柳和亭 (已結業)

嗌咗兩人套餐已經係$396，套餐只不過係有兩杯嘢飲同埋一個意粉同埋一個烏冬，份量超級少，意粉超級硬非常難食，另外額外包咗$3麵包同埋四吋串燒，咁樣已經要差唔多埋單四百幾蚊。話就係話免費，但係係要規定咗邊個套餐超級唔抵食完全唔推介所以我都明白點解會執笠。你普通一個午膳套餐都係60 ， $70，就係因為要畫碟，所以要規定叫套餐已經好唔合理，你應該一早就要同人哋講清楚。。。

最近同朋友去咗一間位於大角咀嘅串燒店，環境熱鬧，滿滿日式居酒屋feel，燈光微暗，啱晒三五知己聚會！🔥環境同服務都好有特色，仲有靚到爆嘅畫碟🌟🌟🌟！ 店員態度親切，笑容滿面，點單好有效率！不過好可惜就快結業🥹🥹🥹

喺大角咀小巷內嘅柳和亭，係一間令人驚喜嘅日式餐廳！今次特登試咗佢哋嘅火灸鰻魚飯同日式叉燒豚腩飯，味道同質素都令人滿意。鰻魚飯真材實料，鰻魚經火灸後香氣四溢，肉質軟滑入口即化，配上微甜嘅醬汁，惹味非常。份量充足，配菜清新，平衡咗整體口感。叉燒豚腩飯同樣出色，豚腩肥瘦適中，炆得軟腍入味，醬汁濃郁卻不膩，入口後肉香四溢，令人回味。配菜嘅小份沙律爽脆，解膩一流。套餐仲包前菜同飲品！餐廳環境溫馨，燈光柔和，坐得舒服，擺盤亦好有心思，睇得出店家嘅用心。服務員態度親切，落單同上菜都好有效率，令人感覺賓至如歸。喺呢區競爭激烈嘅餐飲環境下，希望佢哋繼續保持質素，喺大角咀闖出名堂！

舖頭唔大，但好精緻，味道幾好竟然仲有串燒，味道唔錯，價錢唔貴。最平$10都有交易，仲有意大利飯我哋就叫咗個海鮮意大利飯原來仲有得加底，大家可以自由配搭仲可以叫套餐，正！

之前已經諗住試晒大角咀所有餐廳，咁啱星期五夜晚自己一個去大角咀覓食，去咗之前想試好耐既日式餐廳。叫咗個一人餐，d串燒幾入味，尤其係鹽燒🥹🥹，不過相對dry左少少，但係個炒飯真係好食😭杯野飲都好大杯🫰🏻

主打西日式料理及串燒，串燒最需＄10起‼️店長還很有愛心💕，會定期派飯100份給公公婆婆🥰畫碟服務亦是免費的，要提前預訂及交圖畫✍🏻店主超細心，連相的背景也畫埋，加上超自然的顏色，令人嘆為觀止😍2025還推出多款套餐，包括一人之境、滋味二人前、酒中有故事等，適合不同客人！ 我點的一人之境，可選醬汁滿滿，香濃幼滑的黑松露野菌意大利粉，還可選4串串燒，即叫即燒，豬頸肉爽彈，雞皮香脆、翠肉瓜多汁爽甜…..

今天路過大角咀，原本想幫袖那個，不過見到條好長好長的人龍，即時轉軚行遠D搵野食。自從有很多新屋苑於大角咀落成，附近就開了很多新的食肆，當中競爭劇烈，汰弱留強。最後選了柳和亭，算是支持新開的小店吧！午餐的選擇算多，除了門口餐牌的餐單外，在 apps內還有很多不同的選擇，當然那些其他菜式都要額外加錢！叫了拉面和鰻魚飯，附送的飲品和前菜很多便到來。主菜稍後亦到來，外觀算是靠譜，味道即一般！餃子有不同的味道算是有心思，但面條未熟透！鰻魚算足料，但飯就明顯不是珍珠米。由於份量不大，價錢亦不平，在這區競爭不易，希望他們可以從味道下點苦工，靠囗碑吧！

響大角咀發現咗呢間慈善愛心小店，響度食嘢嘅消費都係會捐俾長者有健康飯盒食，所以都想支持支持嘢食方面都好有心思，先黎一杯H.H Don't say LOVE to me $48,chill 一chill, 主食揀左期間限定既秘製辛辣湯拉麵日式叉燒豚腩SPECIAL SPICY RAMEN J.P. PORK BELLY$82 , 湯底夠辣夠惹味，仲配左2個小食，必點牛舌芯$38 同埋汁燒鰻魚 $16仲有最特別嘅係呢度有一個好用心嘅畫碟甜品，記得預先訂位，畫得好靚，好值得紀念日黎

今日過左大角咀有野做，做完約左朋友黎食下午茶，叫左一份tea set，一份lunch set仲加兩串串燒明太子雞脾肉明太子帆立貝🌟🌟必點，兩串都燒得好香，毫不吝嗇嘅明太子醬佈滿串燒，雞脾肉燒得好juicy，帆立貝裙邊好脆口😝迷你鰻魚丼飯，tea set黎講份量都唔少，仲有半條汁燒鰻魚，面上好多木魚碎，鰻魚燒得好香，一口鰻魚一口飯🥰午市套餐Lunch Set汁燒雞排丼.手打烏冬Lunch set套餐還有個中華沙律，汁燒雞扒燒得金黃，炭燒味勁香，雞扒切開都有5件，份量都頗多Lunch / Tea 均贈送細杯果汁，我地就揀左菠蘿汁，甜甜酸酸好開胃！ 晚店仲有多款調酒，啤酒🍻食番幾串串燒，飲番杯chill下！另外，餐廳🍴仲有畫碟服務，店家就畫左我兩隻🐢🐢新年福相，真係勁似，好可愛，不停打卡📸絕對適合生日，約會，慶祝紀念過黎俾對方一個surprise 🥰

放假想relax下就去左附近呢間日式小店食晏嘆下啤酒🍻餐廳價錢好大眾化😊午市套餐65蚊起款式選擇都多😄我叫左日式叉燒豚腩轉手打烏冬😊 叉燒豚腩食落軟淋😊味道剛好不咸不淡配料有粟米粒及日本魚片🥳跟餐仲可以加 $48 轉日本三得利啤酒🍻大大杯可以慢慢嘆真心正😊飲啤酒就離唔開串燒🫢有個小爐暖住保持一定溫度👍🍢尚枝煙腩卷以半肥瘦腩片卷住清甜荔枝肉🥰入口juice又香口☺️🍢醬燒墨魚咀口感彈牙帶墨魚香😋如果適逢特別節日仲可以要求餐廳係甜品碟畫畫🎨店主畫功真係幾靚架🤩真係好有儀式感😍

是日夜晚第一次去大角咀 (是的, 人生沒去過大角咀),朋友推介這間小型日式居酒屋, 店舖間隔試正, 店主亦都非常有禮照顧周到,開瓶費也算不很貴, 我們自帶了三枝清酒, 酒杯等也幫忙雪了及取出, 非常感謝!上菜時間也剛好, 桌上有小爐烤串燒用,另外有一個用心的廚師, 會為客人來圖繪製生日禮碟, 配上一件一口的小型蛋糕及蠟燭,非常仔細及細心! 用色講究而且有畫畫的深淺、遠近等的配合, 不是把醬料塗上去就算了,我看過這麼多繪碟, 這一次真的大開眼界, 甚至想課金叫老闆把碟賣給我, 不要洗掉好了 (比卡超很可愛呀食物圖就不逐一介紹了, 我們一行四人吃了十多款食物, 也如圖中所示, 都是即叫即做,食物溫度、味道也是剛好, 叫辣的味道也不會太重, 所以不吃辣的也可以安心食用就是。

佢多串燒$10 起，仲有飯/ 麵/ 烏冬拉麵$65起，最吸引係生日係可以寫碟服務!我吃左以下串燒呢鹽燒雞皮串：這道美食將雞皮用鹽烤製，外皮酥脆，內部多汁。雞皮的油脂經過炭火的烤製，香氣四溢，絕對是燒烤中的一大亮點。 🔥雞脾肉串：雞脾肉串肉質鮮嫩，經過醃製和烤製，味道濃鬱，每一口都能感受到雞肉的鮮美和炭火的香氣。 🍢明太子雞脾肉：雞脾肉配上明太子的獨特風味，鮮美的雞肉和鹹香的明太子相得益彰，讓人一口接一口停不下來。 🐔明太子薯條：薯條搭配上鹹香的明太子醬，外酥裡嫩的薯條與明太子的獨特味道完美融合，是一道非常受歡迎的小吃。 🍟

話說之前睇左d foodie廣告好似好吸引，所以特登走去試下，點知中大伏！晚上8時左右入座，大部分肉類串燒已賣哂。如司華力腸，腩肉，荔枝豬肉卷。揀無可揀之下叫左個一人餐，點知黎到d串燒，係又燶又乾又鹹………..個燒賣燶左之餘，仲要食到成口一pat粉，只想大叫一聲好難食丫串翠玉瓜同車厘茄就正常味，無咩特別.呢餐真心食到懷疑人生。成餐最好食係個意粉……..上一手主打賣燒雞肉串明明超好食都做唔住，唔知而家呢間可以做到幾耐！

係大角咀呢頭見完客，又係一個人搵嘢食既時候。openrice見到呢間日式餐廳幾吸引，今晚就試下佢餐廳行日式風格，好多日本擺設同畫，環境都好舒服呢cocktail都幾吸引叫咗款桂花威士忌，味道都幾香濃，而且酒味幾重叫咗款香蔥玉子燒，每塊都獨立再香煎過，食落幾香口鵝肝多士有兩大件，配上黑醋汁食落唔會好油膩串燒叫咗明太子雞肉，明太子醬唔少，食落同雞肉幾夾厚燒牛舌調味偏重，食落都唔錯，而且都算厚整體餐點份量唔錯，而且上菜速度都好快，用餐感覺良好餐廳每個月都有飯盒捐贈活動，希望多啲餐廳有呢啲活動幫下基層人士。

大角咀一向食肆林立，多以街坊小店形式經營，美食款式更加多樣性🥰。最近新開咗一間日本餐廳 柳和亭，為食既DuckGor🦆當然要去試下啦😆！店舖裝潢簡約乾淨，座位尚算舒適，食物價錢大眾化，最平🔟蚊串❗️。每枱都放上個燒烤爐🔥，放便保暖啲串燒，夠哂貼心🥰。貼心❤️？點止！90後嘅店主更加會定期派飯1️⃣0️⃣0️⃣份俾持有長者卡🪪嘅公公婆婆，認真有良心🫶。北海道帆立貝 $36帆立貝燒得剛剛好，表面香口，肉嫩鮮味😋。明太子雞髀肉 $24雞牌肉口感爽滑，肉味香濃加上明太子嘅鹹香味😍，味道雙倍提昇，必點👍。無激素雞翼 $22雞皮燒得十分香脆，肉嫩多汁，雞肉味道鮮香，好食😋。黑松露芝士薯條 $30薯條🍟炸得勁香脆，混埋黑松露芝士一齊食，呢個組合基本無得輸🥰。招牌吉列豬里肌拉麵 $85🐖外層炸得十分鬆脆，豬里肌質感緊緻彈牙，肉味香又多汁，配搭爽滑彈牙，軟硬適中嘅拉麵🍜，口感豐富又好味😋。🌟店舖有畫碟服務，而且店主畫得好出色👍，好多圖案都能夠畫到出嚟，出到嚟嘅效果亦非常之好💯。