查理布朗咖啡專門店 (已結業)

好耐冇去过Charlie Brown Cafe啦，冇2年都有1年。对上一次去时都重未装修，今次去到成个门面都唔同左；门面就靓左好多，但系上到楼上觉得细左同冇以前咁靓呢，以前有个小卖部，依家D礼品全部锁晒系柜入面，好似好矜贵咁，购买欲真系大减。不过装修后，多左好多Set Lunch，感觉平好多呢。以前叫个汉堡加个冻饮都过百，依家有SET，有汤有饮品有甜品，加埋一先过百。沙律同汤，南瓜汤黎，好甜好Cream，意外地好饮㖞。沙律落得太多醋，如果可以分开上比客人自己落会好D。2个小朋友叫既汉堡，劲多肉汁，好好味。其实呢，以前黎食过，有次个肉入面重系好生的，仔有少少阴影，每啖都望下个包先，问佢佢先话怕好似上次咁入面系生既冻既。好彩今次完全冇问题，个汉堡煎得岩岩好又劲juicy。好后悔叫左个西冷，唔好食，好多筋，我见隔望枱果块扒靓好多，大块好多的，真系可能系我黑仔。不过冇下次啰，我一定唔会再叫扒，叫意粉或汉堡就算。朋友叫的儿童餐，原来佢系楼下见到个餐牌就被儿童餐吸引左呢。虽然话儿童餐，不过份量唔少，女仕食都100%够饱的。蛋包饭入面系鸡肉杂豆茄汁饭黎，都OK好味。饮品有4杯，不过唔系叫咖啡，沙冰果D就真系差左DD。不过跟餐既，都预左普通到唔可以再普通了。跟餐的雪糕，睇佢好细杯，但份量一D都唔少，因为系实心的，唔系麦记果D中间中空，可惜朱古力酱少左D。朱古力芝士饼，冇乜特别，唔难食啰，但唔会系令人食完想再食的美味。4个人4个餐，人人都饱到漏，每位都系百松D，环境都靓既，都有唔少公仔，只系冇以前咁靓咁舒服既感觉，似番普通餐厅啰。…查看更多

难得姊妹淘一起聚聚，当然要找一间坐得耐又可以影令令相的餐厅！这间餐厅以Charlie brown 做主题，周围都是卡通里的人物，简直是呃like圣地！因为是下午茶的关系，我们没点很多食物，只点了卡邦利芝士意粉，薯角，三文鱼pizza和水果茶！本来对食物没有太高要求，因为觉得环境都这么美了，但是食物却令我出奇地意外，很好味！！！整体来说，虽然餐厅消费比较高，但食物质素是达水准的，和朋友来吃个下午茶，是一个挺好的选择！…查看更多

地点: 北角英皇道406-408号康威大厦地下03号舖 交通指引: 港铁尖沙咀/尖东站 B2 出口, 步行约4分钟 电话: 2366 6315 我超爱snoopy，一直知道有这样一家咖啡厅，终于有机会来体验一下。这家咖啡厅早上八点半就开张啰，开到晚上十一点。此外，这家店还有专门给素食者的选项，餐点旁边还会画小蔬菜唷，超可爱的。 素食者的主菜选项有 大蘑菇汉堡(HKD 98)和杂菜松子仁香草酱扁意面(HKD 76)；另外，三明治、汤品和沙拉有专门给素食者的选项，旁边都会标注小蔬菜，说明是蔬食料理，很贴心。 我今天吃的是 大蘑菇汉堡 (HKD 98)，这是暨 红磡BURGER FACTORY 后，找到第二家超赞的素食汉堡。 今天是帮朋友庆生，只要再加HKD20，就可以在盘子上写字唷~ 甜点上方还有可爱的查理布朗微笑脸，是用巧克力粉画成的；另外，咖啡的奶泡上方也有可爱的SNOOPY图样，看了超开心的，是个超疗愈的咖啡店。 整家店都是SNOOPY相关的装饰，非常开心。可惜这天天气阴阴的，照起来有点暗暗的。 …查看更多

自问系个Snoopy迷，由佢开张到而家都有帮衬。今次真系最失望嘅一次。复活节假未放完，同囝囝黎探下Charlie老朋友，趁未算peak hour，12点几上到黎，仲有大半个场系空嘅，照旧坐梳化睇住卡通等野食。餐汤，几分钟就到左。小食同饭，跟住都到喇。意粉，到埋。不知不觉咁就坐左20分钟。但系口干干，原来个饮品未上。侍应经过，问下有冇漏单。冇㖞！跟住隔离有一台比我早到的，都开始追问佢地杯饮品。佢地一台5个大人加一班小朋，饮品都系未到过。我个心当堂冷左一截。另一边厢，有一台老外，又系食完所有饭餐都未有饮品。结果，成个梳化区，都系食完所有食物未上饮品。最后？张单表示12：28落单，我系13：15上饮品。45分钟等一个饮品，成餐饭揾杯饮品湿下个口都冇。PS 可能间cafe咁多年，真系开始旧，下午30度行入黎，坐左30分钟我仲出紧汗，冷气好弱。下次同囝囝去尖沙咀，可能要动动脑筋去边度食了。…查看更多

今日一家五口去到尖沙咀嘅玩具展同科学馆玩，玩完就梗系要系尖沙咀食饭啦。开头谂红假尖沙咀一定周围都系人，揾位都几难，我地又咁多人。行行下谂起有呢间餐厅，可以比小朋友睇住卡通片同公仔影下相 就一于黎呢度食。烟鸭胸杂箘茄汁意粉：好多汁，佢嘅茄汁又唔系平时d茄汁意粉味，佢加左cream 食起黎就更滑。烟鸭胸都好好味～匈牙利牛肋条配饭：汁就少左d,但牛肋条都好淋，一碟大约有3条，个汁都好浓。另外d配菜系烚左嘅西兰花同杂豆。黑松露鸡肉烩饭：超creamy ，估唔到咁好味，都好多菇，鸡肉又唔会好鞋，饭嘅软硬适中。迷你汉堡拼盘：一个系鸡肉汉堡一个系牛肉汉堡，因为系比小朋友食所以size 刚好，仲配有薯角。汉堡嘅肉唔会好dry，每个汉堡入面有生菜同蕃茄。薯角都好好味。仲伴有沙律菜，有黑醋做酱汁。橙香朱古力：好香嘅橙味，有埋橙皮系入面，个朱古力都好香，但唯一系唔够热。经典朱古力：好浓朱古力味，但系都一样唔够热。我地食左咁多野要5百几，但就系尖沙咀黎讲算平，而且算坐得舒服。…查看更多