更多
2013-12-21
2917 浏览
無意間睇咗個好有意思嘅電視節目叫「代代接班人」,主要訪問香港老店的第一代創業理念和第二代接管嘅新理念,頓時想起好多本土特色老店都被遺忘於腦海裡面。森美餐廳創辦人堅持原有經營模式,一直保持傳統的烹調工序,希望能保留原有的味道讓客人回味著那些年的味道和情懷。最難得第二代都十分認同和支持爸爸,延續他多年心血並全力保留餐廳原有特色,從一枱一椅到處理食物和烹調都聽從爸爸的理念去經營,十分難得! 多謝你們嘅堅持讓香港可以保留這本土特色店,加油!好想去支持森美叔叔呀,所以即刻搵個星期六去幫親。晚上8:00 walk in, 餐廳已八成滿,主要喺一家大細嚟食晚飯,氣氛熱鬧。因為想試吓扒房,所以要等候,裡面座位唔多大概可容納五、六張枱 (有些空間擺放餐具、調味),幸運地約10分鐘有就枱埋單喇。扒房內的蠟燭台、餐具和酒架都有著濃濃嘅歲月痕跡,充滿懷舊味道。扒房餐牌跟外面堂座餐牌差不多,但要緊記不能同一時間order兩個餐版上嘅食物,所以要選定用餐位置喇。今次order 咗兩個set 再加焗田螺,十分豐富呀。餐湯: 羅宋湯和忌廉湯配蒜香十足嘅法包。個忌廉湯出咗問題,食唔出任何味道,好似麵粉開水。森美汁羊扒:
森美餐廳創辦人堅持原有經營模式,一直保持傳統的烹調工序,希望能保留原有的味道讓客人回味著那些年的味道和情懷。最難得第二代都十分認同和支持爸爸,延續他多年心血並全力保留餐廳原有特色,從一枱一椅到處理食物和烹調都聽從爸爸的理念去經營,十分難得! 多謝你們嘅堅持讓香港可以保留這本土特色店,加油!
好想去支持森美叔叔呀,所以即刻搵個星期六去幫親。晚上8:00 walk in, 餐廳已八成滿,主要喺一家大細嚟食晚飯,氣氛熱鬧。因為想試吓扒房,所以要等候,裡面座位唔多大概可容納五、六張枱 (有些空間擺放餐具、調味),幸運地約10分鐘有就枱埋單喇。扒房內的蠟燭台、餐具和酒架都有著濃濃嘅歲月痕跡,充滿懷舊味道。扒房餐牌跟外面堂座餐牌差不多,但要緊記不能同一時間order兩個餐版上嘅食物,所以要選定用餐位置喇。今次order 咗兩個set 再加焗田螺,十分豐富呀。
餐湯: 羅宋湯和忌廉湯配蒜香十足嘅法包。個忌廉湯出咗問題,食唔出任何味道,好似麵粉開水。
森美汁羊扒: 超愛!羊扒份量好多,煎到個邊D肥膏脆卜卜鎖住肉汁,雖然差唔多全熟但肉質鬆軟。唔太強"羊"味,啱晒我。森美汁必選,因為係自家囗味即時製作,睇倒每次廚師煮汁時都發出熊熊火光,夠晒wok 氣呀!味道好複雜有濃濃黑椒味又食倒洋葱和青椒嘅爽甜,正!
香蒜汁黑豚扒: 個汁都好好味呀,喜歡厚切豬扒,不過呢個肉質纖維較實 (唔係un 呀), 而把刀又唔夠力,所以出盡力去据!最後要求換過把刀呀。
焗田螺: 呢個較乾身,下次要試吓香草焗田螺先。
凍檸茶: 最後要提一提,估唔倒紅茶味好濃香。
其實餐牌上有好多高級扒房才提供的食物如:橙酒煎pan cake, 焗雪山和 Irish coffee, 以一間小小餐廳都能提供,而且價錢也大衆化,確實難得。「森美」可讓仔女帶同父母一同細味往時,讓父母帶同年幼子女感受所剩無幾的本地舊式餐廳,值得支持。
题外话/补充资料:
人多時,食物製作時間較長,要耐心等候呀。可order D 沙律、小吃,食住先。
(以上食记乃用户个人意见 , 并不代表OpenRice之观点。)
张贴