桜

营业中

休息中

今日冇煮飯!😊😋行過路德圍想食手卷🍤🍣🍣見到櫻買了3件手卷， 三文魚手捲 ， 炸蝦手捲 ， 軟殼蟹手捲回家食🤗🤗軟殼蟹手捲~好味! 軟殼蟹熱 ' 脆 紫菜都脆卜卜🤗炸蝦手捲~ 炸蝦熱 '紫菜脆卜卜🤗好味三文魚手捲~ 三文魚麻麻地有D腥🍤🍣🍤

眾安街美食多但人一樣好多除左早D去等位都冇其他辦法同朋友行完街消耗哂元氣要立即補充都不是易事食小吃又唔夠排餐廳又好耐E......桜...人流好快又飽肚喎2個人立即去選手卷手卷有成51款我同朋友都好想食海膽試左海膽三文魚及海膽三文魚籽好多人都怕係香港食海膽會苦桜嘅海膽老實講比我想像中好得多我吃不到苦味而且有點鮮雖然未去到甜但性價比超高所以忍不住order2個丼飯返屋企再食極尚刺身丼好多刺身2大隻蝦及帶子最新鮮蟹將軍丼一大隻軟殼蟹仲有蟹柳蟹子一大堆蟹盛宴只係$52抵到要哭平時食隻軟殼蟹都40幾蚊啦

行經路德圍果邊，比桜搶眼banner 吸引住，啲手卷好似幾平下，最平十蚊都有交易，唔執輸都試下先，岩岩開門未有人，我一買完就見到人龍啦手卷款式好多，如果你有選擇困難症應該有排揀十蚊既手卷都有成十款可以揀除左手卷外，仲有don 飯同小食可以揀今日揀左加拿大海膽手卷（$45)，炸軟殼蟹手卷（$20)同鰻魚飯（$58)加拿大海膽手卷有兩大塊海膽舖面，原本以為食完面既海膽就冇，點知入面都有海膽，足料海膽鮮甜，唔會有腥味，濃郁既海膽配埋醋飯食，一流炸軟殼蟹手卷既蟹係原隻上，雖然唔係超大隻，但已經好夠，同埋價錢又平軟殼蟹手卷即叫即整，送到手上仲熱辣辣，脆卜卜，十分推介鰻魚飯有五塊大大塊既鰻魚，鰻魚汁比得多，所以送飯一流鰻魚好肥美，而且輕輕有燒過，配埋墊底既蛋絲好味到停唔到手好推介大家黎食下呢到既手卷，價錢平得黎，即叫即整，新鮮又好味

每次講起路德圍都係諗起掃街，多數食平價豆腐花同好多珍奶店，但手卷店都係最近無意中發現，仲喺開門無耐就有唔少人買，特別學生哥，然而引起foodpigss🐷🐷嘅好奇心，一望先發現原來價錢咁親民。店內無咩空間俾客人，不過都算有張枱可以速食，但其實手卷食落好方便，所以拎住行埋一邊食或者邊行邊食會更好，免得塞住人。而豉油同wasabi係自助形式。加拿大海膽手卷（$45）海膽非常之大塊，仲有成五六塊，好足料！每塊都呈金黃色，而食落都無失望，好滑而不溜不腥，入口即溶，每口都覺得好享受😝帶子拼海膽手卷（$48）相對地，呢一塊海膽唔夠上面果啲好食，事關有少少腥味，不過仍可接受。至於帶子就味道鮮甜，仲意想不到咁大粒。總括而言，🐷🐷明白點解咁多人食了，事關質素高，性價比更高👍🏻

今日同阿哥黎到荃灣行街，下午未食野有點肚餓，見到這間「櫻」手卷小店好多人排，就睇一睇，好抵食的手卷丼飯，我們都排埋一份🍱大人小朋友都排埋一份，可見吸引力不少喔以櫻作主名，好日式feel的設計多張不同相片圖畫讓客人睇下好多款式的手卷選擇，連刺身、海膽、熟的、生的都有，更有雙拼選擇一張點手卷紙，客人自家寫下點手卷數量，店員收錢了就有張收據等取餐好快手喔！2個手卷好快就做好了好巨型又吸引！好貼心地用紙巾卷著底部，更乾淨衛生軟殼蟹好大件喔！阿哥話口感唔錯；我的帶子甜蝦也好鮮甜，大大粒軟滑帶子喔、甜蝦有3隻，配上下面的軟腍日本米及紫菜，美味喔即包即食，紫菜是脆的；有調味汁料讓客人調味！除了手卷，我們還點了一個鰻魚丼飯🐋🐋🐋我最愛的鰻魚，好大碗好多汁！吸引的樣子好抵食喔！好多片鰻魚、上面更是滿滿醬汁，好滋味飯都唔少，更有絲絲蛋絲的一同吃，健康又美味

早前看東張西望說荃灣有超超超平價豆腐花，我和太太吃完都唔飽，看到旁邊有間日本賣丼同手卷的店，好多人排隊啊！手卷普遍都唔貴，我地看到好多人都食，不過怕唔飽，我地還是叫了丼飯。我叫了極上刺身丼，等候時間大約10分鐘，店內有好幾個師傅，所以流程都很快。稱之為極上食物當然是最好的，有三文魚，虎蝦，帶子，玉子，魚籽。三文魚很滑嫩，玉子沒有平時吃到的那麼甜，魚籽和飯一齊食用，令飯增加了口感，每粒咬開都煙煙韌韌的，特別要讚賞一下虎蝦，我本來以為只會有兩隻甜蝦，想不到會有大隻大虎蝦，蝦肉好滑，完全唔係雪同霉既感覺，肉味好鮮甜。太太就叫了「三味魚丼」，三款的意思即是有三種三文魚，一種是角切三文魚（生的），一種是燒過，熟的三文魚，最後是帶有類似沙律醬的三文魚。每種三文魚都不一樣，角切生的三文魚夠鮮味，熟的三文魚不會太韌，而且燒過也不會太鬆散。最好味的是醬汁三文魚，送飯是一流的！這種應是拿來整手卷的，拿來做丼飯也幾match，丼中還加有牛油果粒，口感幾清新的。大家去荃灣不妨一試，立食感覺幾得意呢！

今日，我同男朋友去荃灣IKEA行下街，行之前去路德圍食啲野先，就見到間叫「桜」既賣手卷同丼飯既鋪頭，望下價錢都幾吸引，佢有平平哋$10-40左右。因為我同男朋友都超級中意食海膽，所以就一人食一款！我食左馬糞海膽($36)，佢食左加拿大海膽($45)手卷。一到手，嘩！好足料！馬糞海膽係細塊D，淺色D，我覺得好鮮甜！加拿大海膽就係好大塊同厚身，深色少少，男朋友話非常鮮甜！我自己就鐘意細細塊薄身D，大大啖咁食真係好正，食左半個手卷都仲有海膽，抵食！另外，見到佢鋪頭仲有一板板海膽咁賣，都唔算好貴！食完個手卷，梗係唔夠喉啦，再買左盒三味魚丼($58)，其實就即係三款三文魚：原味三文魚、辣味三文魚同埋火灸三文魚。上面仲有少少牛油果同三文魚子，賣相幾好。三款三文魚我都好鐘意食，最鐘意辣味三文魚，個醬好好夾好味，唔知點秘製出黎，哈哈～總結而言，今次呢個新嘗試令我地好滿足！

今日咁啱經過荃灣見到呢間手卷舖頭都好多人去排隊 咁就去試吓啦鋪頭簡潔 圖文並茂 睇到有啲眼花撩亂唔知揀邊樣野好 最後我同朋友揀咗加拿大海膽手卷 三文魚拼吞拿魚蓉手卷 極上刺身丼佢哋係即叫即整 然後會放係手卷上面 再叫號碼去拎嘅 上手嗰陣時仲暖暖地㗎 服務態度唔錯加拿大海膽手卷 咬落啖啖海膽充斥着你嘅口腔 甘甜 令你齒頰留香 而且非常新鮮 唔會腥/出水除此之外 就望落去唔止係一版海膽 呢個價錢值回票價三文魚拼吞拿魚蓉手卷望落去極為豐富 吞拿魚蓉軟滑無筋 入口即溶 加埋少少 *芥辣豉油* 令到鮮味更加突出 三文魚甘甜 而且仲要係厚切 口感豐富 極上刺身丼望落細細份 但食起上嚟真心飽肚 飯嘅上面鋪滿左唔同類型嘅刺身 包括有玉子 三文魚 帶子 三文魚籽 赤蝦 材料十分豐富 玉子食落甜甜地 三文魚係厚切嘅 而且大件 三文魚籽一咬就會係個口份而爆開 鮮甜味十足 赤蝦好大隻 食落有啲回甘味

荃灣路德圍出名多野食，今次就試下呢間立食日式店。位置正正就係轉角位，店鋪唔大，但就岩曬係小食街的風格。係玻璃櫃上面見到有好多款嘅刺身、冷盤，樣樣都好吸引，而且性價比都好高呀！望到呢個餐牌真係好吸引呀！簡直係窮人恩物，我諗以後逢糧尾都一定會試呢間啦！絕對值得推介。買了一個外賣丼飯，係極尚刺身檔呀！有大大塊嘅三文魚、帶子、蝦及魚籽。中意食魚生刺身嘅朋友真係不能錯過喔！先忍不住地試了一口帶子，帶子又厚又大，而且唔會好腥，同埋唔會有好重雪味。三文魚都非常新鮮，紋理好清晰，而且好厚。而且數量都幾多喔！物超所值呀！當然刺身迷必不錯過的是蝦啦！好厚肉、肉質好豐滿，而且都份量十足！掃街來說都已經好飽好滿足了。而且質素非常高，絕對值得推介。

今日諗住去荃灣依條美食街度掃街，依條街真係有好多野食！😍 去到我比依間日本手卷店吸引到，有好多人排隊，而且超過50款手卷，睇圖片款款都好吸引。店裡面除左有手卷，仲有丼飯。我地兩個人就叫左2個手卷1個丼飯。(帶子拼赤海蝦手卷，海膽拼赤海蝦手卷，極尚刺身丼)手卷方面，上面刺身非常新鮮！帶子，蝦，海膽都鮮味十足～沒有腥味！而丼飯的刺身數量都有好多，好滿足😆另外仲有好多醬汁可以隨便加，想要幾多都得！特別推介超辣芥末醬，是液狀質地，但唔係超級刺激，辣到食唔到果種，超級正！

作為一個經常去荃灣尋覓美食的人，不得不推薦路德圍，成個區域有好多小食店，來掃街真係一流！桜係我固定會幫襯的手卷店～手卷的選擇非常多，價錢也很相宜，最便宜的$10就有交易，即使較「豪華」的手卷也是4、50元左右。除了招牌手卷，也有丼飯、刺身、其他小食等選擇。但今次來是主攻手卷的，一口氣吃了四件！加拿大海膽手卷$45最推薦這裡的海膽！一格的份量已經不少，而且非常新鮮，不會有出水、腥等問題，咬落口感豐富，呢個價錢真係超值！炸軟殼蟹手卷$20軟殼蟹即叫即炸，拿到手時熱辣辣、香噴噴，香脆得來不會過於油膩，必食！三文魚併甜蝦手卷$26食日本野當然唔少得三文魚，三文魚是厚切的，所以咬落非常肥美，而甜蝦則是相當鮮甜！海膽併赤海蝦手卷$38海膽的好處就說過了，至於赤海蝦就有另一種鮮味～肉身晶瑩剔透，咬落爽口得來又不失鮮甜。整體來說，手卷都相當足料，而且食材新鮮，愛吃手卷的朋友可以一試！

荃灣掃街天地，唔單止小食。立食壽司都進軍埋。大家分頭行事排隊，我就去買丼飯！極上刺身丼 $78有甜蛋、三文魚、帶子、三文魚籽同赤海蝦。基本既都有哂，最豐富既丼飯。飯底多，一人食夠晒飽，兩人食仲有空間掃街。甜蛋不是水泡泡，甜度足，食到摺疊一層層。三文魚大件，帶子都好大同爽口。 淨買帶子刺身仲大件！赤海蝦超大隻，無蝦腸，讚！掃街小店都著重細節。赤海蝦微甜，最重要爽口！三味魚丼 $58有刺身三文魚粒、半火炙三文魚同麻醬三文魚粒。半火炙三文魚係面火炙熟，巧妙地底部仲係刺身三文魚。 最正係有少少牛油果同三文魚籽，兩者都係令飯濕潤d唔好咁dry咁乾。飯唔係珍珠米，但係都夠軟身。牛油果更creamy，三文魚籽提升海鮮鮮味，最鐘意爆嗰下鮮！估唔到份量都有咁上下，4個人share仲有肚食其他小食飲品gogogo！

成日都黎荃灣食野，但好似次次黎都會有新鋪頭咁😂 今日黎本身係想食豆腐花，但而家兩間條隊都長到唔係路，於是過左隔離間手卷店就算。唔試都唔知抵到咁！！😍 我地叫左個「三文魚拼吞拿魚蓉手卷」同「海膽拼三文魚籽手卷」，等左5分鐘就有得攞👍🏻三文魚拼吞拿魚蓉手卷啲餡多到爆哂出黎，啲魚生好新鮮！三文魚好肥美，份量就有成兩大塊。吞拿魚蓉超多，磨得幾細緻，口感好滑。雖然好平，但啲海膽都唔錯，唔會有苦味！海膽同三文魚籽好夾，啲飯就較暖，用脆嘅紫菜包住真係層次同口感都非常豐富👍🏻

約朋友去路德圍掃街，今次重點食咗呢間日式手卷，同朋友每人一手拎住一個手卷。我點咗A47 赤海蝦手卷 同埋 A08帶子拼飛魚子手卷先講赤海蝦，每一隻都好肥美，啖啖肉。而帶子拼飛魚子，帶子亦都厚身，加埋啲芥茉，好吸引。而朋友就點咗A48 厚切三文魚腩手卷同 A50 帶子拼赤海蝦手卷三文魚腩好足料，朋友都讚話好鮮甜，而且食到落手卷底都仲有三文魚。而帶子拼赤海蝦都十分出色，望落都好新鮮，又唔會因為雙拼而分量少咗，朋友都食到好滿足。整體黎講，呢間食材全部都夠新鮮，同埋態度幾好。

荃灣既路德圍一向都好多美食😆要試曬所有美食都要花唔少時間🤓今次就試左「桜」手卷店Menu上面手卷同丼飯都有，選擇都頗多，有各式各樣既魚生手卷配搭🤩收銀旁邊擺左豉油，鐘意落wasabi既可以落辣豉油同wasabi🌶我今次選擇了帶子拼海膽手卷和炸軟殻蟹手卷。💕帶子拼海膽手卷帶子好新鮮，食落口好清甜☺海膽入口即溶🤤兩種加埋一齊食，超級juicy😍紫菜都夠爽夠脆👍🏻💕炸軟殻蟹手卷炸軟殻蟹外脆內軟😋剛剛炸完d蟹肉熱辣辣，好脆咁擺入口好正!😍軟殻蟹唔會太咸，食到佢最原始既蟹味🦀，絕對係不容錯過！