影片
营业时间
星期一至日
07:00 - 21:00
以上资料只供参考，请与餐厅确认详情
唔想多講以後不幫襯，疫情其間食客已經小，下午茶時間更小食客，員工多過客都可以漏單，仲要唔只我一個。漏單覺得無責任，態度極差好像事不關已咁。福建炒飯全港應該無人腥得過佢，擺明食材唔新鮮。總結：blacklist令外我唔明點解要過200字先可以評分，間餐廳差到咁直接blacklist啦仲有人會打千字文去投訴咩
继续阅读
一行4人食午餐本小妹叫著個鴨腿冬瓜粒湯飯，飯係 藜麥飯，無嘢飲$50紋鴨腿完全無肉味，冬瓜又唔甜，2粒冬菇唔錯幾淋又入味，最重要個湯底，合格無咁味精，都幾有鮮甜味，但我下次唔會再叫呢個餐潮式蚵仔小木耳肉碎泡飯，套餐加嘢飲熱0茶$51紋 湯飯可以，好多料，特別多小白菜，湯底幾鮮甜，值得再食多次呢個餐乾扁四季豆欖菜肉碎飯套餐加嘢飲 熱咖啡$47紋個飯不過不失，都惹味餸飯紅燒茄子魚塊飯套餐加嘢飲熱咖啡$55紋炒得都有鑊氣，味道可以，但魚塊麻麻
继续阅读
入到店內服務人員西面西口好似參加完喪禮咁款，個老世都似拖糧或者無出糧；如果唔係咁樣既員工請返黎都算三生有幸；趕客趕到出曬面都算；入面既廚房出單效率慢到都可以拿高額長者津貼；一個午餐外賣居然可以拖足40分鐘，可能老世同時亦係一位慈善家，專門請失業長者提高就業率做貢獻，最離譜係打包個位服務業；絕對患有柏金遜第四期；奶茶又倒瀉；個菜裡面d汁都可以搞到整個袋都係，望見都無胃口啦，d菜更加係地獄廚房訓練班出黎，綜合黎講真係差到無人有
继续阅读
話說係咁嘅因為疫情嘅關係街市熟食檔八點幾已經關左門⋯大家樂亦都冇乜選擇提供到咁唯有去7–11隔離嘅桃園製作食嘢啦以前成日食外賣，不過近期佢轉左餐牌之後好多選擇都少咗而且佢哋用外賣裝置嘅器皿亦都縮水…都係少咗嚟幫襯㗎啦而且佢哋係平均貴過大家樂同埋街市嘅茶餐廳！今日一家三人坐得入去食嘢⋯佢哋冇主動幫你量體溫就俾你入座咁好啦坐低叫嘢食點知原來8:50佢哋嘅餐牌已經乜都冇咁滯得返啲快餐嘅食物！咁都入嚟坐咗咁硬着頭皮食啦而且佢哋有冇事先通知乜都冇...。相就冇影啦諗住食個快餐求求期期快快手咁食完走人啦！點知一嚟凍飲就出事我叫咗杯凍好立克我飲之前都是先搞一搞個杯底驚佢哋嗰啲份溶唔透！飲咗第一啖發覺冇味嘅..第二啖都係冇味喎咁我舉手叫個靚姐幫我換一杯..…不過佢好似唔係好信我講嘅嘢咁樣一面愕然好啦佢比第二杯我啦再飲只不過係比頭先嗰杯有返少少味都係唔得咁我今次舉手叫個靚仔過嚟啦(因為夜晚得兩個樓面）之後個靚仔就走去水吧叫佢沖個杯俾我隔咗一陣我就聽到出餐嗰個位置頭先幫我玩杯嘢飲嗰個阿姐高八度喺度講：（杯嘢係咁個喎！）我一聽到當堂火都嚟埋個阿姐一攞杯野比我就鬧佢我已經搞咗個杯底好多次啲糖粉溶晒我先飲！真係無味⋯⋯我再同佢講：唔好以為你喺出餐嗰邊講嘢我聽唔到你咁樣講即係唔信果客，你態度都好差下因為基本上個阿姐都係黑晒面又唔認錯淨係懷疑客人！好啦…到我飲第三杯都唔係特別夠味只係正常嘅淡少少，而且我發現佢哋沖個杯嘢飲嗰陣時佢哋唔會用熱水去溶晒啲好立克粉先再加冰搞到杯野有二粒同冰差唔多大小嘅粉結咗舊喺度大佬點飲啊你哋個水吧師傅都冇心做最後嬲嬲地飲剩半杯..將嗰啲結成一舊嘅粉擺喺枱面俾佢去睇跟手埋單走人之前我都成日叫佢哋嘅常餐蕃茄牛肉麵不過湯底嘅水準十分唔穩定一是個湯底就好有蕃茄味重好，一是個湯底就淡到好似水咁！喺呢間餐廳水準咁唔穩定嘅情況下每次叫嘢食都好似撞手神咁樣睇你今日好唔好彩真心我作為多年嘅顧客容忍量都已經有限，真心冇下次亦都最後一次同埋你哋呢間桃園啲樓面阿姐出晒名冇禮貌㗎啦！麻煩改善下個個對啲客呼呼喝喝咁
继续阅读
今日我朋友走左黎同我晚餐～咁我地去左啟田商場入面既桃園餐廳，呢間餐廳其實開左好耐嫁喇。不過佢新開既時候，真係唔太好食，所以一路就唔食呢間野。但我朋友話入去食wo.咁我又無咩所謂既，咁就入去食啦！我地叫左個餐，2個餸 $138當然每人揀1個啦！我揀左海鱸魚，其實佢可以選擇煎底者蒸既～我地揀左煎！不過佢煎得好靚，時間岩岩好！咁我朋友揀左梅菜扣肉煲，好夠味！d扣肉好淋！仲可以另外加配 白飯跟湯$20之後再叫多個白飯 $8每餐都要叫凍檸茶～埋單食左$210蚊！間餐廳同以前唔同左，好食左，等我去食多d先
继续阅读