桃園制作粥麵餐廳 (彩雲商場)

营业中

休息中

門口位買下午茶唔係用任何app買居然要等35分鐘.熊貓自取都保障25分鐘出餐啦.本來我就係怕網上外賣平台要等得耐先埋門口買.但係結果被罰企.眼見堂食d餐就係咁上直頭唔洗10分鐘就上檯唔係當人傻既下嘛！！我都明要翻檯想賺多d但係都可以卡拉卡拉咁出姐.定係集團企業既出餐方針就係咁先做堂食再做外賣咁垃圾啊.外賣客好似唔係客咁要係出面罰企.真心係咩垃圾服務阿.食物又唔係特別大件味道只可以講一般再加上咁既待客之道下次唔會再幫親囉！

桃園制作粥麵餐廳，位於彩虹清水灣道45號彩雲商場3樓A322號舖。 在彩雲商場裏面做街坊生意， 之前都食過好多次， 今次來吃下午茶，香煎一口豚肉麻酸辣米線$40、 雪菜肉絲米粉 & 奶醬厚多士$32、 新鮮冷壓檸檬茶$3、茶走。 🔸香煎一口豚肉麻酸辣米線 ～ 一口豚肉入味軟腍， 湯底的麻酸度剛好。   🔸雪菜肉絲米粉 ～ 雪菜不會過鹹，米粉幼身。 🔸奶醬厚多士 ～ 滿滿的奶醬， 但多士唔夠熱。 🔸新鮮冷壓檸檬茶 ～ 味道清香，無澀味。 🔸茶走 ～ 甜度剛好。整體而言，性價比高。 🏷️溫馨提示～ 整個用餐體驗均屬個人分享意見， 只作參考😊。

上次吃過蔥油煎肉餅飯，十分回味，蔥油可以解膩，肉餅又煎得香脆可口。但今次黎有小小失望，蔥花切得太大粒，又無蔥花香味。肉餅煎耐左小小，有小小鞋口，依然煎得香脆。值得一提，呢度俾白飯份量充足，唔怕食唔飽👍🏼

叫咗外賣鷄扒麻辣米線，食咗兩啖，竟然有曱甴🪳係碗麵入面，即刻唔敢食，倒胃口🤮。離晒譜，做飲食一定要乾淨企理，至少會端上枱面嘅餸菜係乾淨。呢個係基本要求，對餐廳失去信心。

堂食無人理你嫁，舉手舉到手軟，上菜又慢，餐紙都唔比你。叫外賣平台 仲大鑊，叫ABC佢比DEF你，我打去仲要比佢話唔關佢地事，係外賣仔錯，外賣仔又話唔關佢事，咁關我事囉好無！好彩外賣平台有良心全單免左我，否則我係比左$2XX蚊食$14X蚊野呀，個阿姐仲大大聲D野佢外賣自己攞嫁！亂到咁即係你管理唔掂囉！一次半次我了解，大姐你哋係三番四次呀！仲要好有道理咁話返我？呢個品牌我無野食要自己煮都無下次！

幫襯咗幾次呢間嘅四川麻辣牛肉炒飯，夠麻夠辣夠鑊氣，應該擺左成條紫天椒🌶️推薦鐘意食辣嘅人試下～至於佢嘅麻辣酸米線就不了，主要係湯比較稀，米線同配料都一般，總括嚟講係一間不過不失嘅茶記，留意外賣要等好耐。

屋企人唔舒服， 晚餐都想食粥， 咁啱見到呢間餐廳有全日粥餐就諗住幫襯， 首先入到去， 沒有人手喺接待處一段時間， 前面又有人等位堂食，擋住個reception 🫠等我講咗聲唔該想叫外賣， 佢應咗我，跟住又有人嚟埋單＋電話響， 佢接咗個電話幫人落電話外賣🫠完全感覺到人手不足🫠而個餐廳設計都好影響想叫外賣的客人的體驗，因為門口可以企ge 空間太少，仲要就住佢個自動門的位置去企。。。 好彩佢一收線我就話「唔該可唔可以幫我落咗單先」 如果唔係唔知個服務員幾時先serve 到我。落完單之後等等等等等， 都係等一碗粥同埋腸粉， 已經差唔多五個字至半個鐘， 我去埋另外一間餐廳拎第二份外賣， 呢度都未出餐🫠唔評論佢好唔好食， 就是太慢了。。。👉🏻 皮蛋瘦肉粥配腸粉咁大個兜，得個半碗粥🫠

最愛嚟桃園食大大份既早餐，勁豐富！最愛蒜蓉厚多士配雞扒，炸魚柳份量十足，勁滿足仲有杯凍檸茶真係唔錯👍🏻奶茶☕️咖啡都可以👍🏻每天一早都坐滿人，店員服務👍🏻

我訂單標註左明確嘅時間去取餐，結果係提早九個字已經完成左我嘅取餐步驟。次次都未到指定時間已經完成曬成個步驟，唔止一次食到嘅時候已經凍曬。真係好鬼差，係真心鍾意佢哋d食物但係d服務態度同質素都令人失望！

叫咗外賣自取，其中一個係牛腩米粉轉麻辣湯底，分湯上。麻辣湯底十分之油，面頭層油我諗有0.5cm厚，諗住算啦都正常嘅最多撇咗層油，點知倒麻辣湯落米粉時竟然發現個底好多渣！有發脹咗嘅米線碎、米粉碎，仲有一粒檸檬核！！！（申利：我冇叫檸檬飲品）我食咁多其他餐廳嘅外賣湯麵，從來都未見過湯底會有麵碎，因為一般湯底不是用來淥麵的，淥面同湯底係分開整，尤其係麻辣湯，冇可能會有咁多麵碎咁多雜質！！我有理由懷疑啲湯底係重用囉！真係痴線！我見到其他人啲comment話原來呢間餐廳係賺到盡，又用劣質食材，有冇攪錯呀你估係大陸咩？而家疫情咁嚴重你哋咁無良心咁黑心攪啲咁嘅嘢？！我完全接受唔到！諗起都想嘔，當時我好嬲即刻成碗麵倒咗，而家有啲後悔應該攞去驗下有冇其他人嘅DNA😓如果有証據我一定報食環！我以後一定唔會再幫襯呢間嘢！提醒大家小心！（張相影出來的麵碎已經算少咗因為有啲碎跌咗入碗中，本身仲多起碼一湯匙🙈）

落左單超過半個鐘都未到！大約12點入去，等到12:30都未有先忍唔住催一催見出親都係外賣，出左幾十份外賣都冇堂食，完全唔理堂食既客，堂食見到至少有三枱客cancel. 仲有好多人鬧等得耐有d 就兩個人食，但得一份出左，個客食完都未等到另一份。最後來左一碟星洲米但係味道好難食，又細份又冇味，唔知係咪趕時間求奇炒碟野所以冇落粉d 阿姐態度仲要好差，舉手完全係唔理你，明明有四個阿姐行過但係都扮睇唔到以後都唔會再幫襯

雖然蒸鯇魚我知要時間，但落單到25分鐘後都唔見有，似付有啲過份，已經不是第一次。最特別係有名有心工作人員，應該見太耐，主動幫手送過嚟，她是我覺得在這家店最值錢員工。不過黑色手套濕冧冧拿住盤魚過嚟就…之後仲唔畀飯。我四圍搵人，到最後還是靠這清潔工人，佢自己都覺得好唔好意思咁拿畀我。咁大過人真係都係第一次有咁嘅經驗，我並不是怪這工人，相反佢係好好人好有心，其他工作人員就真係不知所謂，又或者係唔想啲客叫鯇魚要清理枱面魚刺所以固意咁做，點解，因為服務員冇上菜，但會畀個碟我，仲話係骨碟嚟，而又唔睇下差乜嘢，飯都冇畀就走開。好老實一定不會再去。

一點半嗰時好聲好氣問佢拎下午茶餐牌，佢話未有住，一定要兩點先派餐牌，我同佢講兩點可以開始叫，但都會停午餐，如果唔啱心水係唔係可以畀我叫返午餐吖，但佢死都話未夠兩點唔派得，我心諗到兩點睇完下午茶餐牌唔鐘意唔通就咁走 ，咁人哋就會覺得我入嚟拗冷氣🙄

唔知係咪我追唔上社會，依家份量都咁少？外賣自取，衛生、服務我唔講，大大ge 外賣碗，半碗粥都冇，呆左⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

App叫咗两份早餐~雪菜肉絲湯米配腸仔多士~ 啲雪菜肉絲 少得可憐， 個湯滾水冇味送到黎已經凍哂， 腸仔唔知用咩牌子， 用平價到唔平價嘅食材 難食到不得了~雞扒午餐肉+鮮奶滑蛋配多士+配 雪菜肉絲米線 ~ 雞扒雖然有雪藏味 但還可接受，d 午餐肉 簡直唔知食緊d咩肉 落肚，求其喺超市買最平嘅午餐肉都冇佢咁劣質 ，滑蛋 炒到 熟到一個點， 另外淋左一大灘嘅汁係上面， 用左好多生粉傑撻撻，個汁怪怪哋~仲有嗰個加配既~雪菜肉絲米線 發脹咗 變咗撈米線 連鹽都冇落冇鹹味面頭 只有一舊肉 勁小雪菜 真係衰到 見到都唔想食~餐飲凍奶茶~ 好似飲緊奶水 加啲糖 完全冇茶味成份早餐都 食唔到入口， 真係越做越衰 賺錢都要賺到盡~ 用劣質平價食材， 冇良心食店！！！！