森川弁当 (已結業)

叫左滑蛋豬扒飯。豬扒好似預先炸左好耐，又乾又韌，個粉漿超淋。仲有小小油益味。🤬🤬🤬洋蔥唔甜又靭。滑蛋過熟，正常味道。唯一可取係夠熱。一定冇下次。浪費金錢完。

因為食過一次 覺得味道唔錯 所以今次就encore再次多次！第2次就決定試下上次冇食過嘅嘢 我哋4個分別叫咗鰻魚飯、滑蛋牛肉丼、滑蛋雞肉丼、豚肉烏冬，仲加咗餃子小食鰻魚飯啲鰻魚冇錯係好食 但得3嚿 賣呢個價錢就有少少可惜 朋友話寧願佢比多嚿鰻魚 比少啲飯至於2個滑蛋丼 牛肉同雞肉都唔差 雞肉賣相仲吸引過牛肉 可惜佢同坊間唔少滑蛋丼一樣 都有愈食愈乾嘅問題 希望蛋同汁可以再多啲就好啦最後 朋友明明係叫豚肉烏冬 但結果嚟咗個飯 唔知係咪電話落單聽錯咗 個飯食落仲好鹹 愈到佢最後食唔晒而餃子亦都令人大失所望 因為係預先煮好 食嘅時候啲皮已經硬咗

喺九龍灣覓食嘅時候經過呢間便當店，一睇menu就畀佢吸引到，可惜2點幾便當已經賣晒。我哋唯有擇日再戰，早少少打電話落單叫外賣！我食咗洋風漢堡蛋包丼 睇個樣已經好吸引啦！果然冇揀錯～塊漢堡扒好肥厚 見到都流晒口水🤤可惜啲飯濕咗少少 有啲痴埋一嚿 不過都算幾好食！朋友因為腸胃唔舒服 所以叫咗豚肉烏冬 清得黎 又好食另一位朋友就叫咗牛肉烏冬 佢話個牛肉都幾好食 幾入味再另一位同事因為有選擇困難症 所以叫咗個「廚師精選」究竟係咩呢？原來係廚師根據當日食材去定嘅時 我哋落單嘅時候 個廚師話佢先啱啱決定好「廚師精選」煮咩好 好搞笑哈哈～當日嘅「廚師精選」就係吉烈豬扒野菜飯 吉烈豬扒金黃色嘅色澤相當吸引 亦都炸得尚算酥脆

今日叫了外賣速遞，見到九格便當賣相非常吸引，大家都好期待，約了12:15到，但就說12:15-12:30，ok, 但都不要再遲吧！我們食飯時間非常寶貴，但都是遲了少許。心想即時製作時間上可能有偏差，算！立即打開，但一打開所期待的九格便當不見了，換來是鷄扒！極度失望打電話去説是「執」錯了，證明不是即整，如要換過亦都已過哂午飯時間，無奈之下只好食。一食落口全都是凍的，飯亦硬，奉勸各位冬天勿叫，或者搵微波爐叮返佢吧！

這間便當的賣相非常吸引，不過沒有堂食，只有外賣，便當🍱至少要$65以上，之前在荔枝角工作時一直沒有試過，現在終於有機會食了！點了花見壽司松花堂、櫻の花便當、鹽燒鯖魚便當同華味胡麻雞便當。我食的壽司松花堂，有綠茶橋麥面, 5款壽司, 北寄貝沙律, 玉子, 日式糕點等。除了點橋麥面的汁，味道偏淡，其他都不錯。其中糕點味道清甜，好軟熟，不乾喉嚨，很想多食一件！同事食其他便當都讚！

今日落雨，最好就叫外賣試下！睇下啲單張見到呢間森川，係九龍灣呢頭少見嘅日本野餐廳，雖然價錢都唔平，但睇佢啲相都好吸引咁，約埋左啲同事一齊叫外賣試下佢。佢可以whatsapp落單，再約時間送過嚟，都算好方便。我揀左個森川夏之壽司弁當，價值68蚊。有前菜，壽司同凍烏冬。啲質素都正正常常，個麻醬淡左小小，要落晒先叫有多啲味。壽司就好正路，無乜野好挑剔。另外佢有送飲品或者麵豉湯，我揀左湯，點知好咸，要加水先飲到。下次有機會都會試下其他野嘅。

今日阿sir請食飯，識飲識食的同事選了森川便當到會。嘩，很精緻的壽司球，每個都很飽滿，款式也很多。我試了三文魚，饅魚及蝦壽司，ichiba!另外，這個糖心蛋黎麥沙律造型已驚為天人，不但健康而且營養價值高。還有這個mix and match的cake盤，極具創意，有不同的款式由君選擇。我搶了cheese cake獨食，不過味道只是一般(我知道我是不應把它跟Cheese Cake Factory比的 sorry!)我們還有墨魚丸、chicken wings、雞串等。同事們吃了都表示。

上星期同同事見到「森川弁當」既飯盒好精緻，一人買左一盒唔同款試下，點知好失望。飯盒價錢唔平，最平45，跟住係58，68，78，88，一跳就係10蚊我買左盒58蚊既素飯盒，跟指定熱飲唔洗加錢。飯盒味道一般，同區呢個價錢可以食到好多好野。同事買左個45蚊雞飯盒，咖啡另加8蚊，佢話d雞超重雪藏味，好難食。可能我地揀得唔啱啦，如果買鰻魚或者肥牛飯盒可能會好味好多，但我地已經唔打算再試，因為同區實在有太多選擇。雖然食物味道和價錢都唔吸引，但店員服務和環境衛生都好好。如果趕時間又好肚餓都可以買黎食下，飯盒放在有保暖功能的陳列櫃，可即買即食。

睇日劇/動漫成日都會見到學生喺lunch time就會拎個好靚嘅日式便當出黎，望落好似好好味咁。今日終於都試到呢個咁開心的感覺。森川menu上每個便當都好靚，選擇極度困難。五個同事都叫左唔同嘅野。送到黎大家都哇左一聲。因為真係整得好精緻，同menu個樣一模一樣。成個lunch 即刻開心左。味道同賣相一樣咁好。雖然個冷麵因為乾身，有少少「埋舊」，但係冇影響到口感同質地，個汁味道適中。搭配嘅壽司亦幾好味。亮點係其中一款入面的芝士，好奶好正。已加入lunch time 餐廳loop中。

打從年多前到現在，好像已先後兩三趟想撥電話到這裡叫外送便當，但最後卻因不同的原因及狀況下無奈地要擱置.....一直到了今夜，終於下了最大的決心推掉所有的甚麼約會，專心一致的去享用兩個賣相包裝超精致的日式便當....日本人通常有大日子要慶祝或新年時份才會吃這般排場的便當。但我們一家三口今天就在這一個平平無奇的晚上去享受之....眼前的這個"秋の御膳．稻"，用兩個彷木的六角形盒子盛著，材料豐富之餘裡頭大多是十分健康的食材 ---- 醋蓮藕片、時令雜錦野菜、薑芽及紫蘇，入口不油不膩非常的"清"；肉類方面有日本人常它的鯖魚 (我個人就甚不愛吃，主要嫌其肉太嚡而且有一股莫名襲來的腥氣)、炆豬肉 (單論肉質就有點不太夠軟熟)、雞翼餃子 (這個很難會弄得不好吃的).....紫芋薯餅入口時已不再香脆熱燙，論滋味自不然是下降了不止一個層次，不過紫芋蓉之甜香軟滑倒是引人的....用來充飢填肚的太卷及飯團是有水準的 ---- 前者夾進去軟嫩夠味的雞肉及其他菜蔬加上甜蛋，非常的mouthful；後者塗了醬油的飯粒揑得紥實不易一拿便四散，醬油的味也不見太鹹太濃。饀內的碎熟三文魚於我而言倒只是大配角而已....至

2016年10月3日, 去左呢間店到買外賣, 叫左個大阪燒, 等左5分鐘,出來個大阪燒細得可憐, 比個長鋃包還要細, 價錢HKD 25, 請睇下附圖. 細得可憐.返到公司, 打開發現呢個大阪燒一片肉都冇, 得什菜, 唔通呢個係正宗大阪燒?定係叫做野菜餅比較貼切呢. 真係冇下次.

夏日炎炎，lunch time外出吃飯總是又曬又熱⋯⋯未食已經没胃口😞朋友介紹下認識了森川弁當，專賣精美日式便當，跟同事們決定試一試~多人吃飯就好處就是可以叫多點、試多點 😁同事叫的夏天の季節壽司便當，為保持衛生，食品都是全熟的。青瓜絲蟹子沙律、6件壽司 (鴨胸肉壽司、腐皮壽司、玉子壽司、熟蝦壽司、火炙三文魚⋯⋯)、芥末八爪魚配日本米飯，加綠茶mochi。便當份量剛好，適合女生食用。青瓜沙律爽脆、綠茶mochi的綠茶味夠濃。芥末八爪魚蠻爽口，芥末份量剛好調味，夏天食蠻開胃。夏至手鞠壽司盒每天限量供應，需要早一天預訂。波波造型壽司便當非常可愛，但份量比較小⋯⋯ 為保持造型，壽司料非常薄，幸好味道不俗。尤其大葉梅子，紫梅葉配梅子醬，非常適合夏天。左上的紅豆mochi煙煙韌韌，有畫龍點睛之感。另一款夏季便當，分為9小格。有紫蘇加櫻花蝦飯團，還有比目魚、金菇牛肉卷、蟹柳胡麻豆腐，種類非常豐富。廚師精選小食是芋頭丸子 + 白蘿蔔，芋頭味不太突出。份量最大的就是這款經典便當，飯餸很多，男生應該剛好夠飽。飯素為平平無奇白飯添味，再配上燒牛肉更美味。南瓜甜品不甜，南瓜味淡淡的，夠健康。主角夏之御膳．錦

之前都知道森川呢間日式便當店, 一直都希望可以試下但原來佢九龍灣都有分店, 只係我唔知 一知道左就好興奮咁拉埋同事一齊試夠$250蚊先可以送貨 (要加$10送貨費)我地3個人叫左3款便當就岩岩好夠喇初時有點擔心個便當既份量夠唔夠飽, 仲特登order多碗白飯點知送到來, 比個便當既size嚇親, 9格果隻便當原來係好大個架9格入面由前菜到主食連甜品都有, 所以係相當之豐富夏旬彩便當 $88每一格既食物係：(由左至右, 上至下)1. 海鮮沙律 -- 普普通通2. 冬瓜蟹肉啫喱 -- 口感好得意3. 築前煮 -- 傳統日式前菜4. 茄子博多拼粟米球 -- 呢個好好味呀5. 鵝肝牛肉照燒 -- 件鵝肝都好大件下, 亦都好濃味6. 日式甜點 -- 個mochi好煙韌, 紅豆唔算好甜7. 芥辣八爪素面 -- 幾爽, 有中和既效果8. 愛女魚玄米燒 -- 小小炸, 脆卜卜但唔油膩9. 鰻魚飯團 -- 普普通通同事的夏祭便當 $88, 炸野比較多少少1. 燒雞沙律2. 三文魚南蠻漬3. 厚揚茄子煮4. 胡麻四季豆5. 吉列串炸6. 日式甜點7. 蟹肉飯團8. 愛女魚配青豆蓉9. 芥辣八爪素面另一個同