棠棠居海鮮菜館

营业中

休息中

週日去試試這家早茶，排隊大概半個鐘，位置還算寬敞，服務一般，菜品味道都還不錯，腐竹皮鮮蝦卷和流沙包都很好吃，酥炸魷魚鬚也好吃，香片茶味道也還不錯，價格也很平，兩個人200多！

響螺湯-湯渣無響螺龍蝦伊麵（$3XX)- 伊麵得兩碗咁多，一人分幾條？雜菜煲- 裡面既菜係黃既碟碟野都無心思擺盤，求其到連茶餐廳都做得好過佢呢個價錢咁既質素食對面好過

舖的面積不大，试下这間的下午茶，出乎意料，款式不算太多，但好吃，抵。点心熱騰騰，没有墊下太多芋头，蘿蔔之類在食物下，这个都抵讚👍🏻可惜不能坐太久，3点半前差不多要清場，因他们都要準備set 晚饭枱，值得试试啊

棠棠居成為我地近半年既大型聚會飯堂之前食過幾次 都覺得好惹味食過翻尋味🤩今日lunch time 又再黎過! 但原來已經改左個餐牌😭😭😭我想食返個竹炭流心奶皇包就無左了💔💔💔book左位 都算坐得較闊落帶埋bb車入位都無問題但呢到啲bb櫈係無安全帶.. 所以唔敢比bb坐 仲係太細個了有個精品小食 $78 (9揀2)我全部揀左熱氣野😂 😂 😂 1. 酢炸魷魚鬚鐘意食香口野 就真係要試下呢個炸得好酥脆 仲灑左啲椒鹽粉係表面 食落更香口 但因為灑得唔均勻所以食到有啲好咸🤣🤣🤣魷魚食落去都仲係好彈牙 食材算新鮮而且個份量都好充足2. 椒鹽豆腐粒炸豆腐粒真係無得彈😍見到金黃色既表層都覺得好吸引而且個皮真係好薄 仲炸得好均勻一咬開就好嫩滑水晶蝦餃皇雖然未做到個皮超薄 但我覺得唔錯唔大影響😏 因為好足料 啲蝦同啲漿打埋左唔會太粉 都唔會太乾好味道香煎臘味蘿蔔糕呢個一啲都唔熱氣因為佢煎到金黄色就停唔會搞到外皮又乾又硬 又唔會成舊磚咁叉得起都唔會好似擦子膠咁彈彈彈個口感仲係好細膩~ 完全唔會覺得內籠果層係乾爭爭既粉😚我自動過濾左蠟味既味 因為我揀左少蠟味果邊黎食😂但佢係跟辣醬上 我食慣甜醬🤗蛋黃流沙包我

香煎五香芋頭糕：芋頭糕外脆內軟，外呈金黃色，臘腸和芋頭碎清楚地佈滿整舊芋頭糕，入口除了有芋頭香味而且有香濃的臘腸味非常開胃，令人食完再食。鳳爪排骨飯：下午茶優惠$16更加抵吃，有一件鳳爪和七件排骨，算是「抵食夾大件」，而且飯味香濃，配有少許豆豉味和豉油香味，為下午茶打了很高分數。煎釀虎皮尖椒：一碟有三件，魚肉十足釀滿整隻尖椒，而且尖椒很新鮮並帶一點微辣，超正！竹笙海皇灌湯餃：優惠價$22一籠，湯頭十分濃郁，灌湯餃餡料十足，除了有蝦肉和筍之外，還有一些魚翅在內，突顯矜貴，值得一讚的是湯內還有兩條大大的竹笙，竹笙吸收上湯的味道入口更為滋味。水晶蝦餃王：蝦餃晶瑩剔透，鮮蝦爽口彈牙，外皮不算太厚，算是上乘菜式，必點！香煎鮮蝦腐皮卷：腐皮卷煎得恰到好處，表皮金黃香脆，鮮蝦膠份量多，點些少黑醋入口更加美味可口。

從來好少揀呢類鋪頭，因為今日同個住長沙灣嘅朋友食飯，佢揀咗呢間，我呢個朋友taste不嬲唔錯，佢揀得我都好放心去到個場其實冇乜人，冷氣就冇開，熱到嘔叫佢佢先開返朋友發板我完全冇諗食乜叫咗個小食腐皮卷，裏面蔬菜好夠水分皮就係唔脆嘅，每人兩舊，正正常常椒鹽鮮魷，好大碟，但係鮮魷同粉嘅比例做得一般般，鮮魷同埋粉中間好多空氣咬落去嘅感覺有少少空虛鮮魷新鮮嘅，只係略嫌細嚿花甲胡椒豬肚湯，呢一個其實我覺得有少少失敗，唔係話佢胡椒豬肚湯做得唔好係加嗰幾粒花甲，花甲新鮮嘅，但係蜆嘅鮮味完全落唔到個湯度，我係覺得呢樣嘢爭少少芋頭扣肉，我個人麻麻地嘅，佢做得不是好咸，芋頭好大舊，扣肉都做得淋嘅不過我真係麻麻咁肥膩嘅嘢炒芥蘭一字記之曰好大碟每人叫多咗一個飯，15蚊碗冇特別嘅亦都唔係好大碗呢度個茶幾好飲，傾計都幾一流，服務幾好埋單630蚊，其實唔係好飽嘅送咗個雪耳糖水但係我覺得傾計一流但係你話日常便飯我就未必會揀呢度因為如果你兩個人黎真係其實一碟餸你已經叫唔到第二碟因為真係好大碟

新鮮阿拉斯加大蟹~魚缸內的活蟹，即叫即磅即蒸。啖啖肉,肉質彈牙，味道鮮甜， 還有海水的鹹味。蒸完蟹的蟹膏混和鮮味湯在碟底，不浪費，連一碗蟹味鮮湯上枱葱爆黃金蝦~鹹蛋再加上葱粒辣椒炒香，配上這款開邊蝦，彈牙啖啖肉，味道很配合豆豉抽子骨~近期豬肉$1xx蚊一斤 , 酒樓不用急凍冰豬肉而用鮮豬肉 ，不將貨就價 這碟柚子骨 ，味道一流，微酸帶小甜， 而且豬肉質地彈牙，好味荷葉炒飯~濃濃荷葉香味的炒飯，已經在酒樓好難食到，平時食嘅都係求求其其，沒有荷葉味，但這碟荷葉飯入口味蕾巳有滿滿的荷葉香感覺 ，而飯粒也很有嚼口椰汁桂花糕~ 淡淡桂花香，子，配合不太甜的椰奶糕養生飯後甜品贈送飯後甜品，足料紅豆沙整體服務也很好但洗手間衛生要多加注意。

同事聚餐，通常都揀飲茶，因為人多，圓台好坐，又可以叫好多唔同點心同菜式share,試多d野。呢間是第一次來，鋪面都算大。呢個麵餅好好味道，外脆內軟，口感好好，不會太乾。炒飯粒粒分明，飯都軟熟，不會太硬腸粉迷的我，必定要食就腸粉，本來叫了2種腸粉，可以太餓了，所以食完先醒起未影相。腸粉皮可以再煙肉韌點就好了，是我對腸粉的要求比較高而已，整體來說這裡的腸粉還不錯。味道剛好。這個絕對不是普通煎堆，應該是有流心蛋黃醬餡的剪堆，食個時候要好小心，因為會有好熱的流心。咬落去外脆內軟，好有層次感，加上個蛋黃醬餡好夠味，比讚！呢個包賣相100分，好鬆軟，是奶黃講，不會沒有很流心，但是整體味道不錯。主要是食物夠熱，所以品嚐起來都好好味道。另外甜品是桂花椰汁糕，正適合我兩樣都想試的人，一口咬上去，上面是淡淡的桂花味，下面是濃郁的椰汁味，滿足兩個味覺享受了。

這家是朋友的朋友開的店，聽說點心都是每天新鮮做，不是大陸運到香港。（除了腸粉之外）因爲技術問題，暫時未能提供新鮮腸粉。我們訂了位置，但walk in 也不用等位。我們點了馬拉糕，奶黃包，叉燒包，鮮竹卷，紅棗糕和燒賣。鮮竹卷的鮮竹非常新鮮。紅棗糕味道濃做甜品一流！流沙包是我們的最愛，熱辣辣流心奶皇甜而不膩。馬拉糕亦非常鬆軟。燒賣非常足料彈牙！最後點了楊枝甘露作甜品。用餐後深深感受到每天新鮮製作的用心。可以用街坊價錢品嚐到新鮮食材，必定再去！

早茶點心好味，再試晚飯小菜，有驚喜😍但亦有要改善嘅地方. 我地大小八人預訂兩個燉湯（因為見佢寫4位用）訂左一個菜乾豬肺，一個雞煲翅，原來份量相當多足夠6位用，一見D湯同渣就知足料，各人都讚不絕口👍🏻👍🏻尤其個翅夠曬濃，超級好味，推介大家要試下，相對豬肺湯係抵飲. 由於大家都喜歡香口野，試左金沙豆腐，椒鹽鮮魷，柚子蝦球，除左豆腐，其他兩樣麻麻. 南乳齌煲夠野味👍🏻👍🏻喜歡清淡未必岩因為好濃味，橋頭炆鴨麻麻，霸王雞好味夠滑，原盅蒸飯配豬油👍🏻👍🏻但漏單情況嚴重，白飯等左15分鐘未見先催下，佢就比左支豬油同豉油話即蒸要耐D好快到，我再等多10分鐘仲未有飯，而D餸又食到7788再催下啦問佢有無漏單，結果真係無落到單（佢會有張打印單比你，比你知叫左D咩黎左未，但就無飯）我黎試晚飯係為左個豬油撈飯而黎，當然等啦！另一樣係上湯龍蝦伊麵做特價，一坐底就落左先，最後連豬油撈飯都食完但龍蝦伊麵仲未黎我又問啦（打印單係有架），佢好緊張一睇即跑走左，我聽到佢同D人講話第一道菜佢就叫左龍蝦伊麵仲未上，果然又漏單😓，龍蝦伊麵味道0k但煮耐左有D老. 由於太大碟又太飽關係，係食唔曬😖今次係生日飯，外帶蛋糕佢地係

閒日放假，睡到自然醒是常態吧！11am才起身，梳洗下，再到深水埗處理些雜務，巳經2:30pm。吃厭了茶餐廳的下午茶餐，便隨便找一間茶樓飲茶去。一入到去棠棠居，原來都頗多人，所以要等位。等了十分鐘，在我準備離開之際，又突然有位了，命運總是這樣，在你决定放棄的時候，又莫名其妙地賦予...一人飲茶，位置夾在兩張細枱中間，左右均有兩位太太用膳，感覺比較嘈吵。酒樓入面都頗整潔，餐具特别，看上去十分雅緻。下午茶紙的選擇不太多，價錢也不算平。一個人吃也不好點太多，所以只要了飲茶三寶，蝦餃，燒賣同腸粉。叉燒腸粉够薄也够滑，但略嫌黏口不够彈牙，叉燒味道尚可，分量頗多。蝦餃有兩隻，值得一提的是為配合分量，蒸籠是橢圓形的，廣東人會形容為骨子。蝦餃皮以澄麵製成，精瑩剔透，口感彈牙。内裹兩隻半中蝦，加上小許肥肉及筍絲，味道可以。燒賣同樣是兩隻，黃皮裹着粗剁的猪肉及蝦膠而成，上面點綴着一粒一粒的蟹子，非常漂亮。味道方面，一粒燒賣的蝦膠和猪肉比例是一半半，而另一粒則全是猪肉，材料分佈極度不平均。調味正常，是好吃的，但沒有甚麼特别。埋單65蚊，價格可以接受，但不是特超所值。

好耐都無同太座大人嘆中茶了, 而聽友人B講元州街開了間四四正正嘅酒家, 剛好週末不妨去試一次, 曾經何時在這酒家對面嘅"添飯"都去過好多次直至某日! 而講返呢間棠棠居, 對正路面, 落地玻璃所以內裡光線夠,十足酒樓格局, 兩點開始下午茶時段, 有人流生意算唔錯, 食物達標, 價位亦係正路,  $8/位茶, 星期六,日及假期 $21(小), $24 (中), $27 (大), $31 (特) 總共來了兩次飲茶食點心, 兩次都覺得佢無令人失望, 值得推介呢度嘅點心, 假日下午茶重有一張特價點心紙, 蝦餃燒賣可以叫兩粒一籠$15相當識做生意, 燒賣同樣可以係$15/兩粒, 我們試咗蝦餃, 但感覺係久違了蝦餃嘅蝦肉可以食到原始嘅海蝦味, 而另一樣較為出色的有牛肉球$27, 赤色嘅牛肉球內裡有牛味, $27 嘅义燒腸粉皮亦是區內難得的質感, 五香竽絲春卷$24雖則說竽絲但內饀非全部只係竽絲, 春蛋燒賣$24嘅春蛋唔係蒸老春蛋而係剛剛蒸出來嘅口感, 黑椒金錢肚$24 也頗多金錢肚, 香痳流心煎堆仔$27 一口尺寸不過內餡似乎係奶黃流心因為吃不出存芝麻嘅香, 荷香珍珠雞$31其實係件糯米三文治, 潮

一家10口最好就幫襯酒家，舊址正東係經常聚腳嘅地方～可惜事過境遷，轉手變成棠棠居，團年造節竟然book到！又試試味道如何～棠棠居多數為大枱，枱數較少，所以感覺幾寬敞舒服，每間酒家都要叫個咕嚕肉黎試先，咁先知廚房師父功力去到邊，今日一試，不過不失啦小炒王惹味料多我地都叫左一啲好穩陣嘅小菜，未知棠棠居有咩招牌菜色呢？雞比較紅，味淡略油～薑葱蠔，份量較少～炒蜆唔錯，不過好難揾到完整多謝都已經殼肉分離～總結：不太令人有印象嘅一餐，但勝在易揾位

爸爸靈機一觸 想起長沙灣開了間新的海鮮酒樓 佢話晚晚見到九點幾仍然滿座口碑不錯 就帶我同媽媽來試一試🙆🏻‍♀️我們簡單要了過晚市組合 包括一碟本地龍蝦配伊面底 經過爸爸確認 龍蝦必須是本地龍蝦而不是波士頓龍蝦 分別就在於肉質同份量 波士頓龍蝦🦞肉輕而不鮮甜 組合亦包括了杞子泡時菜😋龍蝦伊面上枱 擺盤雖然不太美麗 但看到的是龍蝦肉份量足 大塊的起碼有五六舊 最驚喜是這隻龍蝦超級多膏 撈在上湯伊面裡 很好吃。唯一美中不足是我認為這碟伊面過濕 但整體算不錯 龍蝦足稱💪🏻另外單點了茘芋番薯炆鴨 很少吃過中菜的炆送會用番薯🍠喜出望外 口感非常不錯 比起芋頭 番薯有她獨特的甜 伴着醬汁很好味 炆鴨亦10分夠火喉 全部肉炆得軟稔入味 就算是老人家吃相信亦沒有太大問題 餸飯一流

搭車路經長沙灣，見到一間環境寬敞 ，望落感覺幾好嘅中式菜館，於是決定搵日去試下。環境方面 ，坐得比較寬敞，唔會有太大壓迫感，而且環境非常乾淨。食物方面有水準，而且份量都ok ，款式亦比較多，價錢大眾化 。服務亦非常之好， 整體嚟講係一間值得推薦嘅一間中式菜館