校長燒肉日韓料理 (大埔廣場)

营业中

休息中

今日突然之間好想食燒肉，近近地喺屋企附近揾好嘢食諗諗吓好耐無食過校長燒肉了，又係時候要去探一探店了😉坐低一陣我就出去攞嘢食，一如既往，佢哋嘅食物選擇實在太多，燒肉都有好多款，仲要係新鮮😄除咗燒肉之外，仲有好多日本魚生刺身同壽司！另外熟食區亦都有唔少嘅食物選擇，每一款味道都唔錯！佢仲有好多好多甜品同飲品任君選擇。最經典係飲得番兒時熱辣辣嘅維他奶❤️燒肉店來講佢都算係好多元化，下次唔知食乜好？唔使諗啦！一定係校長燒肉啦！

好耐無去,昨晚去幫襯一下，結果食物品質變了，食品又少了。加錢的刺身雖然是任食，但每一次拿的時候都是迷李版的😅,還有吞拿魚是有味道的（咸咸的）。燒烤的食物少了，我喜歡的雞軟骨沒有了，牛肉也少了，就只有辣味的，問員工是否有吾辣的，就只有肥牛，但肥牛的肉質是淺啡色的，好難食。之後再問員工是否還有肥牛，她在雪櫃內拿出一大舊放在我的碟上，但是冰的，限時兩小時能解凍嗎？還有蒸魚是凍的，是要自己燒烤才食的嗎？晚餐二百幾以為是因為想香港人留港消費才出這個價錢，原來結果是這樣，我諗短期內都不會再去，並希望店方會改善一下啦…😅

今日去咗大埔探表姐，剛好佢生日，全家去食燒肉放題慶生，叫埋我一齊去，校長燒肉日韓料理裝潢以軍營做主題，生日正日免費，當月全單九折。餐廳地方都好大，座位寬敞。餐廳放題食物全部係自助型式，在自助區放有燒烤和火鍋食物、刺身壽司、各種熟食、炸物和冷盤、沙律和中式點心、飲品和甜品，分門別類擺放整齊。每枱設有燒烤和火鍋爐，燒烤食品款式多又入味，火鍋配料亦有不少選擇，三文魚刺身新鮮肥美，赤蝦鮮甜。熟食款式會不停更新。其中甜品有雪糕機，軟雪糕非常滑溜，不會太甜。

上星期約班朋友去大埔食燒肉放題，決定盡情食個飽飽。這餐廳地點都幾方便，就在大埔廣場，大家都就腳。刺身種類都幾多，整體感覺新鮮，無限供應。我比較喜歡三文魚，油脂相間，都幾肥美，油香滿滿。帶子都唔錯，雖然不是很大，但爽甜有鮮味。燒肉種類相當多，豬、牛、羊、雞、魚，樣樣都有，牛扒燒起來好香，入口軟滑有口感，加些燒烤醬更美味。燒三文魚骨都好味，雖然說是骨，其實都好多肉，近骨的肉更嫩，吸收大量奧米加3，而且充滿油脂的香味。除燒烤還有不是熟食，真是應有盡有，有沙律前菜，蒸中式點心，壽司，炸物等等，要全部試晒真有一點困難，我覺得壽司幾好味，而且有不少款式。一邊燒烤可一方打邊爐，嫌烤肉太膩滯，可以食些青菜、菇菌解解滯，相當唔錯，而且火鍋生料都有好多選擇。甜品種類也多，各式奶凍雪糕都有，但我最喜歡自助甜品bar，自己調配，仙草、白涼粉好食，夠Q彈，加些奶更香滑美味。

我好想食燒肉，就約埋幾位好友一齊去大埔食燒肉放題，一於食番夠本，大吃一頓。這餐廳有好多卡座，坐得幾舒服，裝修都算時尚。燒肉種類十分多，各種肉類都有，還有不同的口味，我特別喜愛牛肉，燒牛扒好好味，一邊燒一邊聞到陣陣香味。秋刀魚都幾大條，燒起來好香，微帶甘苦味，好食。刺身都是任食，也有不少選擇，三文魚、吞拿魚、帶子、赤蝦...... 赤蝦都幾大隻，好新鮮，沒腥味。帶子都幾鮮甜，有口感，整體都幾新鮮。熟食選擇都多，不喜歡食生的，也沒問題，有點心、壽司、炸物、漬物等等。壽司都有好多款，我覺得幾好味，炸物都好香脆惹味。除了燒烤還可以食火鍋，食烤肉食得膩了，食些蔬菜可以解解油膩感，蔬菜都幾新鮮，入口爽甜，還可選擇其他火鍋生料，想食什麼食什麼。食完正餐，甜品肯定少不了，這裏的甜品都幾多樣化，有各種奶凍雪糕，還有一個甜品bar ，可以自己選自己喜歡的配搭，我比較愛吃仙草、白涼粉，爽口Q彈，不會甜，好食。

喜歡任飲任食嘅我，最喜歡一個價錢食到盡，今晚就係去了這間校長燒肉日韓料理，位置方便，地方闊落座位舒適，全自助，喜歡食什麼就可以到出面嘅自己吧取食物，分了唔會位置，有不同款式口味生肉，個人主打豬牛雞、羊、魚都有，熟食都有不同選擇，有菜有有肉，還有個刺身壽司吧，雖然口味款式唔算多，但勝在新鮮份量足，還有個即包手卷，選定食物就由店員即時製作，入口足料，而自助甜品，飲品櫃選擇絕對大滿足！除了可以在鐵板上燒外，還可以打埋邊爐，食物同樣在自助食物吧上取，點都可以滿足到不同需要！店員亦會幫忙更換鐵板上嘅牛油紙，所以放心可以慢慢燒，未到限時已經食到飽飽，最後加埋個即製雪糕，已經十分滿足！

呢間平民化自助燒肉店嘅款式都好多，佢哋環境好乾淨感覺好衛生，店舖設計夠特別，食物質素夠新鮮，員工服務態度非常良好，重點嚟喇超級抵食，最平$88食到飽真係不得了！仲有幾款套餐可以打埋邊爐，食埋魚生，啤酒飲任飲，啱曬成班friend團聚食飯。雪糕機，甜品款式眾多，小朋友嚟到一定好開心♥️值得35知己一齊試試

今日經過校長燒肉，見到拉咗塊大banner，原來校長燒肉crossover開咗間“花の戀西日餐廳”，即刻試下先。上到樓上左手邊係校長燒肉，右手邊係餐廳，一片花海🪻嘅設計，好適合情侶用餐👩‍❤️‍💋‍👨。餐牌內有西式同日式套餐，價錢極之親民。試下個卡邦尼溫泉蛋意粉，除咗個意粉套餐仲包咗一件蒜蓉包、餐湯同埋熱飲，講你都唔信，五十幾蚊包咁多嘢去邊度搵😝食物嚟到個賣相都幾靚仔，食落口意粉硬度適中，仲幾好味添😋蒜蓉多士嚟到仲有溫度㗎👍呢個價錢有呢個質素你真係估佢唔到。校長燒肉今次搞搞新意思真係幾有驚喜

性價比極高，職員有禮貌，壽司肉甜品都好好食，清酒梅酒啤酒又任飲，再次光顧體驗10分好，下次都會嚟食，極抵！！！職員連收醬油都會通知大家，last order都會話俾大家知，等大家有時間拎嘢食10分好，食物質素絕對對得住價錢，下次會再幫襯希望多啲香港人可以幫襯呢一間燒肉！絕對抵食，服務質素又高！

又進入冬季嘅時候就一定要食啲熱辣辣嘅嘢，又想燒嘢食但係又想打邊爐！今次就一定要食返夠本嘅！朋友話呢一間除咗抵食之外仲要都好多嘢食！我有甜品區、小食區、熟食區、沙律區冷盤、壽司吧、刺身部、仲要有糖水區、當然飲品區都唔少得啦！現場都有炸物提供！仲有仲有日本啤酒任飲！我哋今次食嘅套餐包埋刺身講嘅都係220一位有找！咁樣嘅食物真係幾抵！感覺都好回本！刺身方便最受歡迎一定係三文魚同埋吞拿魚、仲有穎攞刺身八爪魚墨魚、玉子同埋，赤蝦刺身！壽司就有芝士蝦，芝士三文魚，芝士蟹柳等等！我覺得最好食嘅莫過於佢個蒸魚腩、熟悉裏面我覺得質素最高！佢仲有熟悉嘅蔬菜同埋蒸排骨豆卜、仲有青紅蘿蔔湯！有時仲有限量嘅紅棗蟲草湯！當然唔可以錯過隔離有點心！燒賣蝦餃呢啲一定有！最後燒完肉就一定要打返個邊爐，最爽嘅就係呢度所有嘢都係任拎唔嬲！兩個鐘真係抵食又多選擇！最後再加碗黑糖冰粉糖水就真係好正！校長燒肉放題（大埔）大埔中心

最近同朋友去左食校長燒肉，食物種類勁多🤩🤩好有驚喜💎$198 成人(包剌身)6點後入座燒烤火鍋刺身自助餐勁豐富有各式美食佢哋嘅燒肉選擇真係多到令我眼花繚亂有牛肉、豬肉、雞肉仲有新鮮海鮮我特別中意佢哋五花肉🫶🏻肉質鮮嫩，油花分佈得宜烤出嚟香氣四溢，真係令人無法抗拒！🔥而講到佢哋嘅火鍋，湯底選擇豐富，有清湯、麻辣等多款，煮出來嘅湯底鮮美無比🤩.再來就係沙律吧，各種新鮮蔬菜讓人選擇，特別脆爽，配上和風沙律醬，讓我嘗到另一種清新菜香味，真係開胃又健康！🥗.而在自助區，有脆皮腸、雞翼等小食，脆皮腸外脆內嫩，雞翼又香又嫩，豚肉片更是肥瘦適中，每一口都充滿濃郁嘅肉味，🥹而墨魚丸彈牙爽滑，好似隨時可以感受到海洋的氣息。.最後，唔可以唔提佢哋的刺身，每片魚肉切得厚實，三文魚每一口都有濃厚的海鮮鮮味，搭配上醬油同芥末，簡直係享受！🌊

某日經過大埔廣場見到校長燒肉外面有長長的人龍，睇吓Menu原來有留港消費終極大優惠！燒肉火鍋自助餐，升級埋刺身，兩小時任食，一啲都唔貴。我唔會長途跋涉返深圳食晚飯啦。大埔校長燒肉室內裝修充滿韓國色彩，地方都幾大，分咗幾個唔同區域，卡位坐得舒服，特別多一家大細同埋朋友嘅聚會。壽司和刺身新鮮度優質的壽司和刺身，口感和味道正常發揮。乾淨、衛生是重要的。刺身每次可以攞三款，最喜歡大大隻牡丹蝦、吞拿魚、希靈魚。 壽司種類多樣，擺盤美觀。加州卷、握壽司、醋味和口感均衡。還有日式小食、沙律等等。點心小食、熱食喜歡吃炸物、小食香口，中式熱食、點心，都好受歡迎。燒烤肉類超級多的選擇，我最鍾意食牛肉，雪花肥牛，肉質鮮嫩。豬肉包括五花肉、豬扒等，適合燒烤或火鍋。羊肉，我見到有羊肉片，適合火鍋提升鮮味。雞肉如雞翼和雞扒，腸仔，口感Q彈。火鍋底料通常有清湯，配料多種選擇。生菜清爽可口，香菇、豆腐，火鍋醬料可以根據個人口味調配，各種丸類增加火鍋的風味。調味醬汁、花茶燒肉火鍋都有不同特色調味醬汁，提升鮮味，熱飲仲可以自己配搭花茶，去油膩。甜品區甜筒、雪條仲有軟雪糕，大埔名物～冰菠蘿同埋冰西瓜，香甜好味。飲品多種口

今日同朋友去食燒肉放題，呢間餐廳係朋友推介嘅一間餐廳，因為性價比好高，食物款式好多。今日係平咗，所以我哋唔使特別排隊，就入到去。我哋揀咗一個$198嘅餐，呢個價錢已經可以食燒肉同埋打邊爐，仲可以無限食刺身同壽司，超抵食。呢度嘅食物款式都好多，有中菜熟食，甜品，熱既小食，連燉湯都有。仲有分開打邊爐區同埋燒肉區，配料選擇都幾多，甜品方面有勁多雪糕可以揀😍😍店員換燒肉紙嘅速度好快，完全唔驚燒燶，又會好勤力地幫我哋碗碟，放題餐廳來講服務算係一流👍👍👍呢度嘅雞翼超級出色，我一個人已經食咗六隻，仲有分咖喱味同埋蒜香味😎壽司方面選擇都好多，而且全部都細細舊，唔算好多飯，食吓食吓食咗好多舊😂燒到咁上下有啲滯，就可以轉打邊爐，湯底亦都有幾款選擇，自己自製左一個日式鍋，好正😍😍呢一間餐廳不論食物款式同埋性價比都超高，會下次繼續講朋友嚟👍

晚市$108兩小時任飲任食燒肉+火鍋?! 生啤都任飲！-燒肉同火鍋配料種類都幾多 ，唔同醃料嘅牛肉、雞肉、豬肉、魚、蔬菜類、丸類、餃子等，仲會不停refill！自助區有各款壽司🍣，加$40仲有刺身任食！熟食除咗有熱盤，亦有一盅兩件點心、碗仔翅、茶葉蛋、炸物等，選擇勁多🤣.除咗燒烤，$108仲包埋打邊爐，有日式豬骨湯/日式清湯/壽喜燒湯，加肥牛、肉丸淥吓就得😬甜品方面最特別係有自助冰粉同唧雪糕，再加唔同配料～生啤、清酒、梅酒、啤酒都係任飲！.呢個價錢當然唔期望會有啲超高質素嘅食材啦，但呢度嘅選擇豐富，整體嚟講性價比極高，$108食到兩個鐘嘅燒烤+火鍋真係抵到爛，飲多幾杯生啤都回本😚.成人價錢參考(兩小時)7:00pm前離座/8:45pm後入座$1086:00後入座$158最平嘅下午茶係下午1:45入座$88 *任食刺身另加$40*另收加一服務費

如果你正在尋找一個高性價比、可以同時享受火鍋和燒烤的地方，大埔「校長燒肉」絕對值得一試。上次我在晚上七點左右到達，餐廳內已經坐滿了人，氣氛熱鬧。以每位約兩百多元的價錢，竟然可以享受到如此豐富的美食選擇，真的是物超所值首先，這裡的餐點選擇非常多元化。日式食品方面，有新鮮的魚生、壽司和刺身，種類繁多，且品質優良。刺身的魚肉切得厚實，入口鮮甜，完全不像一般任食餐廳的水平。除了日式料理，這裡還有各式各樣的中式點心和燉湯。燉湯的用料非常足，每盅都有滿滿的湯料，喝起來滋補又滿足!這裡的火鍋和燒烤配料選擇同樣豐富，超過30款以上，無論你是想燒烤還是打邊爐，都能找到自己喜歡的食材。如果你怕燒烤太單調，可以選擇邊燒烤邊打邊爐，兩者結合，豐富了整個用餐體驗。飲品方面，這裡的安排也非常有誠意。除了常見的汽水可以無限暢飲外，啤酒和清酒同樣是任飲的，這對於喜歡小酌的朋友來說絕對是個驚喜。單是飲品的部分，已經值回票價。用餐最後，甜品也是一大亮點。甜品櫃裡的選擇多到令人目不暇給，像豆腐花、芝士餅和奶凍等多種甜品，讓人可以在飽餐之餘，盡情享用各式甜點。