影片
招牌菜
食记 (17)
老公超钟意食海鲜, 由其是呢间森记, 呢度咩都有得食, 海鲜系每日街市有咩靓野就有咩食, 可以一只只叫 , o岩哂我地两个人食。佢仲有小菜, 牛扒都有, d扒我个人认为仲好食过隔离间排长龙的x la 餐厅。虽然佢最近间舖细左, 我地仲以为佢执左, ~!!其实佢左边转角仲有个舖位, 而出面仍可以做排档的, 怕系街食o既, 可以入舖, 都几卫生~!!今日食左烧鲍鱼($33只, 大过只鸡蛋, 用刀叉食劲正), 烧蚝($30只), 蒜蓉蒸开边花竹虾($74半斤有4只), 干炒牛河佢地食物一直都系一流, 附近就系停车场, 虽然车流量极高, 但都好过去又新o个边, 要急著食惊抄牌而佢地服务态度都系好好, 又好细心, 拣海鲜时会慢慢同你介绍, 你唔食又唔会俾面色讲说话你听。每食一种野佢会有食具去配合, 又会换碟俾你, 间野虽然无装修, 但d食具、环境都系好干净；而且就系无靓的地方, 反而价钱系非常实惠, 仲抵过自己煮啦~!!
继续阅读
呢间店的地点是我回家必经之路.我估计我经过三千次以上.但这么近,那么远的食店.我反而一次都末试过.原因可能环境问题.只是坐树底下,停车场旁边,真是吸引不到我.但上个月我终于一试.呢间店除了环境差.服务,同食物亦没有批评的地方.服务更令人意外.比起一些有豪华装修的贵价食店好.全部店员友善,效率也高25元一只烧蚝:价钱不贵,也不能要求蚝充满海水味,事实上蚝味淡薄.只是靠热辣辣的大量蒜蓉令味道变得惹味,香口.拌饭一流.想起也口水直流.也想起只是25元.可以有这种味道实在惊喜.烧乌头63元:价钱亦合理.鱼加入不少香茅,亦加了不少盐去烧.味道全无泥味.肉质带点咸鲜味.及充满香芧香料的味道.可能因为烧鱼关系,我觉得鱼肉太干身.xo酱猪颈肉炒豆:忘记了价钱,虽则说此菜是有辣度,但种辣普通人也可接受,而且相当香口,更十分惹味.猪颈肉亦新鲜,质感爽口,味道重肉的鲜甜.没有化学过,品质相当真材实料.始终都是吃海鲜,加了一枝啤酒,埋单只是215元.价钱令人惊喜.服务同样惊喜,除了环境外.呢间店都是食物,服务好.价钱得宜的好食店,值得推介.
继续阅读
一直都有帮衬森记 已经有好几年 现在先写一个食评 希望更多人可以去帮衬下!上星期五去食左晚饭 七点半已经差不多全场坐满 幸好还好一张细枱今次叫左4样野 炭烧生蚝 食落口好肥美 上面蒜蓉和炸蒜，香口得很 而且size都唔细, $25 好抵食!!! 墨鱼饼热辣辣好好食 仲好弹牙 不过好似细份左如果厚返小小就完美 系每枱必点!! 西冷牛扒叫左五成熟 咬落去唔会咬唔开 几亦软熟 但价钱唔贵 整体来说都满意!! 花枝片泊青瓜呢个无影到相 但系好多花枝片 无偷鸡 如果再辣D就好!!已经有KEEP住帮衬, 希望有多D新小菜推出 , 呢到价钱唔算太贵 但食物好新鲜大家不防试下其他海 都好好食 森记是一个不错既选择!
继续阅读
近来见到有食评推介这间森记大排档, 自己在元朗区都算活跃, 但一直发现不到这间大排档, 可能是在横街安娜再要入. 所以不易看到. 但昨晚大约六时四十五分去到原来都不难找只是自己没擦觉到. 已见室外树下有几枱客人. 因我们不吸烟所以选择坐室内会比较舒服一些吧. 室内只有一枱客人, 环境算可以, 还有电视看. 一流~份量很大啊~~炸蒜头好香, 猪润比较大块厚身有点不太熟啊~杞子很多很多, 最惊喜是竟然有圆肉, 虽然不是太多圆肉但很甜很好味啊~~~浸唐蒿都是第一次, 带来新鲜感之余还觉得很好味呀~, 份量多得差点吃不完.真是真材实料, 非常弹牙热辣辣, 咬中墨鱼的位置我差点咬不开, 但觉得比较薄身如何厚一点就完美了~~~~~~~~~~~~~这味墨鱼饼差不多每一枱客人是必食的. 红色的大花甲........真是花甲, 因好多舖头经常以蚬来代替花甲的. 花甲大大声很爽口又鲜甜, 最重要是没有沙, 真系很好味呀~~~~~~~~ 浸著一些粉丝, 好味得把所有东西都清了, 除了姜~相公说本地豪不干净所以没有食, 而待应亦没有推介本地蚝给我们, 他推介我们是$25一只的美国蚝, 每人一只十分美味, 但蒜蓉太多了有点盖了蚝的味道, 不过只蚝实在太肥美了. 但听见待应介绍其他食客时原来是有法国蚝的. 下次一定要试试~~~~这块肉眼扒最后才上枱可能烧要需时吧, 卖相不错只有少少㶶但仍可接受, 因㶶的部份比较肥我们没有吃, 七成熟的要求未能合格, 因不太稔感觉似差不多全熟. 不过肉汁牛味很重加上黑椒汁一起感觉还可以~虽然价钱比较贵结帐要$320, 但回想一下我们吃了肥美的蚝, 鲜甜大花甲, 十分坚料的墨鱼饼已值回票价, 七时半我们已结帐离场, 原来室外很多人完全满座, 但今天只是星期四晚, 绝不是旺日子, 我想如果五, 六, 日来必要等位啊~ 我和相公都非常满意, 下次一定会再来的!!
继续阅读
小弟又大一岁了，平日无假放，生日当然食家收工带队入元朗开餐﹗元朗森记烧蚝，之前听说有朋友吃过味道不错，一于试试佢﹗大家都知我最爱就是大排档，最希望可以在香港唔同角落发掘不同的露天风味小店﹗今次杀入元朗，地点在元朗仁乐坊，安娜餐厅隔离。占地不少，枱凳摆满成条街，我地两个咁岩得咁桥八点来到有个二人树下雅座，迟多少少可能已经无位了﹗待应相当殷勤，一坐低已落力推介食物﹗佢话最值得一食系呢度出品既烧西冷牛扒，见佢$68又唔系贵，就整块来试试﹗配上芥末，牛扒约七成熟，当然是雪藏的西冷扒，不过牛味都几浓质地亦软熟，系洒上的海盐略多食落咸o左o的﹗整体来说也算满意，因份量也不少呢﹗生日点可以无酒呢﹗点都整番几杯啦﹗青岛$20，合理价钱，可能饮多几支﹗再来是苏格兰蛏子，$25一只﹗$25一只来说都几大只，肉够厚，吃落有爽劲亦清甜，上面铺上大量蒜泥，当然惹味了吧﹗锡纸包大花甲，$88一份﹗花甲真系大只架，只只有成个碗咁大﹗新鲜，以牛油蒜蓉加姜片一齐焗，一剪开锡纸已闻到香喷喷了﹗正﹗叫得森记烧蚝，梗系试下佢出品既烧蚝啦﹗$25一只，即点即烧﹗上枱当然热辣辣，蚝新鲜烧起吃落不腥有海水浓味，我嫌佢生蒜下得太多，各而如果生熟蒜各加少许作调味已够，而家咁多蒜抢了不少蚝味﹗系人都知我唔食鱼﹗不过待应介绍食家要试试佢地出品既烤鱼，咁食家就试试﹗$78一条，好似叫做「细鳞」，应是用锡纸铺底再在鱼身插入香茅香葱现烤。火喉掌握得不错，鱼肉岩岩离骨，洒上少少柠檬汁，完全唔腥鱼味亦浓，我都食左小半条呢﹗就系呢度喇﹗埋单一人两旧左右，食海鲜又食扒又饮酒都几抵食呢﹗森记烧蚝，整体来说不错，不过食物味道偏浓了一点﹗其实海鲜调味可以轻手一点，这才吃得出新鲜及原汁原味嘛﹗可以做得更好的﹗
继续阅读