梁慶記

营业中

休息中

我哋自己俾錢食呢一間位於旺角我哋自費嚟食覺得價錢適中，所以就特別嚟佢哋嘅價錢同埋價格再加上種類食物嘅質素都係成正比嘅我覺得佢哋嘅咖喱炒蛋飯好好食好入味可以揀飯嘅份量唔會食到太飽，亦都驚太少我哋亦都嗌咗滑蛋豬扒飯即叫即整熱辣辣好入味好好食佢哋仲有好多唔同類型嘅款式好似係米粉佢哋嘅喇沙米粉都係澳門嘅傳統特色勁有味道勁有質感我覺得好唔錯，佢哋亦都有好多唔同類型嘅嘢飲，我哋嗌咗荔枝抹茶同埋紅豆冰都係好大杯好抵飲好好飲嘅有興趣再嚟食

這位女侍應真是太棒了！她不僅服務周到，還總是面帶微笑，讓人感到賓至如歸。她對菜單的了解也非常專業，總能推薦適合的美食。每一次用餐都因她的出色服務而變得更加愉快，真心感謝她的付出！

梁慶記今次要介紹喺旺角嘅一間澳門米芝連推介餐廳叫「梁慶記」，中午真係好full，店員雖然好忙，都搵個方便我嘅座位比我坐，我都喺門口等咗大約20分鐘，等人食完我先可以入去，呢間餐廳門口係有一級，輪椅人士如果要入去食嘅話，記得要自備斜板！1.安格斯溫泉蛋蝦籽撈麵$89+籠仔巨魚蛋$18+奶蓋芝士紅豆冰$18（9/10）呢個安格斯溫泉蛋蝦籽撈麵個份量都幾多，安格斯牛肉唔會韌，大約都有10片安格斯牛肉，溫泉蛋同蝦籽撈住麵食都幾特別，撈麵上面勁多蝦籽，味道唔咸，仲有3舊墨魚餅，都幾好味！套餐加個籠仔巨魚蛋只需$18，平咗$10，巨魚蛋有4粒，每粒魚蛋都好爽口彈牙，正！套餐加飲品仲可以半價，我揀咗奶蓋芝士紅豆冰，那個芝士唔會好香濃，粒粒紅豆都煮熟哂，成杯紅豆冰唔會好甜，唔錯！2.極上肥牛酸辣金湯米粉（中份）（大辣）$54+凍當地檸檬水$12（8.5/10）呢碗極上肥牛酸辣金湯米粉揀咗中份嘅份量，中份份量都幾多，辣度揀咗大辣，唔算好辣，入面肥牛大約有5塊肥牛，仲有其他配料有半隻雞蛋、豆卜、生菜、芽菜同酸菜等，酸酸辣辣好唔錯！套餐加飲品仲可以半價，我揀咗凍檸檬水，檸檬得兩片，無咩檸檬味！2人總共價錢$

每次行經豉油街都會被一間茶餐廳吸引。吸引我既唔係連續四年米芝蓮推介既水牌。而係佢餐廳名下一句Slogan—「性價比令你留港」。今日就睇下呢間「梁慶記」葫蘆裡係賣咩藥！睇餐牌原來係一間澳門起家既麵檔黎香港開分店，主打澳門菜同葡國菜。十六浦 安格斯牛魔王咖喱飯咖喱椰香濃厚到爆，葡式咖哩果然唔可以睇小！安格斯脂肪均勻，口感嫩滑，蛋包飯煮得恰當，帶少少流心效果，真係好食到想再添飯。另外佢仲會有沙律菜伴碟，有幾條菜食，中和返真係Prefect。三盞燈 安格斯牛魔王喇沙米線喇沙湯底味道香濃有層次，食落Creamy，佢係屬於口味偏甜果隻咖哩喇沙，可以揀大、中、小辣。我就試左小辣，呢個辣度岩岩好。安格斯入口嫩滑，配喇沙湯真係好惹味。配料都有齊晒豆卜、雞蛋、芽菜、生菜。炸雲吞呢個好有驚喜，真係粉麵檔果種新鮮雲吞黎，即叫即炸，每粒都熱辣辣，真係噴晒煙！雲吞皮薄餡靚，蝦仁同肥豬肉比例岩岩好。唯獨有啲後悔…. 剩係叫左4粒，無叫到7粒！樽仔奶茶當初我以為懷舊冰室果種傳統奶茶，但飲落原來係台式茉香奶茶。茶味都淳厚，該有既層次佢都有，而且佢調得唔甜，幾合乎我口味。整體係幾高質！但你問我值唔值得「留港」？Why n

今日放工後同女朋友去咗旺角，然後俾佢個招牌吸引咗 性價比你留港，佢係一間澳門嘅食物，本着試一試個心態入去食，總共叫咗五樣食物，安格斯蛋蓋飯，豬扒包，同埋佢嘅招牌麻酸辣米線，小食再加咗魚蛋同生菜，最吸引我嘅食物係安格斯牛非常之嫩，配埋太陽蛋嘅蛋汁撈埋啲飯一齊食，真係超級邪惡，佢仲配備咗燒汁同埋咖喱汁俾你點，麻酸辣湯底個味道同我哋平時出邊食嘅米線味道略有不同，比較特別，豬扒包直頭覺得自己喺澳門食緊，大推依家比大家！經過都可以嚟試吓

100%永久blacklist 第一次要難食到寫食評👎😂見佢又話米芝蓮，門口大大個招牌，性價比留港消費，完全俾佢呃晒冇咁大個頭唔好帶咁大頂帽希望越大，失望越大，搞到我而家咁失望，要寫食評唱衰佢先得首先嘢食質素方面：d野食等勁耐，啲嘢食嚟到又凍嘅，唔單只係擺得耐擺到凍，應該係煮嘅時間都控制得唔好牛腩麵麵凍嘅，牛又乾又凍又臭嘅午餐極上肥牛飯差到我吉野家仲好過佢牛得幾片仔，生菜1細片，基本上無任何佩料，係淋左d汁係面唯獨杯野飲正常服務態度同環境：我諗佢可能人手唔夠，啲人態度又唔好，張枱又好似唔係好乾淨咁

澳門🇲🇴過江龍米芝連推介$88/2人份量超級平靚正檸茶大大杯炸雲吞即叫即炸，脆脆的，蝦肉爽雲吞🉐️大地魚湯鮮甜👍金魚雲吞👍蝦子撈麵👍👍👍滿滿的蝦子🦐 po相風乾掛面沒有梘水味，系香港真係好少有辣椒油都唔錯，少少辣大大件有骨豬扒加埋脆脆牛油豬仔包，醬汁洋蔥🧅真係好正🙌🏻旺角金星戲院隔離開咗間米之蓮餐廳，行過見到就入去試吓，剛剛下午茶時間，2個人都係$100食到飽抵食，好食，超值🤭🤭🤭

喺門口經過原來係米芝蓮餐廳，當然要試佢地的招牌蝦籽撈麵啦！撈麵都有好多配搭，有炸豬排、牛筋等等。我哋選咗安格斯溫泉蛋蝦籽撈麵$89，仲可以選粗麵或幼麵。一上檯賣相好吸引🤩，仲配有3舊墨魚餅！麵質爽口彈牙，帶濃郁的蛋香，一啲鹼水味都冇！面層鋪滿勁多蝦籽，撈勻後鮮味十足！！佢哋仲會配一碗湯汁，可以好似食沾麵咁食。其中最驚喜係墨魚餅！炸得外層勁脆！入面墨魚肉彈牙，好真材實料！仲外我叫左街頭金錢肚麵$90，份量可以選中份或大份，我呢個係有d餓（標準），再加左籠仔腩汁生菜 中份，仲試左奶蓋芝士紅豆冰（凍）。金錢肚爽口彈牙，炆得啱啱好，生菜份量適中，配埋腩汁好惹味。最suprise係奶蓋芝士紅豆冰，紅豆冰飲得多，估唔到加埋奶蓋件事正好多！奶味濃厚，紅豆軟糯，一定要試！———————————

梁慶記係澳門嘅過江龍， 梁慶記由1920年開始進駐澳門成為街頭小食， 仲兩屆米芝蓮街頭美食得獎!🏅既然佢地係香港旺角開店，一定要過嚟試吓啦!我同兩個朋友今日就嚟食Lunch:⭐澳門風味二人組餐$88(午市二人組餐 11:30~6:00)🥖豬扒包一個🍜梁慶記雲吞撈麵一碗餐仲包左兩杯飲品- 奶蓋芝士紅豆冰 $18- 當地養生胎菊花茶 雲吞雖然細細粒，但係用料十足，鮮蝦肉好彈牙!豬扒包，包身好脆口，豬扒厚肉而且肉質又好Juicy!而且個套餐份量好足，兩個人食都夠曬食!🍛蓋仔安格斯牛魔王蛋撈飯$62(中份)- 牛肉嚴選安格斯牛肩肉，係肉質同脂肪分佈得最好嘅部分，令人回味無窮!- 如果覺得中份唔夠飽，仲可以叫大份都只係加多$25(大份$87)，真係超抵食!

啲嘢係好吃。但服務勁差，送小食不兑现，首先，我外賣雲吞麵，見他apps宣傳的google贊好及寫評論可得小食一客，我寫完後给那服務员一看,那服務员說只有堂食才送，但那宣傳上並没有註明只限堂食，我都算了，费事再要求，之後等那碗雲吞麵，後來我見雲吞麵已出餐，但那服務員好像見不到一樣，不理會，繼續執筷子，後來约莫兩分鐘，才施施然去包外賣，咁都算了，我見佢包完外賣後，繼續做自己嘢，明知那是我的外賣，爱理不理的繼續放响度，我终於忍不住，上前問她那碗是否我的外賣，她說是，我便一言不發的拿了走人，這間店，枉为米芝蓮，服務差，承諾差不兑現，以後我也不會幫襯，利申，已光顧了四次，食物是合格的，但服務與宣傳氶諾绝不合格

無心插柳地走咗入呢間粉麵店，原來係澳門米芝蓮推介，真係有眼不識泰山竹昇麵係呢度嘅推介之選，不過個人都係鍾意食米粉‼️「安格斯牛魔王酸辣金湯米粉」用左安格斯牛肩肉，牛味夠濃，而且係煎香左，成塊牛更加好味❤️酸辣湯有種吸引力，令我每食一啖粉都一定要加埋湯‼️「街頭牛筋米」一睇已經見到牛筋炆得好通透，果然好淋好入味呢度嘅滷水唔會好深色，味道好適中「炸雲吞」係即叫即炸的，一咬開，裡面係爆蝦餡好正檯面上有樽酸蘿蔔，真心推介要食，口感好爽，酸度亦岩岩好，好開胃

放假經過呢間澳門特色既餐廳，就入去試吓，好體貼既餐牌，有分「有d餓」、「好肚餓」選擇，我哋就揀左有d餓，再加小食，可以試唔同款式美食😋✨蓋仔雞扒蛋撈飯 $82「 太陽蛋|葡式樽仔奶茶•凍|籠仔墨魚餅•四粒」加左太陽蛋後 撈飯口感好滑溜👍🏻雞扒肉質好鮮嫩😋葡式樽仔奶茶口感絲滑，唔會太甜，甜度適中👍🏻香煎墨魚餅食落好香脆，唔會過於油膩，呢個小食份量剛好☺️✨招牌豬扒喇沙湯米粉 $101我又係揀左「有d餓」份量，可以試多啲唔同款式既小食，豬扒分開上會好啲，有點浸淋了，不過味道很可以😌好軟腍入味😋✨籠仔雲吞•七粒好健康有得揀蒸雲吞，每一粒都好足料😆✨養生黑桑花茶（熱） $138味道甜甜酸酸的，加左檸檬片令到成杯飲品生色不少😋

喇沙超難食，好像吃酸辣粉，豆卜硬的，豬扒肥到一個點所以我碗內還有無吃，紅豆飲品同冰糖水無分別，而且無放長匙給我，我吃不了紅豆，食物不美味，枱數不多，出餐超慢(要追)，要追，服務態度非常差，甘多好評係因為送魚餅。

途經旺角，門外店員熱情地用澳門米芝蓮作招徠。和朋友商量後便入座試試。咖哩牛腩飯 配 籠仔炸雲吞咖哩香濃又好吃，牛腩份量足，牛肉濃郁。飯面上還有滑蛋，令米飯上充滿蛋汁。而小食加配＄18就有4粒籠仔炸雲吞，即叫即炸。籠仔小巧可愛，一行4人，一人一粒啱啱好。安格斯溫泉蛋蝦籽撈麵 配 籠仔魚蛋餐廳不少商品用安格斯牛肉作招牌，而且蝦籽撈麵更是必食之選。安格斯牛肉有肉汁，肉味濃郁，的確值得一試。而蝦籽撈麵蝦籽佈滿每一條麵條，麵質彈牙。籠仔魚蛋大大粒又彈牙。安格斯牛魔王虎蝦喇沙湯米粉 配籠仔雲吞😂安格斯牛肉好食就不多說了，想不到還有兩隻大虎蝦，高級感滿滿。喇沙湯十分惹味，米粉索滿湯汁。籠仔雲吞同樣好吃，不想吃炸雲吞的，可以試試這款。豬頸肉酸辣金湯米線一連幾款全都是牛肉，於是朋友便試試這個豬頸肉酸辣金湯米線。豬頸肉肥美，酸辣金湯好開胃，但相比之下還是牛肉較出色。

今日去咗係位於喺旺角嘅梁慶記，聽講係喺澳門開過嚟嘅雲吞麵舖，除咗雲吞麵之外都有好多唔同澳門嘅特色小食同埋咖喱喇沙等等牛筋撈粗麵加墨魚餅同香港嘅有少少唔同，牛筋會比較脆口啲，搭配彈牙的粗麵，口感豐富。墨魚餅外脆內嫩，增添了海鮮的鮮味豬扒喇沙非常之有南洋風，搭配嫩滑的豬扒。湯品的香辣與豬肉的鮮美相互融合，讓人一口接一口，呢個湯底非常之香，可以成個飲晒😋😋淨雲吞餡料鮮美，讓人能夠品味到雲吞的原汁原味炸雲吞同頭先嘅一樣不過係酥炸，所以配咗貼辣醬，呢度菜更加惹味❤️❤️腩汁菜心入味的腩汁，讓菜心吸收了肉汁的香氣。清爽的菜心與濃郁的肉汁形成了良好的搭配