影片
营业时间
今日营业
11:30 - 21:30
星期一至日
11:30 - 21:30
以上资料只供参考，请与餐厅确认详情
第二次帮衬，体验感极差，楼面员工毫无服务意识，态度随便+做嘢俹簁。本身带朋友黎食过印象几好，但系以后都唔会再帮衬，都唔会推荐朋友帮衬。今日接近2点抵达店舖，无咩人 直接揾咗张细台坐低即刻点咗餐。途中无任何店员打招呼/同我有互动，佢哋自己倾紧计。等咗around 5分钟黎咗一批人，虽然店内无人，但都容纳唔到咁多人，个店员见我一个，就直接过黎，询问我可否去同其他人搭台。虽然唔想，但都费事为难人地，我就让咗位。从我15:57落单一直等20分钟都未有餐，迟过我入铺头嘅几位唔同台嘅客都食咗一半，我见系唔同嘅餐，就以为我个餐需要多啲时间，就无催单。但系！！！！店员陆陆续续开始同之前我让咗位嘅批人上餐，佢哋一共6个餐，等唔够10分钟已经上齐(包括主食、汤、小食），其中都有同我嗌exactly同一个餐嘅人。直到𠮶批人发现上多咗一个饭，店员都仲未意识到佢哋上错台之余，系漏咗我个单。后来知道店员要求我转台之后，忘记了同我张单转台number。而且店员直接将多咗出黎个饭（系其他客人台面摆咗一段时间），直接拎黎俾我。我听到有其他店员细细声讲（唔肯定有冇听错）：佢点解会自己转咗枱？其实间铺好细，可见个店员完全冇留意舖头入边嘅情况，要求我转台嘅店员做嘢俹簁，自己做错嘢都无俾我解释，同事问佢𠮶阵佢都好似无出声，当咩事都无。到埋单𠮶阵，我拍卡拍一半个收银又走咗去忙其他嘢，抌咗佢一阵返嚟，佢好似哑咗咁 俾咗张收据我，乜都冇讲，食饭期间留意到，成个楼面连基本打招呼都冇。呢餐饭食到我成肚火，员工帮老细倒米，唔会再帮衬。
继续阅读
好姐妹爱食海南鸡饭所以大家夹好时间开餐啦😍一人套餐：栢档极品海南鸡饭鸡油香饭👍真系好好味👍肉骨茶餐（配丝苗白饭）排骨太瘦无乜特别一人套餐：秘方卤烧猪颈肉热柚子蜜三个套餐👍
继续阅读
话说之前邻住买试过嚟帮衬过，特价又平又抵食！当时日日都撞无虚设～想揾个位都难！今日见天气冻冻地，又过嚟帮衬，点知依家做返正价，$66肉骨茶配白饭（转油饭要加钱），侍应上枱真系一碗肉骨茶加一个白饭，我都有少少诧异，份量少嘅！正常一个女士勉强可以，如果系男士的话，一定、一定、一定唔够饱，之前嘅肉骨茶好大碗嘅！怪不得1:00食饭时间都咁少客，28个座位只有只有2人，老板你真系要认真谂吓啦！以后都唔再嚟帮衬！
继续阅读
Yeah今次去柏档极品海南鸡饭试咗佢哋嘅二人套餐，真系极品，值得俾5分！呢间餐厅好适合同朋友一齐聚餐，因为份量充足，性价比高，绝对唔会令你失望。❥ 麻香小云耳呢个前菜清新爽口，云耳口感脆嫩，麻香味道十足，开胃又好食。❥ 王牌无味精靓汤汤底清淡但味道相当浓郁，饮落去非常暖心，话晒系对身体好嘅选择。❥ 海南鸡海南鸡肉质滑嫩，酱汁香浓，配搭鸡油香饭，真系无得输！米饭吸咗鸡油嘅香气，食落去口感一流。❥ 涵烧猪颈肉猪颈肉烧得恰到好处，肉质鲜嫩，味道浓郁，每一口都令人陶醉。❥ 细肉骨茶骨茶汤底香气四溢，肉质软烂，汤汁吸收咗香料嘅味道，十分入味。总体来讲，柏档极品海南鸡饭嘅二人套餐真系好抵食，份量充足，味道绝佳，无论系聚餐定系约会都非常合适！如果你钟意海南鸡饭，一定要嚟试吓！
继续阅读
食海南鸡饭大家通常期待嘅都系食到滑嫩、有鸡味、又唔会太肥嘅感觉-而舖头系真系做到呢种效果，一路食一路惊叹我自己都有朋友开海南鸡舖明白都要处理食物绝对唔简单所以都好欣赏店家嘅用心-再者叫埋肉骨茶简直就好似蕃茄同薯条一样嘅组合而且可以喺同一间舖头食呢一个组合真系唔使再拣右拣，可以一次过叫！-另外最后有啫喱甜品都几得意喺其他地方都冇㗎，我都钟意个汤有一种返屋企食饭嘅感觉并且如果我住喺附近，相信会成日自己煮嘢食，嫌麻烦就直接过嚟叫外卖🥡🥢
继续阅读