻架，隻隻有成個碗咁大﹗新鮮，以牛油蒜蓉加薑片一齊焗，一剪開錫紙已聞到香噴噴了﹗正﹗叫得森記燒蠔，梗係試下佢出品既燒蠔啦﹗$25一隻，即點即燒﹗上枱當然熱辣辣，蠔新鮮燒起吃落不腥有海水濃味，我嫌佢生蒜下得太多，

天氣有點不穩定，免得外出太遠，就與大比待在元朗區，明明昨晚才吃了吉列蠔和廣島蠔釜飯，今天又想吃燒蠔~! 這個月加加埋埋吃了五六餐蠔食了。挑了公園邊的座位，大比很怕周邊有人會食煙，我受不了那味，但避無可避，坐外邊才夠風味嘛! 現時用的是美國蠔，$25/隻，既然size較大，那我要4隻就可以了。另外又要了清淡的豬潤杞子浸白菜仔，再加一件燒羊架。想食蟶子，哥仔一句「今日蟶子王好大隻，$35/隻，六隻$198，平d」。小比發覺其實6隻都只是每隻平$2之下，就要了4隻蒜蓉粉絲蒸蟶子王!! 豬潤杞子浸白菜仔 [$55]: 杞子以外也有圓肉，果真夠滋潤，秋涼下吃這個菜當然很滿足，而且豬潤都不是太粉。這道菜的份量大得連我這隻視菜如命的小兔都吃不完，剩下近半。炭燒生蠔 [$25@]: 已分好每人兩隻一碟，雖然大小方面都差異較大，不過見它的肚腩較為大，深一點，就是較為肥美的蠔了。面頭滿滿是蒜蓉和炸蒜，香口得很，燒得半熟多汁，而且size也不少，很想繼續encore!燒羊架 [$30]: 哥仔建議的燒成七成熟，但其實也近九成，肥瘦各半，臊味從肥肉部份滲出，吃得滋味。蒜蓉粉絲蒸蟶子王 [$35@]: 大大蟶子

昨天特登約朋友去食晚飯!!叫左4樣野: 蒜蓉炒白菜 好好味 蒜蓉稍多 沙拉骨 第一次食呢樣野 幾新奇 類似排骨外面有沙拉醬 唔係分開上 d沙拉味道幾好 係個骨難咬左少少 食得幾辛苦 燒豬肋骨 外層好似乳豬 燒到好脆 豉椒鵝腸 小菜點都要叫返碟 味道比起其他大排檔無咁濃本來想食12蚊蠔但無貨 好可惜!! 3個人食左2百2十幾蚊又唔係話真係好抵,可能係太少人食啦 哈哈

以前的咖哩屋已經沒有了，因為泊車方便（外面有數個老虎位，就算滿晒好多人都亂泊，一路食好容易睇到有冇人抄牌），家人以前都成日唻。既然已經冇左，與其懷緬過去，不如展望將來（講就容易﹗），試一試取而代之的一間主攻燒烤的小店吧。雖然出面好多枱，但大熱天時當然要坐入面。睇睇餐牌，發現原來一般菜館的菜式都有供應，只不過全部人都淨係叫燒烤類同埋其他招牌菜。人未到齊，先落左個豬肋骨，因為需時半個小時，朋友一到就再落埋其他野。非燒烤類不用五分鐘就全部到齊，速度非常驚人﹗金銀蛋浸莧菜屬中上水準，皮蛋很香，菜夠林也吸收了香味，只是鹹蛋鞋了些。所謂的小炒王其實是西芹、翠肉瓜、腰果、蝦乾、魷魚等炒埋一齊，面頭再加上炸銀魚仔。炸銀魚仔很脆，可惜缺乏了小弟期待的鹹香，但加上茨汁後味道幾討好。其他的配料味道都幾夾，但就好像少了一點鍋氣。接著的炸墨魚餅意外地出色﹗墨魚肉彈牙香口，吃到有墨魚粒。外面的那層脆漿非常酥脆，異常地薄，而且一點也不油膩，是炸物的最高境界﹗單是這個墨魚餅就足以令我回來。跟住燒烤類續漸上枱。燒烏頭（大）肉嫩滑也新鮮。魚身內的幾枝香茅附近的肉吸收了香茅的香味，效果不錯，但其他部份的肉卻冇咩味道。即使表

媽子女皇的生日，作為女兒的妹子當然要一放工便趕去和她慶生喇！地點由爸子話事，只知道出名的安娜就在旁邊，人龍滿滿的堆在門口前，只見一位女侍應專責企門口，還只是派籌號，真巴閉！至於今晚晚飯地點就在安娜門口對出的森記，大圓枱成一字排開於遊樂場圍牆旁邊，黑麻麻…有點兒伸手不見五指~不過幸好不像其他店舖位於馬路邊，到時都唔知食塵好定食野好？一家5口甚少齊整吃飯~爸子說這裡的炭燒生蠔甚出名，是這裡的招牌菜！見枱枱都會叫上幾隻，而且$12的價錢真的很吸引，就每人來2隻好了，至於其他食物就待他們選好了~妹子並沒甚麼意見~1)炭燒生蠔燒蠔尚算大隻，大量蒜蓉滿滿的鋪面，香口之餘帶油香，火候亦控制得唔錯，唔會燒得太乾身，帶點濕潤，連吃2隻還嫌不夠喉…要留肚吃其他2)炭燒秘製鰻魚個汁果然秘製，內裡juicy面頭燒得微脆，味道不會過咸，亦不過un~3)及第粥很少會去這種地方叫粥吃，沒法子喇！妹子就是喜歡吃粥，粥底頗綿身的，不過嫌有點過稀不夠杰身，而配料有粉腸~豬頸肉~豬潤~豬肉等，份量是ok的~4)燒豬肋骨又一推介，切開有6件，個汁又夠juicy，不過唔知是否叫了2個類似的，個汁的味道有點類同！5)海鮮什菜煲話

大排檔格局來講,呢度環境尚算企理啦,唔會太嘈.成日收工經過見到都人頭湧湧咁 燒蠔 - 朋友話比較UN, 一般 乳鴿鬆生菜包 - 呢個OK呀,生菜份量好多添,兩個人埋頭苦幹係咁包係咁食,入便加左D馬蹄,食落無咁"漏" 欖菜四季豆 - 不過不失 蒜蓉牛油花甲 - 牛油好香,花甲大隻又鮮味,不過一定要襯熱食.開埋支啤酒就圓滿喇~!整體都幾好,見到海鮮檔有大大隻老虎蝦!下次可以試下D燒烤類同埋其他海鮮!

整個暑假的週末好像都被飯局攻陷了…難得有一天假期…想到遠一點的地方吃東西…前排在su casa吃了超鮮甜肥美的生蠔…念念不忘…不過中午的時候又好像沒太多吃生蠔的地方…新鮮運到的大概還在飛機上吧~所以把心一橫…抱著今天一定要吃到蠔為宗旨...就先去吃熟的吧…吃熟蠔就想到要去流浮山…可惜…不合時…沒有燒蠔只有炸蠔….有一位老伯伯跟我們說…現在的蠔太瘦了…賣給我們沒所謂…不過就是不夠好吃…所以伯伯建議叫我們還是冬天再來吧…~在流浮山吃不到蠔…既然一場來到新界區…沒可能什麼都沒吃就離開吧~我們只好轉移到元朗覓食…看到這裡門口大大個招牌寫著有流浮山燒蠔…十二元一隻…不算貴…可以一試~所以我們就點了每人兩隻燒蠔…一隻奄仔蟹…還有一碟蒜蓉炒韮菜花~本來是點了每人兩隻…結果上檯的時候來了六隻…店員說因為生蠔比較細隻…所以多送我們兩隻…立即又想起伯伯的話…果然不是吃流浮山蠔的時候啊….生蠔簡簡單單的用蒜蓉來燒…上檯的時候非常非常香…不過吃起上來蒜蓉味又好像沒有聞那樣的濃…然而味道是不錯的…只是蠔不夠肥美…所以不算十分juicy…但對於一心想要吃生蠔的我來說…我是收貨的了~蒜蓉炒韮菜花…好大的一碟...夠

回到三個多月前,在冰島首都的某一個落雪下午,大家在吃鯨魚肉的海鮮店內偶遇,造就了這一夜,在大西北內再度相聚.友人回流只是個多星期,便相約晚飯,她住在大西北,小弟提議入來元朗開飯,路途當然不是問題,反正還有很多地方想去試.其中一間,是在仁樂坊,安娜餐廳隔離的"森記".正值晚飯時間的元朗,那些"元系"日本料理如田中,門口堆滿等候的食客,就算其他日本店,也是如此樣子,但森記就仍有大把空檯在外面,我倆不想在悶熱的晚上下吃飯,於是走入店內,一樣有位坐.此店最出名的是炭燒生蠔,想起已經食指大動.元朗同流浮山距離不遠,在地理環境比市區優勝之下,店內的海鮮源源不絕,是夜的生蠔,沒有想像中大,個人吃生蠔一向愛吃細多過大,好像那些珍寶蠔,味道不夠細小的鮮.生吃就可免則免,如果熟食就另作別論.本來$12一隻燒蠔,因這夜的來貨比較細小,所以減價$8一隻,本來一人兩隻燒蠔,變成一人三隻,以蒜茸來燒.簡簡單單,蒜香能帶出蠔本身的鮮味,蠔身較嫩,吃下去感覺juicy,賣$8一隻真是便宜.吃多幾隻也不拘.但接著還有其他菜式等著我們.鹽燒烏頭,用錫紙包著烏頭,再在魚身上塗些鹽,另外插入香茅在魚身之內來燒,燒出來的效果不

中秋之夜，兩家人一起到森記吃飯。當晚十分炎熱，還好一早預訂了室內冷氣位，不過環境較窄。當晚叫了八個菜式，很好意頭呢：　　招牌燒蠔-餐館的成名菜式，餐單上也寫明是必食推介，當然要點了，每人來了一隻($12隻)。燒蠔加上大量蒜茸，頗為香口，火侯拿捏得不錯，沒有過水分之餘蠔身仍保持嫩滑，味道的確不錯，不過未至於驚艷。燒烏頭(大)-又是必食推介，不過烏頭不見得香口入味，味道不見得怎麼樣，不過烏頭質地彈牙，算是新鮮不錯。生菜包乳鴿鬆-以乳鴿肉碎混和肉碎，味道比平日多一份甜味，配以生菜包裹來吃口味不俗；不過伴碟的燒乳鴿水準一般，如果平時賣的也是這樣就不太及格了。京都骨-排骨肉質豐腴有彈性，醬汁甜酸度則好又惹味，頗討好的一味小炒。椒鹽軟殼蟹-炸粉超多，不過軟殼蟹香脆之極又不油膩，味道很好，飛快清碟了!婆參花膠煲-餐牌有不少推介，這款沒記錯是滋潤推介。花膠香稔入味，但海參就太硬了，整體滋味一般。味菜炒鵝腸粉腸-菜式太多，沒留下甚麼印象了。蠔仔粥-鮮甜度一般，但份量真是大得驚人，至少可分十來廿碗，最後吃剩了一半!　今餐最驚喜是價格，兩家人一檯?吃得異常飽足，埋單不過$500!雖然沒有火花，但如此經濟抵食

聽朋友講這裡出名燒蠔，就去試一試。燒蠔$12隻，算ok。蒜蓉什錦海鮮 $78，有蟹、蜆同什菇，蒜蓉很香，幾好味。整體來說，燒烤食物較好味!

今次第3次去食~個燒蠔依然好好味~但今次個隻蠔都好細隻~所以比左2隻~仲有就係叫左個鹽燒烏頭魚~好好味!值得一試!!仲有叫左一個沙拉骨~都好味~但食得多會好"留"~總括黎講都好好味~由奇係條魚!