影片
开饭介绍
森巴位于尖沙咀美丽华商场诺仕佛阶二楼。从繁华的金巴利道走进诺仕佛阶，你会被四周的欧洲式建筑深深吸引。沿著旋转楼梯往上走，你会发现这间充满森巴气息的餐厅，它的装潢充满情调，令你犹如置身巴西小镇内。森巴以生日为主题，多项别具心思的安排为你和朋友、至亲带来无限惊喜。餐厅大厨拥有多年西餐经验，以最新鲜的材料，提供多款特色国际佳肴，保证你开怀大嚼，尽兴而回。
继续阅读
特色
庆祝纪念日
营业时间
星期一至日
12:00 - 00:00
以上资料只供参考，请与餐厅确认详情
招牌菜
第一次写食评，其实想写的与之前写的都差不多今晚是与女友去庆祝生日一开始进店，侍应们的态度都很好，坐下看看餐牌，只有一个 4 百多元的餐，可能已打来订坐关系，所以知道是 2 个人所以给的餐牌是一个选择简𩠌都几 ok见过之前食评 d 野食，就咁选了几样味道都不错，只有一个猪扒同龙虾汤味道一般各项安排的心思、情调都很好侍应熊度很好，亦很主动帮手影相火焰蛋糕的环节，女友忽然感动值回票价~
继续阅读
原本book左去廸士尼食buffet, 点知有特发事件, 所以改地方庆祝, 餐厅布置得好有party feel, 十分有惊喜. 还安排到最入的坐位, order左一个$528的二人餐. 4个头盘 + 1个特别菜色 + 2个主菜 烟三文鱼沙律: 烟三文鱼份量少, 纸咁薄.焗白菌酥皮盒: 白菌粒份量少, 酥皮盒较硬.焗美国大蚝: 卖相似鸡翼. 外脆内软.意大利云吞: 超大粒. 云吞皮好软, 一d都唔硬.龙虾汤: 只得3粒龙虾肉, d汤比较淡口.忌廉白菌汤: 好浓郁! 有d似咸麦皮.黑松露酥皮牛柳: 酥皮包住牛柳, 上面洒上黑松露. 牛柳肉质好淋.大虾野鸡: 块鸡扒一般, 冇咩特别.海鲜天使面: 龙虾肉好『鞋』 心太软配雪糕: 比想像中细, 朱古力酱冇流出来, 有点失望.士多啤梨冻梳乎厘: 似一旧雪到好硬的士多啤梨雪糕. 差不多食到尾声, 餐厅突然调暗灯光, 有侍应送上火焰雪山, 入面藏有一个玻璃小樽仔装了一条用字母整成的电话绳. 女侍应主动替寿星单人拍照,后尾才发觉呢张相系做年历咭的. 见到其他情侣系合照, 这点令我们十分气愤!!
继续阅读
睇过D食评都唔错,所以试下.同女朋友庆祝生日,一早BOOK左位,一去到安排左个2人位,太光,情侣唔适合,可以安排得好D,(因入面有位置环境系黑D慨),有两个SET 比你"简"一个系4??同一个5??,有加一,我地简左个4??慨,多野食D,简完服务员同我地影相(用黎整相架架)食物都尝可以,不过唔会饱肚走人个只,服务员服务OK,不停为你加水,不过食完好快收你碟,上第二样野,到最后有个生日火焰蛋糕(OK慨)同放生日歌,不过我地无食到,收碟时服务员叫唔食都整烂佢,"完"来入面有个樽装住一条电话蝇,心思可以慨,到最后可以系出面做亲手做一个相架慨,不过我地都无整到.试过一次,应该都唔会有下次.气纷坐入面系好D慨,情侣黎想静D唔好简黎度,食物价位都OK.服务OK
继续阅读
昨晚, 我和老公到这餐厅庆祝我们的结婚4周年纪念... 这次是我预备的, 我只告知老公会到尖沙咀美丽华附近食晚饭, 而且系贵夹唔饱的一餐, 叫他先有心理准备。晚饭后, 他当然满意啦! 因为没他预期的贵, 也没他预期的唔饱, 最后他是觉得饱的。而且仲有惊喜, 成晚餐厅的人帮我们影了两次相, 一次做心意咭, 一次做相架, 仲有就是火焰雪糕哩!昨晚有两款价钱的二人餐, 分别是$47X 和$52X。因为我们不喜欢52X的选择, 它只是有半只龙虾米多, 但只得两款主菜; 我们选了$47X, 因为有三个主菜。饮品： 一杯红酒和一杯白酒 (不过我哋觉得唔好饮)头盘： 1)蟹盖 2)海鲜拼盘 3)什么柚子沙律(但味道很难接受) 4)唔记得汤： 1) 龙虾汤 2)白汤 (两个味道一般啦!)主菜： 1) 羊架 2)肉眼扒 3)大虾天使面 (这三个的份量和味量都不错)甜品： 1) 朱古力软心蛋糕拼雪糕 2) 焦糖炖蛋 (朱古力果个好味呀! 不过, 炖蛋就...像慕丝啰! 餐厅的人话因为不是中式炖蛋, 佢哋用慢火炖, 所以滑啫)餐饮： 1) 咖啡 2)青柠柑桔 (老公话咖啡超难饮, 我果个就几好饮, 不会太甜或无味)整体都不错!
继续阅读
见到E间生日歺厅好耐, 一心想等 “爆爆”生日去食, 有四百几同五百几两种二人歺, 相差六、七十蚊系多左半只芝士焗龙虾, 唔系每位半只播, 系两位一同分享半只,1)芝士波波两粒, 好味, 有小小芝士酱比你查, 好好味2)自选4个头盘 – 我地选了 以下**西班牙火煺沙律– 好味, 都有三、四片, 我只系食左一片, 比“爆爆”食晒. **酥皮盒入面有粒粒杂菌姑 – 普普通通, 酥皮干左D鞋左D , 炒杂菌姑粒都唔 会难食得去迈, Ok但冇惊喜. “爆爆”话麻麻地. **鹅肝芝士薯条 -- 薯条系刚刚炸起, 白雪雪, 加D芝士系上面, 如果多D芝士就更好勒, good **焗蚝 – 一只超大加一只好细, D汁咸左D, 只蚝本身系冇罪既, 唔好点咁多汁就good勒3) 歺汤 -- “爆爆”要龙虾汤, 我要白汤. 罐头汤会好味过佢好多! 3)半只龙虾 – 应该系雪虾 , D肉唔系好爽, 上面系芝士同头先酥皮盒𠮶D杂菌姑粒, 唔系好好味, 但都可以, “爆爆”比左一大旧我食, 甜晒!4)主菜 – 我点了黑猪, 鞋到ㄚ……个汁几好味先食到两啖, “爆爆” 点了羊架, 佢平时都中意食羊但都食左小小就唔食, 系就系熟晒有DD鞋, 佢个咀又系雕左D既, 羊肉熟晒都唔会鞋到似柴皮, 由于我唔食柴皮黑猪, 冇得食既情况下我覚得个羊都可以., 所以我食埋佢. 唔知“爆爆”𠮶晚会唔会肚鹅呢?!5)甜品 – 麻麻喇, 吃两口便算总括最好系芝士波及头盘, 因为比面只龙虾总算系一只龙虾, 所以都入围, 其他就真系唔得, 不过, 佢卖点系惊喜, 之前好多人讲过, 我唔再讲勒! 加埋佢D惊喜安排, 我覚得去一次叫个平D既套歺都可以接受, 如果D食物可以好D, 我会再带朋友去. 生日都想食得好味加麻, 最后, 虽然食物麻麻地, 都算有D记念品拎走, 希望“爆爆”感受到我小小心意, 出年同你食D好味D架啦, 好唔好?
继续阅读