无限时任饮任食，只需$150！森港最大卖点就系：唔限时＋任食＋任饮，只需$150。连酒精饮品都包括在内，打爆CP值。⸻首试「浓汤花胶鸡煲」：鸡件嫩滑有鸡油香我哋今次试咗佢哋主打嘅「浓汤花胶鸡煲」，鸡件大约有20零件，细细件、嫩滑、有啲肥美，食落口感正，带浓郁鸡油香。至于花胶，人头$150，同你讲会浆口食到啖啖骨胶原你都唔信啦，但都系正正常常有啲咬口既花胶仔黎，个煲整体黎讲都系正ge。除左浓汤花胶鸡煲，仲有养身鸡煲、椰子云吞鸡煲、猪肚鸡煲、红咖喱鸡煲、火焰芝士鸡煲等等，选择众多，绝对无揸流摊。而我地已经决定左下次试下卜卜蚬煲。⸻自助配料区超齐全：竟然连海鲜都任食！海鲜竟然都系任食！？我哋去𠮶日员工主动推介叫我地记得食圣子，另外仲有常驻既蚝、青口、沙白、螺等，全部都够新鲜，肉厚唔霉，真系好惊喜。Bonus！有次出去拎料，遇到位NPC店员主动问我哋要唔要虾，之后佢直接入厨房拎咗碟二人份虾（6只）出嚟俾我哋，唔系虾仔，只只都好似我咁大只，啖啖肉！基本打边炉配料应有尽有：肥牛、鸡肉、羊肉、栢叶、水鱿、鱼片、丸类、响铃、公仔面、乌冬…样样齐！⸻饮品任拎：汽水、茶类、甚至酒精饮品都有！饮品种类黎讲，基本汽水、茶类都有，连酒精饮品都任饮，适合一班朋友开心chill住饮饮食食一晚。⸻熟食中心冷气排档：行到最笃笃就见到由于森港喺街市2楼最尾𠮶间，店员老远已经会热情挥手YO我地行过去。我哋大约六点去到，都坐左几枱客，仲有好多位ge，到七点左右已经全场爆满，冇限时＝早D去开餐喇！现场环境嘈杂，自在大声吹水大中细枱都有，麻甩情侣、三五知己共聚、一大班friend 或者(大人)家庭聚脚都好适合；但始终大排档环境，XYZ都会满天飞，而且因为自助模式大家都会出出入入去拎野食，如果有小朋友就自行斟酌一下！⸻总结：真心抵食！平价任食鸡煲控必试之选以$150无限时任食任饮计，有质有量有心机，唔论系鸡煲边炉爱好者、悭家族、定系一班朋友聚会，都会大满足！住系大西北咁耐，听完男朋友同中同介绍森港，都系hea左系𠮶张「下次去食」名单度，到早排睇MM话熟食中心黎紧会装修一年，即刻黎试一试呢间听左好耐既陀地鸡煲！闻名不如见面！大家都衬熟食中心仲未开始装修，快D去帮衬下啦！各款鸡煲都系$150，净边炉$138，仲有学生价$128，记得行到最最最尾，先揾到森港ahhhhh！ #森港客家菜 #陀地 #鸡煲推荐 #打边炉 #任食放题 #联和墟美食 #联和墟熟食中心…查看更多
）。
