桃源海鮮酒家

营业中

休息中

由榕樹灣行到索罟灣，見到有幾間海鮮酒家，搏一搏食吓地道海鮮，就試吓呢間海鮮酒家，老闆話開咗好多年了，食一個套餐，送炒蜆，清潔得幾好，沒有食到砂粒，好欣賞條蒸魚，夠新鮮蒸得剛剛好，蝦新鮮，元配好大粒，配料也很多，又有楊州炒飯，味道唔錯，又有菜，送兩個飲品，四百幾蚊，沒有+1服務費，非常之抵食，而且老闆好有禮貌，整咗張海邊的枱給我們，個廁所非常清潔，有別於一般海鮮酒家的廁所，絕對值得再去食多一次，近碼頭， 2分鐘行到去。

聖誕節去索罟灣郊遊…一行四人行完山去食飯，碼頭附近成排酒家，有新式有舊式，建議大家對比幾家才選擇，我地對比過後決定選擇桃源，因為我較想食傳統酒家…我地選擇了最貴的一個4人餐（$1188沒有加一），包括：炸鮮魷蒜蓉蒸元貝炒龍蒸魚（原本為咕嚕肉/鮑魚，老闆話4人改送蒸魚俾我地）炒青菜炒蜆（這碟是送的，原本老闆說45週年及聖誕節所以送鮑魚，但我本人不太好鮑魚，故改送炒蜆）廈門炒米（原本為炒飯，友人問可否改炒米，老闆好易話為話整個廈門炒米俾我地試）飲品（維他檸檬茶菊花茶芬達之類，可加錢改其他飲品）生果（西瓜菠蘿）成餐都唔錯好好食，埋單$1209 （因為飲品我地額外加錢換其他野飲），聖誕節可以300蚊/人 食到海鮮餐仲要有超級無敵大海景夕陽睇真係好值，反正我地食得好開心好滿足❤️

南丫島索罟灣落船，行索罟灣一個圈後返到索罟灣食海鮮，再行去榕樹灣。通常啲人都係幫襯頭嗰幾間，一來我哋唔想等二來聽到呢間老闆話送碟炒蜆俾我哋咁就試吓啦。（可能平日先有）我地叫左set B, 同附近嘅店比呢度係平啲，所以期望唔太高。食物比想像中好，即叫即整，尤其椒鹽鮮魷，配埋個甜酸醬真係一流。白灼蝦(我哋要求轉白灼）就咁食都好好食，因為夠新鮮。本身唔使加一，但我哋覺得佢服務好就俾咗少少tips。食海鮮每人唔使$200 ，仲有咁靚嘅海景，下次再帶朋友嚟行山都可以再嚟！（叫set 就cash only**）呢度係一個好好嘅行山補給站，之後繼續輕鬆行去榕樹灣。🤩

暑假多節目今日一家三口到南丫島一日遊中環碼頭搭去榕樹灣榕樹灣附近很多小店，我們逛了一會經榕樹灣行1小時左右路程到索罟灣沿途有小路，山路還經過海灘風景很美，係有點曬🌞但亦有微風屬於易行的行山路徑好適合一家大細到達索罟灣有好幾間海鮮店我們從心選了桃園三人坐近海邊位置好舒服店員亦有禮點了二人餐 $368菠蘿咕嚕肉咕嚕肉脆身，好好味，汁撈白飯椒鹽焗鮮魷鮮魷好新鮮，好香脆，美味可口豉椒本地蜆新鮮好味略嫌份量少揚州炒靚飯不過不失，都ok整體來講，值得推薦📸環境指數🌕🌕🌕🌗🌑🤵🏼‍♀️服務指數🌕🌕🌕🌕🌑👅好味指數🌕🌕🌕🌕🌗💰抵食指數🌕🌕🌕🌗🌑⭐️推介指數🌕🌕🌕🌕🌗

我同朋友一共11 位去呢間餐廳食飯，我地之前冇睇reviews, 本身想碼頭喺附近搵間食就算，我地經過呢間嘅時候，佢地自己話送多個餸俾我地，咁我地就入左去。疫情期間其實只係有我地同另一枱。點菜嘅時候，個侍應不停話個成$3000 幾嘅餐好抵，但我朋友話睇過我地想食嘅野單點根本唔洗咁貴。我地有小朋友，本身又唔食得多，但都叫左10個餸。餐牌上的食物係有分size。 我地基本都叫左大份。但最後係冇送一個餸，我地亦冇睇餐牌叫左個大嘅清炒菠菜，邊估到頂多1.5 斤嘅菜竟然收$280， 仲貴過炒蜆。整體食物普通，但咁騙人錢真係唔好黎

老板人好有人情味呀！关键是菜也好好吃，套餐里B每个菜都好吃，鱿鱼酥脆，内软，连炒饭都好吃。菜心甜过糖心！送了菜，真好好好呀！走过路过千万不要错过，哈哈哈哈哈哈哈

新年入南丫島行大運，中午就在索罟灣吃個海鮮午餐。碼頭一帶有多間餐廳可以選擇，午飯時段一路走過去，各個店家都熱情推銷自家餐廳，邀請客人入內就坐。其實每家的海鮮套餐內容物都大同小異，大致上都是HKD368起就有一份海鮮二人餐，基於午餐後還準備要行山過去榕樹灣，就隨意挑了這家有一定客人但不是最旺場的桃源餐廳，因為不希望吃個飯也要等很久而被耽誤行程。上菜速度確實挺快，因為多數客人都會直接選擇套餐，所以廚房應該可以一次做幾份同樣的單。二人套餐份量不多，若想吃得滿足的話就還是散點會比較好，畢竟海鮮還是有它的“海鮮價”在的。而對於我們來說，吃得太飽去行山也不是件好事，所以還可以接受。蝦子個頭不大但新鮮，椒鹽入味又香口。魷魚外層酥脆，肉質鮮嫩，好好吃。扇貝一人一隻，調味相對比較清淡，如果留意下出菜順序先出扇貝會比較好。咕咾肉是新年期間免費送的，其實我個人對咕咾肉一般般，因為多數餐廳都是用我討厭的肥肉，但這裡竟然是瘦肉，大讚！生菜意想不到的鮮甜爽脆，超好吃。炒飯一般，不夠乾身，就是填飽肚子用的。食物總的來說還不錯。員工很敬業，看到有客人經過就熱情招呼，沒有客人就迅速扒一口飯，畢竟是午餐時間，人人都會餓，

多年無來南丫島，趁有假期便到來行下山，呼吸下新鮮空氣，來到南丫島，當然要食下海鮮，這店有海鮮套餐，明碼實價，餐牌內的海鮮唔喜歡的可轉第二樣，多款選擇，如有鮑魚，貴妃蚌..煮法也可以選擇老闆好友善，我們四人，老闆怕我們坐得逼，搬多張枱過來，還有櫈給我們放袋，我們叫了四人套餐$768，老闆還給我們四罐飲品蝦份量夠，新鮮炒硯惹味又不會太咸扇貝新鮮，如果大隻一點會更好貴妃蚌有驚喜，好鮮炒飯好味，份量又夠菜都炒得好味

而家疫情緊張，留係屋企又冇乜運動，成飽就瞓，瞓飽就食，所以，今日去咗南丫島行吓山，做運動之餘，仲可以呼吸下新鮮空氣。點知，入到去比平時還要多人🙈，睇黎而家去市區應該比郊區更加少人。呢兩日嘅天氣，又涼爽返少少，所以我哋都行得尚算輕鬆。大概一個多小時嘅腳程，終於，黎到南丫島岀名嘅海鮮街，有好多林林總總、唔同種類嘅海鮮🤤，價錢都唔算貴，我同友人今次就去左桃園海鮮酒家，叫咗個二人海鮮餐，六款海鮮仼選四款🤩，而煮法可以自己選擇，仲有個炒飯，以及油菜送，大概三百多元，海洋餐黎講價錢相宜✅。蒜蓉清蒸貴妃貝 (7/10)海鮮一向係食新鮮，新鮮嘅話，清蒸都已經好好食，貴妃貝尚算新鮮又大隻，普普通通用蒜蓉粉絲蒸，粉絲索左海鮮嘅鮮味，簡直一流👍🏻！豉椒炒蜆 (2/10)四款海鮮之中最易整，亦係最差之一。炒蜆冇乜鑊氣，蜆一啲都唔新鮮，啲肉梅嘅🤮，豉椒味重，但蓋唔過佢唔新鮮嘅味道☠️。炸蒜炒大蝦 (4/10)呢個比起炒蜆有返少少鑊氣，熱辣辣嘅，炸蒜脆脆地，幾好食，而且加左辣椒帶得岀個味，蝦嘅肉質一般，唔爽，唔算好新鮮😕。椒鹽鮮魷 (5/10)口感幾脆卜卜，啲粉漿唔算太多，椒鹽幾惹味，炸嘅火喉適中，魷魚唔會un到咬

第二次幫襯，假日來南丫島行山，因喜歡這𥚃午餐標明套餐價錢，有預算的海鮮餐，4位$768冇加一包4罐汽水或啤酒，飯後還送菠蘿西瓜生果盤我不飲汽水，這𥚃有一壺茶提供不收費的😁每碟餸都份量十足，夠新鮮🐟條魚蒸得剛剛好👍🏻👍🏻🦐又夠大隻啖啖肉，彈牙🥬菜用薑汁炒，夠青綠爽脆扇貝肉大少少更好，味道好好蜆肉也很正😋炒飯好夠鑊氣🔥店員個個都有番咁上下年紀，他們非常親切友善，笑容滿面😃又會提我船到時間🥰，謝謝！很滿足的一天遊😍😍

今日天氣幾好，決定搭船去南丫島行下放鬆下，由榕樹灣開始出發，最後行到黎索罟灣，咁離開南丫島之前當然食返個晚餐先啦。喺索罟灣呢邊都幾多海鮮酒家，望過下唔同餐廳D餐牌，見桃源海鮮酒家海鮮套餐D價錢都幾抵食，所以最後決定入去幫襯。 我地叫左個 海鮮二人餐($368) ，裡面包括 黑胡椒海蝦(4隻) ，炸魷魚 ，蒸貴妃蚌(2隻) ，陳皮鮑魚(2隻) ，油菜，炒飯，罐裝汽水，同埋生果先上左碟黑胡椒海蝦，黑胡椒味煮法幾特別蒸貴妃蚌，食落都幾鮮甜睇落普普通通，但個炒飯炒得唔錯，同埋份量都幾大份陳皮鮑魚呢個煮法算係最經典，亦都係最好食既食法，食完個餐仲有飯後果可以食。喺呢個2人餐裡面，有4碟海鮮，1碟炒飯，1碟油菜，汽水連生果，食完都覺得幾飽幾滿足，而價錢先$368免加一，絕對超值，有機會再過黎南丫島可以再食！

同朋友去南丫島玩到順便食海鮮，上網見到有幾間海鮮檔，然後選了這個桃源，一早打電話問問他一圍的價錢，有幾個選擇，最後選了中位價那套餐，晚上去到後老闆勁好服務態度，熱烈地招呼，可能因為是平日客人比較少。12人的份量有六七度海鮮吧大約，絕對有驚喜海鮮應該真的是新鮮捕獲的，特別是那一碟龍蝦球，蝦肉鮮甜，就連洋蔥也很好吃！胡椒蝦也不錯，大大隻，香濃惹味的胡椒配方是絕配。看到OpenRice的食評這一間並不算太多但個人認為這次每一道海鮮都是在水準之上，價錢也很優惠，只是地方比較偏遠，如果下一次約朋友再來南丫島遊玩的話，絕對會再去這間桃園餐廳吃海鮮。

元旦夜和朋友兩個人入了南丫島想吃點海鮮🦞，找了碼頭附近這間餐廳，有種不拘小節的豪爽。 天氣冷冷的，先叫了個炒蜆和蝦，喝著汽水，談談新年新願景，感覺也幾爽。被安排坐在靠海旁的位置，看著船來船往，吹著海風，縱然身後的人都是一大圍一大圍鬧哄哄的，我們也可享有自己的一片寧靜，而且伙記也不會因我們只兩丁人點得少就不斷叫我們加單蝦🦐很鮮甜，肉是爽爽的，炒蜆很惹味，再叫了個炒菜和魚香茄子 🍆煲，熱騰騰的，為新一年來個滿足的開始

得十度，但又好想去行下郊區，今日㨂左南丫島！由榕樹灣落船，行到去索罟灣。得果個幾鐘，無理由就咁返市區。於是就揾野食。不嬲都係覺得呢度既海鮮係超貴又唔好食既。但今日竟然間食店都話免加一、仲話送野飲。結果㨂左桃源！去到竟然見到一啲咁舊式嘅茶壺。套餐入面有蝦、魚、炒蜆、扇貝、菜同埋炒飯。可能由於我哋係第一台客人，我哋問呢個黑胡椒蝦可唔可以轉做黃金蝦嘅時候佢哋都一口答應。餐廳方面送咗呢個椒鹽鮮魷！雖然望落去好細碟，但係送嘅，而且味道方面冇偷工減料。天氣太凍真係會影響呢度嘅生意，但係亦令到我哋好好彩可以食到一餐咁美味嘅午餐。

第一次寫食評~ 因為想同大家分享美好一天昨天重陽正日入南丫島行山，人山人海2pm落山見間間餐廳都爆滿，無曬海景枱，唯獨桃園唔算太多人。我哋再格吓其他餐廳2人餐價錢，有兩間$498，一間有經濟餐好似$388，每間都要俾茶錢加一，我哋見一間茶錢都要$16蚊位桃園2人餐$298 免加一 免茶 每人送一罐飲品因為最平佢但顧客唔多，我同朋友都驚大伏㗎。但我哋都唔想食咁貴，又見佢門口有游水海鮮，所以就搏一搏啦1.胡椒蝦有4隻大蝦，蝦肉鮮甜爽口，蒜香胡椒好惹味! 好彩聽老板話無轉白灼蝦2.椒鹽鮮魷鮮魷好好味，薄粉炸唔多油，鮮魷又係鮮甜爽口，而且幾大碟。椒鹽味剛剛好，唔會蓋過海鮮味3.粉絲蒸珍寶蚌一人一隻掌心咁大隻嘅蚌，蒜頭豆豉蒸，粉絲索滿汁好正！4，5 炒菜心，炒飯正常水準埋單就係$298我哋唔係想食龍蝦鮑魚，只係想食餐新鮮好味嘅海鮮餐。初初見第一道菜得4隻蝦都覺得份量少，但食曬個餐又真係夠飽喎，行完山落嚟堅肚餓㗎，同埋我哋一向大食一人$150仲有海景，真係無得彈喎。我唔明點解咁少客。。。老板森美見我哋拎住金卷膠袋，再推介兩樣我哋無買嘅好嘢，就係辣豆豉同甜酸菜，平價+好味！金卷老板娘仲以為我哋唔記得