影片
💰人均98蚊，物价重回黄金年代！** 午市还可以吃足180分钟！第一轮头盘会上一次！不收费ge！10+款港式点心任食虾饺皇、叉烧包、烧卖、凤爪、桂花糕现点现蒸「港式鸡煲」与「火锅放题」可以同时享受啫啫鸡煲镬气十足，秘制汁裹满鲜嫩鸡肉，好送饭！🍹1L巨杯水果茶每桌赠送**1升装爆柠四季春水果茶**酸甜解腻，果香四溢，搭配热辣鸡煲和火锅，冰火两重天！ 各种🍮甜品、饮料、火锅料任食！🎞️怀旧氛围拉满，港式大排档装修！
继续阅读
校友会鸡煲一个特别的名字，的确会给引人注意，既然叫自己做校友会鸡煲，我就睇吓食完之后，有冇校友会聚会的温馨感觉吧！首先，个场四四正正，色彩斑斓，座位好舒适，坐低倾偈同食嘢，都即刻令你好有feel！校友聚餐，都系要揾一个抵食夹大件嘅场，咁校友会鸡煲就真系满足到呢个要求，宣传单张都大大只字写住晚市鸡煲，点心火锅任食，都系$128起，我星期日晚去，六点入座，连埋加一都唔使$200，边度揾先？仲要开始时，送第一套原本追加要收钱嘅食物嚟试吓：海虾，鲜虾云吞，鲮鱼滑，牛肉滑，芝心蟹柳，牛板腱，紫菜响铃卷，仲有大大杯水果茶，真系头一圈都已经打爆咗个胃咁济啦，哈哈！鸡煲本身系任食㗎，个鸡煲酱调得好好，我哋选微辣，已经系好刺激味蕾，鸡肉刚刚好非常嫩滑，鸡煲起码要有呢个水准先至赞得落！一边食鸡煲，一边饮水果茶，食水果茶里面各样不同的水果，辣一下冰凉一下，十分滋味点心十几款，样样都点嚟食，最钟意食虾饺烧卖同炸馒头啦！以前假期成班同学打完波都去饮茶，校友会呢个名令我想起好多美丽回忆火锅配料几十样，我就话最正有鸡子，台式一口肠，陈皮鱼蛋，鱼片头呢啲，唔系间间都有齐啰，仲有肥牛片，鸭血，炸鱼皮等，最想食都有齐呀！除咗杯水果茶，又有不同嘅任饮饮品，啤酒汔水椰汁样样有，精致嘅甜品都系任食，绝对有读书时食极都唔停嘅感觉，真系要揾齐成班同学，，再嚟搞个校友会大聚会呀！
继续阅读
一直都好钟意食呢间校长烧肉，因为佢又平又抵食，食物款式有好多。最近元朗嘅朋友介绍，原来呢度开咗间校友会鸡煲，咁就梗系要来试吓啦。呢度嘅价钱好平，但系种类好多，而且环境全部都系卡位，坐落真系好舒服。一上枱，就俾咗个幸运转盘我哋，好适合打卡，转盘上面有好多唔同种类嘅食物，可以少少咁试吓，如果好食嘅话就可以再加单。就认为转盘上面嘅鸡翼尖最好食，调味啱啱好，有少少辣辣地越食越开胃。朋友唔系太食得辣，所以我哋叫咗个中辣嘅鸡煲。鸡煲一揭盖就非常香，而且鸡肉食落好嫩滑，少少辣嘅调味令鸡肉更加香口。而且仲有点心任食，我觉得佢嘅烧卖好出色，比平时酒楼嘅更加好食。咁平嘅价钱又有火锅又有点心又有鸡煲真系好抵食。呢度竟然仲有罐装啤酒任饮，真系啱晒一大班朋友倾偈饮酒聚会啊。
继续阅读
来之前惊中伏，食完之后可以出攻略。今日来呢间鸡煲，睇在够抵食来嘅。我地星期六晏昼来食，7点前埋单就128（星期六加10蚊）。好耐无食过甘抵嘅鸡煲，重点系放题。一入座就一人一杯超大水果茶，巨无霸咁大杯，哈哈觉得几好饮。幸运转盘摆满佐配搭嘅前菜，有牛肉有虾有饺有响铃等等，份量够晒多啦，不过个转盘有滴阻地方哈哈。鸡煲食完一round竟然仲可以追加鸡，点心、小食、饮料、甜品任食，呢个价可以做到真系良心。最后攻略，午市（11:30-16:30）放题一个半钟更抵食，98蚊。呢啲时间可以来食就更加抵食啦。
继续阅读
上星期二姑姐突然话好想食鸡煲，咁收工近近去元朗啦成人鸡煲放题$336/2位，价钱经济实惠，食完鸡煲打边炉，又有点心食一坐低先奉上一人一杯1L水果茶好大杯…..百香果味十分突出，仲有橙、西瓜、菠萝系入面，色彩缤纷鸡煲要左小辣，店员话3分钟就食得，份量十足，鸡件嫰滑，非常入味汤底系自助区可以拎，食到差不多可以自己加汤开始打边炉除左水果茶外，仲有八小碟头盘，包括有：紫菜响钤卷 ~ 口感不错巨人竹轮卷 ~ 真系好大条，一人半条都好长珍宝大蟹棒 ~ 好似筷子咁长，好满足菜肉饺子 ~ 满满馅粒，十分饱满鲜虾云吞 ~ 鲜虾味突出，十分爽口牛板腱 ~ 油花分布平均，肉质嫰滑海虾 ~ 好大只，肉质厚实牛肉滑 ~ 几特别比较少见，牛味浓郁鲮鱼滑 ~ 好似食紧生菜鱼肉咁，姑姐都话钟意泡菜 ~ 就咁食比较重口味，建议配搭牛肉一齐食腌萝卜 ~ 呢个几欣赏，唔会好酸，比例刚好，口感爽脆食完八小碟唔系几够喉另外再加美国肥牛 ~ 唔算太肥，唔错黑毛豚肉片 ~ 好大块，都几滑炸鱼皮 ~ 脆卜卜，浸唔浸汤都几好食台式一口肠 ~ 好cute一口一啖食左咁多肉，要食番d蔬菜平衡番蒿荀、淮山、豆腐 & 玉子豆腐点心：怀旧烧卖 ~ 馅料丰富椰汁兔仔糕 ~ 好残忍要食兔兔，不得不说真系几唔错，encore第二转桂花糕 ~ 同平时既有d唔同，呢款比较有咬口自助甜品：冰花大菜糕＆黑加仑子啫喱自助区有调味料、清汤、饮品＆甜品自取，唔错下次可以试下隔离既烧肉
继续阅读