影片
食家推介
上星期三陪亲戚到南丫岛行山，顺便找个茶餐厅食个晏。一坐落落order，点了两杯冻柠茶，其中一杯要求「少甜」，结果即时辣著个waiter（可能系老板吧，我唔sure…）……对方瞪住大眼大声问我「请问有几少甜？7分？五分完三分？」当时我真系呆左，少甜还要我计比例吗？大哥你「十分甜」既分量落开几多我点知呢？我只好回应道「随便啦，比你平时落少d就可以啦」。点知佢仲重覆问我同一个问题，呢个时候我亲戚提议佢糖浆另上俾我自己落，佢都唔同意；最后又问我「你唔要甜既话，不如叫走甜啦」，我已经无心情同佢讨论咩系少甜，索性投降同佢讲「算啦，你当我冇讲过算喇」，佢都仲系唔忿气坚持要走甜，最后都系俾左杯走甜既我………原来依家去茶餐厅叫「少甜」都系「不受欢迎客人」既行为，睇黎我真系落伍了~
继续阅读
青年侍应独守空房一脚踢，全场只得一个工作，辛苦了﹗不过服务态度有待改善，是否姨妈到？还是刚失恋？是否输波输马仔？还是歧视我地带口罩？还是您的待遇如何，您的嘴脸也必如何？我地叹完早餐埋单后，才见到青年刚刚坐低开始食早餐，是否太肚饿所以发脾气呢？冻斋啡走甜，普通平凡茶餐厅味道。没有冻饮杯提供？只用外卖胶杯。双肠出前一丁⭐️⭐️⭐️肠仔结实无怪味无过咸，白烚弹弹水润我喜欢。行程紧密，食饱饱立即直冲榕树湾洪圣爷湾，望望海吹吹风﹗再到南岛书虫，尾站BB海景餐厅。太阳蛋沙嗲牛肉煎鸡扒出前一丁⭐️⭐️⭐️太阳蛋焦香甘甜滑滑暖笠笠，整粒啪入十分舒服。沙嗲牛肉吗？完全系沙嗲肥牛来的。明显地自家腌制，不太杘而有咬口，清甜带鲜牛味道。连辣椒油都系自家制，真的非常有诚意﹗没有一樽樽放在枱面随便用，而系独立用迷你胶汁兜装，小份小份够卫生亦不浪费。高质香辣并重十分刺激醒神，我都好辣得，最少要落两份先够喉﹗煎鸡扒散化香芧花椒八角味道，腌味苦涩咸浊而且煎到干鞋硬，失败﹗出前一丁面质煮得超然出色，爽滑弹仲热腾腾﹗连汤一齐煮使汤汁渗入面条中呈亮丽啡色，味道甜美浓郁无得顶﹗
继续阅读
老友约行山，今次试吓离岛新路缐，行行复行行，好快又到午餐时间，路过小店见有位唔洗左念右念一于坐低祭吓个五藏庙先。午餐原本有 A、B、C、D、E 同 F 6 个选择咁多，不过我哋嚟晏咗少少，得番4 个选择。先嚟个例汤～老王瓜赤小豆扁豆呷一啖例汤、唔错、足料够热、火喉又足、原汁原味无落师傅、妈咪靓汤、值得推荐B 餐 ～ 豉椒鸡普通普通无惊无喜、住家 feel 煮法、合格D 餐～芥兰炒牛肉合格、要挑剔的话个生粉献汁太多餐饮 ～ 热奶茶合格另外要挑剔的话碗白饭有啲煮得烂（水多咗小小），非个人喜好。整体来讲系平平实实茶餐厅出品，支持小店！
继续阅读
星期六黄昏 一行四人 三支啤酒 四人套餐 结账才六百 以这个价钱市区也食不到 店家也非常体贴 刚坐下 已经讲近海会太阳斜哂 建议坐另一位置 因为想睇日落 打算叫点小吃 啤啤先 店家说套餐有椒盐猪扒 可以先上 𩠌菜一碟一碟上 食物味道好 店家贴心服务更加好 超赞
继续阅读
中午时候到达索罟湾, 甫落船就揾地方医肚. 一早都知道这边的食肆比榕树湾少很多, 而且大多是海鲜酒家. 想食简单一点的话, 茶餐厅只有两三间, 当中以棠记有较多食物选择.当日天气好, 清风送爽, 坐在海边位置格外写意.食物普遍都比市区茶餐厅略贵. 一碟碟头饭或炒粉面, 跟热饮$60. 午市套餐同价, 多一碗粟米鱼肚羹. 结果点了碟时菜斑腩炒米($60). 斑腩并非一般雪藏鱼柳, 而是新鲜鱼块, 比较实肉, 连鱼皮略带少少腥, 但鱼皮多鱼油, 所以都有鱼味. 炒米煎得香脆, 略带焦香, 整体都ok.另外又点了个常餐($52), 有炒蛋、多士、炸鱼柳跟热饮, 味道ok, 只是价钱略贵.
继续阅读