柴火日食幹線 (已結業)

真係冇辦法，實在太愛食宇治金時刨冰啦，我諗而家真係我最愛嘅甜品來呀，涼粉都要行埋一邊。其實本來都冇諗過又去食嘅，不過咁啱又約咗好友去睇戲，冇理由又要就我去Starbucks架，咪問好友去唔去試吓呢間「柴火」囉，咁佢又肯咯，我就唔客氣又去食冰啦，咁講真呢，我真係可以齋食冰就可以當一餐架，不過同好友食飯就唔好叫得咁齋啫，哈哈哈。可能係平日吧，差唔多７點來到只有一枱客，我地坐低冇耐就可以點餸喇。﹣宇治金時刨冰 ($34)﹣炸雞軟骨（$20）﹣蜜糖芥末番茄沙律 ($20):)﹣豬軟骨定食 ($44)﹣芝士焗西蘭花（$20）:)= $138以上食品呢，刨冰同番茄沙律我都曾叫過的，兩款我都覺得比上一次的好食，連賣相都好Ｄ添，我就覺得係因為上次我來時係星期六，人手唔夠所以差了點，今次就好得多了。另外好友點咗個＜豬軟骨定食＞，嘩吓~~又估唔到呢個價錢的份量都咁足喎，我食咗係中間果Ｄ泡菜幾爽口，也食了點豬軟骨，真係幾腍，仲以為會好肥添，原來唔係喎。＜炸雞軟骨＞炸得香口唔油膩又有咬口，幾好食吖。最後上枱的＜芝士焗西蘭花＞賣相都幾靚仔，熱辣辣幾香，由５大棵西蘭花包圍著中間的少少煙肉同日本菇同薯仔，芝士汁味唔濃，起碼食完唔好覺膩，幾好又抵食。…查看更多

今天約了F君午餐，他選擇了在他公司附近新開的「柴火」，據聞是麻布茶房的舊人打骰。中午大約一點半來到只有三至四成的客人，看這裡是摩登日式裝修，但仔細觀察還可以發現裝修有許多倉促趕工的瑕疵。兩人各自點了套餐另外加了一個溫泉蛋凱撒沙律。他點的是「靜崗煮牛肋肉拉麵」套餐配頭盤沙律，這隨餐頭盤單調無味，我們不約而同的撿了昆布及蕃茄吃，剩下無味的生菜絲；兩人無奈的搖頭。 牛肋肉拉麵來了，F君望著那碗清湯試了一口，吃一口牛肋肉再吃一口拉麵；搖了搖頭望著我意思是問我想不想試，我看看那湯表示沒有興趣。跟著我的香辣湯叉燒拉麵來了，湯頭普通也不覺得香辣，拉麵只是一般。看看那叉燒切的薄薄吃下又沒什麼味道，吃完這麵也只有搖頭。溫泉蛋凱撒沙律來了，F君吃了一口說溫泉蛋是凍的，我試了一口沙律發現原來不是凱撒汁；味道令人再次搖頭。 兩杯餐飲普通，在喝咖啡時與F君談起當年某茶餐廳的治理名言「今天工作不努力，明日努力搵工做」如今這茶餐廳已是餐飲巨人，成績是當年全體仝人上下齊心的努力成果。話說回來如果這店繼續這樣的出品，我想幾難不步麻布茶房的後塵。埋了單起身出門口之際，聽到女服務員與同事間的對話「…今日的沙律..人客又唔食…」只有再搖頭。…查看更多

從新聞得知，柴火的話事人都係前麻布茶房的人，所以食物歀式、質素都差不多，但價錢較麻布平少少，抵食好多。這個鐵板海鮮芝士雜錦燒烏龍麵是新菜式，專登試試，熱辣辣上枱，好美味！，但份量略為少了一點。這個蛋包飯同以前麻布的差不多，沒有什麼驚喜，但有種親切感，仍能保持水準，好食！甜品方面，鍾意日式抺茶甜品，所以點了這個抹茶布甸，好香好滑！如果上面的雪糕改用抹茶味就更perfect啦！不過，柴火的店舖位置遠離旺角巿中心，找了很久才找到，可能偏遠d租金平d，先可以比以前平啦。佢新張期免收加一，不過唔知至到幾時呢！…查看更多

自《麻布茶房》執笠後，每次見到抹茶、紅豆就會令我好想起宇治金時刨冰...好想食呀.....！就係執笠後兩三個月，上網時睇到有間叫《柴火日食幹線》日式西餐廳，而佢的總廚係《麻布茶房》做過，而家出來開間《柴火日食幹線》喎，最主要係比我見到有宇治金時刨冰呀！！嘩~即時覺得要搵日去試吓先啦。是晚去到餐廳門口睇吓Menu除咗我最愛的冰外仲有乜野食先決定入唔入內，我同朋友睇落都ＯＫ嘅，去試吓啦。呢晚我地1935去到，已經爆哂，我地都等咗約１０多分鐘先有位，環境都算不錯，雖然地方唔大但都唔會覺得好迫，可能樓底夠高吧！當我地入座睇吓食乜再叫菜等食物上枱，我眼見樓面只有２個男生做野，名符其實一腳踢！雖然２人忙於招呼所有客人，但態度仲好好，冇黑面嘅，抵讚。Menu上都有好多選擇，睇價錢仲好平添，咁當然要食過先知質素如何啦，點菜後約５分鐘，各樣食物陸續上枱，只係覺得奇怪最先上枱的係蛋包飯？本來跟餐的沙律係我地食到尾聲都字來，一問之下先話冇哂"芝麻凍菠菜"，叫我地係Menu小食區揀過另外一款代替，又幾好喎，因為貴Ｄ。..XD都唔知係我地食得快定食物上枱又快，唔使一個鐘就食哂可埋單啦，原來新張期內冇加一添，食到飽飽又有我最愛的刨冰食，只要$172，抵喎，雖然食物質素就唔係話好好架喇，但都可接受，即係可叫做物有所值啦。有機會都可以再去食過，只希望佢可維持下去，質素再好Ｄ，唔好執笠。﹣一人餐：沙律+湯+飯+飲品 ($98)　芝麻凍菠菜+羅宋湯+咖喱雞柳奶油蛋包飯+青蘋果蘆薈薄荷多多﹣宇治金時刨冰 ($34)﹣蜜糖芥末番茄沙律 ($20)﹣蒟蒻炒雜菜（$20）= $172＜羅宋湯＞估唔到咁足料，只是偏稀，都幾好飲。＜咖喱雞柳奶油蛋包飯＞賣相幾靚仔，份量都幾多，雞柳上面的是白汁，好滑！蛋也滑，但唔熱嘅，尚可啦；最奇的係白飯都唔熱嘅？好在係用上日本米，有咬口。最可惜係個咖喱汁，唔似自家煮的，味道似係吉之島買一盒盒整出來的汁，冇咖喱味，仲幾甜添。＜宇治金時刨冰＞終於等到喇，對佢幾大期望架，好彩都唔會失望。呢個刨冰上的係綠茶雪糕球，唔似《麻布茶房》用軟雪糕，可惜呢個綠茶雪糕奶味過重，好奶，綠茶味只漸好少；紅豆份量同麻布同樣的多，係冰側邊同碗底都有，雖然紅豆味唔太突出，最緊要唔會好甜，而質感都啱啱好。抹茶味濃冇加糖都又唔會苦，真係原汁原味，係我最鍾意嘅！！呢杯仲只雖$34唔使加一添，成餐最抵食呀！！＜蜜糖芥末蕃茄沙律＞:)雖然群鍾意食沙律汁，但知道係完隻蕃茄所以想食，不過來到就有Ｄ失望，雖則$20好抵，可是蕃茄竟然冇蕃茄味喎，奇！蜜糖同芥末味都極之淡，只可說蕃茄都新鮮囉，出街食得廿蚊算啦，鬼叫自己鍾意食蕃茄。＜蒟蒻炒雜菜＞:)用鐵板上枱熱辣辣眼觀好好，不過油咗Ｄ，份量一般，味道尚可啦，略嫌咸咗ＤＤ。＜青蘋果蘆薈薄荷多多＞好奇怪，有Ｄ青蘋果味少少薄荷味，多多唔知係乜來？杯野都幾甜.....麻麻啦。…查看更多

星期六無煮飯，一家三口出街搵食先!!老公知我鍾意食日本野同綠茶甜品，特意係 openrice search 到呢間新開的餐廳，見到有食家講呢到的總廚係前麻布茶坊的廚師，一聽到已經被呢到嘅甜品深深吸引住，地點又近我地，一於帶埋囡囡去試下啦~~~地點未算太就腳，但近油麻地地鐡站都好易搵到。我地7:00左右到達，見門外有位女待應派$10 coupon，個心鬼咁歡喜(有得平$10，kekeke)入到去唔算好大，滿有日本色彩的裝潢，呢個鐘數餐廳只有3枱食客，場面比較冷清，但靜靜地食返餐飯都唔錯吖~ 我地慢慢睇餐牌揀食物，好彩呢到的待應無催我地落order，問佢地野都好有禮貌答，最怕俾人催生催勢，想慢慢睇唔唔得!!柚子椰果梳打唔夠凍，要問佢攞杯冰加入去，味道是ok的，只是隻杯幾得意日式餃子味道ok，但勝在夠熱咖哩豚肉蛋包飯呢個蛋包飯唔錯，日式咖哩汁幾香，食落唔會覺得辣，多汁多餸，分量ok，仲跟個湯同小碟前菜海鮮芝士雜錦鳥龍麵烏龍麵個名好似幾特別，但其實只係烏冬? 用鐡板上熱辣辣的，面上加上木魚紫菜，近是大板燒的味道，但海鮮不多，印象中好似$5x，一試無妨到了我最最最期待的甜品時候，在雪糕芭菲同刨冰兩者中，最終也選擇了芭菲!!綠茶布甸雪糕芭菲size唔算好大，兩個人吃剛剛好有綠茶同雲哩拿雪糕，兩粒丸子，紅豆，綠荼布甸，生果，栗米片，cream 等，口感豐富，好似$3x，都算抵食吖，滿足到呢個綠茶怪魔嘅要求~最後用埋$10 coupon賣單，兩個人都唔駛$200，係而家食乜都貴的生活下算係咁架啦!!…查看更多

宵夜套餐，叫左個麵，普通，唔難食加左 $10 要埋個忌廉磨菇湯，個湯鹹到呢跟餐汽水係汽水機GE 汽水，呢個都係預左。另外叫左份雞軟骨，還可以，不過如果無左面果層七咪粉，會係無味的。最後叫左個抹茶雪糕班 CAKE …也是很普通…不吸引食過一次就夠了。…查看更多

主打日本菜如焗咖哩雞飯, 拉麵和日式甜品的柴火，真教我想起麻布茶坊. 那裝潢和食品, 是有一點像吧! 餐廳設有一部電視,播影日本的節目. 是日來到柴火，這位於旺角的小小店，下午茶時間人流少，不用等位，我就是來試一下甜品。有人說女人有一個胃用來裝甜品的，我十分同意，尤其是夏天，真是吃鮮果甜品的好季節。 這兒服務不錯, 坐下不久,侍者即逄上熱茶.看看餐牌, 午市套餐包埋沙拉都係三十八元, 也不算貴尼! 就讓我立刻來一個鮮果芭菲吧! 鮮果芭菲的鮮果是西瓜,蜜瓜和芒果, 色彩繽紛的水果下面放著兩個雪糕球，一個是士多啤利味道雪糕，當中帶有一點雲呢拿味，配埋西瓜或蜜瓜等一齊吃實在不錯！芒果也新鮮,此道甜品絶不飽滯! 一些玉米片也香脆,原來最下面有一些忌廉，滑滑的很不錯。夏日炎炎, 本人吃這健康的芭菲甚是滋味。…查看更多

焗咖哩雞飯是三款食食中最正! 味道夠濃滑蛋豬飯不過不失, 洋䓤多點便好了蜜糖介抺番茄沙律比想像中要少, 食不出有蜜糖味, 總算不錯. 廿幾蚊了點人流少不用等位, 對食客言不錯的聚腳點! 還有𠔏他甜品, 下次一定要試!…查看更多

like magazine的免費食品，我覺得幾好味的，上面有兩個雪糕球，士多啤利有雲呢拿味，不過我覺得好難食得出，因為我係配埋其他生果一齊食，所以有時食到其他生果味，雪糕好好味！平時我唔中意士多啤利味的雪糕，因為覺得味道太假了，但呢個又不錯喎，同埋配合生果食係會好味d原來最下面有布甸，滑滑的很不錯，我覺得成杯野比我的感覺都很不錯，好好味同埋配搭很好。…查看更多

閱雜誌看到這日本西餐廳的總廚是前身‘麻布茶房’，　我點了他們的招牌菜：　咖喱雞柳奶油蛋包飯＋甜品‘巴巴羅亞’上菜的時間都好快手服務員的態度都不錯賣相不錯，份量也足夠，雞柳上面的白色是白汁，好香滑！蛋包的白飯是日本米，煮得合度剛剛好。可惜的是，食得出雞柳有雪藏味，最大問題是咖喱有咖喱煮，雞有雞煮，雞件完全沒有咖喱味，這點看出師傳太懶了！本應我想點鮮果芭菲，但店子未有軟雪糕機。這個甜品第一次食，生果多少少就好喇！綠色是綠茶布甸，用勺子筆落去時的感覺硬了不點，我估他們放魚膠粉多咗，綠茶味道沒有問題。布甸底有紅豆蓉，配上綠茶來吃，是絕配！只可惜布甸不夠幼滑。…查看更多

早前有團購優惠$1宇治金時，不過買唔到，但都好想黎試一試，於是download左張甜品八折券，黎開展我地 " 周圍食宇治金時第二站 " 我地未夠七點黎到，唔多客，有張四人枱坐，青綠色嘅枱，好靚=] 新張期內免收加一，不過有啲野食o係 menu 但未有得賣嘅 , 我地叫左一個小食兩個主菜一杯飲品兩個甜品 , 都係 $ 200 , 幾抵喎1. 芝士焗西蘭花~ 一上枱就聞到好香喇，佢唔止有西蘭花，仲有薯仔，少少煙肉同日本菇，芝士汁都整得幾好味2. 辛味豚肉冷烏龍面~ 烏龍面口感幾好 , 幾煙軔 , 配芝麻沙律汁 , 稀左少少 , 不過都夠味辛味豚肉係好輕微o既辣 , 份量頗多 , 撈落個芝麻汁度食都幾夾唔使成日都係食雞絲咁普通 , 配料有 d 生洋蔥同海苔 , 唔錯 =)呢個面另外跟一碗仔好似醬油味o既湯 ... 好咸的 ,仲有細細碟前菜 , 凍食o既木耳絲 , 好似電油味咁 ... ><"3, 海鮮芝士雜錦燒烏龍面~ 熱食o既烏龍面顧然係比較淋身 , 不過比起平時燒餅o個 d 面粉呢個夾住烏龍面都幾特別 , 上下層都好多雞蛋 , 反而醬汁唔多 , 裏面有椰菜絲甘筍絲 , 無乜芝士 , 海鮮就只有兩粒蝦仁同一片魷魚4. 柚子椰果梳打~ 意料之內o既味道 , 柚子肉同椰果都好多 , 飲晒 d 梳打之後加埋杯綠茶落去 , 問 waitress 拎杯冰又可以飲多杯柚子綠茶 , 好抵 !! 希望唔係淨係新張期內先咁足料 xp5. 宇治金時刨冰~ 呢個係我地黎o既主要目的 , 但往往希望越大 ...... 失望都較大其實佢唔係唔好食o既 , 不過同我地食開o既有 d 唔同佢係用一 d 好濃o既抺茶淋o係刨冰度 , 再自己加糖水落去食雪糕球好細粒 , 紅豆唔好味 .... 睇相都見到佢 d 豆好溶 , 好似壓扁左咁可能因為唔夠雪糕同紅豆唔夠甜 , 所以成碗冰都苦苦地 ...食到落底先開始有返 d 甜味 , 或者我早 d 拎多少少糖水會好 d 掛6 . 抹茶布甸芭菲~ 由於店員話未有軟雪糕賣 , 所以比多球香草雪糕頂上 ...同樣地係得好細好細球 , 抹茶布甸好滑 , 撈埋 d 粟米片食都幾正另外仲有幾片生果同三粒丸子 , 丸子唔係用糖水煮 ? 無味道的 @@"## 總括黎講都幾滿意呢一餐 , 希望下次黎食會有多 d 選擇今日本身想叫o既五色梅子冷烏龍面未有得賣 ... 過多幾個月再黎 , 睇下有冇得叫先 =)…查看更多