影片
港铁坑口站 B2 出口, 步行约2分钟
继续阅读
营业时间
星期一至日
07:00 - 20:30
公众假期
07:00 - 20:30
公众假期前夕
07:00 - 20:30
以上资料只供参考，请与餐厅确认详情
我都好耐先写一次食评但今次真系唔写唔得第一次因为味道差而写既食评首先讲声唔好意思因为一张图都冇今晚大约7点松啲去到餐厅食饭点左「姜葱霸王鸡煲」同埋「梅香咸鱼煎肉饼」前者不过不失但后者真系史无前例咁离谱同难食当我系点菜既时候阿姐一再提醒我「煎肉饼会好干身」老实讲煎肉饼我食过好多间点干身都唔会太夸张所以答阿姐「冇问题，味道ok 就得」戏肉来啦‥‥当个煎肉饼来到台既时候我真系好惊讶佢既大细真系等如我细个食𠮶块零食虾饼咁细有冇咁惊讶啊? 唔岩你咪唔好出街食你错啦佢连个厚度都系同块虾饼一样我拿拿临叫帮我点菜个阿姐过来「阿姐，呢块就系$69既煎肉饼？」阿姐见到都过唔到自己个关咋咋临拎走叫我等多阵过左几分钟真正既惊讶先至来到首先，块肉饼真系明显大同厚左去返正常既份量当我夹起一咬入口我以为自己失去左味觉再夹第二口我先知道我唔系发紧梦块肉饼居然系一啲咸味都冇于是我就问阿姐拎生抽阿姐好好服侍好快咁拎左两碗生抽比我但真系食唔落因为块肉饼原来根本唔系肉饼里面夹杂住面粉同芋泥而且根本唔系煎，而系炸呢碟咸鱼煎肉饼竟然变左做炸面粉芋泥既健康食物最后我唯有将霸王鸡留比我老婆食我就食霸王鸡既豉油捞饭最后返屋企煮个公仔面我绝对会将呢间野永久blacklist
继续阅读
依间都开左几耐 居然第一次去食😂呢个价钱 啲野食又够热 份量都足够都无野好挑剔———————————————避风塘艇仔炒面👅👅👅整体系好食 好够热 够镬气 海鲜都多 唔会得几粒 👍🏻👍🏻但我个人钟意避风塘系多蒜所以味道单一啲.咕噜肉👅👅👅份量真系比我预期多 加上佢啲皮好薄 肉既质地都唔肥 唔黐牙 真系可以试下叫黎食 同埋又好味 个价钱仲要都包埋饭同餐饮叫左杯冻奶茶 都系正常发挥.埋单$133👍🏻行开念唔到食咩 又想食小炒 都可以试下
继续阅读
酸辣鸡扒米线虽然系下午茶餐 但系都好够饱 而且鸡扒有煎过 所以食落鸡皮都脆卜卜 而且唔会好干 酸辣猪扒米线猪扒都系有煎过 都有哂肉汁 唔会好干 所以都几出乎意料 都几出意外 无谂过呢个价钱居然会咁好食 仲唔细份 都几值得试下 就算普通下午茶 都无令人失望
继续阅读
回忆晚市仲有堂食时光 - 上年12月时朋友带咗我去一间比较街坊嘅茶餐厅食饭，朋友话呢间都几多人食㗎，我哋6点几去到已经8成满，7点已经 full 晒！🍴滋补羊腩煲配时菜（$118）羊腩煲都几大煲，羊腩真系算几多，都有成9-10 旧，都大大旧，有时百松D蚊嘅羊腩煲得5-6 旧… 羊腩煮到够腍，好入味，个汤汁都好浓郁，用嚟捞饭好正，配两大碟腐乳，配料足，有枝竹、笋、马蹄、粟米、红萝卜，呢个真心好食，尤其系呢种冻冻哋嘅天气！不过我会建议餐厅可以考虑例如+$5 加配白饭就会更 make sense！🍴柠檬可乐（羊腩煲加配$6）一般嘅柠檬可乐系用一片片柠檬，可乐另上，而呢度系柠檬汁，几有趣！另外我哋叫咗个二人套餐（$138）🍴凉瓜炆鱼块煲味道几好，鱼块都有6-7 旧，外面包住嘅炸粉唔算好厚，凉瓜份量都多，几足料！🍴姜葱霸皇鸡呢个有少少失望，姜葱味唔算太够味，重点系鸡肉煮得好嚡口，呢个唔好食！🍴足料炖汤二人餐跟嘅炖汤，都几大盅，见到入面有虫草花、有瘦肉，都几多料，味道都 okay，当然冇话好似炖汤专门店嘅咁好饮，亦都似有加咗少少味精嘅感觉，不过跟餐嘅炖汤嚟讲佢都不过不失！整体上茶餐厅嚟讲系坐得舒服嘅，食物质素唔错算系中上，店内嘅职员就可能唔多够，坐得近出菜位嘅就会照顾得好D，坐得远少少嘅我哋，挥咗手好耐都冇人理我哋，要走去收银同佢讲要落单，隔咗一阵先叫到人嚟落！
继续阅读
今日试了小店桃园轻量下午茶餐（$42），套餐包括热辣辣，满满多汁多料的福建炒饭，同埋大大杯即磨咖啡，用app 落单到制作完成不用30分钟，用优惠码仲可以减$20，外卖下午茶来说算性价比非常之高。
继续阅读