影片
有日突然想食叉鸡饭于是行开荃湾街市个头，就见到呢间野，有印象两𩠌饭关注组有提过佢，见佢d两𩠌饭都好似几吸引，有牙带（屋企老人家最钟意食既一款鱼，个名应该系咁gua)。佢左边系卖两𩠌饭右边就烧味，净系见到佢写出黎两𩠌饭价钱3x，以为烧味双拼都差唔多价钱，谁不知收钱时,姐姐一句.........“廿蚊!”。吓一吓，哗乜真系仲有咁平既饭，东张西望千祈唔黎访问呀唔该。 味道黎讲d鸡系正常，叉烧就麻麻，廿蚊货式算唔错。
继续阅读
这餐厅在街市附近，桂香这名字，我记得以前在柴湾，是一间很出名烧腩仔的烧味，因为名字我决定进去吃。感觉是一间很街坊开了很久的店，但看开饭食评像新店没有太多资料?见到墙上有写上捐款，逢每月会派饭盒给长者的，感觉很窝心，但现在疫情问题，应该很困难吧我选了烧肉烧鸭饭$39 加可乐，姐姐服务好好，全店得我一个不可看小，烧肉皮很脆!重点是冻身都脆烧鸭皮香，肉浓，啖啖用很不错，今日幸运来到，我会记住这店下次再来吃，因为烧肉真系好有水准
继续阅读
年廿八，同独居两老长者搅party准备迎接新一年，又再帮衬呢间爱心饭店，上次搅大合唱活动时订过两款三𩠌饭盒，大获好评！年廿三搅团年饭活动订咗腿蛋治同猪扒包各90份俾同事&义工，又系大件抵食热辣辣！今次决定帮衬订到会，睇吓系咪一样咁好味又抵食？点知唔订犹自可，一订吓亲我，每盘嘅份量足足多咗二份一！用咗四千几蚊订咗廿几盘，本打算招呼87位老友记，点知嚟到嘅份量足够食饱130人老仲有剩！老板娘好好人，话见系老人家，特登叫厨师炒多啲！个个老友记都食得好满足！好开心！话夜晚都唔驶煮饭！真系好多谢爱心老板同老板娘！仲有不得不提嘅系，除咗新鲜热辣又美味，盘盘满到泻咁滞之外，我叫老板娘提供埋餐具俾我，佢唔单止立刻答应，又碟又叉又筷子，仲送埋廿个每个价值$6(连价钱牌都未搣)嘅夹面包不锈钢钳！我真系觉得好唔好意思，本来想支持佢哋爱心饭店，点知变咗要佢哋做善事！送货𠮶位B哥又好人，准时嚟到有礼貌之余，仲帮我逐盘搬上枱放好，即时回收埋所有保冻保温发泡胶箱！咁好嘅服务质素同态度，你叫我之后唔继续支持点得？所以，嚟紧大年初七，义工团拜，又要拜托佢哋帮手喇！顺带帮老板同老板娘提一提，为咗令所有人都有饱饭食，无论单身定低收入人士，饭店年终无休，连大年初一都照做生意，宁愿自己唔休息，都希望同客人一齐过节！桂香烧腊饭店，我小北斗阿肥姑娘诚意推荐！
继续阅读
叉烧烧肉饭😘$20荃湾真系多嘢食😉一年后回来荃湾揾食🙈最难忘一定系此店烧味饭😂个位姨姨仍在🤣份量依旧重量级😘虽然比起一年前加咗两蚊😉但实在好抵食😊桂香烧味茶餐厅 (荃湾)荃湾河背街62号地下
继续阅读
今日行过又买一盒$18双拼烧味饭😎👍其实附近都有好多$18烧味饭，不过呢间特别多料，而且味道又好，我最喜欢😘而且阿姐亦真系太客气了😂仲同我讲个盒闩唔到，不如俾条橡筋我箍实佢😉难怪我成日揾你既🙏
继续阅读