影片
港铁香港大学站 B1 出口, 步行约1分钟
继续阅读
电话号码
2855 0809
营业时间
星期一至二
11:00 - 00:00
星期三
全日休息
星期四至日
11:00 - 00:00
以上资料只供参考，请与餐厅确认详情
招牌菜
今日过海本来谂住去波记见识下闻名以久既烧鸭肶濑，点知星期日唔开，于是走左去对面市政大厦熟食中心，打算睇下个间老板好过瘾既四川美食。当然早餐都未食，无理由走去叫条巴蜀烤鱼，于是坐低叫左D例牌茶记干牛河加咸鱼鸡粒炒饭，见唔少阿伯阿叔帮衬叫鱼餐，一条鱼加碗饭再加个例水$35真系超值，条鱼仲任叫整法添。唔怪得枱枱都叫啦。等两碟野黎既时候，见唔少水煮菜，于是又忍唔住叫左个水煮肥牛鲜鱿，一个拍青瓜。两碟炒饭炒河，碟头唔少，味道亦唔错。拍青瓜个汁几好味又唔太辣，不过就拍得唔够烂。个水煮肥牛鲜鱿系用面盆上，吓得我俩个人点食，但其实肥牛鲜鱿唔算好多，反而成盆芽菜辣椒，我拣中辣但其实都唔算太辣。最衰远，唔系下次过黎食晚饭试下佢个烤鱼。
继续阅读
住响新界特登过海食鸡煲，朋友对呢间嘢嘅鸡煲赞不绝口，更话又辣又香，本小姐其实吾系太食得辣，只系食得麻，既然甘推荐，我地D钟意周围揾食嘅人当然吾会错过啦，
抱住辣死罢就嘅心态一试，，门面好特别，贴到周围都系符甘，隔离左右都叫鸡煲，
水煮牛肉，，口水鸡等，，
先试下极力推荐嘅鸡煲，阿姐姐介绍食中辣，如果大辣就返吾到转头，俾佢甘讲一讲我都怕食吾到，叫佐中辣，一上鸡煲系香喷喷，未煮都闻到阵辣味，煮佐几个字之后就已经辣到我食吾到，但朋友越食越滋味，加埋薯粉仲好食，如果食得辣嘅朋友，呢度的确吾错。水煮牛肉一般般，牛肉好少，食几旧都已经无晒了亦因为辣到呆佐，吾记得影相
继续阅读
当日午饭,不用第位,老远过来吃川菜,即点菜"香辣鲜鱿,半只囗水鸡"菜到开餐,食食下见到碟鲜鱿有两粒豆豉,夹起泥睇,有脚有翼, 算了大排档 D 卫生都明白,试口水鸡味道不错,点知食食下觉得其怪，吃到鸡翼,鸡胸,鸡尾都有,成忽鸡肶冇左,即叫老板问问,点菜要半只鸡点解冇左成忽鸡肶,佢话斩多左比你㖞!我问佢斩多左什么比我,佢又答唔出,跟著我夹晒D 鸡出泥睇睇多左 D 物, 点知真系多左,多左个鸡尾!!!阿老板你果只是什么鸡泥，半只鸡都比两个鸡尾？跟著佢冇出声走左去,转头走返出泥放只大碟系你枱度，只碟上有只鸡下肶，又走左去 到最后埋单 $190 桃源美食 有生之年都唔会比钱佢赚!!!!!!!!!!!果只鸡下肶有冇食到？我一夹起鸡肶一睇可以唔洗食 ,名附其实"口水鸡"系真系有口水!!
继续阅读
因为公司起坚尼地城,有时心血来潮都会走黎石塘咀食晏,黎过几次街市个熟食中心,之前因为就个唔食得辣嘅同事,所以都会去其他几档,但今日既然同事已走,就去辣一辣佢!本身想叫个午餐,店员话卖晒,一轮咀推介左5,6样野,我就拣左辣子肥肠,哗,黎到碟嘢红当当,有一半都系炸辣椒,大乡里出城,真系未见过到食落口,真系正斗,猪肠香脆得黎唔系话好辣,味道略咸佐饭一流,其实有啲似椒盐炸XX咁,不过就辣少少,如果嫌唔够辣，可以食下啲炸辣椒，我就咬左两粒，真系辣到喊……见对面个阿姐叫左个水煮鲩鱼,明显系辣好多,下次一定要试下!最后我食剩啲辣椒，临埋单我问老板娘：「啲辣椒唔使食晒嘎？」佢话：「装饰黎嘅啫。」临走，帮我落单个店员话：「你碟肥肠就真系抵食，我地员工自己买返去食都无咁多肥肠。」呢啲咪人情味啰！
继续阅读
之前睇电视讲话呢间舖的出品辣得惊人~仲话老板亲自上四川取经,人人都赞不绝口,于是相约几个辣精万里迢迢由新界北过黎西环一试辣到喊的感觉~~~~初到贵境一D都唔熟路,幸好地点尚算易揾,到左街市的熟食部,已见到又大又红的招牌~令人望到已觉兴奋!一坐落服务员好热情的招待,菜款式好多~除左有招牌系列’’ 辣野’仲有好多我好中意的大排档美食~真系好吸引~最后立定志向,一心黎试下呢到最出名的辣野,仲著意叫佢地全力以赴,做到最辣!!由于辣精未齐,我地先点口水鸡做头盘,服务员著意我地唔好去咁尽,但我地一于坚持~!口水鸡(大辣)- 上到黎个样好已经觉得好吸引~又红又绿,入口鸡件好滑好有鸡味,而且煮得唔会太老~夹著一点花生,一点辣,唔错,但讲到辣就真系唔够辣,已经系大辣? 有点失望手拍青瓜 – 全枱取清清地的一味,雪凉左青瓜拎出黎轻轻拍打再切细,夹埋少少辣的酱汁,水准之作~辣精终于黎齐,于是就尽情地点~由于只有,4丁友,所以每样菜都要好精选~怕食唔晒做成浪费,最后先选出三大~招牌麻辣鸡煲(大辣,半只) 落单时服务员话中辣已经好好好劲,所以强烈建议我地叫左中辣先,唔够辣先再加辣都未迟,咁我地见佢咁紧张,所以就听佢讲一次上枱已经闻到好香好惹味~热热的煲炒到D鸡咋咋声,加上青红椒洋蒽,大蒜系咁炒~睇到已经令我地呢班饿鬼,流晒口水~终于入口~感觉真系太意外,鸡系有鸡味的,而且唔算瘦,即使炒过收左水,仍有食啖啖肉的感觉~唔错~!嗯…辣味方面虽然系有辣味,但系一定唔系我地心中的感觉~!于是就叫服务员黎同我地加辣,我地一心谂住佢会拎D乜野秘制辣汁比我地啦,经我地的目测,感觉只系一般的辣椒油…加左大约半小碗,我地再试味,结果都唔突出,为左可以一尝辣到喊的感觉,于是再叫服务员再加辣, 今次服务员个样己有少少不爽,但仍同我地再加一小豌…加完辣又试试~仍系觉得唔够再想加~今次服务员已经唔再点理我地,我地再三要求,佢就话:老板讲要加辣就要加 $ 20!!! 哗,….我地真系呆晒LA…系乜野道理~!?! 最后因心情不爽,决定唔加钱,亦再冇同佢地作冇意义的沟通!!蜀巴辣鱼(大辣,一条) 上到黎个样好令人兴奋!外面炸到4,5成熟的鲜鱼放喺辣汤入面,再有辣椒青菜木耳大花蒽一齐慢煮,有少少刺鼻仲有少少香~未食就觉得好食~入口感觉鱼鲜甜啖啖肉,但系唔算辣啰~~水煮牛(大辣)- 全枱唯一一上枱就好有辣感的菜式!!红椒辣椒胡椒仲有厚厚的一层辣油…加上好多数之不尽的调味料,令到每一啖入口都有好多杂质,仲有好多芽菜.牛肉片就好少好粹好细件,感觉虽系有辣味,但主菜真系唔知系牛肉定系菜啰~!!我地用珍贵的时间品尝到的系空欢喜一场~唔辣到嘁到算LA…仲话要加钱…感觉好深刻,,.而且真系好不爽~反省自己…其实只系去左大排档~唔应该有过高的期望相信呢到会比我列入don’t come again 的名单当中~但愿佢地可以有所进步~~真心的!!
继续阅读