21
2
6
| 餐厅: | 桃源海鮮酒家 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
电话号码
29828581
开饭介绍
桃源的黑胡椒虾，入口香甜，全只咬碎入口，口感一流。
继续阅读
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
间唔中都嚟南丫岛行索罟湾，行完一圈之后通常会喺度食午餐，再行去榕树湾。差唔多一年冇嚟南丫岛，估唔到少咗咁多人，入索罟湾嘅时候开细船仲要坐唔够一半人，食饭人都唔多。时代真系话变就变。之前都系食餐，今次散叫。椒盐鲜鱿：呢个唔使讲，必食，因为散叫我哋叫咗最细𠮶个量（餐牌写「例」），应该都够三个人食。星洲炒米：够镬气，唔会咸，唔辣，正常星洲米应有嘅味啦黄金茄子：因为系切片嘅关系，佢吸油比较多，如果切角会好啲，所以唔够干身，淋咗啲，不过味道都可以。两个人食实在太多。另外叫咗椰青，行完山好热，极速解渴。题外话，食食吓后面𠮶台大陆人喺度食烟，有冇搞错？之后我哋要求掉去另一边坐，仲好，静静地继续一边享受海景，一边食午餐。
继续阅读
成日都见好多人介绍离岛嘅cafe但系我始终都系觉得去离岛食海鲜最开心😝我地呢日黎到南丫岛食海鲜价钱抵食 仲好好彩坐到近海边嘅枱 好有风味😎.💫Set F 二人餐.🌟黑楜椒海虾海虾唔油腻 非常开胃🦐.🌟炸鲜鱿鲜鱿嘅脆粉厚薄适中🦑份量足料 配埋酸汁就更加好味.🌟清蒸海上鲜蒸鱼最重要系火喉🐟所以我觉得喺酒家食系最抵鱼肉滑溜 屋企好难可以食到呢个口感.🌟南丫岛油菜二人餐包左油菜 均衡饮食🥬.🌟菜粒蛋炒饭炒饭好有锅气 白饭粒粒分明🔥加上细细粒嘅材料 每啖都滋味十足.🌟炒蚬餐单上冇炒蚬 但系竟然送多左个𩠌俾我地好有惊喜!😍
继续阅读
无比较就无伤害，跟泰园酒家差天共地。味道⭐️服务⭐️⭐️卫生⭐️⭐️环境⭐️⭐️价钱⭐️⭐️。所有职员们只顾那四枱酒席，我们坐了十分钟都没理会，唯有行出去揾门口接待婶婶落单。用膳期间想揾个侍应招呼一下都十分困难，都系走出门口揾接待员吧！蒜蓉粉丝蒸贵妃蚌⭐️超级奀滋滋的肉，壳就够晒大只，带子约$1蚊大小但薄衣衣，怀疑被削去一半。暖暖地连蒜蓉粉丝齐齐赵，彷似不存在一样。白灼游水虾⭐️⭐️⭐️⭐️⭐️，六大只游水虾！只要够新鲜，用心掌握好时间，爽甜鲜味无机会投诉。虾肉闪令令肉汁反晒光，耀眼橙红色真的美丽动人！椒盐焗鲜鱿⭐️⭐️焗鲜鱿？不是炸的吗？没有味道的鲜鱿、没有鲜味的鲜鱿，炸粉松化香口不会硬掘掘，鱿肉不爽弹偏腍，滚满酸咪咪喼汁会较美味。南丫岛油菜，被指定盐水灼西兰花⭐️烚过火过腍不爽嫩，颜色泛黄有咸味有菜味。宁愿给碟白烚生菜、菜芯、白菜仔会更开心。辣椒油⭐️无味的油？无辣味无咸味只有油味，其实是否比错普通熟油我呢？菜粒蛋炒饭⭐️厨余炒饭？菜粒腍腍带甘味不爽甜，虽热辣辣但无镬气。炒到偏湿水气重，黐牙黏嘴不干爽，味道淡淡没蛋香。
继续阅读
由榕树湾行到索罟湾，见到有几间海鲜酒家，搏一搏食吓地道海鲜，就试吓呢间海鲜酒家，老板话开咗好多年了，食一个套餐，送炒蚬，清洁得几好，没有食到砂粒，好欣赏条蒸鱼，够新鲜蒸得刚刚好，虾新鲜，元配好大粒，配料也很多，又有杨州炒饭，味道唔错，又有菜，送两个饮品，四百几蚊，没有+1服务费，非常之抵食，而且老板好有礼貌，整咗张海边的枱给我们，个厕所非常清洁，有别于一般海鲜酒家的厕所，绝对值得再去食多一次，近码头， 2分钟行到去。
继续阅读
圣诞节去索罟湾郊游…一行四人行完山去食饭，码头附近成排酒家，有新式有旧式，建议大家对比几家才选择，我地对比过后决定选择桃源，因为我较想食传统酒家…我地选择了最贵的一个4人餐（$1188没有加一），包括：炸鲜鱿蒜蓉蒸元贝炒龙蒸鱼（原本为咕噜肉/鲍鱼，老板话4人改送蒸鱼俾我地）炒青菜炒蚬（这碟是送的，原本老板说45周年及圣诞节所以送鲍鱼，但我本人不太好鲍鱼，故改送炒蚬）厦门炒米（原本为炒饭，友人问可否改炒米，老板好易话为话整个厦门炒米俾我地试）饮品（维他柠檬茶菊花茶芬达之类，可加钱改其他饮品）生果（西瓜菠萝）成餐都唔错好好食，埋单$1209 （因为饮品我地额外加钱换其他野饮），圣诞节可以300蚊/人 食到海鲜餐仲要有超级无敌大海景夕阳睇真系好值，反正我地食得好开心好满足❤️
继续阅读