影片
每次都系嗌麻辣凉拌面，多青瓜，加猪耳。记得食前要底面彻底捞匀，重要食到咁上下将底到嘅面捞返上嚟食，咁就好够味啦梅姐坚持亲自调制每碗凉面。一路由小小档口食到扩充店面。推介小食有麻辣鹌鹑蛋，莴笋，鲜竹笋，面筋。。。
继续阅读
上外卖网揾食，见到佢，外卖网评分唔太高，于是上黎Open Rice 睇吓，见到大部分都系正面评价，于是就信咗，结果当然系中伏啦🥲本身订外卖自取，较咗半个钟后，唔知咩原因，落咗order 先见到佢跳返去即时拎，即刻打去餐厅，截住个order，谂住叫佢迟啲先做一打去，好快听电话，我话我落咗个自取，个网出问题比错时间咁咁咁，叫佢唔好整住唔知系咪佢当我想取消order佢一句话，我整好咗啦，放阵啦我心谂，有冇咁快呀？我落order 到你听电话最多咪2分钟部外卖机通常都劲hang 机，接到单都一分钟后啦😩最后当然焗住放咗半个钟先拎到返到去一食，已经系叫红薯粉，但都腍哂其实正常红薯粉唔吸汤系放得，唔知佢点解会腍唔知系咪佢用𠮶只红薯粉唔靓，所以先腍到咁叫咗酸辣粉，得酸无辣，同埋劲多油，唔知点解🥲有少少豆卜云耳花生，但一啲都唔吸引😢另外有三个串串拣咗烧卖（因为食评推）、鹌鹑蛋、鱿鱼烧卖个酱真系几好食，但除咗个酱，其他嘢都无特别拎外卖嘅时候感觉间舖比较污糟唔衞生，好在唔系堂食😩反正无下次😢
继续阅读
大埔唔多有辣粉食，特别揾黎食配𩠌叫左猪耳，牛柏叶，份量都几多😂价钱同份量都岩比例仲有少量木耳，豆卜跟埋汤底饮落都好味唔会太咸，起码食完唔会想饮水🤣会再来食，下次试串串
继续阅读
今次黎到大埔既梅姐！！之前听过朋友话好食！今次终于特登入去试下，叫左佢既麻辣粉，但系转左做公仔面真系几好食！我觉得有d似d香草味既汤底！个汤底仲有得拣要酸辣定麻辣！所以钟意食酸辣同麻辣都有得选择！
继续阅读
未写过食评 但呢间真系好好食 忍唔住要写返几句元旦日收工好挂住佢嘅烧卖 所以去咗食 呢次系食重庆小面大辣 烧卖莴荀猪大肠大辣（大辣嘅麻辣汁冇蒜 食过中辣系有蒜 但我谂唔食蒜嘅朋友嗌走蒜都得）呢间烧卖应该系用金龙 好少见烧卖有得配麻辣汁 钟意烧卖同食麻辣会觉得好正 莴荀好新鲜同好脆口 所以每次都会叫❤ 有食过佢嘅酸辣粉同重庆小面 个人比较钟意重庆小面多啲 汤底冇咁油 味道都几浓 而且面都几好咬口店舖唔算好大 但干净同埋坐得舒服 店员姐姐们都好亲切 见都有唔少街坊买外卖 去开𠮶头可以去试吓
继续阅读