影片
经过红磡广场见两𩠌车仔面几抵～试吓先～另外见有炸鸡髀好似几正下次可以一试～舖仔有五张枱～提供风扇～食饭时间都坐满两𩠌车仔面～都有好多𩠌可以选择～仲有沙嗲、咖喱、酸辣同清汤可以拣～有辣有唔辣～拣咗煎猪扒、牛筋米线～煎猪扒有一细块几香口～食落唔会好硬～卤水牛筋好淋～几入味有4小嚿煎酿三宝都好抵～$10有5件都算大件～唔会炸到好深色同好干～有：红肠、豆腐、鱼蛋、茄子、青椒可以拣～不过冇乜鲮鱼肉～如果净系想食原汁原味就几好
继续阅读
今日同朋友经过红磡广场，大家行到攰攰地，不如揾个地方坐低食个下午茶啦，咁啱见到呢间小食店好多选择 又有枱櫈可以坐，仲有奶茶咖啡饮，咁就试吓啦，我哋叫咗烧卖、肠粉、炸薯饼、炸鸡脾、冻奶茶。我好钟意啲烧卖 超好食，食完一碟再加碟😆而家都仲挂住😛肠粉同啲酱都好好味，奶茶仲好饮过好多茶餐厅👍🏻估唔到呢间小店质素咁出色，店员仲要亲切靓女，无意中发现好地方😋下次会再约朋友试吓其他嘢食，我见到好似仲有车仔面
继续阅读
呢排Lunch成日食三𩠌饭，今日唔想再食三𩠌饭啦，去餐厅食又贵，有时等如两个三𩠌饭价钱，所以今日lunch四周围揾下有边啲抵食午餐，行经红磡广场见到呢间餐牌密密麻麻，各式小食，粉面饭面有得食，就停低睇睇，店员阿姐问起食咩，我见餐牌有我平时最钟意嘅吉列猪扒饭，而且只系34蚊，一个反射动作就答左阿姐，一个吉猪饭，咖喱汁。咖喱吉列猪扒饭外卖猪扒饭唔算大盒，猪扒size正常，因为即炸，表皮香脆，炸粉面包糠不厚，猪扒不厚不薄，食起上嚟肉质唔会鞋，唔会有雪味什味。咖喱汁唔辣，似一般茶记咖喱汁，甜甜地，汁比较少，饭量唔多，不过都够7成饱，性价比都算ok。
继续阅读
炸鸡髀🍗$16咁啱响个头做嘢😝谂住食埋个tea就返屋企😌结果去到红磡广场揾食☺️见到近门口有间小店😏其实都系谂住食少少野🤣结果就见到个餐牌🙃炸鸡髀$16一只…..😮讲真$16竟然有一只鸡髀真系好抵😎咁当然都怕会好细只🤣结果个size都正常🥸但就唔似平日食开嘅炸鸡髀🤭似系卤水鸡髀拎咗去翻炸😂炸完再落淮盐🥸味道方面就普普通通🤣肉质比较干，而且太油🤭但呢个价钱又合理嘅😉桃园快餐 (红磡)红磡马头围道37-39号红磡广场地下G5-6号铺
继续阅读
全女班工作人员，婶婶姐姐们都非常主动有礼，亲切友善，帮衬得满意舒服。格局保持旧式外卖店，还提供几张折台给食客使用，有位坐差好远啦。有生菜鱼肉，无碗仔翅，炸髀油髀，鱼蛋烧卖肠粉，各式煎酿鱼蓉类，基本车仔面食材，还有鸡牛猪扒餐腿肠蛋快餐，等等等等，包罗万有港味浓。估不到有车仔面提供，收得太密㖞﹗路经十多年来都并未发现，有机会试试，印象中廿十年前好似系红磡广场食过。煎酿尖椒，只得面头一笃仔淡味粉粉鱼肉，整条尖椒都空心呢。冰冻多水爽爽脆脆甜，辣椒籽微辣刺激。煎酿红肠，不过火的咸香中带有肉甜味实属难得。煎酿豆腐，冷冰冰的外皮微脆香口，一赵爆水，散发油益味。煎酿青椒，跟尖椒一样只得一丁点薄薄鱼蓉，跟本试不到质感与味道，外油内冷非常爽脆，有无炸过架？只系拖拖油？爽甜多汁半生青椒还可以。炸鲮鱼球，真的几冻㖞，冷气好劲吗？鲮鱼球微腥，鱼味浓又少少弹，过过口瘾填饱肚算喇。煎酿茄子，冻而软棉，索油力强劲，一咬喷油好得意，滚上豉油食舒服好多了。婶婶主动翻热诚意可加，但油温微弱，滚都唔滚，直头唔热，油浸三宝好野呀！滴晒油入口，真系十分润泽。豉油鸡髀，先由我最爱开始，非髀不爱。劲抵食 $16 蚊大大只髀，婶婶还替我翻热呢，唔该晒。热辣辣释出卤水香气，卖相不予置评，甩皮甩骨，入口硬实的感觉使人沮丧。味道夹杂香料卤水，不过不失，免强下咽，同场超记烹调得更可口味美㖞。咖哩鱼蛋，面粉鱼蛋黏牙成口粉，最大益处系唔会腥，咖哩甜甜的微香不辣，似层相识的味道，便利店出品的咖哩味。我问婶婶有否辣鱼蛋？回应无㖞，只有咖哩鱼蛋呢。我心谂咖哩唔辣的吗？婶婶真系分得好开下㖞，哈哈。生菜鱼肉，喜欢她的原汁原味，没有面粉、没有马蹄粉、没有鱼胶粉，质地天然无添加。滑滑微腍够纯朴，淡淡鲩鱼肉味道，清爽鸡汤底混上胡椒粉及麻油，还带著突出生菜味，简单就是美。望落十足自家制辣椒油，不过一般小食店无理由自己煮，唔化算、唔经济，微辣够香咸咸地，都可以添一点点风味既。大肠猪红鸡中翼幼面多汁，最初姐姐好悭比得一笃仔咖哩汁，我即时要求多汁，姐姐都系比多一笃仔，真系好悭㖞。还是怕太辣？怕太咸？清澈见底的汤汁，先来几口。意料之外的清爽可口，味道浓浓不水汪汪。再来立即夹起幼面挂著咖哩汁大力啜入口中，甜而不辣、香而不浊。而且幼面够弹咽韧，姐姐渌面手艺不错。卤水鸡中翼肉质而被浸到霉烂干鞋，入口即散，无牙都可以食得到，味道过咸且浊，难食﹗猪红充满韧度，大力夹起都不会破损，腌过咸咸的，不过不失啦。猪大肠，够大胆用上猪大肠﹗难清洗，腥味浓浓难除去。炆得软棉的大肠，仍然保存肠里面的绒毛，外弹内滑，味带咸香不膻，蛮满意啊﹗比鸡翼及猪红更好食。烧卖肠粉，$8 蚊有四条肠粉，$6 蚊有五粒烧卖，市区价钱合理不过。见婶婶系蒸炉内取出一个锑兜，原来已一早剪定，有 order 便可以即时反碗出货悭时间。我心头突涌来一股寒意，感到非常不安，额头滴汗了﹗梗系捞个混酱再撒上芝麻啦，够晒香口。最初尝试将肠粉直接跟混酱捞均，但实在黏等实一实，唯有耐心地续一将每条肠粉分开。硬实带干的肠粉，真的十分失望，有放弃的冲动，但唔能够浪费食物，最终都硬著头皮全部消灭。烧卖都是同一命运，外层有点干硬，里面黏黏的，唔多想食都要食晒去﹗甜辣酱麻酱芝麻豉油混起来甜酸苦辣样样齐，味道丰富和味又有趣 ﹗味道一流，质地九流。炸鸡髀，只需 $16 蚊劲抵食 ﹗虽然明显地翻炸，不过够大只够肥美，加不少分数。炸得金黄发热发亮，闪闪立立令，已被香喷喷炸鸡的气味所迷倒，晕得我一阵阵。新鲜出炉，鸡皮仍然泛著油光，先用油纸索一索、压一压，可以减低油份。我唔客气喇，一咬一扯，鸡汁发射喷出，甜美无穷。轻烟在肉丝间渗出，气味芬芳更添食欲。鸡皮炸得薄薄香脆，真系估您唔到呀﹗腌味甜美得宜，加上鸡肉非常滑溜而充满弹性，其貌不扬的十分好味道。炸鸡中翼炸饺子伴印尼捞面，意想不到的配搭，效果来得不错。印尼捞面， 坚系热辣辣印尼即食捞面。酱汁沉底，幸好味粉酱油够浓，面弹干爽，姐姐手艺到加。炸鸡中翼，内内外外都好似麦记，外层粉厚劲脆，厚厚皮但少少肉，试一次便够。炸饺子罕有地使我赞叹，外脆内软够干身，无咩肉汁亦无咩肉味，但非常香口。豉油鸡髀，婶婶话只会走走油翻热，不会翻浸呢 ﹗我都未写食评，婶婶点知我早前投诉浸到只豉油鸡髀干硬鞋，仲甩皮甩骨呢？依只就天渊之别喇。巨髀啖啖肉，走走油好鬼香口，豉油味更突出，皮嫩滑带爽弹。外层热热的，里面室温白滑嫩肉，多汁美味。牛腩猪皮萝卜粗面咖哩汤，为何会那么好味道的呢？咖哩猪皮棉滑带爽，不干硬不油益，咖哩味浓烈香辣，完全渗透十分滋味。萝卜小方块爽甜多汁，水润无比，鲜嫩没半点渣。牛腩啖啖肉，不是一般车仔面提供的牛腩碎牛腩边皮，真正的牛腩。松软带弹，牛味甜美可口，啖啖都系肉汁。粗面未算最差，有微弱蛋香微弱弹力，不过不失。墨丸贡丸饺子冬菇莜面咖哩汤， 迷你连蒂冬菇仔有趣，蒂爽菇肉滑弹，菇味盖过蚝油味。墨丸正常，强粉滑嘟嘟，有墨味。饺子外购稳阵几好食比炸饺子更好，滑滑咽韧外皮包著少许肉馅少许肉汁满意。莜面滑弹散发淡淡咸香，连咖哩汤大大力扫入口，湿润凶涌，不错不错食得过。点菜时见住有两粒贡丸，阿叔外卖车仔面都已经包好，临走打劫埋我既，激鬼死﹗婶婶话即刻烚比我，心谂有排烚㖞。点知唔够两分钟送到，果然心仍是冷 ﹗冰冻的内心，唯有咬成碎片再浸浸吧，味道平凡淡淡一般，不吃也吧。已经删除左炒乌冬及炒肠粉喇，无机会试添，再试试车仔面。四𩠌面连冻奶茶 $36 蚊，坚抵啦 ﹗仲有两皮生菜送㖞。黑椒汁鸡扒猪扒斯华力肠饭，鸡扒炸得皮脆肉嫩，肉汁冲滴出黎添喇 ﹗不过腌得太淡，白肉几乎无味，您唔系打算想我食原味雪藏鸡扒挂？幸好有黑椒汁打救，还可以。煎猪扒松软，保持原始质地，猪味甜美不膻，腌味温和，可口舒服。斯华力肠炸到皮开肉绽，肠肉腍劈劈，肠皮硬胶胶不爽脆，麻麻地。白饭湿烂，使我有放弃的冲动，真的唔想食呢 ﹗黑椒汁十足透明咸咸的啫喱，超级得意 ﹗为左您，我免强爬两啖烂饭啦。蒜蓉汁豆腐斑腩饭，全部清色都几搞笑几斋下，颜色单调。即炸豆腐斑腩新鲜出炉热辣辣，玻璃蒜蓉汁富趣味性，脆皮滑豆腐无得顶，但没什么味道，沾上淡淡蒜蓉汁都好食㖞。得一旧斑腩似返斑腩，其他薄薄似斑块，咬开冒烟感动万分，外层微脆，内层结实弹牙射出肉汁。整体有品味有质素，可以返转头添食。鲜茄牛肉饭少饭，竟然最好食系鲜茄牛，绿份既野真系好难讲 ﹗几乎全部饭食晒，几乎一点饭都无剩﹗味浓够酸，茄香开胃，好食过地库宝城出品鲜茄汁多多声啦！牛嫩不韧，微松不过份，very good ﹗无从挑剔的赞美。虽然饭后有点颈渴，浓味茄汁都好正常啫。咖哩牛腩饭少饭，果然同车仔面既牛腩一模一样高档次㖞。松化软棉无渣入味，咖哩香浓黏稠，厚厚汁捞饭特别好味道。好采唔够汁乍，极有冲动食晒牛腩后仲想捞汁清晒白饭，危险危险﹗实在岂有此理，太过份﹗仲搭左旧粉腍香浓薯仔添，太好食咯 ﹗就连伴碟生菜都爽爽甜甜，毫不马虎。粟米汁鱼柳饭，斑腩已经试过，轮到鱼柳喇。会唔会系同一样野呢？果然不出我所料，系完全一样的啊。粟米斑块、粟米鱼柳、豆腐斑腩，全部都系用同一款青鱼柳来的。新鲜即炸真的滚热辣，特别鲜味﹗蛋浆松化不油而干爽，金黄香爽炸得好靓呢﹗一咬爆外，轻烟飘飘。看得见的鱼汁啊，先结实后滑溜，味道还不错添﹗淋上粟米汁就更有风味，外湿内干、外脆内嫩地品尝。我爱 creamy 又多粟米粒的粟米汁，这个汁只有零星落索的几粒粟米加点点蛋花，感到有点心酸，弥漫著穷困的感觉，不好受呢。粟米味道极之微弱，幸好酱油味道够浓，捞饭还不错。鲜茄吉列猪扒饭，即叫即炸，金黄松脆干爽不油腻，真的炸得技巧超群，每一咬都发出索索的撕裂声音，十分悦耳。猪扒腌味偏淡，猪味、肉味都被厚的的面包糠盖过了，所以没什么味道，虽然口感一流，外脆内棉，但干硬感浓厚，认真麻麻地。鲜茄汁突然变得非常重要，滚上鲜茄汁再咬，舒服很多了 ﹗味道还好很多呢。浓浓鲜茄汁都的好好味，够酸带鲜茄味道使到食欲倍增，不过饭后真的有点颈渴啊 ﹗不喜欢吉列食品的我真的为试而试，见我对您地桃园几鬼好呀。
继续阅读