影片
起九龙湾 唔知晏昼食咩好 就试下去呢间买便当拎番公司食已经早左少少去买外卖 点知其他人既疯狂程度超乎我想像 去到既时候都系得番3,4款咁我就拣左个鲭鱼便当啦好在本身D饭都系heat住 拎到番公司佢都仲暖暖地本身条鲭鱼都好够味 不过鲭鱼紧系要配柠檬 所以用再吱D柠檬汁上去 都好开胃 好易送饭!佢仲跟左D前菜 唔洗话觉得好寡不过个粟米就唔够甜 宁愿食罐装粟米粒 至少甜DD 同埋又容易送饭~希望下次可以拣到其他款食啦!
继续阅读
lunch 系九龙湾emax食得太多要搅搅新意思， 在33 度高温下决定去宏照道一趟， 见到呢间日式便当， 俾佢d外表吸引左， 当日外卖有8折添，拣左个胡麻炸鸡便当(已预先制作好) ， 连热乌龙茶，折左$55 都同emax 依lunch 差唔多。可能由于是预先制作关系， d炸皮返黎已经林左，不过， 好彩味道系唔错， 不会太咸/ 太干，饭仲热既， 而且系日本米， 几欣赏佢果炒椰菜加左洋葱同本菇， 唔会净系炒椰菜咁斋。店员话2 个饭盒就送上门， 下次约埋d同事再叫其他野。
继续阅读
好耐冇写食评啦，今日又再次揸笔起来，行行下见到呢间食日本野，适逢疫情下也是外卖较为好一点。个餐牌有好多唔同款的丼和乌冬拣，选择了个咖哩牛肉汤乌冬，可配面豉汤/绿茶，亦可加钱转野饮，好多选择，而今次加$5有包柠檬🍋茶。等候时间唔算太耐，好快就可以pick up回公司啦😆卖相都ok，个咖哩唔错好浓和好香，虽则乌冬不是赞岐，但可以接受，不错的选择在九龙湾工厂区又一新选择。
继续阅读
最近又发现一间良心小店森川弁当，仲要系专做日式料理便当外卖，款款卖相精美，最平$60就食到一个有质素的便当连餐饮，可以拣味噌汤/绿茶/乌龙茶，诚意满分。之前食过香辛咖哩牛肉弁当好好味，而且呢度的便当系每日由人手新鲜制造，确保品质保证，除左到分店买之外，更可以上官网订购，服务贴心。今次呢个洋风汉堡蛋包丼系同事推介的，便当卖相精致，汉堡扒肉质松软、肉汁丰富，连埋甜甜地的照烧汁一齐食，啖啖肉够晒滋味。金黄色的旋风滑蛋质素亦不错，配上烟un的米饭，食完系有少少腻，不过食得好满足好开心！
继续阅读
又系番工唔知食咩好，行经日本餐廰，见到都好得体，于是就买在个番公司食。食落都唔算太差，又未至于系劲好食。可以话系同香港某一间日本连所店的牛肉饭差唔好。42蚊都差唔多。我觉得d牛肉可以多少少汁，感觉有点干，另外可以加多少少菜，菜可以中和牛肉的味道唔会太利。d茄子的味道清清地唔重味道所以都几好食，我平时唔钟意食鱼香茄子，但哩个茄子的味道我食得落，所以系加分的地方。下次可以试下其他饭，希望不会令我失望吧。
继续阅读